الموضوع: نصائح سائق جديد .. وخوفه قل شوية من موضوع السواقة .. والبركة فيكم تعلمونا الباقى

المشاركة الأصلية كتبت بواسطة samar abdo

ااشكر حضرتك جدا لأن كان فى معلومات اول مرة اعرفها
انا دايما سايبة الراديو شغال و دى حسب ما عرفت غلط ع البطارية
عندى مشكلة بالنسبة لتحريك السيارة برفع رجلى من ع الدبرياج سنة سنة حاولت اكثر من مرة و متحركتش لازم ادوس بنزين و هى لوجان 2015 و حتى فى الرجوع لازم ادوس بنزين حتى لو المسافة بسيطة كده العيب فين ؟

لا حاولي تطفي كل الانوار و الراديو قبل الدوارة

بالنسبة للدبرياج ممكن تكوني بترفعي رجلك بسرعة فالعربية بتفصل ,. خلي حد تاني يجرب يعملها - لو مااتحركتش يبقى ممكن يكون حساس الدبرياج عندك واطي و محتاج يعلى .. ممكن و انتي بتعملي صيانة الالف كيلو تقولي لهم عليها في التوكيل .. و لما تشتغل معاكي ما تعمليهاش كتير .. يادوب بس تحركي العربية من وضع الثبات و بعدين تنزلي سنة بنزين و تنقلي على التاني على طول

المشاركة الأصلية كتبت بواسطة princess molly

انا بتعلم بردو
وبخاف اشغل الراديو ممكن يلخمنى
السواقه غلسه عاوزة تركيز
والعربية ايلى ماشية جمبى مش بشوفها احيانا كتير

والملفات مش بعرف امتى اكسر الدريكسون لاخره وامتى لنصفه
ومش عارفه امتى اخرج وحدى بالعربية ازاى احدد؟

الراديو واحدة واحدة هتتعودي عليه .. و ممكن يكون حد جنبك بيكلمك و انتي بتكلميه و انتي سايقة - بالممارسة هتتعودي على كل دا

في كذا نقطة عمياء في كل العربيات و اشهرهم جنب الباب الخلفي يمين و شمال و دي عشان تتغلبي عليها في كذا طريقة :

بتميلي راسك لحد ما يلمس الشباك اللي جنبك و تظبطي المراية الشمال لحد ما تشوفي ديل العربية بتاعتك و نفس المسافة بتميلي براسك بيها ناحية اليمين و تظبطي المراية اليمين لحد ما تكشفي ديل العربية من اليمين ( فتحة التانك ) - و بكدا ممكن تشوفي مساحة اكبر في النقطة العمياء يمين و شمال


الطريقة التانية و دي هتضطري تلزقي مراية صغيرة تحت الشماسة اليمين ( في الزجاج الامامي من الداخل ) و توجههيها للخارج و واحدة زيها في الجنب الشمال قصادك و توجههيها ناحية الشمال بس دا هيحسسك انك قلبتي عربيتك ميكروباص هههههههههههه عشان معظم سواقين الميكروباص بيعملوا كدا و المراية لو محدبة هيكشفلك مساحة اكبر و هتشوفي كل شبر جنب عربيتك


الملفات الواسعة (دوران للخلف داخل المدينة ) بتاخديها على الواسع و تكسري الدركسيون للنصف و تلزمي الحارة اليمين بعد الدوران - اما لو طريق سريع وعايزة تعملي دوران للخلف بتكسري الدركسيون للآخر و بتلزمي اقصى اليسار بعد الدوران مع مراقبة المراية اليمين لحد ما تاخدي سرعة الطريق و مع كل دوران لازم تدي اشارة

خروج لوحدك بالعربية دا هيتحدد لما يكون معاكي حد بيسوق كويس .. يشوف سواقتك عاملة ازاي و هو يقولك اذا كنتي واثقة من نفسك و مركزة و تقدري تمشي بالعربية لوحدك ولا لسه بتتلخبطي و مبتعرفيش تتصرفي خصوصا في الزحمة و واضح من كلامك انك عاوزة ممارسة كتير يعني كل يوم مش اقل من ساعة سواقة

و ربنا يستر طريقك

المشاركة الأصلية كتبت بواسطة princess molly

وعاوزة اعرف لو بعد الشر
خبطت حد
اعمل ايه
هينزل يبهدل الدنيا
انا اقول له ايه ولا اعمل ايه

دي حسب مين فيكو اللي غلطان .. و على حسب هو محترم ولا قليل الادب

اهم حاجة انتي ما تتحركيش بالعربية الا لو حسيتي انك واثقة من سواقتك كويس و سرعة رد فعلك لازم تكون لحظية عشان الخبطة او الحادثة لا قدر الله بتحصل في جزء من الثانية و خلي بالك معظم السواقين اللي في مصر لما بيشوفوا بنت سايقة عربية بياخد عنها فكرة انها مابتعرفش تسوق و في اللي ممكن يزنق عليكي و اللي يصدر لك النور العالي ماتستعجليش على رزقك لسه ياما هتشوفي بلاوي و قرف كتير في مصرنا الحبيبة ههههههههههههههه

و المبدأ المتعارف عليه ان اللي جاي من ورا هو دايما اللي غلطان

انا كذا مرة كنت هلبس في اللي قدامي بسبب انه بيفرمل فجأة و في اللي فوانيس الاستوب بتاعته عطلانة بس كل التحية و التقدير لفرامل اللوجان اللي بتلحقني

