الموضوع: اسال ويجاوبك مهندس نجاد من بريدجستون

المشاركة الأصلية كتبت بواسطة negad

اعضاء المنتدى الكرام ...
فكرت ان اسالكم وتجاوبونى أونفكر سويا فى اسباب انفجار الاطارات عندنا فى الطرق السريعة وكيفية تجنب هذا من وجهة نظر كل واحد فينا ؟؟؟؟؟ ما رايكم ؟؟؟
فى انتظار ردكم وليكن اخر موعد لتلقى الاجابات مثلا يوم الخميس الموافق 12 مارس 2009 ان شاء الله
اشكركم جميعا على تعاونكم

المشاركة الأصلية كتبت بواسطة sherif_84

باشمهندس نجاد ازى حضرتك يارب تكون بخير
انا شايف ان اهم الاسباب لانفجار الاطارات هو عدم الاعتمام بضبط الهوا فى الاطارات ضيف كمان المشى على سرعات عالية جدا يعنى اكتر من 120 كم/س على طرق زى بتاعتنا مش مجهزة للسرعات دى ده برضوا بياكل جامد فى الاطارات لان الأسفلت عندنا خشن مش زى بره ومع الاحتكاك العالى مع السرعة العالية بيؤدى لاقدر الله الى انفجار الاطار
وبرضو مستنى رأى حضرتك

المشاركة الأصلية كتبت بواسطة cobraa2008

انا بقول ان السبب في الحوادث يالنسبة ليا
1- الطرق هنا زباااااااااااااااااااااال ة بخلاف طرق الدول الاوربية او حتى الخليجية( بس موش كلها اغلبها)
2- الواحد لما يحس ان الطريق فاضي ويحس بقوة الماتور بينفعل ويطيررررررررررررررررررر وتخ طيييييخ تااااااااخ
والعزاء في مكرم عبيد على طول او في مسجد الشرطة
3- الكاوتش وتغير المقاس بخلاف اللي نزله بيه العربية بمقاسات اخرى خالص (( ومعلومة انابحس النسبة والتناسب في العربيات موش الواحد يعملها بمزاجه بتبقى في حسابات ولا كن هذه الحسابات موش دقيقة)) يا عني الشركة المصنعة لو كانت شافت ان العربية الافضل ليها بهذا المقاس كان تم هذا


وشكرا وده كان راأي

المشاركة الأصلية كتبت بواسطة topgear

الاسباب:
1_سوء احوال الطريق مما يؤدى فى بعض الاحيان الى انبعاج الجنط
2_السرعه العاليه مع اختيار كاوتش غير مناسب لذلك
3_وجود كاوتش قديم ومتهالك
واظن من اهم الحلول :
1-اصلاح حال الطرق السريعه
2_المحافظه على الكاوتش فى احسن حال
واتمنى ان تكون الاجابه صحيحه

المشاركة الأصلية كتبت بواسطة topgear

انتهت المهله
مين يابشمهندس نجاد جاوب صح (علشان الجائزه)
اشكرك ياباشمهندس على اعطاءئى من وقتك وشرحك لى عن المعلومات الخاطئه عن الكاوتش فى مصر بالامس

المشاركة الأصلية كتبت بواسطة y_ammar2000

السلام عليكم ورحمة الله وبركاته
سلام مخصوص للباش مهندس نجاد
ربنا يجزيه كل خير عن شلال المعلومات والخبره التى لا يبخلبها على
اى حد ربنا يجعله فى ميزان حسناتك يا باش مهندس

اولا وقبل اى شئ اود ان اذكر اعضاء المنتدى الكرام انى اقوم بالرد على استفساراتكم واحاول ان ارد عليها جميعا وذلك حسب استطاعتى وذلك لأنى أعتقد أن هذا هو واجبى نحوالجميع ولا يجب أن يبخل احد من الناس بما لديه من علم وهذا هو القصد والنية لله تعالى فلا داعى للشكر ولكم منى الشكر الجزيل وبارك الله فيكم...
أما موضوعنا فلقد لاحظت والحمد لله ان اجابات او رايكم فى اسباب انفجار الاطارت يشمل الكثير مما قد فكرت فيه وكنت انوى الكلام عنه ولكنكم وفرتم على الكلام الكثير والتكرار الممل ولنسرد اهم الاسباب بشكل عام فيما يلى :-
1- سؤ حال الطرق.
2- عدم الاهتمام بالصيانة الدورية للاطارت.
3- جشع "بلية" واعوانه ومحاولتهم الدائمة للاستيلاء على ما فى جيوب المواطن المسكين وذلك عن طريق تخريم الاطارات والاصلاح بالخابور السريع.
4- عدم توافر الميزانية اللازمة لتغيير الاطارت فى الوقت المناسب مما يؤدى لتأجيل الشراء او شراء اى اطار سعره رخيص على حساب الجودة او شراء المستعمل وما يصحبه من مخاطر لا يعلم مداها الا الله سبحانه وتعالى.
5- قلة الثقافة العامة لدى "بلية" الفنى الذى نستقى منه معلومات خاطئة قد تؤدى بنا الى الحوادث والعياذ بالله مثال على ذلك ضغوط الهواء للاطارات فى الصيف يجب ان تقل عن المعتاد بسبب حرارة الجو وهذا الكلام غير صحيح بالمرة.
سوف اقوم بالكتابة عن كل سبب من هذة الاسباب غدا ان شاء الله ... اشكركم جميعا