تجارب الاعضاء مع شركات التأمين ؟ ( هام للغاية )

[ehabthefirst]

fiat mitsubishi

[Kate]

مساء الخير

محدش يا جماعة عنده فكرة عن شركة قناة السويس للتامين؟؟

[amir]

من واقع قرائتي للموضوع بأكمله مشاركه مشاركه شايف ان احسن شركتين تأمين هم:
1- كونتكت
2- مصر للتأمين
بس محدش جاب سيره الحادثه الرابعه مع كونتكت ايه اللي بيحصل؟
و هل ده برضو موجود مع مصر للتأمين؟
و ياريت فروع كونتكت و مصر للـامين في القاهره
شباب انا مستعجل و عايز ائمن في اسرع وقت

[a.fouad]

بيت التأمين المصري وحكايتي معاه

السلام عليكم،
الاخوة الأفاضل، كل سنة وانتم طيبين

قبل ما ابدأ احكي عن تجربتي مع بيت التأمين المصري السعودي عايز ابص معاكم على موضوع التأمين من وجهة نظر مختلفة.

أولا، عشان محدش يفهمني غلط انا مهندس إتصالات وشغال في مجال الشبكات، وعندي فيرنا سوداء مأمن عليها في الشركة المذكورة أعلاه.
انا رأيي ان مشاكل التأمين في مصر يتحملها الجانبين (الشركة والعميل)
1- الشركة: في الغالب بتكون عايزةالفلوس في اتجاه واحد بس ---- من العميل إلى الشركة وليس العكس. فبتكون السياسة العامة ليهم محاولة التملص من أي جزء من التكلفة قدر الامكان واستخدام كل الأساليب عشان ده يتحقق. وطبعا الأعتماد على جهل اغلب العملاء بالبنود السرية في الوثائق. حاحة كمان (ودي حسيتها مع الشركة اللي انا مأمن معاها) انهم بيتعاملوا مع العميل في البداية وكأنه صاحب الشركة، لكن لما بييجي يبلغ عن حادث لا قدر الله، بجد بتحس انك متهم بحاجة (تكشير وقلبة وش ومحاولة تزهيق...الخ)
2- العميل: السؤال اللي بس حابب كل واحد يسأله لنفسه هل لو العربية مش متأمن عليها، هتتعامل معاها بنفس الأسلوب بالظبط؟ أكيد محدش بيكون نازل من بيته وناوي انه يعمل حادثة، بس هل بيبذل كل المطلوب منه عشان يحافظ على عربيته، ولا بيقول عادي ما هي في شركة تأمين هي اللي تشيل الليلة؟ وعلى فكرة أنا أعرف اللي دخل بعربيه في سور عشان يغير الاكصدام وشوية حاجات... وأهرف اللي كسر بربريز عربيته عشان كان في نقرة طوبة صغيرة جدا واللي الفانوس اتشرخ فراح مكمل عليه... يعني بحس دايما أننا بصفة عامة بنستخدم بعض المميزات المتاحة لينا بشكل سيء .. اللي بيخليها تتقلب ضدنا مش ميزة لينا.


وعن تجربتي مع بيت التأمين المصري السعودي: انا مأمن معاهم من 12/ 2007 ولحد دلوقتي عملت عندهم حاجة واحدة بس وهي اني نزلت يوم أصلي الجمعة لقيت البربريز الخلفي مفروم ... رحت بلغت، مندوبهم عاين، وقالي اتفضل اعملها وهاتلنا الفاتورة واحنا نطلعلك الشيك بعدها مش عارف باسبوعين ولا ايه... المهم اتفاجأت طبعا ولأول مرة ان الوثيقة فيها نسبة تحمل 4 جنيه في الالف 0.4%من ثمن العربية اللي في الوثيقة (71000) يعني حوالي 280 جنيه طبعا دي كانت مفاجأة ليا... حسيت ساعتها طبعا اني اتنصب عليا...ولو العربية هتتعمل في التوكيل سيادتك تدفع الاول وبعدين هما يطلعولك شيك .... لكن لو هتعمل عند الورش المعفنة اللي هما بيتعاملوا معاها يبقى هما اللي يحاسبوا .... اسلوب حقير بردو

ليا بردو رأي أخير جايز يزعل مني ناس كتير (وخصوصا أصحاب مكاتب التأجير)، انا شايف ان المكاتب دي المفروض يكون ليها معاملة خاصة بأي شكل (نسب تحمل اعلى، مبلغ تأمين أكبر) لكن أنا شايف انه مش من العدل ان العربيات الايجار (وانتم عارفين العربيات دي بيحصل فيها ايه) تتعامل زيها زي عربية واحد بيحافظ عليها جدا (لانها ملكه وهو اللي بيسوقها)

