قصه نجاح ..وقصص فشل(تجربه حياه)

**eng.octooo** · 20-12-2009 08:01 PM

بس
دقيقه بقااااااااااااااااا
Nabaster هيحكي موضوع البندقيه بتاعته

إحكي ...

هههههههههههههه حجج قديمة صحيح انت كمل الاول وبعدين nabaster يكمل ههههههه قال احكى قال

**A7MED_PHARMA** · 20-12-2009 10:48 PM

صاحبك ..مش الي معاك طول النهار
صاحبك بتعرفه وقت الجد

.
هقولكم
كان ليا اتنين اصحابي ..أحمد وأيمن
فاتحين سايبر شركه مع بعض

كنا احنا التلاته مع بعض طول اليوم.

أحمد ده كنت إتخانقت بسببه (مع اني والله مش بحب الخناقات ) بس لما لقيته بينضرب ..من غير تفكير ,لقيت نفسي في الخناقه
أحكيلكم الخناقه

كنا في شبكه أيمن صاحبنا
كنت لابس بدله وظابط الأداء أوي ..كنت واقف ع المسرح مع العريس وكان معانا أحمد ده
الراجل بتاع الحاجه الساقعه ( طول بعرض) بيطلع صندوق حاجه ساقعه ع المسرح..أحمد كان موطي عشان ياخد منه الصندوق
الراجل واقف تحت ..وأحمد واقف فوق
مش عارف ايه الي حصي بينهم
فجأه
لقيت الراجل ده شد أحمد من فوق المسرح وحدفه على أول صف كراسي الي في وش المسرح..وطبعا كان في ستات قاعده ع الكراسي.
أنا كنت واقف ورا أحمد على طوول
بدون وعي ..الراجل شد أحمد وقعه على الناس ..وقبل أحمد مايلمس الأرض..أنا نطيت من ع المسرح ع الراجل ده..وأخدته ونزلت بيه في وسط الناس والكراسي..نزلت فوقه ..وفي وشه وفي سنانه وفي راسه
الراجل ماسبتوش إلا لما الناس شالوني من فوقه.
أحمد كان قصير شويه وحجمه صغير ..الراجل ده أول ما شد أحمد وحدفه وسط الناس ..أنا مفكرتش..وحصل إلي حصل

.
المهم ...ده كان أحمد إلي إتخانقت علشانه
أحمد وأيمن كان عندهم سايبر
لما أنا إتكلمت على البنت الي كنت أتكلمت عليها قبل كده..وكنت داخل على خطوبه..لقيت أحمد ده قالب عليا 180 درجه
أحمد كان بيحبها
ومش دي المشكله..عرفت ساعتها إن أحمد ده ماستاهلش الي عملته علشانه..المشكله دلوقتي في ايمن
أحمد قال لأيمن ..إن أنا لو دخلت السايبر تاني ..هيفض الشركه الي بينهم
أنا مكنتش أعرف كده
كنت رايح عندهم السايبر عادي..لقيت أيمن واخدني بره وبيقولي عاوزك في كلمتين ياأحمد
..أيمن قالي على الي أحمد قالهوله..
قلتله وإنت رأيك إيه يا أيمن؟؟
قالي :"أحمد معلش ماتجيش المحل تاني "

ساعتها....
ولأول مره دموعي تنزل مني بسبب أصحابي
أيمن وأحمد
كنت فاكرهم إصحاب بجد
واحد إتخانقت علشانه ..باعني لما خطبت بنت هوا كان بيحبها (انا مكنتش اعرف انه بيحبها)
وواحد تاني ..باعني عشان خاطر مصلحته
..
احساس رهيب
واحد صاحبك ..الي انت ممكن تبيع عمرك في ثانيه علشانه
علشان بتحبه
يبيعك ..ولسبب تافه

ساعتها عرفت إن الصاحب ..مش الي يقعد معاك ع القهوه
الصاحب بتعرفه وقت الجد

وبتعرفه على حق

.يُتبع

**eng.octooo** · 20-12-2009 11:19 PM

يبيعك ..ولسبب تافه

المشكلة انك بتدى الناس دى اسرارك وفى الاخر مفيش ضمير انا اتلخبطت ومش عارف اقول اية ؟؟؟؟؟؟؟؟؟؟؟؟؟؟؟؟؟؟

**nabaster** · 20-12-2009 11:23 PM

المشاركة الأصلية كتبت بواسطة A7MED_PHARMA

بس
دقيقه بقااااااااااااااااا
Nabaster هيحكي موضوع البندقيه بتاعته

إحكي ...

