أكمل أكمل
ياريتني اقدر اتكلم زيك كدا
رقم العضوية : 16690
تاريخ التسجيل : 19Aug2008
المشاركات : 9,439
النوع : ذكر
الاقامة : الـــــ زقا زيـــــــ ق
السيارة: Classic BMW-79
السيارة[2]: Nubira-auto
دراجة بخارية: CBR600F4I-2006
الحالة :
خلصت تانيه طب..وكان معايا مواد
مش تقصير في المذاكره والله..بس بجد مكنتش حابب الكليه
وكنت كل مره أقعد مع دكتور بشري..يعقدني في الكليه دي أكتر وأكتر
المهم
العامل النسائي في الموضوع
كان معانا بنت زميلتنا ..كانت بتسأل عليا على طوول
وكل شويه تديني ميسدات وكده..اتعلقت بيها شويه..وكانت لما تشوفني في الكليه ..تجري عليا وتسيب صاحباتها ..وتقعد معايا اليوم كله..جوا المدرج وبره المدرج ..وفي الكافتيريا كمان ..حتى في المشرحه
احساسك لما تلاقي حد مهتم بيك ..وتحس انك مهم عند حد..احساس جميل اوي
فضلنا نكلم بعض حوالي سنه..وبعد كده لقيتها قلبت عليا ..لما لقت واحد زميلنا تاني تكلمه
اخر مره ...كنت اتصلت بيها بالتليفون ..مردتش عليا..ماجاش في بالي اي حاجه خالص عادي يعني
تاني يوم في الكليه..لقيتها واقفه مع واحد زميلنا تاني..وبتضحك وبتهزر
ماحاولتش اكلمها ...وهي كمان ماحاولتش تكلمني
حاجه ظريفه بقا حصلت في الكليه..كان البنات بتوع تمريض بياخدوا محاضرات في نفس مدرجات طب..بنت منهم عاكست واحد زميلنا مره( كان واد مز مز ..طول بعرض وعضلات ) الواد راح شاتمها ومهزأها جامد
تاني يوم
لقينا شاب مسخوط ورفيع ( شكله صايع صرف ) حالق كابوريا ولابس عشرين خاتم في ايده.وشكله بيئه
الواد جه اتخانق مع زميلنا في الكليه عشان خاطر خطيبته ( البت راحت قالتله انها اتعاكست)انا وقفت اتفرج عادي...وقولت ان زميلنا هيطحنه بصابعه الصغير ..مع فرق الطول والعرض والعضل الواضح بينهم
لكن في ثواني ..وقبل ماحد يلحق يعمل حاجه
الموس طلع ...وزميلنا وشه جاب دم ..والواد الصايع ده اختفى
شغل محترفين...!!!!!!
رحت مره سهرت مع جماعه اصحابي في امتياز
كانوا واخدين نبطشيه ليل..
فجأه
دخل بنتين ( بنات بلدي) مش Class ..فاهمني...؟؟؟
بيشتكوا من مغص في معدتهم
العيال الدكاتره اصحابي بصوا لبعض ..عادي جدا..وواحد قال.مين عاوز يروح..واحد منهم قام ودخل معاها غرفه الكشف.
المهم
واحد منهم بقا فاهمني ..قالي بالظبط:" البنات دي عاوزين ......., وبييجوا هنا يلقحوا جتتهم على دكاتره الامتياز ..وبشكل قانوني ..بتاخد الي هيا عاوزاه..يعني تقوله ..المغص هنا يادكتور ..وهنا يادكتور."
الي يعيش يااااااماااااااا يشوف
والشباب غلابه
ايامها بقا
الدنيا الي انا دخلتها دي خدتني اوي
بقيت مهمل شويتين في علاقتي بربنا
وبقيت بخاف أوي
كنت مسافر في عربيه بيجو ..والسواق كان بيجري زي الاهبل وعمال يعمل غُرز ع الاسفلت
كنت هموت من الرعب..وأقوله بالراحه يا أسطى..بالراحه يا أسطى ..هتموتنا
وقفت مع نفسي ساعتها لحظه
انا طول عمري بسافر ..وطول عمرهم السواقين بيسوقوا بالطريقه دي
إيه الجديد
الجديد اني بقيت بخاف اني اموت..
