تقييم الm11 من الاول للاخر

**hemaa_82** · 13-11-2014 10:03 AM

هتبيعها و تركب كريستالة ولا سيفيا؟؟؟؟؟ :)

او فيرنا موديل اقدم منها برضه

والله الحمد لله لا .. لسة معملتش اللي يكرهني فيها .... انا اختي معاها فيرنا احدث بسنة و مبهدلاها عن نقاوة كتير .....

اكيد لو شيلت عامل الفلوس من المقارنة في غيرها احلي كتير ...بس عد فلوس بقي

**hemaa_82** · 30-11-2014 09:15 AM

نزلت عند الملك جبت قربة مية مساحات ل 113 بتاعت اخت مراتي .... ب 75 جنيه

سألت علي مساعدين الام 11 .... قدام ب 450 و ورا ب 400

**samehsalem** · 09-12-2014 02:46 PM

انا عندي مشكلة في التانك مش بيفتح بالشداد بتاعه وشغال مانوال مش عارف بقي الواير باظ ولا الشداد اتكسر ياريت تفيدني باللي حصل عندك ولو زيي قولي اجيب منين الشداد ده

كمان عندي اوكرة باب خلفي بقت سايبة مش بتفتح من برة خااااالص فا ياريت لو حد واجهته نفس المشكلة يعرفني اتصرف ازاي وعملها فين معلش انا طولت بس لبحاجات البسيطة دي مضيقاني جدا جدا

**hemaa_82** · 10-12-2014 09:16 AM

بص يا سيدي...

التنك ..... اللي حصل ان لقيت ان الدراع بشدة مبيفتحش... جيت اشيل الدراع لقيت ودانه مكسورة و السلك سايب .... رحت عند بتاع مفاتيح عمله منين و ربط راس السلك في الدراع و اشتغل ...
بعدها اتكسر ... اشتريت دراع و مركبتوش و فضلت ماشي بالسلك بس "خفيف قوي علي فكرة مش تقيل" و بعدين ركبت انا الدراع الجديد و شغال ....

يعني فك الدراع ..لو السلك بيفتح سليم هتركب دراع و تشتغل ...... الدراع كنت جايبة من الملك في الحرفيين و كان ب 110-125 تقريبا مش فاكر ....

الاكرة ....
عملت معايا كدة و طلع اللسان الجواني كان اتكسر و بتاع البيبان ثبت اللسان بمسمار قلاوظ بسن منبرة لجوة ...المسمار اسود و صغير فمش باين و من ساعتها شغالة ...
بتاع البيبان في الزيتون في شارع نصوح ...حوار 30 جنيه

**hemaa_82** · 15-12-2014 09:38 AM

سألت علي العفشة عند الشيخ طه ...

عنده مساعدين امامي ...جوز ب 450 و جوز ب 650 بيدي عليه ضمان
عنده خلفي ب 380 تقريبا و 450 بيدي عليه ضمان
عنده علبة دريكسيون ب 1300 و ب 1600 عليها ضمان

طبعا الكلام علي عربيتي ... ام 11 او ام 12 يعني ....

ربنا يقرب البعيد و نشوف هنستقر علي ايه ....

بس غالبا يعني ان شاء الله هركب الغالي لانه بالمقارنة بالعربيات التانية برضه لازال رخيص ... بالاضافة ان فعلا حاجة الشيخ طه بتبقي احسن كتير وانا مجربه في المراية ...... الله المستعان و نفيدكم بكل جديد

**hemaa_82** · 15-12-2014 09:39 AM

صحيح ... الشيخ طه فتحوا ورشة صيانة قدام المحل بتاع قطع الغيار في الحرفيين .... و ده هيحل مشكلة انك تبقي عند صنايعي و تحتاج اي قطعة غيار ... وانت عنده طبعا عمرك ما هتتزنق :)

**shadymt2005** · 16-12-2014 12:28 AM

باشا كان عندى مشكلة من فترة ان دواسة الدبرياج وانا على الدائرى سقطت فى الدواسة ورفعتها بقت تمام الحمد الله المهم من فترة دواسة فيه عضة الصبح اول عشر دقائق المهم غيرت الزيت ب توتال 90w80 المهم برضه فيه عضة او عشرة دقائق مرة قبل ما دور رفعت دواسة الدبرياج برجلى اترفعت سنة ومن سعتها والعضة راحت تفسير الكلام ده ايه .

**hemaa_82** · 17-12-2014 09:15 AM

معني ان الدواسة هربت "حتي لو رجعت تاني بعد كدة" ان في ماستر بيهرب زيت .... و غالبا هيبقي بلية الفتيس الجوانية .... و واضح من العضة اللي مستمرة معاك انك هتحتاج تغيرها .....

انا غيرتها و معاها الطقم كله بالمرة "بلية و اسطوانة و ديسك" لما العربية كانت عاملة 80 الف كيلو .... لو انت عامل تقريبا نفس المشوار توكل علي الله و غير بدل ما العضة تأثر علي التروس مع الوقت لا قدر الله

**shadymt2005** · 17-12-2014 10:03 AM

انا العربية عاملة 30 الف كيلو هل ممكن تكون جابت دسك واسطوانة معقولة المهم حد حصل معاه نفس الكلام وراح التوكيل وقالواو ماستر علوى بتاع الدبرياج رايك ايه ياهيما

**hemaa_82** · 17-12-2014 11:55 AM

انا كنت مغيره قبل الطقم كله بكام شهر ....

بس مش عارف موضوع ان الدواسة عليت تاني ده هيبقي هوه ولا لا ؟؟؟

اصل الماستر العلوي ده اللي هوه البدال نفسه ... ف ازاي الدواسة عليت تاني ؟؟

الموضوع: تقييم الm11 من الاول للاخر

LinkBack

أدوات الموضوع

عرض

-

-

-

-

-

-

-

المواضيع المتشابهه

ما هى اخبار الm11

اروح لمهندس الرش الاول ولا السمكرى الاول

اروح لمهندس الرش الاول ولا السمكرى الاول

اركب الفلتر الاول ولا انضف الاول !!؟؟

اوبل فكترا من الاول للاخر

الكلمات الدلالية لهذا الموضوع

المفضلات

المفضلات

ضوابط المشاركة