الموضوع: نصائح سائق جديد .. وخوفه قل شوية من موضوع السواقة .. والبركة فيكم تعلمونا الباقى

المشاركة الأصلية كتبت بواسطة magid1010

ازيك يا استاذ حسين

قولى ايه رايك فى الموضوع ده

http://www.nilemotors.net/Nile/198509-a-2.html

ههههههههههههههه
جامدة قوى يا مان
اكثر تعليق ضحكنى "العجل اللى ورا هو اللى بيحود فعلا بس ده لو كنت سايق كلارك"
شكرا لك يا ا/ ماجد
الواحد فعلا كان محتاج ضحكة جامدة زى دى ... خصوصا بعد اللى كل يوم نشوفه

شكرا لحضرتك مرة تانية
مع اطيب التمنيات
اخوكم حسين غزالة

بسم الله الرحمن الرحيم
اللهم صل على محمد وعلى آله وصحبه أجمعين

الف مبروك على الحرية
ورحمة الله على شهداء ثورة 25 يناير

تعلم القيادة فى 10 ايام

الرجوع بالسيارة الى الخلف

هذا التدريب مفيد عند الرغبة فى العودة الى الخلف فى شارع جانبى .... يعنى لما تحب ترجع وتدخل فى شارع جانبى خلف السيارة ... لذلك تحتاج الى تدريب جيد جدا لأداء هذه المهارة.

طبعا مافيش داعى للقلق اذا لم توفق اثناء التدريب ... يعنى ممكن فى الاول تعمل شوية اخطاء مثلا الاصطدام بالرصيف اثناء العودة الى الخلف .. مافيش مشاكل

النصيحة: انك تبدأ التدريب على شارع يكون الملف فيه واسع ومريح ... وليس ملف ضيق وحاد

لازم الاول تخطط كويس لأداء المهارة وتكون فاهم انت ناوى تعمل ايه بالضبط قبل ما تركب العربية

• لازم تتأكد الاول ان الشارع الذى تنوى التدريب فيه ... لازم تتأكد ان الشارع خالى من السيارات ... يعنى موش معقولة ارجع بالسيارة الى الخلف وادخل فى شارع يكون راكن فيه سيارة

طبعا العملية بتكون صعبة خصوصا للمبتدأين .... انما بعد التدريب كل شىء يكون تمام التمام

• انظر فى المراية جيدا قبل ما تتحرك .. انظر الى السيارات القادمة من الخلف

• واقترب من الرصيف حوالى متر تقريبا

• لف فى الكرسى وانظر فى الزجاج الخلفى ... بحيث انك ترى كل ما يدور خلف السيارة

• ممكن تحتاج انك "تفك حزام الآمان" لكى تشعر بمزيد من الراحة والتحكم

عندما تشعر بأن كل شىء تمام حول سيارتك

• ارجع الى الخلف بسرعة هادئة جدا ... عن طريق التحكم فى الدبرياج .... يعنى لو رفعت رجلك عن الدبرياج خفيف العربية هاترجع الى الخلف بسرعة منخفضة ... اما لو رفعت رجلك عن الدبرياج بسرعة ... العربية هاترجع الى الخلف بسرعة

الخلاصة: ارفع رجلك عن الدبرياج خفيف حتى تتحرك السيارة بشكل بطىء

اول ما تقترب من ناصية الشارع "خلف السيارة"

• الرصيف سوف يختفى من الزجاج الخلفى ... "يعنى عندما تنظر فى الزجاج الخلفى لن ترى الرصيف"

• فى هذا الوقت تكون وصلت للنقطة المناسبة "للالتفاف بالسيارة" .... يعنى اول ما يختفى الرصيف من الزجاج الخلفى تبدأ فى لف السيارة فى الشارع الجانبى

طبعا مهم جدا انك قبل ما تلف بالسيارة .. مهم جدا انك تتأكد من انه لا يوجد اى شىء حول السيارة معرض للخطر مثلا "مشاة او دراجات او سيارات ... الخ"

• طبعا بمجرد الالتفاف بالسيارة ... سوف تتجه مقدمة السيارة الى الشارع الرئيسى

• سوف ترى جزء من الرصيف فى الركن السفلى للزجاج الخلفى

اذا شعرت بالأمان ... ابدأ فى الالتفاف بالسيارة والدخول فى الشارع الخلفى

استمر فى الالتفاف بالسيارة حتى تدخل فى الشارع الخلفى تماما

• طبعا اذا كان الملف خفيف ... يبقى فى الحالة دى هاتلف بالسيارة بشكل خفيف

• اما لو كان الملف حاد وجامد ... يبقى لازم الف بالسيارة جامد وعلى الآخر

• لو نظرت من الزجاج الجانبى الخلفى "الزجاج الموجود فى الباب الخلفى"

لو نظرت من خلاله تستطيع تحديد مدى اقترابك من الرصيف ... هههههههههه يعنى موش افضل الف بالعربية لحد ما اطلع فوق الرصيف

• اذا كنت تريد الاقتراب من الرصيف .. "لف الدركسيون" فى اتجاه الرصيف

• اذا كنت تريد الابتعاد عن الرصيف "لف الدركسيون" فى الاتجاه المعاكس للرصيف

لو حصل لا قدر الله انك اقتربت زيادة عن اللزوم من الرصيف ... او اصطدمت بالرصيف .. مافيش مشاكل ... توجه الى الامام قليلا ثم ابدأ فى العودة للخلف مرة تانية