زمان لو كان مكتوب ليا اني اموت..كنت بكون عارف اني لسه مصلي الظهر –مثلا- ومش عليا فرض فايت
دلوقتي
لو هموت..
انا عليا الظهر والعصر والمغرب لسه ما صلتهمش
وبقالي يومين ماركعتهاش
بقيت بخاف اوي من السرعه...
عشان كنت بعيد عن ربنا أوي..أوي
..........................
خلصت تانيه طب ودخلت تالته
دخلت تالته طب وأنا كاره الكليه بالي فيها
فاكرين ليه.؟؟؟
عشان كنت فاكر اني هغير الكون ..واني هقلب موازين الطب في العالم كله..كانت احلام عبيطه وماتت..انا كنت داخل الكليه عشان خاطر بابا كان عاوز كده..انا كان نفسي ادخل فنون جميله من الأول ..الكل قال عليا عبيط .وقالولي :" فنون جميله ايه دي الي عاوز تخشها ..هتشتغل بيها إيه يا حمار..مدرس رسم؟؟"
ايامها كان ليا ابن عمي في صيدله..فتح صيدليه وهوا في الكليه وكانت حياته حلوه خالص..
وفجأه
لقيت كام واحد من دفعتنا بيحولوا من طب لصيدله..؟؟؟؟!!!!!!!!!!!
استغربت
وقعدت مع ناس كتير منهم ..اقنعوني لاسباب كتير اوي ( مفيش مجال لذكرها دلوقتي) ان مستقبل الصيدلي أحسن من مستقبل الطبيب البشري
حسبتها
انا لسالي في طب 4 سنين
لو حولت صيدله هيبقوا 5 سنين
يعني في سنه واحده زياده...
الله المستعان
وأخدت قرار اني مش هكمل في طب ..واروح صيدله
وسبت الموضوع بيني وبين نفسي لحد أخر تالته ..وهعرف اهلي بالقرار ده بعد كده..
كنت ساعتها لسه في بولاق الدكرور
وكنت لما أحب أخرج أشوف ناس نظيفه بجد..كنت أعدي المزلقان بتاع شارع ( ناهيا ) عشان تلاقي نفسك في جامعه الدول العربيه
وما ادراك ماجامعه الدول العربيه
اظنكم كلكم عارفين
..
.
كنت عرفت بنت من بولاق الدكرور..كان اسمها هند
رحت معاها مره الاهرام..كانت اول مره اشوف الاهرام
وركبنا خيل..هند دي كانت عسوله خالص
كانت ساكنه في البيت الي جمبي .وكانت البلكونه لازقه في البلكونه
كانت في نص الليل ترمي المشبك من بلكونتها ..عشان اطلع البلكونه
وكنا نرغي طول الليل في البلكونه..
كانت بنوته طيبه اوي
بس كانت من بولاق الدكرور ..وكان لها اخ ..اعوز بالله منه
شمام ..شمام
دي كانت تجربه- مش عارف لو ينفع اسميها كده ولا لأ-بس كانت حاجه صغيره كده
حاجه مش لها لزمه
المهم
السنه خلصت..وكلمت الحج اني هحول صيدله..
ابويا راجل ديموقراطي جدا
هوا طبعا زعل
بس مكنش ينفع يقولي لأ
خلاصه المرحله دي
لازم قبل ماتاخد قرار ..تدرسه كويس أوي ..عشان ماتندمش عليه بعد كده
القرب من ربنا بيريح..ويخليك دايما مطمن ومرتاح
معظم قصص الحب في الجامعه بتكون فاشله وبتكون تفريغ عاطفي لشباب في سن المراهقه
الحجم غير مهم بالمره ..المهم المهاره( يعني الكيف أهم من الكم)
وزي ماانتم عارفين :"أحب ماتعمل ..حتى تعمل ماتحب ..والعكس"
[rmade]http://im58.gulfup.com/qswdwL.jpg[/rmade]
رقم العضوية : 20232
تاريخ التسجيل : 26Sep2008
المشاركات : 2,000
النوع : ذكر
الاقامة : Ca!ro
السيارة: So0N
السيارة[2]: Gen.2
دراجة بخارية: ........
