تقييم الm11 من الاول للاخر

**samehsalem** · 25-09-2014 10:43 PM

زود زيت فرامل اللمبة هتتطفى

**m_elhenawy** · 28-09-2014 02:41 AM

السلام عليكم ورحمة الله وبركاته
موضوع جميل وشامل كل حاجة بس بعد اذنك كان عندي سؤال عن m11 هل هي لسة موجودة بتتباع ولا خلاص اتوقفت وتنصحني بيها دلوقتي ولا لسة زي ما هي من 2009 .. انا بفكر في عربية في حدود 80-85

**egyptian_eagle** · 06-10-2014 01:29 AM

متابع

**hemaa_82** · 13-10-2014 09:08 AM

بسم الله ...

كل سنة وانتم بخير و صحة و عافية ... و عيد سعيد و ربنا يستر علينا و عليكم و يكرمنا بالخير في الايام اللي جاية ...

دبحنا يوم السبت و لفينا بنقاوة و وزعنا اللحمة و الحمد لله ..
روحت نمت السبت زي الخرتيت طبعا ... و الحمد لله
صحيت الاحد خدت الزوجة و الكتاكيت و هب علي الساحل ... صحراوي علمين زي الفل ...
قضيت اسبوع لطيف و الجو جميل والعيال محدش عيي ولا مرض الف حمد و شكر ليك يا رب..
المدام بتاخد لفة وانا جنبها كانت هتركن جوة عربية باسات بس لحقت الهاند بريك و فلت بمعجزة الحمد لله ..
الجمعة من يومين صحينا قفلنا الشقة و لمينا العزال و ركبنا الطريق علي 10 و نص و مشينا العلمين و زي الفل ...
قلت اهدي جنب جامع اصلي الجمعة ..طلع مقفول ... بدوس دبرياج علشان ارجع ازود بنزين لاني مكنتش وقفت .... هوبااااااا .... مفيش دواسة ....

يادي الحوسة ... ده انا لسة مغير ماستر بدال دبرياج ... لحق يضرب؟؟؟؟

المهم ... نطط العربية علي التاني و دور و زك بيها علي التاني و نروح نشوف ....
كيلو ولا 2 و الاقي صف عربيات واقف علشان البوابات اللي علي اخر العلمين ناحية الصحراوي ....
ذل طبعا و تقف العربية بمنتهي الخشونة و ترجع تدور بالنتع علي التاني و وقفت الشارع و حاجة نيلة ....
المهم بعدي ...يا بيه خمسة جنيه ... يا عم هوه ده وقتك ..... المهم وقفت بعد البوابة و شديت هاند ز نزلت رجعتله علشان ادفع .... و رجعت العربية ....
حط تاني ... ادور ...مش راضية تنط ... و البطارية تخستع و انوار التابلوه تطفي ......يادي النيلة ...يعني دبرياج و بطرية .... دانا لسة مغيرها ....
مورت و ادور .... دارت .....ايه بقي شغل العفاريت ده ....
اتاريني في عز لبختي شادد الهاند و انا بنططها فطبعا يا ولداه مكلبشة و مش عارفة تنط ....
المهم ربنا كرم و نزلت الهاند و نططها و مشيت ....
طب هوا انا همشي الصحراوي كله علي التاني ؟؟؟؟ داحنا هنبات بقي ....

قمت مستبيع و دايس بنزين جامد و قمت ناطر الفتيس من التاني للتالت .... الحمد لله نقلت .... طب اديها جامد علي التالت و نطرت من التالت للرابع .... الحمد لله ...

فضلت احرق علي الغيار و انقل من تالت لرابع لخامس و بالعكس و الحمد لله كانت بتنقل من غير خشونة قوي طالاما ماشي بسرعة الغيار....
طبعا علي المطبات و التحويلات كان لازم اقف تماما و اطفي و ادي تاني و انططها من الاول ....

اكلم محمد رشاد .... اجازة
اكلم المتحدة ..... شغالين نص شغل و لو رحت هتبيت ...

وانا مش عايز ادخل وسط البلد من غير دبرياج .....
طب مين تاني شغال ؟؟؟ مفيش ....
يعني لازم اروح اركن ....قلت خلاص بقي ...طالما وسط بلد اضطراري ... كلمت ابانوب .... ايه يا باشا خير ..... شغال يا ابانوب ... اه يا باشا اامر ...... طب يا سيدي انا علي الصحراوي و الوضع كذا ولازم اجيلك تخلصني النهاردة ....صعب يا باشا...لا يا ابانوب .... طب يا باشا خلاص تعالي و مع بعض...

نزلت المدام و العيال عند اختي و نططتها تاني و الحمد لله وصلت عند ابانوب...

