الموضوع: نصائح سائق جديد .. وخوفه قل شوية من موضوع السواقة .. والبركة فيكم تعلمونا الباقى

المشاركة الأصلية كتبت بواسطة husseinoo

اهلا وسهلا بحضرتك

بالنسبة للسؤال الاول
والسيارة متوقفة على مطلع
ممكن يكون كوبرى
شارع مرتفع
اى حاجة تتوقف عليها وتشعر ان العربية ممكن ترجع للخلف ... لازم تعمل التالى:

على طول بلا اى تردد
ارفع فرامل اليد

وخليك ضاغط على الفرامل للاحتياط
وطبعا لو موضوع التوقف عايظول .... يبقى الافضل "تمور" الفتيس .... يعن ماتعشقش الفتيس خالص

انظر من خلال زجاج السياة التى امامك
انظر الى الامام على قدر المستطاع

واول ما تجد ان السيارات البعيد بدأت فى التحرك

استعد
انقل الغيار الاول

اضغط على البنزين

اول ما تسمع صوت الموتور بدأ يعلى حاجة بسيطة
او
العربية بدأت فى التحرك

شيل رجلك من على الفرامل
ونزل فرامل اليد

هاتلاقى العربية اتحركت الى الامام وعمرها ما هاترجع للخلف


توقف على مكان مرتفع
واتمرن على الوضوع ده كثثير وبراحتك خالص

لحد ما تتعود

ما دام فرامل اليد مرفوعة ... عمر العربية ما هاترجع للخلف
وانقل الغيار الاولانى وامشى براحتك
ونزل فرامل اليد عند الشعور بأن العربية عايزة تتحرك أو صوت الموتور بدأ يعلى


لو حصل لا قدر الله العربية بطلت
ارفع فرامل اليد على طول
مور الفتيس
دور العربية
انقل الغيار الاولانى
ارفع رجلك براحة من على الدبرياج واضغط بنزين خفيف
اول ما صوت العربية يعلى شوية
نزل فرامل اليد واتحرك عادى خالص اكنك ماشى فى شارع مستوى

بالنسبة لركن السيارة هاشرحوا مرة تانية فى المشاركة التالية

وكل عام وحضرتك طيب والامة الاسلامية بخير

مع اطيب التمنيات
اخوكم حسين غزالة

شرح حضرتك مبسط وواقعي بحت
جزاك الله خيرا ربنا يجعله في ميزان حسناتك

المشاركة الأصلية كتبت بواسطة husseinoo

السلام عليكم ورحمة الله وبركاته

موضوع استخدام الإشارة حتى ولو كنت هاتنقل نفسك من حارة الى حارة
الموضوع ده لا يستخدمه إلا الناس المحترمة جدا واللى فاهمة

انا عن نفسى
استخدم الاشارات ... خصوصا لو وجدت ان فيه سيارات تسير خلفى

واحيانا
هههههههههههه
استخدم الاشارات
واستخدم ايدى
عشان فيه ناس ... لا تسمع ... لا ترى ... لا تستخدم الكلاكس هههههههههههه

يعنى لو شعرت
ان السيارة التى تسير خلفى
مصمم انه لا يعطى لى فرصة للدخول مثلا فى الشارع الجانبى
برغم استخدامى الاشارة
لازم اشاور له بإيدى انى مثلا داخل يمين


واستخدام الاشارات اليدوية
مهم جدا ولا يقل اهمية عن الاشارات الضوئية

ههههههههههههههه
خصوصا فى مصر

وموش عيب

يعنى مثلا
ممكن تلاقى فيه ناس كبيرة بتعدى امامك
وفى الحالة دى لازم تتوقف تماما
احتراما للمشاة وخصوصا لكبار السن

فى الحالة دى
بعد استخدام ضوء الانتظار

استخدم يدى للإشارة للسيارات القادمة من الخلف
للتمهل شوية والحرص

لان اللى جاى من الخلف
ممكن يكون موش شايف ان فيه مشاة بتعدى امامك

خصوصا
لو كنت مركب ستائر معتمة فى السيارة

وطبعا قصة الستائر دى .... خطيرة جدا جدا جدا
خطيرة على صاحب السيارة
وعلى السيارات التى تسير فى الخلف
لانه طبعا لا يرى اى شىء من خلال زجاج سيارتك
ولا يتوقف الا بعد ان يرى ضوء الفرامل الخلفى

وانت ونصيبك
لو كان راجل بيفهم وفيه مسافة كافية بينك وبينه
هايتوقف بشكل معقول

اما لو كان لازق لحضرتك
يبقى ربنا يستر

نصيحة اخوية
لا تستخدم الستائر المعتمة
لانها ممكن تعرضك لخطر شديد جدا جدا جدا
بالذات فى الطريق الطوالى ... وطرق السفر السريعة

مهم كمان
انك تكشف على الاشارات كل فترة
يعنى تشغل الاشارات
وتشوف هل كل اللمبات سليمة ولا لأ
لانك ممكن بعد فترة تعتقد ان الاشارات شغالة تمام
وتكتشف ان احدى اللمبات "محروقة"
وبرغم ان تكاليف تغيرها "تافه جدا"
الا انها تعرضك لخطر شديد جدا


واحترس من استخدام الاشارات فى وقت متأخر

ههههههههه
يعنى قبل ما ادخل يمين مثلا .... استخدم الاشارة اليمين فى وقت مبكر نسبيا
لا استخدم الاشارة اليمين قبل ما ادخل يمين على طول
كده يبقى الاشارة مالهاش لازمة

وموش معنى انك استخدمت الاشارة ... انك تدخل يمين او شمال على طول
لازم تنظر فى المرايا الخلفية بصفة مستمرة
حتى ولو كنت موش هاتتحرك يمين او شمال


واخيرا
لا تنسى ان "تعطل او توقف الاشارة الشغالة"
يعنى ممكن تلاقى ناس نسيت تبطل الإشارة
وماشى عادى جدا

هههههههههههه
واللى ماشى وراه فاكر انه مثلا داخل يمين
وكل الحكاية انه نسى الاشارة شغالة

واحيانا تلاقى ناس بتشغل الاشارة يمين
وهو داخل شمال
او العكس
ههههههههههههه
يعنى موش عارف يمينه من شماله


احيانا
وده مهم جدا
انك تحتاج تستخدم ضوء الفانوس الكبير "كإشارة " او "رعاش"
حتى ولو كنت هاتمشى بالنهار
ههههههههههههههه
ازاى الحكاية دى

تستخدم ضوء الرعاش
مثلا اثناء المرور فى شارع ضيق
ولا يسمح الا بمرور سيارة واحدة
فى الحالة دى
تستخدم ضوء الرعاش
عشان تفهم السيارة القادمة فى اتجاهك
انك هاتدخل الاول
او
احترس وهدىء من سرعتك .... عشان انا داخل كمان
او
اصحى من النوم
انا قادم من الجهة المقابلة
او
احترس ولا تحاول المرور من السيارة التى امامك
لأنى قادم من الجهة المقابلة

استخدامات اضواء الإشارة مهم جدا والكلام فيها يطول

ارجوا ألا اكون اطلت عليكم

مع اطيب التمنيات
اخوكم حسين غزالة

كتر خيرك والله ايوة بقي ياريت شرح مفصل لاضواء الاشارات
كل اشارة ومكانها ومعناها ودي خدمة العمر يعني