الموضوع: يا فضيحتك يا تويوتا!!! تحيا كيااااا

المشاركة الأصلية كتبت بواسطة Ahmed Samy

و بعدين ؟؟؟

هو كده hobiko كسب المناقشة ؟؟؟؟؟

انا هاعد على ابوعبدالله لحاد 10

واحد ....اتنين ...تلاتة ....اربعة


هاكمل عد بكرة

انت بتهدي النفوس يا احمد انا عارف

المشاركة الأصلية كتبت بواسطة abo samra

مع احترامى لحضرتك
الطريقه التى يتم احتساب chance of rollover خاطئه 100% والارقام المحسوبه كلها مشكوك فى صحتها بل هى كلها غلط 100%
ليه بقا !!!!!!!


SSF = T/2H
T ده عرض العربيه
و h السنتر بتاع لجاذبيه

وبعدين تدخل chart وتحدد نسبة rollover كام فى الميه
كلام جميل يعنى علشان نقلل نسبة rollover نذود عرض السياره ونقلل السنتر بتاع الجاذبيه يعنى العربيه تبقى منخفضه اكتر ...........اووووك
كدا فعلا بنقلل نسبة انقلاب السياره
الاختبار ده ما يعرفش ان لكل عربيه تصميم عفشه مختلف ومساعدين وذنبركات ........الخ غير التصميم الايروديناميكى لكل سياره مختلف عن الاخر ومن ثم تختلف قدرة المركبه على مقاومة الهواء فى السرعات العاليه


مثال:
مين قال ان السيراتو زى البى ام دبليو الفئه الثالثه(ايه الفتى ده)

لو بصيت على العربيتين هتلاقى الاتنين chance of rollover للاتنين = 10%
static stability factor= 1.44 وده اللى بتدخل على ال chart علشان تجيب chance of rollover
يعنى السيراتو نفس ل stability بتاعة الفئه الثالثه وده طبعا ما حصلش ولا يحصل اساسا حتى لو فى حلم مممممممم اقصد كابوس

مش بس كدا ده انت هتلاقيهم قايلين ان chance of rollover للجيتا هو نفس بتاع الكورولا = 12% يعنى الجيتا والكورولا ممكن يتقلبوا والسيراتو لا
المرسيدس c class 10% وكمان static factor 1.43 يعنى اقل من السيراتو
يعنى المرسيدس c class ممكن تتقلب يا عالم والسيراتو لالالا
انا على فكره كمان ما اتكلمتش عن اختبارات ال safety اللى هيا ايضا بالمناسبه خاطئه 100%
نصيحه اخيره وياريت حضرتك تتقبل كلامى بصدر رحب
لو حضرتك عجباك السيراتو يبقا ربنا يباركلك فيها ويكفيك شرها بس بلاش تقارنها مع عربيات تانيه عارفين انها فى فئه سعريه مختلفه..........
يعنى النيو سيراتو عربيه حلوه جدا وكمالياتها رائعه وشكلها جميله جدا ولكن ده بالنسبه للشريحه السعريه اللى فيها لان الغالى ثمنه فيه وابو قرش مش زى ابو قرشين ابدا ومن ثم فالكورولا فى فئه سعريه اعلى من السيراتو حوالى 35 الف جنيه ومن ثم المقارنه بينهم لا تجوز
يعنى انا لو معايا من 110 الى 125 هجيب سيراتو
ولو معايا من 145الى 160 يبقى هجيب كورولا
وانا بصراحه كان معايا كورولا وجربت السيراتو كتير ولو حضرتك حبيت تعرف ايه التبرير للفرق فى السعر بينهم ممكن اقولك
ده غير ان فى مصر بالنسبالى حاليا
الصينى<الكورى<اليابانى <الالمانى
تقبل تحياتى
م: احمد ابو سمره

اتكلم من هنا للصبح والله يا ابو سمره
مفيش فايده
يا راجل ده كلام
عاوز تقول ان الكلام مش مظبوط يبقى اكيد عندك مشكلة يا ابو سمره
متتعبش نفسك انت قول اللي عندك وخلاص لأن واضح ان فيه ناس مش قادره تفهم ومش هتفهم

المشاركة الأصلية كتبت بواسطة EGYCARS

طبعا أنا مش مع تويوتا و لا هيونداي و لا كيا و لا حتي تاتا
أنا بس عندي سؤال بسيط؟

ياتري لو في مشكلة في كيا - هيونداي - شيري - بريليانس و زيهم كتير من اللي انتوا عرفيننهم
الوضع كان هيبقي ازاي؟
ياتري برضه كانه هيسحبوهم من السوق؟
ياتري كانوا هيخسروا مليار أو اتنين عشان يحافظوا علي اسمهم؟
ياتري كانوا هيقولوا مش مشكلة الأسهم تنزل الأرض بس اسم الشركة يرفرف في السما؟
و أسئلة كتير زي دي ... أكيد انتوا كمان عارفينها

الموضوع مش موضوع حكومة أو شركة أو حتي مسئول
الموضوع ببساطة هو اعتراف بخطأ و دفع تمن اصلاحه
و المستفيد الوحيد هو المستهلك .. و لا ايه؟
و بعدين حد سمع ان في شركة كوري أو صيني أو هندي .... إلخ اعترفت بمشكلة عندها؟
ماهو مافيش حد ماعنوش مشاكل (غير مصر طبعا عشان مصر عمرها ما كان عندها مشكلة!)

