تجارب الاعضاء مع شركات التأمين ؟ ( هام للغاية )

[horas3000]

احنا مامنين عند Aig من حوالي 3 سنين و بصراحة معاملتهم نظيفة جدا. دول جم عند البيت هشان يعاينوا العربية قبل اصدار الوثيقة و في خلال ال 3 سنين احتجناهم 3 مرات و مل مرة كانت سهلة الحمد لله. اول مرة والدي حك العربية في علامة من علامات الطريق علي طريق الاسماعلية و لما كلمناهم قالونا نروح ورشة معتمدة عندهم قرب البيت عشان المهندس يقيم الحادثة و لما طلع الموضوع مش كبير قالونا لو تحب تعملوها في التوكيل ماشي بس هتاخد وقت و حيث ان احنا كنا اجازة الوقت كان ضيق فالمهندس في الورشة قال هيخلصها بسرعة فوفقنا و شغلهم طلع نظيف بصراحة و ده تم بدون محضر و المندوب جة براحتة بعد ما سبنا العربية. تاني مرة كانت حادثة جامدة راح فيها الكبوت و فانوس فكان لازم محضر و حسب المندوب اللي كلمناه قالنا خلوه ضد مجهول عشان السرعة و ودناها نفس الورشة و عملوها و ورونا الفواتير بتاعت الفانوس الجديد و اكسواراتة عشان نتاكد انهم من التوكيل (كانت صدمة لما عرفت ان الفانوس كان ب 5000 ج عشان زينون). اما تالت مرة فكانت خبطة في الاكصدام اللي ورة بفعل واحد غشيم مجهول و برضة ودناها نفس الورشة و اتعملت بدون محضر و المعاينة كانت بعدين برضة.

دي تجربتي و رب اكون افدتكم

[boki_shomakhar]

بس على ما اسمع انه لآزم محضر و بلاغ و تطلع انك مش غلطان و تقرير و تصوير و خلافه .
والله اعللم . نرجو التفاصيل لو سمحتم
و شكرا

ده في الشركات التانيه
لكن في كونتكت فعلا ما بيطلبوش محضر غير في حالة فقد الجزء اللي هتصلحه يعني بتعمل محضر فقد بس مش محضر حادثه..وكمان ما بتفرقش مر قد ايه على الحاجه المكسورة او البايظه..

[moatazbunny]

احنا مامنين عند Aig من حوالي 3 سنين و بصراحة معاملتهم نظيفة جدا. دول جم عند البيت هشان يعاينوا العربية قبل اصدار الوثيقة و في خلال ال 3 سنين احتجناهم 3 مرات و مل مرة كانت سهلة الحمد لله. اول مرة والدي حك العربية في علامة من علامات الطريق علي طريق الاسماعلية و لما كلمناهم قالونا نروح ورشة معتمدة عندهم قرب البيت عشان المهندس يقيم الحادثة و لما طلع الموضوع مش كبير قالونا لو تحب تعملوها في التوكيل ماشي بس هتاخد وقت و حيث ان احنا كنا اجازة الوقت كان ضيق فالمهندس في الورشة قال هيخلصها بسرعة فوفقنا و شغلهم طلع نظيف بصراحة و ده تم بدون محضر و المندوب جة براحتة بعد ما سبنا العربية. تاني مرة كانت حادثة جامدة راح فيها الكبوت و فانوس فكان لازم محضر و حسب المندوب اللي كلمناه قالنا خلوه ضد مجهول عشان السرعة و ودناها نفس الورشة و عملوها و ورونا الفواتير بتاعت الفانوس الجديد و اكسواراتة عشان نتاكد انهم من التوكيل (كانت صدمة لما عرفت ان الفانوس كان ب 5000 ج عشان زينون). اما تالت مرة فكانت خبطة في الاكصدام اللي ورة بفعل واحد غشيم مجهول و برضة ودناها نفس الورشة و اتعملت بدون محضر و المعاينة كانت بعدين برضة.

