الموضوع: يا فضيحتك يا تويوتا!!! تحيا كيااااا

المشاركة الأصلية كتبت بواسطة hobiko

طيب حلو أوي

بصو كدة دة لنك لفيديو بيكلم عن (NHTSA (National Highway Traffic Safety Adminstration

http://www.nhtsa.gov/staticfiles/DOT...a/ODIvideo.wmv

عن تاريخها و دورها و طبيعة شغلها بس الأهم من دة كلو حاجتين

١) في حتة في الفيديو بيكلم فيه على انهم بيستقبلو بلاغات من المستهلكين الأمريكيين لو في حد عند مشكلة ليها علاقة بالسفتي و يحققو فيها و لو فعلاً اكتشفو إن المشكلة دي عيب صناعة بيجبر الصانع على إنو يصلح المشكلة أو يسحب العربيات

٢) في حتة من الفيديو بيضرب مثال على البلاغات إلي استقبلوها و حققو فيها و اثبتوا انها عيب صناعة فعلاً و بيقولو رغم انها تبان مشكلة بسيطة بس هي مشكلة فعلاً كبيرة تسببت في حوادث مميتة

المشكلة دي ببساطة ذي ما هو باين و واضح و مش محتاج جدال في الفيديو مشكلة سجاد الدواسة إلي بيخلي دواسة السرعة تعلق و إلي بينتج عنها تسارع غير مرغوب فيه (out of control)

أظن الكلام واضح تويوتا تم اجبارها على سحب السيارات المعيوبة و هي معملتش كدة بمزجها ولا عشان خاطر عيون المستهلك ولا عشان هما عندهم جناحات بيضا و فيه دايرة صفرة فوق راسهم



كلام sharky كلو مظبوط أنا ساعات بيتهيئلي لو الخواجة تويوتا نفسو جه قال للناس أيوا احنا غلطنا غلط كبير و الحكومة الأمريكية هي إلي اجبرتنا على سحب السيارات برضه مش حيصدقو

هو انا لما شفت اللنك دا قولت فية انهم هيشردو تويوتا بس غلطة الدواسة الى بيقولو عليها هنا فى عديد قليل من العربيات وعدد لا يذكر ولو دا كان حصل لسيراتو كنتم هتهاجمو وهتردو على الناس الى مهاجمة السيراتو زى ما انتم بتهاجمو تويوتا وهتقولو هى كام سيراتو ماشية فى العالم عشان تحصل المشكلة دى واكيد دى غلطة سواق واتم بتتكلمو فى عربيات ماشية من 3 سنين يعنى لو صاحب السيارة اهمل السيارة وفيها حاجة بايظة وما صلحهاش هيقولو بردو عيب تويوتا عشان الحكومة الامريكية عاوزة تضعف تويوتا عشان تاخد المركز الاول مكانها تانى ولو اى شخص راح اى توكيل هيلاقى عربيات مدغدغة ومتكسرة ولما تشوفها هتقولو هو مفيش غير هيونداى الى عاملة حوداث او فولكس او دايو او اى شركة تانية وهتقول دا عيب تصنيع ولما العربيات السيراتو الى كانت جديدة ومتخبطة وكانت مرمية ادام التوكيل ولما حصل هجوم على توكيل السيراتو فى عربياتة مش شالو العربيات وخبوها من العملاء بالله عليكم انتم عملتم زى الى بيتلكك على اى حاجة لارضاء شيئ ما فى نفسكم مع التحفة الفنية بتاعتكم الى معاكم عشان عاوزين تحسو انها احسن من تويوتا وهوندا ومن اليابان نفسها واظاهر ان انفلونزا التعصب اليابانى اتنقلت واصبحت التعصب الكورى حاليا واستحالة تتساوى كوريا صناعة السنين القليلة التى مضت بالصناعة اليابانية التى صار بدأ مشوارها من بعد الحرب العالمية حتى اليوم فا لاتستوى الخبرات ولا تستوى الصناعات ولا تستوى السيارات نفسها