احمد معلش

انا عندي بكره شيت لازم اسلمه

ولسا هبدا اكتب فيه

فسيب الموضوع ده لبكره احكيلكم براحتي ان شاء الله

A.Yakout

**A7MED_PHARMA** · 20-12-2009 11:30 PM

المشاركة الأصلية كتبت بواسطة eng.octooo

المشكلة انك بتدى الناس دى اسرارك وفى الاخر مفيش ضمير انا اتلخبطت ومش عارف اقول اية ؟؟؟؟؟؟؟؟؟؟؟؟؟؟؟؟؟؟

ودي برضو مشكله يا أوكتووو
صاحبك ده بيكون جزء كبير من حياتك ..وفي بعض الأحيان بيكون حياتك كلها
معاه أسرارك ..ويعرف الكبيره والصغيره في حياتك
وبتعامله اكتر من اخوك
لدرجه بجد - وبدون مبالغه - انك تبيع عمرك علشانه

تخيل بقا
واحد انت جواك ليه كل المشاعر دي
وفجأه
تلاقي نفسك كنت مغشوش فيك
وإنه كان مصاحبك عشان مصلحه أو منفعه من وراك
زي مثلا لما تكون بتحب واحده أوي ..لدرجه العشق
وفجأه
تعرف إنها كانت واخداك مظهره قدام البنات اصحابها
عشان تكون الدكتور خطيبي ..وعربية الدكتور خطيبي ..والكتاب بتاع الدكتور خطيبي ..وفلوس الدكتور خطيبي ..ووسامه الدكتور خطيبي

.
شوف ساعتها احساسك يكون ايه؟؟؟

شوف التوقيع بتاعي

**A7MED_PHARMA** · 21-12-2009 12:16 AM

احساس صعب اوي يا اوكتوووو
أوي
لكن بالنسبه لبنات كتير ..الموضوع بيكون إثبات لقدراتها ..وإثبات لنفسها انها ممكن تجيب اي حد بمجرد اشاره من صابعها

.
المهم بقا
بدلنا بلد مظاهر
شوفوا الموقف ده واضحكوا معاياااا
والله الواحد ياما شاف في حياته .....

بلدنا بلد مظاهر

اسمعوا بقا الحدوته دي..في كمين في بلد ( بلاش تعرفوها )
المهم
كنت رايح الزقازيق ..من طريق ديرب نجم – الزقازيق
وليد صاحبي كان رايح الزقازيق ..من طريق ميت غمر - الزقازيق
كنا رايحين الجامعه

سواق عربية نص نقل رخم على وليد صاحبي ع الاسفلت ..وليد كسر ع السواق ده ونازل يزعقله..السواق قل أدبه على وليد لدرجه إنه كان هيضربه..
السواق مشي ووليد راح طالع وراه ..وليد كان عارف اني رايح الزقازيق ..إتصل بيا عشان اقابله ع الاسفلت ..ونمسك السواق ده نروقه..قلتله :" إنت فين ؟؟"
قالي :" قبل الكمين بتاع ........,"
قلتله:" يعني قدامك أد إيه وتوصل الكمين ؟"
قالي :" ربع ساعه "
قلتله :" طيب خليك ورا السواق ده ..ولما توصل الكمين هتلاقيني مستنيك هناك"

المهم
أنا من يوم ماركبت عربيات ..وأنا مجنون بحاجه إسمها البادج بتاع النيابه واللوحه السودا.تمام كده
[IMG][/IMG]