دي تجربتي و رب اكون افدتكم

سورى بجد فى الرد ده بس انا متهيألى انك تأمن فى الورشه احسن بئه وكمان قريبه من البيت

[anderson]

shokran ya momo 3ala el mawdoo3

[joorony]

اخوانى وانا بدور لقيت دليل خدمة التامين على السيارات لشركة اليانز مصر
و انا حبيت اضيفة هنا فى المرفقات للافادة
و ارجو ان الاعضاء يستفيدو منه

ده رابط الدليل
للتحميل اضغط هنا

[mohameduoser]

بس لية مفيش تصليح فى التوكيل مع Aig

[Samir Elshahawy]

بداية لي تعليق علي نتيجة الاستطلاع و هي أنه لايعبر عن الحقيقة , لأن وفق هذا الاستطلاع تصبح "الجمعية المصرية للتأمين التعاوني علي السيارات" هي أفضل شركة تأمين و هذا منافي للحقيقة تماما فهي بكل المقاييس كارثة و ليست شركة تامين و هذا من خلال تجربتي معهم التي سوف أسردها بأختصار علي النحو التالي:

- كنت قد تعرضت لحادث علي طريق السويس نتج عنه تلفيات و أضرار شديدة بالسيارة أضطررت علي أثرها لتغيير (رفرف أمامي يمين + باب أمامي يمين + فانوس أمامي يمين + الزجاج الامامي) بالاضافة الي أصلاح القائم الامامي اليمين
- أجمالي التكلفة من واقع الفواتير حوالي 5000 جنيه شاملة قطع الغيار و المصنعيات و الرش و السمكرة
- بعد معاناة أستمرت 4 شهور تم أصدار شيك يستحق صرفه في شهر مايو القادم بمبلغ 2700 جنيه
- بعد جدل طويل اليوم معهم وافقوا علي أستكمال المبلغ و صرف 150 جنيه فقط (تخيلوا ؟؟)
- مبررهم ان قطع الغيار (فاتورة ضريبية - المقايسة تمت الموافقة عليها قبل بدء الاصلاحات) من خارج التوكيل و سعرها مخالف للقائمة الواردة من التوكيل

هذه المشاركة أردت منها أن أنبه السادة الاعضاء من التعامل مع الجمعية و الحرص عند أجراء أي أصلاحات و يفضل أن تتم بالتوكيل (علشان مايفتحوش بقهم)

[A.Saad]

اخوانى وانا بدور لقيت دليل خدمة التامين على السيارات لشركة اليانز مصر
و انا حبيت اضيفة هنا فى المرفقات للافادة
و ارجو ان الاعضاء يستفيدو منه

ده رابط الدليل
للتحميل اضغط هنا

الرابط مش شغال
ممكن تحط لينك الموقع اللى حملته منه مباشرة

[ashraf122]

السلام عليكم - ممكن يا جماعة الافادة شركة اليانز التأمين كام فى المية من ثمن العربية

[A.Saad]

4.25 بس فاصل
ممكن تاخد خصم 10%

[migasunstar84]

السلام عليكم
ممكن كده نقول مثلا كونكت ولا Aig ولا اليانز وارج مع توضيح الفروق

[bishoy02010]

يا جماعة اولا بشكر صاحب الموضوع الموضوع فعلا أكثر من رائع ومفيد جداااااااااااااااا
وانا عن نفسى قريت ال 14 صفحة تعليق تعليق وبجد بالنسبالى انا شايف ان كونتاكت رقم واحد :)

[eltorky]

موضوع جامد جدا

[Amera]

حد يعرف شركة تأمين اسمها وثاق ؟

حد يعرف شركة تأمين اسمها وثاق ؟ لو حد مأمن فيها ياريت يقولنا عن تجاربة معاها .

[A.Saad]

وثاق دى تامين اسلامى
اصلها كويتى
لسه فاتحة فى مصر 2008
ممكن تاخد سعر لحد 2.25
انا عندى تليفون منتج فيها بس انا خارج القاهرة واستاذنك يوم الجمعة هاكتبوا
بس انا ما بحبش اامن مع شركة لسه جديدة
خصوصا انى قريت على النت ان الشركة الامة خسرت فى 2008