ياجماعة الموضوع مش هجوم علي حد أو شماته في حد ... بس لازم في النهاية نعترف ان في شركة بتتبع القوانين و الحقوق "أيا كان السبب بقي حكومة - شكاوي - قضاء أو غيره" ... و في دول كاملة كل هدفها تغزو العالم بمنتجات أصلا معيوبة

انت عارف حضرتك لو هما عملوا زي تويوتا كده ايه اللي هيحصل
بكل بساطة هيقفلوا بعدها عالطول لأنهم مش هيقدروا على حجم الخساير ومش هيقدروا يعدلوا العيب في كل انحاء العالم بالشكل ده

المشاركة الأصلية كتبت بواسطة Ahmed20_08nubira

والله انا شايف ان الشركه عملت الصح وخدت العربيات بدل ما الناس تشربها...مش احسن من غبور اى حاجه على اربع عجلات والسلام

المشاركة الأصلية كتبت بواسطة Sharky

ما هو الكلام دا حصل مش بمزاجها
دا حصل بعد ضغط من الحكومة الامريكية و التهديد بعقوبات
يعنى مش علشان سواد عيون المستهلكين

لو كان بمزاج الحكومة الأمريكية
مكنوش سحبوا في اوروبا اللي مالهاش علاقة بالحكومة الامريكية
او بالشرق الأوسط اللي برضه مالوش علاقة بالحكومة الأمريكية أيضا

المشاركة الأصلية كتبت بواسطة sharky

و ولو كان بمزاج تويوتا ليه ما سحبوش السيارات اول ما الحكومة الامريكية قلت ليهم
و ليه الحكومة الاميريكة حتنزل عقوبات على تويوتا لتأخرها فى حل المشكلة و سحب السيارات ؟؟؟

ايه الكلام الكبير ده
ممكن لينك يا شاركى باشا بالكلام ده
تحياتى

المشاركة الأصلية كتبت بواسطة sharky

أقرأ أهرام الجمعة بتاع إمبارح

او ممكن تشوف اللينك دا منقول منه
http://www.nilemotors.net/nile/123271-a.html

متهيألي يا احمد الموضوع واضح انه بعد اعتراف تويوتا بالمشكلة وبدأ السحب
يعني ده شئ تابع لسرعة حل المشكلة
يعني الاحداث كالآتي :
1- تويوتا اعترفت بالمشكلة
2- تويوتا بدأت طلبات سحب السيارات
3- تويوتا اعلنت عن التصليح
4- الخبر اللي انت بتقول عليه حتى لو تابعت التواريخ هتعرف ان موضوع الحكومة ده جه بعد ده كله واكيد لازم مؤسسة زي دي هيكون لها تصريح زي ده حتى لو تويوتا بدأت التصليح ومفيش اي تقصير برضه لازم تصرح لأن دي شغلتها

الفيصل في الموضوع ما بعد التعديل وليس قبل التعديل
وانا أظن ان تويوتا مش بتهزر اكيد
ولكيد هتعمل كل حاجه ممكنه لتحافظ على مكانتها لأن مش من السهل على شركة زيها كده ان يحصلها كل الكلام ده
واظن ان احنا هنا اللي المشكلة مش عندنا مكبرين الموضوع قوي ووصلناه ان الشركة بتنتهي مع ان مفيش اي دليل على كلامنا هنا

انا لا اقلل من حجم العربيات ولا اقلل من المشكلة
ولكن متهيألي انت وناس اخرين وصلت الكلام الى ان الشركة بتنتهي وهو ده اللي بتكلم عليه
خصوصا ان العيب ده عدد العربيات اللي حصل فيها العيب كما قرات 10 حالات من الملايين اللي اتسحبت
يعني انا بعتبر سحب العربيات ده شئ احترازي اكتر من انه عيب حدث في كل العربيات او اغلبها
ومش هنتكلم بقه في مسألة ان امريكا طبعا دي فرصة لها انها تخسف بتويوتا الأرض لأن دي مصلحة لها بكل المقاييس ولجنرال موتورز نفسها

وبعدين هل ترى انه من السهل على شركة انها تسحب كم العربيات ده كله في نفس الوقت
اكيد شئ مش من السهل ان شركة تاخد قرار كده لوحدها
بمعنى
ان ممكن تويوتا علشان متأثرشي على سمعتها ومكانتها ومبيعاتها
كانت تحل المشكلة بشكل تاني يعني مش كله مره واحده
ولكن زي ما انت بتقول ان الحكومة الأمريكية ضغطت والكلام ده
يعني ممكن كانوا يسحبوا العربيات بطريقة متسلسلة مش مره واحده

وأخيرا برضه ده شئ يحسب لها بجد وان كنت مش مقتنع بان الحكومة الأمريكية هتخلي تويوتا تسحب العربيات في باقي انحاء العالم وهذا ليس له علاقة بامريكا ولا من سلطات الحكومة الامريكية
ولكن ده ان دل فبيدل على مدى احترام تويوتا وخوفها على سمعتها وده شئ اكيد يحسب لها
فمفيش شركة شغاله علشان الناس ومش شغاله علشان نفسها اكيد ولكن يجب ان تكون المصالح متبادلة وليست من جانب واحد فقط وهو ده اللي تويوتا بتعمله