الموضوع: يا فضيحتك يا تويوتا!!! تحيا كيااااا

يا دكتور متهيالى انك دكتور صح ولا انا ناسى المهم الفرق بين السحب والاصلاح انى لو سحب يبقى حيدى عربيه بدالها انما الاصلاح حتاخد عربيتك تانى وفى خلال نص ساعه متهيالى الفرق واضح كده ليك يا دكتور ثانيا مش من حقك تتهمنى بالسذاجه للدرجه ديه انى اصدق كوم والورق وانا حر اصدق او ما اصدقش برده ديه حاجه ترجعلى انا واحب ااقول لحضرتك انى قريت نفس الكلام بتاع تويوتا فى كل المواقع هما نزلوه فقط فى الملحق فقط انما مش قصدى على مواضيع او اراء الساده المحررين فى العمود بقى واحب اطمنك انى بابى الله يرحمه مش كان شريك فى تويوتا ولا اونكل شريك فى تويوتا علشان ابقى متضامن معاها انا اشتريت تويوتا بعد عمل سرفى كامل فى السوق وبناء على نصيحة الاخوه هنا انى ابعد عن الشبهات أخترت المانيوال لتجنب صعوبة استعمال الام ام تى فقط وليس لعيبه لانه خالى من العيوب وده من كلام ناس معاها العربيه وباشوفهم فى الصيانه رابعا اعتقد حضرتك بتمشى فى الشوارع زينا بحكم انك خبير كبيير وكده وعقبال ماتقبض بس من الشركات الكوريه يارب كده اشوفك خبيييير هناك ده لو انا نزلت من يابانى لكورى
من خلال كلامك يا خبير واضح انى كل الشركات ذات الاقتصاد القوى امثال شركات البترول اللى بتشترى تويوتا سواء ميكروباص او عربيات للمديرين ساذجين هما كمان وبيصدقوا اى حاجه وسع افقك يا اخى سورى يا كتور شويه وخلليك محايد انا ححكى لحضرتك موقف بسيط جدا وده يمكن يزعل حد من الاخوه هنا بس اعذرونى وسامحونى انا باشتغل فى شركه بترول اميريكيه هنا فى مصر ومن اهم شروطهم فى عربياتنا الامان التام وليهم مواصفات معينه للعربيات اشد من مواصفات حماية المستهلك اللى بنسمع عنها ولا تطبق هنا فى مصر(وده فى حالة لو هما اللى حيجيبولى العربيه على حسابهم او لاى زميل تانى كل اللى انا عملته عملت زيهم بالظبط فى الاختيار بمعايرهم هما انما الفلوس من جيبى الخاص والحمد لله) ولما نويت اشترى مديرى سالنى ناوى على ايه قلتله ايه رايك قال لى انا مش اعرف حاجه عن موديلات الشرق الاوسط تماما اى نوع سياره كورى نهائى لدرجة انى اضطريت اشرحله ومن خلال صور فى النت على العربيات الكورى فى مصر وافرجه من الشباك على العربيات اللى ماشيه طبعا هو بيشوفها وهى ماشيه انما يجهل الاسم وبقاله عشر سنين فى مصر رد عليا وقاللى انه لا يعرف شئ غير تويوتا وبيجو فقط وده رايه قاللى وبكام بقى العربيات ديه قلتله السعر او الاسعار متوسط مش حقول لحضرتك رد قاللى ايه علشان مش عاوز مشاكل هنا او اضايق حد لان ده رايه الشخصى وانا كنت راكب كورى وما زلت اكن كل الاحترام لهيونداى ملك الصناعه الكوريه فى مصر او هو اللى نجحها على الاقل وبعد كده كله بدا ينهج نهجه
فى الاخر يا دكتور واضح يا دكتور انى مفيش مجال للكلام تانى بيننا وسامحنى لو كنت زعلتك من كلامى بس اوعدك انى لن اشارك فى اى موضوع لحضرتك او اى موضوع الاقى حضرتك مشارك فيه ويمكن اسيب لحضرتك المنتدى كله خد فيه راحتك على الاخر مع اعتذارى التام لادارة المنتدى واشكر كل من ساهم رايه فى مساعدتى فى شراء سيارتى الكورولا العروسه الغاليه ذات المهر الغالى
اسف وأشكر مرة تانيه الجميع وسوف اتحول لمتفرج بدل ما يقال عنى متضامن انا الحمد لله برده ليا مركزى وبشتغل سواق ميكروباص على كرولتى (انت فاهم طبعا قصدى بيها ايه) يعنى محدش بنام من غير عشا
كان معكم المتضامن مع تويوتا اخوكم وائل عبد الرازق وبدون القاب لان الالقاب ليس ليها مكان بيننا هنا اللى بيننا هنا الاحترام مع تبادل الخبرات بشكل حضارى بجد انا اتعلمت من المنتدى ومن وحوش المنتدى كتير واوعدكم العربيه الرابعه حتبقى برده من خلال خبراتكم ومن ارائكم المفيده
السلام عليكم ورحمة الله