المشاركة الأصلية كتبت بواسطة mahmoud_lutfi

لا حاولي تطفي كل الانوار و الراديو قبل الدوارة

بالنسبة للدبرياج ممكن تكوني بترفعي رجلك بسرعة فالعربية بتفصل ,. خلي حد تاني يجرب يعملها - لو مااتحركتش يبقى ممكن يكون حساس الدبرياج عندك واطي و محتاج يعلى .. ممكن و انتي بتعملي صيانة الالف كيلو تقولي لهم عليها في التوكيل .. و لما تشتغل معاكي ما تعمليهاش كتير .. يادوب بس تحركي العربية من وضع الثبات و بعدين تنزلي سنة بنزين و تنقلي على التاني على طول

انا عملت صيانة الالف بالفعل ممكن استنى صيانة الخمسة ...لان اخويا جرب رفع سنة دبرياج برضه لم تتحرك ......جزاك الله عنا خير ....و شكرا لسرعة الرد

المشاركة الأصلية كتبت بواسطة samar abdo

انا عملت صيانة الالف بالفعل ممكن استنى صيانة الخمسة ...لان اخويا جرب رفع سنة دبرياج برضه لم تتحرك ......جزاك الله عنا خير ....و شكرا لسرعة الرد

جزانا و اياكم كل خير

عامة قوليلهم عليها و انتي بتعملي صيانة ال 5000 و خلي بالك صيانة ال 5000 مجانية

ربنا يديلك خيرها و يكفيكي شرها

انا لسة واخدة العربية لوحدي بقالي شهرين بس مبسوقهاش بانتظام يعني ممكن مرة وللا مرتين في الاسبوع ... بس لحد دلوقتي مشكلتي اللي معقداني في حياتي العربية لما تبطل مني لسة مش عارفة اظبط رجلي علي البنزين والدبرياج ومش عارفة حظبطها امتي مشكلتي طبعا بتكبر لما اقف عند مطب او مطلع كوبري بتبقي مأساه ليا وللي ورايا

السلام عليكم ورحمة الله ...أنا قريت الموضوع كلة وفعلا استفدت منة كتير ...جزاكم الله كل خير ..أنا بسوق بقالى 3 شهور بس واول ما اتعلمت اتعلمت على مانيوال بس يدوبك الاول والتانى مسوقتش مانيوال كتير وبعدها استلمت من شغلى عربية اتوماتيك والحمد لله كان ماشى الحال بدون اى خسائر تذكر لانى كنت بحاول على قد ما اقدر اتعلم بدون خسائر لغاية من فترة بسيطة عملت حادثة كنت داخل على اشارة وكنت باجرى ولما شوفت الاشارة اصفرت والعربيات هدت مسكت فرامل تدريجى لغاية ما وقفت منى بالعافية بحوالى 20 سم عن العربية الى قدامى وبعدها بثوانى سمعت سحفة كاوتش وطك ببص لقيت واحد دخل فية من ورا والاكصدام اتخرشم بغض النظر عن الخسائر بس اضايقت انى عملت اول حادثة لية وبعد ما كنت واثق من نفسى حسيت انى رجعت تانى للخوف الى كان موجود فى مرحلة التعليم ياترى ازاى اقدر اتفادى مشكلة الناس الى بتجرى من ورايا انا دلوقتى كل شوية اعد ابص فى المراية واهتم بالى ورايا اكتر من الى قدامى وفى الاخر قولت ابطل اسوق وباروح شغلى مع واحد صاحبى ...والمشكلة كمان انهم هيدونى مانيوال بدل الاتوماتيك وانا قلقان من الموضوع دة لانى حاسس انى نسيت المانيوال لانى مكنتش متمرس فيها ...كل الشكر لاعضاء المنتدى المحترمين واسف للاطالة

المشاركة الأصلية كتبت بواسطة modye_4u

السلام عليكم ورحمة الله ...أنا قريت الموضوع كلة وفعلا استفدت منة كتير ...جزاكم الله كل خير ..أنا بسوق بقالى 3 شهور بس واول ما اتعلمت اتعلمت على مانيوال بس يدوبك الاول والتانى مسوقتش مانيوال كتير وبعدها استلمت من شغلى عربية اتوماتيك والحمد لله كان ماشى الحال بدون اى خسائر تذكر لانى كنت بحاول على قد ما اقدر اتعلم بدون خسائر لغاية من فترة بسيطة عملت حادثة كنت داخل على اشارة وكنت باجرى ولما شوفت الاشارة اصفرت والعربيات هدت مسكت فرامل تدريجى لغاية ما وقفت منى بالعافية بحوالى 20 سم عن العربية الى قدامى وبعدها بثوانى سمعت سحفة كاوتش وطك ببص لقيت واحد دخل فية من ورا والاكصدام اتخرشم بغض النظر عن الخسائر بس اضايقت انى عملت اول حادثة لية وبعد ما كنت واثق من نفسى حسيت انى رجعت تانى للخوف الى كان موجود فى مرحلة التعليم ياترى ازاى اقدر اتفادى مشكلة الناس الى بتجرى من ورايا انا دلوقتى كل شوية اعد ابص فى المراية واهتم بالى ورايا اكتر من الى قدامى وفى الاخر قولت ابطل اسوق وباروح شغلى مع واحد صاحبى ...والمشكلة كمان انهم هيدونى مانيوال بدل الاتوماتيك وانا قلقان من الموضوع دة لانى حاسس انى نسيت المانيوال لانى مكنتش متمرس فيها ...كل الشكر لاعضاء المنتدى المحترمين واسف للاطالة

مبدأيا اللى خبطلك العربية من الخلف هو اللى غلطان القاعدة بتقول كده لو هترجع تسوق مانيوال يبقى لازم تتمرن تانى على المانوال
الخوف بيرجعنا للأول تانى حاول متخافش الكلام ده بقوله لنفسي قبل ما أقوله لغيرى لان اللى اكتشفته لو انا خايفة مش هاسوق كويس