الموضوع: تقييم الm11 من الاول للاخر

السلام عليكم يا استاذ هيما الواحد بيستمتع جدا وهو بيقرا الموضوع حببني في العربيه دي ولما سقتها اثبتت كلامك ناوي اشتري باذن الله ام 11 2010 فبريكه بره جوه تعمل 49 الف جنيه وماشيه 80 الف كيلو ايه راي حضرتك وتنصحني بايه قبل ما اشتري شكرا مقدما

الاخ اللى هيشترى اسبيرانزا ام 11
انا هضم صوتى لصوت اخ هيما و هاقولك خبرتى البسيطة فى الموضوع لانى اشتريتها مستعمل
خد بالك انك هتدفع نقل ملكية فوق الالف جنيه و يمكن الف و نص
اتأكد من الكاوتش لانك لو غيرته فأقله 2400 جنيه 4 فرد
البطارية
اخر صيانة امتى عشان جايز تكون محتاجة تغيير حاجات كتير سيور و فلاتر و زيت .. كل دى تكاليف بتاع الفين
عاوزك تتأكد كمان من علبة الدركسيون و طلمبة الباور عشان لو فيهم حاجة فدول ب 5000 فى التوكيل و برة حوالى 3000
بس
الحاجات دى هى اللى فيها الافات
بالاضافة للترخيص طبعا
و بالتالى عشان تلمها كلها هتدخلك فى 7 او 8 الاف فوق تمنها عشان ترجع تبسطك بعد ما اللى قبلك خد خيرها

العربية دى زى الفل
و صاجها جامد و متزنة جدا و ممتعة فى السواقة و تسارعها ممتاز
و لو سوقت صح هتعرف تقلل استهلاك البنزين العالى اللى هو عيبها الوحيد
انا حاليا اتعلمت ازاى اعمل بيها6 لتر لكل 100 كيلو لانى بامشى حوالين ال 80 كم/س و الار بى ام ببقى حوالين ال 2000
هتستمتع بيها جدا بجد
و هقولك حاجة
و لو عاوز تشترى صح اشتريها زيرو .. صدقنى افضل
حتى لو هتدفع اللى معاك و تقسط الباقى مبلغ بسيط ..نصيحة انت كدة كدة هتزود على تمنها بعد ما تاخدها
لانك كدة كدة هتجدد فىها فى السنة الاولى حوالى 8 الاف جنيه تكاليف زى ما شرحتلك فوق
و الكلام دا من خبرتى انا شارى من 7 شهور
لو قدرت تجيبها زيرو فدا افضل
و لو جيبتها مستعملة هتفهم نصيحتى دى بعد ما تدفع الصيانات و التجديد
انا كمان مدة كدة هابيعها و اشتريها زيرو

و ربنا معاك

اخ هيما
انا العربية عندى بتزيق و الصوت غالبا من ورا
و روحت لابانوب قالى العربية زى الفل مافيهاش غير تزييق و ودانى لعفشجى يعرفه و العفشجى غيرلى مسمار الميزان قدام ب 60 جنيه و المصنعية 50 بس التزييق ما راحش لانى اعتقد انه من ورا زى ما بسمع
كمان بحس ان فيه صوت رايح جاى كدة و انا ماشى على سرعة و اعتقد انه من العفشة مش من الموتور
هل تقدر تفيدنى فى الحكاية دى

المشاركة الأصلية كتبت بواسطة hemaa_82

بص يا سيدي ...

اللي مطبب اللي كنا بنجرب فيه يعني اللي اسمه بلف الكانستن ... ده خرطوم رفيع خارج من الهيد الفوقاني و داخل في علبة سودا مستطيلة و كبيرة و خارج تاني داخل علي المتور ....
رشاد و ابانوب اجمعوا انه هيوفر في البنزين .... انا مش حاسس فرق ... ولا اداء ولا وفر بنزين

اما بقي بلف السايكون ده اللي هوه في اللينك ده
https://www.google.com.eg/search?q=p...hery+pcv+valve

و وظيفته

Crankcase ventilation system - Wikipedia, the free encyclopedia

من الاخر التحكم في تهوية المتور و تقليل الانبعاثات الضارة ...

طبعا لما طببته حسيت بفرق شاسع لان العربية كانت مخنوقة ...و بعد ما ركبت الجديد محسيتش بتدهور في الاداء .... الاداء فضل كويس باللبلف السليم

اخ هيما
الصراحة مشاركاتك قيمة جدا و انا عربيتى بتبرجل فعلا و مافهمتش غير لما قريت توضيحك
ربنا يجازيك خيراً
انا عاوز بس اقول ان انا قريت وظيفة pcv اللى هو بلف السايكون و عاوز اوضح ان وظيفته مش تحكم بالغازات او تقليل انبعاثات دا مصيبة اكبر

فيه غازات بتتسرب من ورا شنابر الضغط اللى حوالين البساتم و بتنزل تحت -برة غرفة الاحتراق-و تروح محبوسة فى الكايسينج بتاع الكرنك (crankcase )
طبعا بتتحبس و بتعمل ضغط على العمواد اللى بيدور و لازم تتصرف برة المكان دا فورا لانها بتعوق الدوران--مصيبة سودا- البلف دا بقة بيصرفها .. دا وظيفته اساسية للغاية

للى ما يعرفش : غازات العادم و الاحتراق او حتى ابخرة البنزين المفروض انها تخرج من صمام العادم فى قمة غرفة الاحتراق و تروح فى مجمع العادم و منه للشكمان
لكن فى حالة التسرب هى بتنزل تحت البستم و منه للغرفة الكبيرة اللى فيها عمود الكرنك اللى بيدور

مش عارف بقة الموضوع دا ليه موجود فى الاسبيرانزا بس
هل بقية العربيات مبيحصلش فيها تسريب من النوع دا
ولا بيحصل فى كل العربيات و البلف دا صلاحيته مدى الحياة و مش بيحتاج تغيير ابداً

معرفتش ايه سبب التزييق فى العفشة كل شوية دا
فيه ناس كتييرررر بتشتكى منه

ربنا يبارك فيكم شكرا استاذ هيما والاستاذmacathius