الحالة :
أكمل أكمل
ياريتني اقدر اتكلم زيك كدا
إلى القمهmusiccairo سابقا
رقم العضوية : 13237
تاريخ التسجيل : 19Jun2008
المشاركات : 1,304
النوع : ذكر
الاقامة : Nasr City
السيارة: ^بتاعت الحاج^
السيارة[2]: Hyundai Verna 2007
دراجة بخارية: No
الحالة :
قصص جميله جدااااااااااا و معبره يا ريت تكمل
رقم العضوية : 16690
تاريخ التسجيل : 19Aug2008
المشاركات : 9,439
النوع : ذكر
الاقامة : الـــــ زقا زيـــــــ ق
السيارة: Classic BMW-79
السيارة[2]: Nubira-auto
دراجة بخارية: CBR600F4I-2006
الحالة :
حولت صيدله
وكان التفكير..أروح صيدله القاهره ولا الزقازيق( بلدنا الاصليه)
استقريت مع اهلي اني هروح صيدله الزقازيق
ودخلت صيدله الزقازيق...
يعني واحد المفروض واحد في رابعه طب..قاعد في المدرجات مع بنوع اعدادي صيدله...تحس انك ابوهم
بابا اشترى اول عربيه لينا كان دايوووو لانوس 99
دي صورتها
[IMG][/IMG]
المهم
أهلي كانوا لسه في كفرالشيخ ..عشان بابا مكنش لسه طلع ع المعاش..وانا رحت قعدت في بيتنا الي في البلد لوحدي..واخدت معايا العربيه..عشان اساسا بابا مش بيعرف يسوق ..ولا عاوز يتعلم السواقه.
تخيلوا بقا
شاب 21 سنه ..في بيت طول بعرض لوحده..معاه عربيه ..ودكتور
احنا اساسا من الفلاحين ..من قريه تبع الزقازيق في الشرقيه
انا كنت بروحها بس في الاجازات..فجأه لقيت نفسي مقيم فيها.
الفلاحن مش وحشين..بس طريقه تفكيرهم غالبا بدائيه ..وغالبا فاضيين يجيبوا في سيره الناس
انا طبعا كنت حديث المدينه ( اسف .. حديث القريه)
احمد راح ..احمد جه ..احمد لابس مش عارف ايه..احمد بيكلم مش عارف مين ..احمد عنده ايه ..احمد عربيته ايه..
وشغل فلاحين
طبعا اصبحت قُطب في البلد..لكل الشباب اصحاب المصالح
الي عاوز يستلف فلوس ..والي عاوزك تيجي تزف واحد صاحبه في فرح ..والي عاوز يستلف منك بدله أو جزمه أو قميص
المهم
لقيت فجأه ليا أصحاب كتير...منهم الي اخترته ..ومنهم الي فرض نفسه عليا..
انا من طبعي بتكسف اوي من الناس
يعني مثلا ..من الناس الي فرضوا نفسهم عليا ..اتنين منهم قعدوا معايا في ليله..ومش عاوزين يروحوا
انا عاوز انام ..وهما قاعدين يسمعوا فيلم ع الكمبيوتر بتاعي
فضلت صاحي جمبهم ..عشان مكسوف أقولهم يروحوا
وده طبعا غباء مني جدا..وهعلق ع الموضوع ده في اخر الموضوع ده
شوف بقا الناس قالوا عليا إيه.؟؟؟
عشان قاعد لوحدي...يبقا بتاع بنات
عشان معايا فلوس...يبقا بتاع حشيش
عشان عندي عربيه ..يعني صايع وبيلف طول النهار
كنت بروح الصيدليه بتاعة ابن عمي اقف معاه..
