الموضوع: يا فضيحتك يا تويوتا!!! تحيا كيااااا

المشاركة الأصلية كتبت بواسطة أبو عبدالله

قولي انت بقه
هل انت متخيل ان في شركة من السهل عليها انها تسحب العدد ده كله في وقت واحد ؟؟؟؟

قولى انت قى شركة تفعل ذلك من اجل عيون المستهلك أم من أجل الخوف من العقوبات و التعويضات ؟

يبقى متفقين انه لم يتم علشان خاطر عيون المستهلك :)

يا ابو عبدالله الناس فى اوربا و امريكا و اليابان معترفة بخطأئها و تأخرها فى إصلاح المشكلة و انها تمت تحت ضغوط
و انت هنا فى مصر بنقول الكلام دا مش صحيح و تويوتا عملت كده بمزاجها !!

ابو عبدالله راجع مشاركاتى فى الموضوع حتلاقى ان الموضوع دا بقاله سنة توبوتا عارفها !!



انا قلت اللى عندى و مش حعيد و ازيد كلام العالم كله عارفه
على العموم لو مش مقتنع ان دا السبب انت حر
بس للأسف يا ابو عبدالله دا حقيقة

toyota-slow-to-awaken-to-deadly-problem: Personal Finance News from Yahoo! Finance

المشاركة الأصلية كتبت بواسطة abo samra

مع احترامى لحضرتك
الطريقه التى يتم احتساب chance of rollover خاطئه 100% والارقام المحسوبه كلها مشكوك فى صحتها بل هى كلها غلط 100%
ليه بقا !!!!!!!


SSF = T/2H
T ده عرض العربيه
و h السنتر بتاع لجاذبيه

وبعدين تدخل chart وتحدد نسبة rollover كام فى الميه
كلام جميل يعنى علشان نقلل نسبة rollover نذود عرض السياره ونقلل السنتر بتاع الجاذبيه يعنى العربيه تبقى منخفضه اكتر ...........اووووك
كدا فعلا بنقلل نسبة انقلاب السياره
الاختبار ده ما يعرفش ان لكل عربيه تصميم عفشه مختلف ومساعدين وذنبركات ........الخ غير التصميم الايروديناميكى لكل سياره مختلف عن الاخر ومن ثم تختلف قدرة المركبه على مقاومة الهواء فى السرعات العاليه


مثال:
مين قال ان السيراتو زى البى ام دبليو الفئه الثالثه(ايه الفتى ده)

لو بصيت على العربيتين هتلاقى الاتنين chance of rollover للاتنين = 10%
static stability factor= 1.44 وده اللى بتدخل على ال chart علشان تجيب chance of rollover
يعنى السيراتو نفس ل stability بتاعة الفئه الثالثه وده طبعا ما حصلش ولا يحصل اساسا حتى لو فى حلم مممممممم اقصد كابوس

مش بس كدا ده انت هتلاقيهم قايلين ان chance of rollover للجيتا هو نفس بتاع الكورولا = 12% يعنى الجيتا والكورولا ممكن يتقلبوا والسيراتو لا
المرسيدس c class 10% وكمان static factor 1.43 يعنى اقل من السيراتو
يعنى المرسيدس c class ممكن تتقلب يا عالم والسيراتو لالالا
انا على فكره كمان ما اتكلمتش عن اختبارات ال safety اللى هيا ايضا بالمناسبه خاطئه 100%
نصيحه اخيره وياريت حضرتك تتقبل كلامى بصدر رحب
لو حضرتك عجباك السيراتو يبقا ربنا يباركلك فيها ويكفيك شرها بس بلاش تقارنها مع عربيات تانيه عارفين انها فى فئه سعريه مختلفه..........
يعنى النيو سيراتو عربيه حلوه جدا وكمالياتها رائعه وشكلها جميله جدا ولكن ده بالنسبه للشريحه السعريه اللى فيها لان الغالى ثمنه فيه وابو قرش مش زى ابو قرشين ابدا ومن ثم فالكورولا فى فئه سعريه اعلى من السيراتو حوالى 35 الف جنيه ومن ثم المقارنه بينهم لا تجوز
يعنى انا لو معايا من 110 الى 125 هجيب سيراتو
ولو معايا من 145الى 160 يبقى هجيب كورولا
وانا بصراحه كان معايا كورولا وجربت السيراتو كتير ولو حضرتك حبيت تعرف ايه التبرير للفرق فى السعر بينهم ممكن اقولك
ده غير ان فى مصر بالنسبالى حاليا
الصينى<الكورى<اليابانى <الالمانى
تقبل تحياتى
م: احمد ابو سمره

أنا مبسوط جداً إن فيه حد بدأ يتكلم معايا شوية technical دة حيبقى فيه فايدة كبيرة لكل أطراف النقاش

هما ٣ حاجات

١) أول حاجة مش بس static stability factor هو إلي بيحدد نتيجة الإختبار أو ال-chance OF roll over لأ فيه كمان إختبار تاني إسمهdynamic maneuveringtestو دة لنك لشكل الإختبار دة عامل ازاي

Safercar.gov

صحيح إن static stability factor هو عليه العامل الأكبر في الإختبار دة بس دة لسبب

هما أساساً بيختبرو نوع معين من roll over و هو tripped roll over إلي اثبتت دراستهم إن 95% من حوادث ال roll over بتبقى من النوع ده إلي هو ببساطة إن العربية و هي ماشية على سرعة نزلت في حفرة أو لبست مطب في النوع دة من ال-rollover بيبقى ل-static stability factor ليه دور أهم بكتير من ايرو ديناميكس بتاعت العربية