أتمنى ان محدش يزعل مني، ولو رأيي ده زعل حد اتمنى انه يسامحني....ويتحمل راي مخالف لرأيه :)
لسة الموضوع ليه بقية لو أحيانا ربنا

أخوكم مهندس/ أحمد فؤاد

[OlaOsman]

علي كلام الأعضاء انا بفكر مجددش مع الجمعية و أحول مصر للتأمين
إيه رأيكم

متهيألي انت ممكن تفكر في التأمين مع توكيل دايهاتسو يا محمود، فيه ناس كتير شكروا في المعاملة معاهم.

[tutankhamoun]

السلام عليكم و رحمة الله و بركاته

أنا قرأت الموضوع مشاركة مشاركة من أوله إلى أخره
و بغض النظر عن ما هي أفضل شركة تأمين أو ما هي أسوء شركة تأمين .
أرى أن هناك عدم فهم كامل لموضوع التأمين هذا لدى المستخدمين و هم ( نحن ) أصحاب السيارة

أولا السيارة
هي كائن حديدي متحرك و معرض للأضرار أكثر من غيره من الأشياء الأخرى التي نقوم بالتأمين عليها
و تزداد هذه المخاطر بنزول السيارة إلى شارع الفوضى و العك و السبهلله و التخلف ........ ألا و هو الشارع المصري

لذلك نجد مماطلات عديدة من شركات التأمين لدفع قيمة التعويض
و أرى أن معهم بعض الحق في ذلك
أولا
نحن الشعب المصري نستغل أي إمتيازات أسوء إستغلال
يعني تجد فرد قام بالتأمين على سيارته و في نهاية المدة وجد نفسه لم يطالب شركة التأمين بشئ طوال المدة كاملاً
فيقوم بتلف أي شئ هو قام بإستهلاكه حتى يتم تغييره على حساب شركة التأمين ( و أعرف ناس كثيرة تقوم بذلك )
أو قام بركن خاطئ و لم يراعي النظر إلى الشارع و شرخ اكصدام مثلا نتيجة تهوره و لا مبالاته
فيقوم بكسر كلي و عن عمد للإكصدام حتى يحصل من شركة التأمين على تعويض

و الممارسات اللاخلاقية لا حدود لها مع شركات التأمين

و هذا بالإضافة إلى كمية الحوادث التي تحدث في ج ع ع من أفراد الشعب ج ع ع
و تخيلوا معي كمية التعويضات التي تدفعها شركات التأمين نظير الحوادث المهولة التي دخلت بها ج ع ع ( مصر ) موسوعة جينس من حيث أكبر كمية حوادث في العالم

لذلك تجد أن هناك انعدام ثقة واضح ما بين العميل و هو مواطن ج ع ع ( نحن يعني ) و بين الشركة التي تعمل في مجال التأمين و تعمل في حدود دولة ج ع ع

أما بخصوص الشركات التأمينية و ما هي أفضل شركة
أعتقد و الله أعلم أن الشركات التي لها جذور أجنبية ستكون معاملتها الأفضل من حيث خدمة العملاء و خدمة الدعم السريع

و هذا ما أظنه فقط و ليس كلام أكيد حيث أني و الحمد لله لم أطالب شركة التأمين بشئ و أنا مأمن مع الجمعية المصرية للتأمين التعاوني و كان هذا عن طريق توكيل السيارة و هو عز العرب و قالوا لي
أنه في حالة حدوث أي شئ ( لا قدر الله إن شاء الله ) أذهب إليهم مباشرة و لا دخل لي بما يحدث بينهم و كل تعاملاتي ستكون مع الوكيل مباشرة و ليس الشركة المؤمنة
و لكن بصراحة و بعد كل هذه الحكايات و المآسي و المواقف السلبية التي حدثت لأناس كثيرة كانت مؤمنة مع الجمعية

أشعر بالقلق و الخوف
حيث أن الطرق في ج ع ع تمتاز بتواجد الكثير من رجال الأعمال الذين يخشون أن يفوتهم صفقات بملايين الجنيهات بيقودون سيارتهم بطريقة جنونية بغض النظر عن تكلفة هذا الأمر من حيث الحوادث التي يتسببون بها لنفسهم و غيرهم من القلة القليلة البرئية الصايعة اللي ماشية براحتها اللي مش وراهم صفقات بملايين الجنيهات