المشاركة الأصلية كتبت بواسطة ahmed samy

كويسة ليس سحب ولكن اصلاح فقط دي

أمل هايصلحوها ازاي ؟؟؟؟؟؟

ثانيا بقى

هو حضرتك بتصدق اي حاجة من كومة الورق اللي بتتباع كل جمعة و سبت دي؟؟؟

من غير ما اقراها لأني مبطلها من زمان

ملحق الأهرام و الأخبار هي مقالات مدفوعة الأجر يا عزيزي

يعني لازم يقولوا تويوتا أجدع ناس و 100 100 و ياريت تشترو كمان و كمان

أما لو كان مفهومك عن الخبراء مثلا زي الأستاذ أظاظا يبقى أنا كمان خبير و خبير جامد ...بس ما باقبضش لسه




هي دي نقطة كلامي الأساسية

في ناس مش قادرة تطلع من بقها انت تويوتا غلطت

ولو غلطت يغمضوا عن الغلط و يسقف بحرارة للإصلاح الإجباري

ليه ده كله ؟؟؟ ليه مش قاد تقتنع انهم بني أدمين بيغلطوا

والدنيا كلها مغلطاهم

انما لو حد هنا في مصر اتكلم عن جلالة التويوتا يبقى "استفزاز"

هو حضرتك ليه متضامن مع تويوتا قوي كده ؟؟؟؟؟



يعني

اصحاب الكيا اللي في الموضوع متعصبين

أولا في فروق شاسعة بين الموقفين :

1 - العيب الأولاني سحب 8 مليون عربية و حاجة عالمية مثبته بدلائل
2- العيب التاني بقى جوز عربيات اتقلبوا (في مصر بس) منهم واحد بيجزم انه عيب سواق

وبدون أي دليل و لا توثيق اللهم الا محض فرض.

ده غير ان حضرتك كده بتفترض محض جدل اننا لو حصل كده في كيا هانقول عيب سواق ؟؟

ماشي خليها عيب سواق في دي كمان ..زي ما الفتيس mmt طلع برضه عيب سواق :oc_sun1[1]:

يا ملاك الـ8 مليون تويوتا ...لا تدعسوا يقسوة على بدال المسرع

المشاركة الأصلية كتبت بواسطة atrees

صباح الفل يا hobiko روق كدة انتوا ناس زي الفل وبعدين المشادات فيالمواضيع دي لازم تحصل - ناس بتدافع وناس بتقول رايها - عادي يعني - عموما تويوتا وهوندا شركات محترمة وكمان هيونداي وكيا

عموما انا ملاحظ حاجة غريبة في ملاك العربيات في مصر وهي الطبقية الرهيبة - يعني بتاع الالماني يقول علي الياباني دي عربية وشركات زبالة والياباني يقول نفس الكلام علي الكوري - بس الاكيد فعلا ان مش اعربيات هي اللي بتحدد مستوانا الاجتماعي والمادي لكن اعكس هوا الصحيح وبكدة لا تيوتا ولا هوندا ولا كيا وهيونداي تعتبر شركات محترمة من غير عملاء محترمين وملاك يعملوا وزن للعربية في السوق

عموما كل شركات العربيات في العالم بتنتج السيارات دلوقتي بخامات اقل جودة من سابقا يعني مش الكوري بس هوا اللي بينتج بخامات ضعيفة - يعني تعالي قارن ال بي ام دبليو موديل 80 بالمنتج الجديد حتلاقي ان بي ام بقت زبالة مقارنة بانتاجها السابق -


وعجبي عليكي يا بلد ليها مقايس وافتاءات لا يوجد مثلها في العالم المتقدم وكل دة عشان ابقي راكب عربية لا شاركت في تصميمها ولا اعرف فيها اية واقولك العربية دي وحشة - اصلها مش زي عربييييييييتييي

عتريس باشا حضرتك راجل زي الفل و أنا موافق على كل كلامك

المشاركة الأصلية كتبت بواسطة TeMoON

تحياتك عل ىالعين والراس يا بشمهندس بدام مش عاوز تكون اخ فاضل ويكون ليا االشرف دا فى اننا نكون اخوات ماشى يا سيدى براحتك والى انت عاوزة واحنا هنا اصلا مش كلنا اخوات ولا انا بيتهيئلى

واضح اني أسأت فهم حضرتك يمكن كلمة أخ في العامية أحياناً بتتفهم غلط و دة إلي خلاني أرد الرد دة على حضرتك

بس أنا فعلاً عمري ما إتعوجت على حد عشان أنا مهندس و لو دي نيتي كنت على الاقل كتبت في nick name بتاعي أو في خانة البيانات أو حتى في التوقيع

بس نظير إحترام حضرتك دة احنا فعلاً كلنا هنا إخوات

تقبل فائق تحياتي المرة دي

المشاركة الأصلية كتبت بواسطة ahmed samy

ماشي خليها عيب سواق في دي كمان ..زي ما الفتيس mmt طلع برضه عيب سواق :oc_sun1[1]:

أحب أزود كمان عيب علبة دركسيون السريون الياباني عشان واحد صاحبي في بالي

السلام عليكم اسمحولى اشارك برأى الشخصى المتواضع
انا مش شايف اى مشكلة تيوتا اكتشفت عيب وبتصلحة دى شجاعة منها وكمان حقوق المستهلك هناك بتعرف تجيب الحقوق
واصلا انا بالرغم من ان عربيتى كيا يعنى مش تيوتا ولا حاجة بس العنوان صعب ومحتاج يتغير لانة شكلة تشفى واللى انا اعرفة ان تيوتا دى شركة محترمة بشهادة الجميع وانا هنا بتكلم على الشركة الام مش توكيل مصر لانى عمرى ما اتعملت معاه صراحة