الموضوع: نصائح سائق جديد .. وخوفه قل شوية من موضوع السواقة .. والبركة فيكم تعلمونا الباقى

المشاركة الأصلية كتبت بواسطة nonetta

أهلا وسهلا بحضرتك

على فكرة يا استاذ حسين
انت بردو مش غلطان
والله حضرتك كلامك سليم .... لكن انا فى نفس اللحظة اللى حصل فيها الموضوع ده ... هدأت نفسى ... واول حاجة قلتها لنفسى "انت اللى غلطان" ... كان لازم تركز جامد وتتوقع كل حاجة وفى اى وقت ... كل ده عشان اركز بشكل افضل ... وابطل موضوع الثقة الزائدة فى النفس ده .. الثقة مطلوبة طبعا ... لكن موش لدرجة الاسترخاء ... خصوصا فى شوارع المحروسة

الفسب دي دايما بتعمل كدة وبتيجي من اليمين
وطبعا صغيرة وبتعدي بسرعة بحيث انك حتى لو بصيت في مراية الجنب ما تشوفهاش لانها هتبقى في النقطة العميا ولانه صغير مش هتلحق تشوفه ولا تشوف جزء منه
وتتفاجئ بيه جنبك

ههههههههههههه هما فعلا "مقرفين" جدا ... المشكلة انهم يسيروا على عجلتين ... يعنى لا قدر الله اى وقعة لسائق الموتوسيكل .. نتيجتها جامدة قوى ... عشان كده لازم تعمل لهم حساب ... ونراعى المسافات بينا وبينهم ... نعتبرهم سيارة بتسير امامنا ... لا نحاول ان نسير بجوارهم ... لازم نترك لهم مكان كامل زى اى سيارة ... عشان لو حب يتحرك يمين او شمال ... يقدر يتحرك براحته ... وتتوقع منه فى اى لحظة انه يتوقف .. وينزل رجله على الارض ... يعنى من الآخر تقدرى تعتبريه "بنى آدم" ماشى على الارض ... وموش راكب اى حاجة هاتحميه ...

نفسي يلغوها لانها سبب بلاوي كتير
تصدق لن زوجي كل الخرابيش والنقرات اللي في عربيته بسبب الفسب والموتوسيكلات
حوالي 3 مرات يخبطوه مش هوا اللي يخبطهم

ههههههههههه يا ساتر يا رب .... هو الموتوسيكلات كثر عددها جامد جدا .... خصوصا بعد انتشار الموتوسيكلات الصينى الرخيصة ... واكثر الناس اللى بتستعملها "اولاد صغيرين" ومافيش عندهم اى خبرة خالص ... بيعتبر نفسه راكب "عجلة"
افتكر انى لى صديق توفى واحنا فى الثانوى اثناء ركوبه موتوسيكل ... الله يرحمه كان زمانه عايش معانا دلوقتى ومعاه اولاد
على العموم ربنا يسترها معانا
وآخر نصيحة للناس كلهم : اعطى للموتوسيكل مساحة "عربية" ... يعنى لا تسير بجواره ... وإذا كان فيه موتوسيكل يسير امامك .. فى الحالة دى لازم تترك مسافة كافية امامك ... واعتبره سيارة تماما ... وشغل حاسة السمع ... ودائما اترك مسافة كافية من الناحية اليمين عشان اصحاب الموتوسيكلات اللى غاوين التسلل من الناحية اليمين ... بلاش تضيق عليهم المسافة من الناحية اليمين .. واذا سمعت كلاكس موتوسيكل ... انظر فى المراية على طول ... وحاول تتركه يعدى بشكل آمن ... يعنى لو فيه فرصة تعديه من اليمين او من الشمال ... اتركه يعدى ووسع له بحرص
خصوصا لو كان سائق الموتوسيكل معاه "اسرته" كاملة العدد الام والاولاد هههههههههه وده مشهد متعودين نشوفه .... او مركب معاه خطيبته ... وطبعا عامل فيها "رالى الفراعنة" .... وفى اى لحظة تحصل له مشكلة يقع هو والام والاولاد وتبقى حكاية كبيرة
ربنا يسترها مع الجميع
وشكرا لحضرتك

مع اطيب التمنيات
اخوكم حسين غزالة

المشاركة الأصلية كتبت بواسطة lela

السلام عليكم اذيك يا استاذ حسين اخبار حضرتك ايه
انا حصل لى نفس موقف حضرتك بالضبط مع افرق انى اعطيته اشارة يمين كانت النتيجة انه خبط فى العربية وكمان مش عاجبه انى بقوله انت مش شايف الاشارة كانت النتيجة انى غلط وبدا يسب دايما اللى بيسوق الموتوسيكلات شايف انه الاصح فى كلا الاحوال
موقف ثانى انى كنت فى شارع لايكفى سوى لعربية واحدة فقط وكان ماشى جنبى موتوسيكل من الناحية اليمين وشوية يكون فى الناحية الشمال وبسببه فقدت التركيز لانه اللى راكبه عيال بتلعب وهى ماشية وربنا يستر علينا منهم هم والتوك توك

هههههههههه اهلا وسهلا بحضرتك
لو كنتى سامعة صوت الموتوسيكل وموش شايفه هو جاى منين
ومافيش فرصة انك تنظرى فى المراية بسبب شدة الزحام
خلاص يبقى الافضل انك تركزى فى السيارات التى تسير امامك
وتشوفى افضل مكان ممكن يعدى منه الموتوسيكل
يعنى لو انت شايفة ان الناحية اليمين مناسبة
يبقى خلاص اثناء التوقف اتجهى ناحية اليسار قليلا ووسعى للموتوسيكل الناحية اليمين

يعنى قبل التوقف تماما .. حاولى توسعى مكان للموتوسيكلات عشان تعدى بعيد عنك وماتخبطش العربية

يعنى مثلا مافيش داعى انى اتوقف فى الزحام ناحية اليمين
واقترب كثيرا من الرصيف
لدرجة انى اقفل على الموتوسيكلات وامنعها من المرور

وهما طبعا بيحبوا يمشوا ناحية اليمين

وممكن ايضا انك تتركى مسافة كافية بينك وبين السيارة التى امامك
عشان لو حب سائق الموتوسيكل يغير اتجاهه ... يبقى مافيش مشاكل

ههههههههههه
يبقى احنا مريحينه تمام التمام
عايز يعدى من اليمين مافيش مشاكل
عايز يعدى امام عربيتنا مافيش مشاكل
عايز يمشى على الحيط مافيش مشاكل

المهم انه يبعد عننا بمشاكله

وربنا يسترها مع الجميع
مع اطيب التمنيات
اخوكم حسين غزالة