الموضوع: قول رأيك او حل ينفع فى مصر لزحام المرور

المشاركة الأصلية كتبت بواسطة memo_hefnawy

مبدأيا الأمل من عند ربنا لأن بجد كل يوم عمالة من أسوأ لأسوأ و محدش عايز يحلها رغم إن الحلول متاحة بس لأسباب أمنية و لأسباب فسادية محدش عايز يحل

شوف هاقولك:

1- تعديل قانون المرور و جعله قانون صارم عقوباته قاسية رادعه

2- قبل تعديله لازم نحط قانون مكافحة فساد وحدات المرور و أمناء الشرطة و نعمل جهاز كامل مهمته هى الرقابة على المرور

3- ممكن أوى نجيب شركة محترمة تمسك موضوع التخطيط و النقل و يكون عليها رقابة محترمة برده

4- عمل تفتيش مفاجئ و دورى فى الشوارع على أى سيارة مخالفة لشروط الأمن و المتانة تتسحب ويتم عمل تقدير لتكلفة إصلاحها و إذا كان عايز صاحبها يستلمها يروح يستلمها بدون نمر ولا رخص و يدفع غرامة

5- أى سيارة راكنة صف تانى تتشال و لو كانت بتاعت وزير الداخلية

6- سحب كل الأوتوبيسات و كل وسائل المواصلات القديمة و فتح قسم جديد فى شركة النصر تحت إدارة أجنبية من شركة عالمية لتجديد و ترميم السيارات المتهالكة أو تحويلها لخردة أيهما أوفر

7- منع وسائل النقل الثقيل من صعود كوبرى أكتوبر

8- عدم إعطاء تراخيص بناء بأى شكل من الأشكال داخل القاهرة منذ الآن و حتى عام 2030 و فى المقابل أى أرض فضاء تؤجر من أصحابها و يتم تحويلها لجراج متعدد الطوابق على أن يكون تكلفة البناء على شركة مسؤلة عن إدارة و إقامة الجراجات و فقط و فى المقابل صاحب الأرض تعطى له الدولة أرض بديلة فى أحد المناطق الجديدة التى يختارها و يكون له نسبة من أرباح هذا الجراج

9- يتم تكهين أى سيارة فات على عمرها أكثر من 25 عام مع إعطاء صاحبها إعفاء جمركى كامل على سيارة أخرى يتم إستيردها و عمرها لا يزيد على 8 أعوام و سعة الموتور لا تزيد على 1600 سىسى

10- يتم وضع ضوابط صارمة على الورش و مراكز الخدمة للسيارات و معايير جودة صارمة

11- إنشاء مدينتين كاملتين للصيانة و لقطع الغيار

12- إلغاء مدارس المرور الحالية و إنشاء مدارس جديدة صارمة مشابهة لمدارس التعليم فى أمريكا ذات قواعد صارمة

13- تدريس سلوكيات القيادة السليمة فى المدارس الإبتدائى و الإعدادى

14- إنشاء جهاز رقابى كامل على مرور و شوارع القاهرة بكاميرات المراقبة و من خلاله يتم محاسبة أى سائق أرعن أو أمين شرطة متسيب و أيضا توجييه الطرق نحو الطرق الأقل إزدحاما

15- عمل محطات للميكروباس و الباص و التاكسى و منعهم من الوقوف فى أى مكان بمخالفات رادعه و كله متصور


- بجد مش فاكر حاجة تانى دلوقت بس دوول إللى جم على بالى بس إحنا نطبق نصهم

- انا معاك بس تهكين العربية بعد 25 سنة قليل ممكن بعد 30 سنة ممكن
-وبعدين كمان ممكن نطلق فى الشوارع كمان عربيات ملاكى فيه ناس تبع المرور متخفين وسط الناس ويقدروا يسحبوا رخص العربيات المخالفة اللى بتقف فى نص الشارع , وبكدا اى واحد سايق حيخاف يقف فى اى مكان مخالف عشان لحد يطلعله من تحت الارض
-حاجة كمان , وهى نقل كل الورش الصناعية الكبيرة الى اماكن فى المدن الجديدة على غرار سوق العبور كدا
-حاجة كمان بردوا سرعة مد مترو الانفاق الى المدن الجديدة
-نقل المصالح الحكومية الى المدن الجديدة عشان ميحصلش تكدس فى منطقة وسط البلد
-زيادة بناء الجراجات سواء من الحكومة او من الجهات الخاصة والسماح لاى شركة تريد تبنى جراج وتوفير الامكانيات ليهم
-وبردوا يرجع قانون تانى يملك الساكن فى اى عمارة فيها جراج من تملك وحدة فى الجراج اللى فى العمارة من غير ما صاحب العمارة يبيع ويشترى فى الوحدات دى لاى حد غريب اى استثمار الجراج الى مخزن , وحضرب مثل انا عندى فى حدائق الاهرام شراء وحدة جراج ب20 الف جنية مش ده حرام بالزمة