كنت لابس بليزر إسود وقميص فاتح ونظاره شمس
كنت لابس كلاسيك –على عكس العاده-.
المهم
لفيت ورجعتله عند الكمين
دخلت على أمناء الشرطه الي هناك ..من غير ما أقولهم أنا شغال إيه..بس سبتهم هما يفترضوا أنا شغال إيه من اللوحه السودا ..وبادج النيابه العامه ..واللبس الكلاسيك
هما طبعا افترضوا اني وكيل نيابه
انا دخلت قولتلهم :" السلام عليكم "
وعليكم السلام إتفضل ياباشا ..إتفضل
المهم
قولتلهم :" اخويا الصغير حصل معاه كذا وكذا وهوا جاي دلوقتي"
جابولي كرسي وشاي
وليد كان ماشي ورا السواق ده ..ولما وصل الكمين ..سبقه ودخل قبله ..ووقف عربيته ونزل سلم عليا قدامهم ..وأنا – بكل تناكه وقنعره – قولت لأمناء الشرطه ..هوا السواق الي هناك ده
تخيلوا بقا
السواق الي كان هيضرب وليد
داخل كمين..لقا وليد بيسلم على واحد لابس مدني في الكمين ..والي لابس مدني ده –انا – بيشاور للعساكر عليه
.
فهمتوا الي حصل
العساكر جابوا السواق وعملوله محضر ومخالفه عكس سير وبهدلوه
والسواق يقولي :" معلش يا باشا ..أخر مره والله..وحقك عليا يادكتور وليد.الي مايعرفك يجهلك..بس خلى الباشا يسامحني"
المهم
انا ماقولتش اني وكيل نيابه ولا أي حاجه
بس دخلت بكل إحترام عليهم
وقولتلهم على الي حصل
وهما حبوا يخدموا ( على اساس انهم كانوا فاكرني وكيل نيابه)

وليد أخد حقه تمام من السواق
وكل مااعدي على الكمين ده ..العساكر يقفولي
أنا طبعا مانستهمش
إديتلهم مبلغ صغير على سبيل المكافأه ليهم
والمبلغ ده أخدته من وليد طبعا

بدلنا بلد مظاهر
يعني ناس كتير بتعمل حركه البادج دي ..ويسوق وكأنه وكيل نيابه أو ظابط..بس بيستعملوها في الغلط....يعملوا بيها فيميه أو يركبوا بيها زينون ...عشان محدش يكلمهم

أنا بقا أخدت حق صاحبي
بالمظاهر برضووووو

.

**ahmedsamir5edr** · 21-12-2009 12:50 AM

wot a gr8 topic a7med.. keep going.. i back u up
but may i add onething ?
use the order u used to do as at the very first beginning
phase after another
dont type what u just remember to maintain the integrity and the continuity of the topic
witth all my regards .. doctor
n btw.. i have a friend with a similar experience like ur medical pharma one
bubye !!

**A7MED_PHARMA** · 21-12-2009 12:55 AM

المشاركة الأصلية كتبت بواسطة ahmedsamir5edr

wot a gr8 topic a7med.. Keep going.. I back u up
but may i add onething ?
Use the order u used to do as at the very first beginning
phase after another
dont type what u just remember to maintain the integrity and the continuity of the topic
witth all my regards .. Doctor
n btw.. I have a friend with a similar experience like ur medical pharma one
bubye !!

شكرا ابو حميد
انا كتبت المراحل ورا بعض في بدايه الموضوع ..واتكلمت عليها بشكل مُجمل ..وشبه تفصيلي
وكده المراحل دي خلصت
أنا دلوقتي بتكلم عن مواقف محدوده حصلت ليا ..وإتعلمت منها حاجات
مهمه

.شكرا ليك ع المشاركه

-

-

الموضوع: قصه نجاح ..وقصص فشل(تجربه حياه)

LinkBack

أدوات الموضوع

عرض

-

-

-

-

-

-

-

المواضيع المتشابهه

تجربه قياده الضفدعه احم قصدي الفوليستر و يا لها من تجربه

قصه نجاح ..وقصص فشل(تجربه حياه) الجزء الثانى

تهنئة للعضو وائل صاحب موضوع قصه نجاح ..وقصص فشل(تجربه حياه) بمناسبة افتتاح المحل

حد يعرف نيسان ماكسيما الجديده خش وشوف سيارة نيسان ماكسيما .. من نجاح إلى نجاح

الكلمات الدلالية لهذا الموضوع

المفضلات

المفضلات

ضوابط المشاركة