وعشان بكلم الناس بزوق جدا ...قالوا عني اني بتمحك في البنات (بالذات)
سبحان الله
وعشان احنا من عيله ميسوره ..قالوا عني مغرور ومتكبر
.
.
.
اول ايام ليا في البلد
كنت راجع من الجامعه-العربيه مكنتش معايا يومها-واحد شافني ع الموقف..وقفلي وركبت معاه
كان اسمه عيد..وكان سالف العربيه دي عشان فرح اخته..كانت مرسيدس حاجه وتمانين..المهم
عيد باشا نزل بينا في ترعه صرف صحي( صرف صحي)
العربيه نزلت مايله على جمبها في الطين..مايله ع الجمب الي انا كنت فيه.
انا وشي يومها اتخرشم لما راسي اتخبطت في القايم بتاع العربيه..وكل هدومي شربت ميه الصرف دي
نزلنا من العربيه ..على شط الترعه دي..وقلعت هدومي ونزلت تحت أول طرمبه ميه ..أغسل جسمي
العربيات بتاعه الخط ...تعدي..الناس تنزل تقف شويه تتفرج ع الحادثه
ونفس التعليق من كل واحد ينزل
" دي عربية السيد البرعي "
ويستغربوا شويه ..ويمشوا
محدش حتى جه يطمن ع الناس الي كانوا ف العربيه..
طبعا الفلاحين الي كانوا موجودين ساعتها ..وقفوا معانا ..وحطوا هدومي في شوال ..ولبسوني جلابيه فلاحي مقطوعه..
ومشيت بالمنظر ده لحد البيت..وقعدت ساعه تحت الدش أحك في جسمي.
بعدها بشهر واحد
دخل الشهر الكريم
كان صابح تاني يوم في الشهر الكريم..
دخلت نمت الساعه 12 بالليل...صحيت الساعه 1 على ريحه دخان شديده في الاوضه الي انا نايم فيها...المكوه كانت شغاله ( نسيت افصلها) والهدوم كان على طربيزه المكوه
الله اعلم ايه الي حصل بالظبط...؟؟!!!!!!!
المهم
صحيت كانت النار ماسكه في هدومي الي على طربيزه المكوه وفي السرير الي جمبي..جريت على الجنينه شديت خرطوم الميه..سحبته لحد الاوضه وحاولت اطفي ..النار كانت بتزيد..وانا لوحدي في البيت بالليل
الدخان بقا مالي البيت ...وصهد النار بدأ يحرق في وشي وجسمي..قلعت الهدوم الي انا لابسها( الي فوق بس ) وبليتهم ميه من الخرطوم الي في ايدي..وغطيت بيهم وشي.
الدخان كسر قزاز البلكونه الي ع الشارع ..والدخان خارج من البيت بشكل مرعب
واحد معدي بالصدفه ..شاف الدخان
الميكروفون بتاع الجامع نده ..حريقه في بيتنا
الناس اتملت ..وكسروا الابواب ودخلوا عليا وانا تقريبا كنت خلصان خالص
شالوني بره البيت وطفوها هما
.
.
.
الي يضحك بقا
بعد حادثه العربيه ..في ناس كانت بتحلف اننا كان معانا بنات في العربيه وكنا شاربين
وبعد حريقه البيت ..في ناس برضووو حلفت ان ساعه الحريقه ..4 بنات خرجوا يجروا من البيت عندي..(على اساس ان انا سوبرمان ..4 بنات مره واحده)
.خلاصه المرحله دي
اتعملت افرق بين الصاحب الحقيقي ..وصاحب المصلحه
اتعلمت انك تعمل الي انت عاوزه ..طالما انه صح..وملكش دعوه بكلام الناس عشان ماتتعبش
اتقي شر من احسنت اليه
اتعملت ان الناس بتشوف الحاجه زي ماهما عاوزين يشوفوها ..مش زي ماهي في الحقيقه
[rmade]http://im58.gulfup.com/qswdwL.jpg[/rmade]
رقم العضوية : 974
تاريخ التسجيل : 16Jun2007
المشاركات : 1,370
النوع : ذكر
الاقامة : شبين القناطر -قليوبيه
السيارة: كده رضا
السيارة[2]: Lanos
دراجة بخارية: njbkjb
الحالة :
بجد بتمني اني اشوفك في مقابلات المنتدي
يا ريت تكمل و متتأخرش علينا
رقم العضوية : 17822
تاريخ التسجيل : 03Sep2008
المشاركات : 2,037
النوع : ذكر
الاقامة : cairo
السيارة: .