لذلك فطرقنا ليس التحكم فيها بأيدينا بنسبة كبيرة و إن كان كل شئ في يد المولى عز و جل
و لكن ماذا نفعل ؟؟؟؟؟؟؟
قائدي مركبات مستعجلين و ماشيين بالغرز ( ربنا يأخدهم )
أو سواقين مبرشمين و شاربين بلاوي سودة و مش اشيفين أدامهم

يبقى الحل الوحيد ............ ربنا يستر و يهدي السواقين و يهدي الحكومة علشان تفرمل نزيف الموت و نزيف العملات الصعبة و الممتلكات على الطرق الخاصة ب ج ع ع

و ساعتها لن نحتاج إلى التأمين بنسبة كبيرة كما يحدث اﻵن

وأنا عارف أن مداخلتي دي مش مرتبطة بالموضوع قوي
بس حبيت أوضح وجهة نظري
و ألف شكر لكم جميعا و على وقتكم لقراءة كلامي البسيط

شكرا

[ashraf122]

واقعة ثانية

لانسر 2007

حادث من الامام ادى الى تحطم الاكصدام الفوانيس الشبكة رفرف الردياتير الكبوت والايرباج فتح

تم التصليح فى مركز خدمة معتمد من الجمعية المصرية للتامين التعاونى

ولكن النقطه هنا هى استبدال التاارة باخرى فيها ايرباج يتم بدفع 25%

فى الحقيقه طلبت منهم استبدالها باخرى من غير ايرباج ومدفعتش حاجه

مدة الاصلاح حوالى 28 يوم تقريبا

السلام عليكم ممكن حضرتك تفيدنا عن المراكز المعتمدة لشركة الجمعية المصرية

[hafeztamer]

السلام عليكم ممكن حضرتك تفيدنا عن المراكز المعتمدة لشركة الجمعية المصري

[shahin]

ana 2amnt m3a al2hliia kan maktob fi al 2acema 4% bas al ragl sa7b alma3rad ally mesh 3awez al 0.5 % bta3y we 5alany atfa3 3.5% hal fi 7aga keda? we hal fi sherka asmaha keda

[Amrrr]

توت , انا سألتك مرة يعني ايه ج ع ع وانت مرديتشي علي :k26:!!!!انا فكرت ومش عارف أخمنها :k44:

[نور العمر]

أنا سمعت يا جماعة إن الجمعية المصرية ... أفلست
والاسباب مش متأكدة منها ... بس في حد قاللي اتنشر إن أحد من اعضاء مجلس إدارتها ... هرب بالفلوس .... مش عارفة ده صحيح أم لا
أسعار التأمين ارتفعت إلى 4.25 % من قيمة السيارة
معرفش بعد حالة الكساد وبدء رجوع البنوك تاني لقرض السيارة وضع التأمين زي ما هو أم النسبة قلت.

[zikoziko]

السلام عليكم:
ممكن مساعده الاخوه الاعضاء حيث اننى اشتريت سياره لانسر 2005 وكنت عايز اامن عليها بس معرفش افضل مكان للتامين ايه هو والفلوس اللى بدفعها قد ايه وهل التامين على هذه السياره كويس ولا لأ والتامين بيغطى مصاريف الصيانه الدوريه للسياره ولا لأ وافضل مكان للتامين فى مصر ايه هو.

[mucho]

يعني كده النتيجه في الاخر لصالح انهي شركه
انا راي ان واحد فاضل :) يجمع كل شركات التامين بتفاصيلها ومميزاتها
طبعا موضوع صعب بس لو امكن ان واحد بس يجمع الموضوع ده كله ويبعته هاتبقى المقارنه واضحه وبعدين نحكي عن التجارب
وشكرا

[migasunstar84]

السلام عليكم
أعذروني ولكن لم اتمكن من معرفه تفاصيل مفيدة عن شركة تأمين محترمة و نسبة فائدة بسيطة حتي الان

[abdalla45]

اتصلت اليوم على بيت التامين المصرى السعودى، وقال لو قيمة السيارة عند التأمين 65 الف هتدفع 1900 جنية مرة واحدة............وعند اى اصلاح تدفع 260 جنية مهما كانت التكلفه...............الميزة عندهم انه شرعى تكافلى وليس تجارى............ولكن اعتقد انه غالى شوية ولااية رايكم

غالى شويتين مش شويه بس