ولان احنا بشر ومش معصومين من الخطأ لازم احنا كابشر نصنع عربيات فيها اخطاء وسواء رئيس تويوتا اتأخر او ما تأخرش مش مشكلة بالنسبالى لان لو انت قرات اللنك الى ارسلة ابو عبدالله كنت عرفت انهم كانو بيجهزو للمشكلة من قبلها لعملية السحب ولان المشكلة دى حصلت فى عدد بسيط من السيارات مش كل السيارات وبالعكس قامو بسحب 8 مليون عربية لاعادة تصليح العيب فى وقت واحد يعنى لو كيا الى فيها العيب دا هتعمل كدا والله ما كانت هتعمل زى تويوتا وتسحب 8 مليون عربية فى وقت واحد لاعادة تصليحهم وما تنسوش يا اخوانا يا مالكى الكورى ان كوريا بتصنع عربياتها على حس التكنولوجيا والصناعة اليابانية يعنى لو ماكنش فى اليابان ماكنش هيكون فى كوريا يعنى الشركات الكورية بتشترى التكنولوجيا من اليابان
ومن الامثلة الموتور بتاع هيونداى cvvt مين الاصل فى صناعتة مش هوندا
وعلى المعلومات الى عندى شركة هيونداى دى كانت فى الاصل فرع لشركة هوندا فى كوريا فا حصل مشكلة بين الشركة الام والمصنع الكورى ليهم وانفصل عنهم واصبحت هيونداى شركة مستقلة من بعدها
فا اهدو كدا وخفو الهجوم عن تويوتا لانها فى الاول وفى الاخر شركة محترمة وبتحترم عميلها والحكومة الامريكية ورا الضغط دا عشان تضعف مستوى شركة تويوتا امام العالم كلة وليست امريكا فقط حتى تستعيد قوتها فى احتلال المركز الاول فى مبيعات السيارات فى الشركة الى هى شريك فيها وهى جنرال موتورز

وبالنسبة ليك يا اخ hobiko لما تحب تعلق على كلامى تبئة تعلق على كلامى كلة مش الجزء الى يعجبك وتعمل علية المشكلة وتسيب الجزء الباقى الى موضح اساس المشكلة

صباح الفل يا hobiko روق كدة انتوا ناس زي الفل وبعدين المشادات فيالمواضيع دي لازم تحصل - ناس بتدافع وناس بتقول رايها - عادي يعني - عموما تويوتا وهوندا شركات محترمة وكمان هيونداي وكيا

عموما انا ملاحظ حاجة غريبة في ملاك العربيات في مصر وهي الطبقية الرهيبة - يعني بتاع الالماني يقول علي الياباني دي عربية وشركات زبالة والياباني يقول نفس الكلام علي الكوري - بس الاكيد فعلا ان مش اعربيات هي اللي بتحدد مستوانا الاجتماعي والمادي لكن اعكس هوا الصحيح وبكدة لا تيوتا ولا هوندا ولا كيا وهيونداي تعتبر شركات محترمة من غير عملاء محترمين وملاك يعملوا وزن للعربية في السوق

عموما كل شركات العربيات في العالم بتنتج السيارات دلوقتي بخامات اقل جودة من سابقا يعني مش الكوري بس هوا اللي بينتج بخامات ضعيفة - يعني تعالي قارن ال بي ام دبليو موديل 80 بالمنتج الجديد حتلاقي ان بي ام بقت زبالة مقارنة بانتاجها السابق -


وعجبي عليكي يا بلد ليها مقايس وافتاءات لا يوجد مثلها في العالم المتقدم وكل دة عشان ابقي راكب عربية لا شاركت في تصميمها ولا اعرف فيها اية واقولك العربية دي وحشة - اصلها مش زي عربييييييييتييي

المشاركة الأصلية كتبت بواسطة sharky

ابو عبدالله
إجابة سؤالك لو راجعت مشاركاتى حتلاقيها مكتوبة
ان الناس بره بتلوم على رئيس تويوتا تاخره فى الإعتذار
يعنى إعتذاره دا برضه لم يرضى الناس بره لإنه جه متاخر :)