السيارة[2]: .
دراجة بخارية: .
الحالة :
كمل يا احمد..............متابع
kkkkkk_kkkkkk سابقا
رقم العضوية : 20232
تاريخ التسجيل : 26Sep2008
المشاركات : 2,000
النوع : ذكر
الاقامة : Ca!ro
السيارة: So0N
السيارة[2]: Gen.2
دراجة بخارية: ........
الحالة :
ههههههههههههههههههههههههه هههههههه حافظهم
إلى القمهmusiccairo سابقا
رقم العضوية : 14275
تاريخ التسجيل : 06Jul2008
المشاركات : 3,032
النوع : ذكر
الاقامة : cairo
السيارة: MERCEDES 190 D
السيارة[2]: SPERANZA A 516
دراجة بخارية: ------------
الحالة :
متابع باهتمام شديد
عضو 6 ابريل و افتخر !
6 Of April Member & Proud !
رقم العضوية : 16690
تاريخ التسجيل : 19Aug2008
المشاركات : 9,439
النوع : ذكر
الاقامة : الـــــ زقا زيـــــــ ق
السيارة: Classic BMW-79
السيارة[2]: Nubira-auto
دراجة بخارية: CBR600F4I-2006
الحالة :
اول حاجه
أنا بشكر كل المتابعين ليا
شكرا بجد ياشباب
.......................
....................................
انا بس كنت عاوز أكمل شويه تفاصيل في إلي أنا حكيته لحد دلوقتي
.
.
يوم بعد يوم احلامنا بتتغير ...وبتموت
الواحد ياامااااااا حلم بأحلام جميله..لكن دايما ييجي الواقع يديك على قفاك..ويقولك :" انت اهبل يااااااااد ..انت بتحلم ..انت عبيط؟؟؟"
ودي مشكله
مش مشكله بس..والله ياشباب مصيبه
الاحلام اساسا هي المحرك الاساسي لافعالنا
يعني واحد اسمه أحمد خريج علوم بقا أحمد زويل .. بحلم
ونجيب بقا نجيب محفوظ ..بحلم
احنا احلامنا بقت مقتوله.
شباب انا بجد مخنوق..تعرفوا
ساعات الواحد بيخاف يحلم ..عشان مايرجعش يتحسر على احلامه
.
يعني لما دخلت طب
كنت بحلم اني –بجد – هغير وجه الطب في مصر والعالم كله.كان عندي ثقه في نفسي ملهاش حدود
دخلت الكليه ..لقيت في العملي بتاع الكليه ..ماسكين كراسه وبنرسم خلايا..وبنلونها ..والي مايجبش علبه الالوان ..بيتخصم منه درجات ف العملي
كان في زحمه مره في سكشن عملي هيستولوجي ..ورئيس القسم مش عارف يعدي من زحمه الطلبه ..راح ماسك عصايه ونزل ضرب فينا عشان يعرف يعدي
ده كان استاذ دكتور رئيس قسم .. واحنا كنا طلاب اولى طب القصر العيني
شفتوا المصيبه الي وصلنا ليها
[rmade]http://im58.gulfup.com/qswdwL.jpg[/rmade]
رقم العضوية : 13262
تاريخ التسجيل : 19Jun2008
المشاركات : 973
النوع : ذكر
الاقامة : Alexandria
السيارة: Not yet
السيارة[2]: KIA Picanto 2008
الحالة :
موضوع جامد اوي .. متابع والله وحاسس ان حياة شباب مصر - نوعا ما- متشابهة في نقاط كتير
المفضلات