• طبعا بعد الإنتهاء من العودة للخلف فى الشارع الجانبى لازم تتوقف فى مكان آمن

يعنى مثلا مافيش داعى انى اتوقف على ناصية الشارع "ماكان غير مناسب"
او اتوقف "صف تان"
او اتوقف "بجوار يو تيرن"
او اتوقف "فى مكان عبور المشاة"

لو حصل ووجدت سيارة قادمة من الشارع الجانبى

• على طول لازم تتوقف

• وتكون الاولوية للسيارة القادمة من الشارع الخلفى

• ولو لزم الامر انك تتحرك الى الامام وتدخل فى الشارع مرة تانية ... مافيش مشاكل ... اتحرك الى الامام حتى يخلوا الشارع الخلفى الذى ترغب الدخول فيه.

اخيرا ... هههههههههههه بعد الإنتهاء من العودة للخلف لازم ترجع تربط الحزام مرة تانى قبل الانطلاق بالسيارة


ارجوا ان اكون وفقت


فى انتظار التواصل


مع اطيب التمنيات
اخوكم حسين غزالة

المشاركة الأصلية كتبت بواسطة LAYALI

السلام عليكم

وعليكم السلام ورحمة الله وبركاته

استاذ حسين انا اعجز عن الشكر

حضرتك لا شكر على واجب ... وانا تحت امركم فى اى وقت ... والشىء اللى يسعدنى انى اشعر ان فيه حد بيستفيد من الكلام ده ... وانا تحت امركم

بجد انا استفدت من حضرتك كتير,ان شاء الله ربنا يجزيك كل خير

اهم واحلى حاجة هى الدعوة دى ... شكرا لحضرتك جدا

,انا لسه متعلمة السواقه قريب والمشكله عندى انى لسه متعلمتش الركنه
وكل ماروح مشوار ادور على حد يركنلى وبكون محرجه جدا وشكلى وحش

كل شىء بالتدريب هاتكونى كويسة جدا ... وكلنا فى الاول بنتعلم وما زلنا نتعلم ... ومافيش حد فينا فكر يتعلم يركن عربيته إلا و خبط اكصدام العربيات المحيطة به هههههههههه ... لحد ما ربنا يكرمه ويفهم كويس موضوع الركن ويصبح الموضوع بالنسبة له علم ودراسة موش فهلوة وتجربة وخطأ

والمشكله التانيه لما بكون ف شارع ضيق
وبيقبلنى عربيه مش بعرف اعديها غير بصعوبه

حاولى تتجنبى الشوارع الضيقة فى الأول حتى تشعرى بالتمكن فى القيادة .... ولو شاءت الظروف انك تدخلى شارع ضيق .. حاولى تتوقعى الموقف قبل حدوثه ... يعنى لو شعرتى ان المساحة ضيقة ... يبقى الافضل التوقف فى منطقة واسعة حتى اسمح للسيارات القادمة بالمرور اولا ... ثم استمر انا فى السير اذا سمحت الظروف ... يعنى مع الوقت هاتشعرى بحجم السيارة والثقة فى نفسك هاتزيد وهاتكونى كويسة إن شاء الله

والعربيه اللى بسوقها عمله زى الجرار الزراعى فيات 125 ههههههههههههههه
بصراحه العربيه صعبه عليا اوى متنفعش للستات خالص عايزه معامله رجالى بس هى وضع مؤقت للتعليم

هههههههههه على فكرة "‘عسى ان تكرهوا شيئا وهو خيرا لكم" ... ممكن تكون العربية دى احسن من غيرها لان قطع غيارها متوفرة وبسعر ممتاز وكمان قوية وما يتخافش عليها ماشاء الله ولا حول ولا قوة إلا بالله ... وكمان واسعة وتتحمل الاحمال يعنى ممكن يركب فيها 5 افراد بدون مشاكل من المطبات الصيناعية العالية وبيفهم فيها كل الميكانيكية زى الكتاب المفتوح ... بالمقارنة بالسيارات الحديثة ... سوف تجدى انها ضعيفة وقطع غيار غالية ولا تتحمل الاوزان العالية ... الفرق الحقيقى فى السفر فقط .... اما داخل المدينة عشان الواحد يريح دماغه بالنسبة لى قررت من الامس ان السيارة معمولة عشان توصلنى المشوار فقط لا غير ... يعنى مافيش داعى انى اقارن سيارتى بالسيارات التى حولى ... موش هاخلص ... سوف اجدا دائما سيارة افضل من سيارتى ههههههههههههه .... وسوف اجد دائما سيارة اسرع من سيارتى .... عشان كده ريحت دماغى ... وقررت انى امشى بسرعة معقولة ولو فيه فرصة عشان اوسع للسيارات القادمة من الخلف ... مافيش اى مشاكل اوسع الطريق .... المهم ان الواحد يريح نفسه من زحمة المواصلات

اعذرنى انا طولت على حضرتك المهم انا محتاجة تجربة حضرتك فى الركنات

انا تحت امر حضرتك ومرحبا بك فى اى وقت
للاسف كل المشاركات الخاصة بركن السيارة اكثر من 4 مشاركات ... كل صور الشرح اتمسحت من السيرفر لما الموقع حدثت فيه مشكلة ... المهم سوف اشرح موضوع الركن مرة تانية فى المشاركة التالية

مع اطيب التمنيات
اخوكم حسين غزالة