الموضوع: نصائح سائق جديد .. وخوفه قل شوية من موضوع السواقة .. والبركة فيكم تعلمونا الباقى

ياااااااااااااااااااااااة موضوع جميل جدا ومنساش اني دخلت الموضوع من سنة تقريباً واتعلمت منه كتير

والحمد لله الموضوع اختلف تماما كانت اكتر حاجة بخاف منها لما اكون على مطلع أو ارض غير مستوية والطريق يقف تفضل العربية ترجع للخلف وتبطل

انما الحمد لله دلوقتي بقيت اتحدي نفسي اني ممكن اقف على مطلع كوبري أو أى مطلع واقف على المطلع بدون مشد فرامل اليد ولا اضغط فرامل

فقط حساسية الدبرياج مع البنزين ( يعني ادوس بنزين بسيط وسنة دبرياج والعربية بتبقي واقفة تماما ))) بدون مارفع الهاند بريك او ادوس فرامل

موضوع جميل بجد

وخلاص دلوقتي مبقاش فيه رهبة ولاخوف زي الاول

دلوقتي الحذر واتلخوف ان اللى حواليك اللى يغلطو وفي النهاية ربنا يستر طرقنا جميعا

المشاركة الأصلية كتبت بواسطة م/ ماجد م زكى

سلام عليكم
انا بقالى شهرين تقريبا اقود سيارة
الحمد له قيه تقدم
بس انا كنت معتاد القيادة بايدى لقيت الى بيعلمونى كلهم قالولى يد واحدة ويفضل اليسار
و اليد الاخرى على الفتيس
صديقى وهو يعلمنى قالى انه تحت سرعة 100 يقود بيد واحدة
فوق ال 100 يستخدم اليدين
وقالى بلنسبالك تحت ال80 او ال60 يد واحده وفوقهم يديك الاثنين
ارجو افادتى بالوضع الصحيح انا اريد قيادة سليمة امنه بتمكن

كيف تمسك عجلة القيادة "الدركسيون"

انظر الى الصورة السابقة
هذا الوضع خطأ
البعض يستخدم هذه الطريقة اثناء الالتفاف بالسيارة "ملف جامد"
خطورة الوضعية السابقة فى ايه ؟
اذا لا قدر الله وانفجرت الوسادة الهوائية فى وجه السائق
الايدين فى الحالة دى سوف تتعرض للحشر خلف الوسادة الهوائية لا قدر الله لو حصل اى حادث
لدرجة ان اللى بيستخدم الوضعية دى اثناء اختبارات القيادة فى الخارج ... غير مسموح له بالحصول على رخصة قيادة حتى ولو كان ماهر جدا فى قيادة السيارة





انظر الى الصورة السابقة
طبعا الوضعية دى خطأ جدا
والشباب "الروش" هههههههههه غاوى منظرة
ويحب يلف الدركسيون "بكف " ايده
شغل معلمين يعنى ههههههههههههههه




طبعا الوضع السابق
اعتقد انه مناسب عند نقل حركة الفيتيس فقط
ولكن خطأ فى حالة الاستمرار على هذا الوضع ... لانك لا تتحكم بشكل كامل فى عجلة القيادة






انظر الى الصورة السابقة
افضل طريقة للامساك بعجلة القيادة هى انك تمسك الدركسيون عن الساعة الـ 9 والساعة الـ 3
ههههههههههه
هاتقولى موش فاهم




انظر الى الصورة السابقة
وفيها تظهر وضعية الساعة الـ 9 والـ 3 اللى سبق وشرحتها
هاتقدر تتحكم بشكل جيد فى الدركسيون
وكمان لا قدر الله لو انفجرت الوسادة الهوائية ... فى الحالة دى هاتكون ماسك جيدا فى عجلة القيادة وتقدر تتحكم فيه على قدر المستطاع




انظر الى الصورة السابقة
وضع الايدى عند الساعة 2 والساعة 10
وضع مقبول الى حد ما .... ولكنه غير مفضل خصوصا لو كانت السيارة بها وسيلة الحماية "الوسادة الهوائية"
يعنى المفروض لو كانت سيارتك عادية ومافيهاش وسادة هوائية .... فى الحالة دى ممكن تستخدم الطريقة السابقة





الطريقة دى ممتازة ومناسبة
اذا كنت بتقود سيارتك على طريق سفر طويل وآمن
طبعا موش معقول هاتفضل رافع ايديك
عشان كده الطريقة دى مريحة فى الطريق الطوالى اثناء السفر لمسافات طويلة