بس يا ابانوب انا لسة مغير ماستر الدواسة ..... طب يا باشا هنشوف لان ممكن يكون مش هوة .... نزل تحت العربية ..... اه يا باشا دي المستر التاني اللي جوة الفتيس " بلية الدبرياج بتاخد زيت و بتشتغل كماستر مع الماستر الاول بتاع الدواسة"
طب ايه ..... بص يا باشا احنا هنزل الفتيس .. و البلية كدة كدة هتتغير و نشوف الطقم بقي...
ساعة و ربع لحد ما حلة الفتيس نورت ارض المحروسة ....
الاسطوانة و الديسك كان ممكن يستمروا بس انا فضلت اغير ... ماهوا الفتيس اتفك و خلاص ... بدل ما انزله تاني كمان سنة ولا كام شهر ... نخلص من الوش ده ...
اشتريت الطقم من عند زكي جرجس المحل القديم .... اسطوانة و ديسك و بلية ب 1000 بلبل ....
وابانوب خد 200 بلبل .... و ال2 اللي فكو وركبوا اديت كل واحد فيهم نفحة .... و الحمد لله ...

انا مكنتش مضايق من سحب العربية بصراحة ... بس الاسطوانة الجديدة مخلية العربية بتجري من تحت رجلي بمجرد ما ابدأ اشيل رجلي من الدبرياج ....

نوافيكم بكل جديد

**hemaa_82** · 13-10-2014 09:14 AM

بص الام 11 جميلة فعلا في كل حاجة الحمد لله ... يعني انا لسة مع رأي ....بس هيه صغيرة بصراحة من جوة بالمقارنة مع الانفي و الامجراند ....
انما انا لسة عند رأيي ان الكراسي الامامي بتاعتها احسن من ال2 و اريح في القعدة و في براح الرجلين و الركب ....

من الاخر لو جايب عربية علشان انت تنبسط هاتها ... انما علشان ماما و بابا و مراتي و العيال و تيتة و كدة ... هتتعسف في الزحمة اللي جوة العربية

بتنزل ولا لا ؟؟؟؟ عليك و علي ابو الفتوح يجيبلك من الاخر....

صحيح ال byd ال l3 الناس بتتكلم عنها كويس ...بس انا مش عارف موتورها ال 1500 بتكنولوجيا لانسر زي اللي قبله ولا بتاعهم هما ..... هيه تفرق في انتشار قطع الغيار ....

**m_elhenawy** · 15-10-2014 03:02 AM

تسلم لاهتمامك والرد .. واهم حاجة البريبئ ميكونش لسة مخروم صلحه بقي

**hemaa_82** · 15-10-2014 05:08 PM

ابدا .... هيفضل مخروم...
مفيش زي بريبيء الفابريكة ... حتي لو مخروم :)

**shadymt2005** · 24-10-2014 02:30 PM

الكاوتش الكومهو الفيتنامى عامل معاك ايه ياهيما علشان ناوى انزل اجيبه ان شاء الله

**shadymt2005** · 24-10-2014 02:41 PM

هو سعر ماستر الدبرياج السفلى كام
والماستر العلوى هل المقصود بيه ديسك واسطوانة وبليه ولا المقصود بيه جاجة تانيه.
حاجة تانيه حامل الاكصدام الخلفى بكام. وايه رايك فى حساس الركن الخلفى.

**hemaa_82** · 25-10-2014 01:11 AM

الكاوتش شغال بس اكيد مش هحكم غير بعد الوقت علشان بيبان لما يقدم ....

الجي تي مثلا لن انسي له انه عمل 5 سنين بدون اي شكوي ...فضل طري و فرامله تحفة بس للاسف مش لاقي لغاية دلوقت المقاس بتاع العربية دي ...كنت مركبه في ال 128

بالنسبة لمساتر الدبرياج .....
العلوي اللي هوة ماستر الدواسة نفسها .... كان ب 180 او 200 والله مش فاكر ....من زكي جرجس
الماستر السفلي اللي هوة بلية الدبرياج اللي جوة علبة الفتيس نفسها ....

زكي جرجس بيبيع الطقم كامل "اسطوانة و ديسك و بلية " ب 1000 جنيه ... فاليو منقوش عليه بيناته "منقوش علي الاسطوانة و الديسك " و البلية لوحدها ب 300 تقريبا...
و ده اللي انا اشتريته بناءا عليطلب ابانوب...

امبارح كنت عند ابانوب بغير كاتينة .... و لما سألته اجيب وانا جاي ؟؟؟؟ قالي لو في طريقك انما موجود جنبنا هوه هوه الاصلي ...المهم رحت عند اللي جنبه "اهه بنعرف محلات و نوسع قاعدة بياناتنا " المهم شفت عنده علبة الاسطوانة و الديسك بس ممسكتهمش افليهم ..... الطقم كامل ب 685 و البلية لوحدها ب 285 ... بس ابانوب بيقول ان الاسطوانة والديسك بتوع زكي جرجس انضف .... ان شاء الله احاول ابص علي التانيين دول و احكم

الموضوع: تقييم الm11 من الاول للاخر

LinkBack

أدوات الموضوع

عرض

-

-

-

-

المواضيع المتشابهه

ما هى اخبار الm11

اروح لمهندس الرش الاول ولا السمكرى الاول

اروح لمهندس الرش الاول ولا السمكرى الاول

اركب الفلتر الاول ولا انضف الاول !!؟؟

اوبل فكترا من الاول للاخر

الكلمات الدلالية لهذا الموضوع

المفضلات

المفضلات

ضوابط المشاركة