اللنك دة بيوري إيه هي أنواع ال-roll over المختلفة ب-animation ظريف

Safercar.gov

٢) كلمة السر في الإختبار دة هي حاجة وحدة CENTER OFGRAVITY و معلش كلامي هنا حيبقى مقعر شوية

مركز ثقل السيارة:
هي نقطة تقع في منتصف السيارة تقريبا ويعتمد تحديدها بالضبط على توزيع وزن الأجزاء والأحمال بالسيارة. وهي النقطة التي عندها تقع محصلة أوزان أجزاء ومكونات السيارة. أي أن عزم الأوزان حول هذه النقطة يساوي صفر.

لتسهيل التخيل و الفهم في حالة تعليق السيارة من نقطة مركز الثقل بحبل رأسي, يظل وضع السيارة مستوي بالنسبة للمستوى الأفقي؛ لا يحدث ميل للأمام أو الخلف, أو ميل لأحدى الجانبين

يختلف وضع مركز ثقل السيارة من سيارة لأخرى حسب تصميم السيارة, وتوزيع الأجزاء وأوزانها. ففي سيارات التي بها محركات أمامية وجر أمامي يقع مركز الثقل (بين المحورين) بالقرب من المحور الأمامي. وسيارات SUV يكون مركز الثقل بمستوى أعلى من سيارات الركوب العادية.

وضع مركز الثقل بالنسبة لأبعاد السيارة يحدد أداء واتزان السيارة:

- نسبة (ارتفاع مركز الثقل إلى المسافة بين المحورين) تحدد مقدار الوزن المنقول من الخلف للأمام عند الفرملة, ومن الأمام إلى الخلف عند التعجيل. أثناء الفرملة يقل الوزن عن العجل الخلفي (نتيجة الوزن المنقول) وتكون العجلات الخلفية معرضة للغلق. عندما يخف الوزن على العجلات القائدة يحدث لها انزلاق.

- نسبة (ارتفاع مركز الثقل إلى المسافة بين العجلتين) تحدد مدى قابلية السيارات للانقلاب. السيارات ذات مركز الثقل المرتفع (كسيارة SUV) تكون أكثر عرضة للانقلاب, وخاصة السيارات ذات المسافة القصيرة بين العجلات
هنا بتبقى الشطارة في إلي بيعمل الإختبار في تحديد مكان ال-center ofgravity بدقة و بتبقى شطارة صانع السيارة في توزيع اوزان داخل السيارة لتحديد مكان center of gravity بشكل جيد من وجهة نظر ال-roll over safety

٣) طبعاً هو دة كلام إلي c class ممكن تتقلب و ال-cerato لأ مين قال كدة طبعا أنا معاك

بس بص للموضوع بنظرة تانية هو مش في ال-euro ncap مثلاً في عربيات كوري واخدة ٥ نجوم ذي ال-cruze و ال-soel و حتلاقي c class و bmw واخدة هي كمان ٥ نجوم

طب يا عالم دة كلام الأمان جوا الكروز ذي الأمان جوا bmw

بص تفسيري للموضوع دة احنا بنحلل ذي ماقلت tripped roll over مش ال-untripped لإن في حالة untripped roll over إلي هو العربية و هي بتفادي حاجة على الطريق و هي على سرعة عالية من غير مؤثرات خارجية طبعا ال-hi tech إلي في عربيات bmw و c class حتشتغل ذي esp و تدخل عوامل تانية ذي مقاس الكوتش و نوعه و نظام التعليق و كل الكلام إلي حضرتك قلته

هما مش قصدهم ذي مع حضرتك فهمت هما كل قصدهم إن العربيات دي لو إتحطت تحت ظروف معينة خارجية ممكن تقلب العربية إحتمالية قلب كل عربية أد إيه

لاحظ اننا في الأخر بنتكلم برضه عن عربيات عادية مش ذي عربية باتمان

٤) أنا و بكل صدر رحب بجد عشان الناس بتفهمني غلط للأسف......مش عايز أقول كلام ذي هو احنا برضه إلي حنقيم الإختبار نفسه و نعد نقول لأ دة أي كلام دي ناس مش فاهمة حاجة الهيئة الحكومية الرسمية الأولى في أمريكا المتخصصة في إختبارات سلامة السيارات كل تقييماتها مضروبة

يبقى نبدأ من إنهردة نمسك بقى كل إختبارات العالم و على رأسهم euroncap و نقول إنه أي كلام و بجد أنا مش قصدي حضرتك خالص عشان مش عايز حد يزعل مني

أنا يا باشمهندس أحمد معاك في حتة أنا معايا كام و حشتري إيه و نفسي أول ما تتوفر معايا الفلوس حبيع ال-cerato على طول و أجيب غولف 6 إنشاء الله

بس أنا ضد تماماً واحد يكون جايب العربية و فرحان بيها أحسسه إنو جايب توك توك و بلاش يستخدمه أحسن حيموت في حادثة بسببه و كمان ضد إن احنا نبني معابد لماركات معينة و نشتغل كهنة في المعابد دي و نجزم إن الماركات دي لا يأتيها الباطل لا من قبل أو من بعد

أنا اتكلمت كتير أوي أسف فعلاً

م / محمد علي