انظر الى الصورة السابقة
وفيها يظهر انك لازم تجلس على مسافة 25 سم بعيدا عن عجلة القيادة
هههههههههههه
طبعا للاسف الكثير منا ... تجدهم "لازقين" على الدركسيون ...... هههههههههه وخصوصا فى المبتدأين ... وانا آسف انى هاقول ان الوضع ده اجده عند كثير من السيدات
طبعا ده ممكن يكون نتيجة الخوف اثناء القيادة





اخيرا
ههههههههههههههه
يا ريت مافيش حد يضع قدمه على "تابلوه" السيارة



ارجوا ان اكون وفقت

مع اطيب التمنيات
اخوكم حسين غزالة

المشاركة الأصلية كتبت بواسطة sam4ever2010

انا مبسوقش غير بالطرق دى واخر طريقة بسوق بيها لما بزهق من السواقة او بتعب بمعنى اصح لما بمشى مسافات طويلة

ههههههههههه
ربنا يسترها معاك
وكل عام وحضرتك طيب

مع اطيب التمنيات
اخوكم حسين غزالة

المشاركة الأصلية كتبت بواسطة احمد نور الدين

يا باشا ده انت اللي علمتنا السواقه

اسمحلي هاقولك نصيحة مهمة واحد عجوز قالهالي وهاتنغعك دايما طول ما هي في دماغك

""" العربية غبية ومابتفهمش حاجه وملهاش ارادة ""

ببساطه العربية دي مجرد الة بتعمل اللي انت عايزة حتي ولو غلط يعني لو بتاخد ملف بسرعه هاتعملك اللي انت عايزه حتي لو في عربية جاية في المقابل وهاتلبس فيها هيه بتسمع كلامك

لو بتاخد غرزة والمكان ضيق ومش مكفي هاتخدها معاك من غير ارادة مع انك هاتحك من ورا في العربية اللي انت بتعديها وممكن بعد الشر العربية تمرجح او تتقلب

لو في واحد بيعدي الشارع وانت مش واخد بالك منه العربية هاتخبطه وهاتموته من غير اي تفكير


الخلاصة لازم تبقي مصحح ومركز في كل خطوة لان اي غلط انت اللي هاتحاسب عليها والعربية مش مسؤله عنه او بمعني تاني ماتمشيش بمنطق طول ما انا معملتش حادثة ابقي ماشي صح

اعتقد انك فهمتني طبعا وربنا يسترها عليك واهم شيء دعاء السفر لان السواقه ملهاش كبير

ههههههههههههههههه هى فعلا السواقة مالهاش كبير
لكن احنا مطلوب مننا نتعلم كل يوم
ولما الواحد يعمل حاجة غلط .... لازم يعترف انه غلطان
ومهما كنت بتجيد القيادة ... هاتقابلك مواقف كثيير صعبة وغريبة وهاتتعلم منها كثير

انا مثلا من شهر تقريبا
اتعلمت درس صعب
ايه هو ؟

سيارة اجرة ماشية خلفى
تقريبا كانت شاهين

وانت سايق ههههههههههه "الشيطان" يقول لك معقولة حتة عربية تاكسى تعبانة زى دى هاتعدى منك

وانت تقول لنفسك
طيب اصبر على شوية لما نطلع طريق سريع ههههههههههههههه وشوف انا هاعمل فيك ايه ؟

وتطلع الطريق السريع
وتحاول توريه مقامه هههههههههههههه

وتوريه الفرق بين العربية اليابانى والفيات

وتجرى جامد وانت فرحان وبتنظر فى المرايه
وعايز تشوف هو اصبح خلفك بمسافة كبيرة

والعربية بتغري انك تجرى اكثر

وفى نفس اللحظة فيه ملف جامد

وبرغم ان الملف ده مشيت عليه 100 مرة
الا انك تاخد الملف على سرعة عالية

والنتيجة
ان عجلة القيادة تنحرف منك فى اقل من ثانية

وطبعا لولا ستر ربنا
وان العربيات اليابانى ثباتها عالى

وفى الاول والآخر ستر ربنا الكبير
كان ممكن تنقلب اكثر من مرة

ده كله بسبب حاجة بسيطة قوى
اسمها "الغرور"

اوعى تفتكر نفسك معلم كبير
كل يوم لازم تكون حريص على نفسك ... وعلى غيرك

وكل عام وحضراتكم بخير

مع اطيب التمنيات
اخوكم حسين غزالة