ابو عبدالله ش عيب ان تويوتا تفكر فى الربح و دا الطبيعى
لكن الغريب ان يبقى العالم كله بيتكلم انها اتأخرت فى الإعتراف و حل المشكلة
و حل هذه المشكلة تم تحت ضغوط خارجية و احنا هنا فى مصر نقول انه تم بمزاجها
خلاصة الكلام
انا جبت لك كلام موثوق عن تأخر تويوتا و الضغط عليها من اجل حل المشكلة
و تويوتا ماطلعتش نفت الكلام دا
فى حين اين الإثبات ان تويوتا حلت المشكلة بمزاجها و مش بالضغط ؟

يعني علشان افهم بس
المشكلة دلوقتي ان الأعتذار جه متأخر ولا انهم اعتذروا وعملوا ده كله تحت الضغط
انت هتنقلني بين حاجتين ليه
انا سؤالي واضح واجابتك دي ليست على سؤالي
في النهاية سواء بضغط او من غيره
هو اعتذارهم الرسمي وفي منتدى زي دافوس اللي كل العالم بيتفرج عليه
مين اللي اجبر رئيس تويوتا كلها انه يعتذر في محفل عالمي زي دافوس
قولي برضه امريكا .......

وفي كل الاحوال مش هتفرق كتير المهم عندي ان الشركة لم تتهرب وبتحل المشكلة برضه وكل ده والمشكلة بالنسبة لباقي شركات العالم تعتبر شئ هين خصوصا ان حوادثها لم تتعدى 10 حالات ضمن 8 مليون عربية اتسحبت وفي سنوات مش من شهرين عملت الحوادث دي

المشاركة الأصلية كتبت بواسطة hobiko

:c_laugh[1]:

أعصابك بس اهدى شوية احنا عايزينك

لما تجي ترد على كلام حد موثق و بدليل و علمي و منطقي حاول إن كلامك يرتفع للمستوى دة

و بعدين أنا أعلق على إلي أنا عايزه شئت أم أبيت

و أنا مش أخ أنا مهندس

تقبل تحياتي

مش بقولك كل اناء ينضح بما فيه
انا رايي تشوفلك منتدى مهندسين افضل لأن اظن الغالب هنا ليسوا متخصصين ومهندسين
وانما هواه
فلو حضرتك شايف ان مستوى الناس هنا مش اد كده انصحك انك تروح تقدم في اي شركة الماني او ياباني علشان ياخدوا بخبراتك هناك افضل من انك تتعب نفسك في الكلام مع ناس ليست على المستوى المطلوب لحضرتك

المشاركة الأصلية كتبت بواسطة Beeso

يا جماعة أنا احب بس أقول لكم هل حد في المنتدى هنا صاحب شركة تويوتا أو كيا أو هوندا أو حتى عنده اسهم فيهم أكيد لأ يبقى يارييت نخلي كلمنا على مستوى عالي وبلاش نتخانق مفيش مشكلة أبدًا من اختلاف وجهة النظر طالما كل واحد بيحترم رأي غيره

والله مافي حاجة تستاهل كل ده

وكيا اجدع ناس

أنا مش قصدي إني أسيء لحد معين على فكرة بس احنا كلنا ساعات بنتحمس لحاجة زيادة شوية

وملاك كيا اجدع ناس من غير حاجه
وكلامك مظبوط وعلى العين والراس
ولكن متهيألي واضح مين اللي بيحول الكلام الى الأشخاص
فمهما تحدثنا هنا عن العربيات ايه علاقته انك تتهم الغير بالنفسنه مره وانهم ليسوا على المستوى مره وفي النهاية تقولي انا مهندس
عاوزني افهم من كده ايه ان باقي الناس تسكت و يستمعوا علشان الخبراء بيتحدثوا
كلام بصراحه ينم على فكر قائله
وتقبل تحياتي

وعلى فكره انا مش هرد تاني لأني قولت اللي انا عاوزه مش هروب كما يعتبره البعض
ولكن انا قولت كل ما عندي وخلاص خلصت بفهمي ومستواي القليل على ادي بقه اصل انا مش مهندس