أصل أنا ما صدقت لقيتكم
ومش هسيبكم أبدا
فأحسن لكم تيجوووو كلكم وتكملوا كلاااااااااااااام ونصايح والتركات
لحد ما ابقى محترفه زيكم
بدل ما اقعد اعمل دوشه وأزن وأخبط وأكسر فى التوبيك
اهلا بحضرتك
احنا موجودين والله
بس انت عارفة ان موضوع ميكانيكا وكهرباء السيارة موضوع كبير جدا
بالاضافة
الى موضوع تعلم القيادة هو كمان موضوع كبير
عشان كده بنحاول يكون عندنا تركيز شوية فى تعلم القيادة
ولو جت فرصة نتكلم على الميكانيكا او الكهرباء فى حدود تعلم القيادة
الاول حضرتك وصلتى لحد فين مع المدربة
واشتريتى عربية ولا لأ
وطلعتى الرخصة
بس انت عارفة ان موضوع ميكانيكا وكهرباء السيارة موضوع كبير جدا
بالاضافة
الى موضوع تعلم القيادة هو كمان موضوع كبير
عشان كده بنحاول يكون عندنا تركيز شوية فى تعلم القيادة
ولو جت فرصة نتكلم على الميكانيكا او الكهرباء فى حدود تعلم القيادة
الاول حضرتك وصلتى لحد فين مع المدربة
واشتريتى عربية ولا لأ
وطلعتى الرخصة
قولى لنا آخر اخبارك
عشان نفكر مع بعض
مع اطيب التمنيات
اخوكم حسين غزالة
الحمد لله خلصت الكورس مع المدربة على 128 6 حصص
وناويه اخد كورس تانى ممارسة على عربيتها بردو وسط الزحام والكبارى ايه رايك
بالنسبة للرخصه طلعتها الحمد لله
بالنسبة للعربية بدور على لانوس مستعمل ولقيت واحده واتفقت فيها بس لسه الاستلام كمان شهر انشاء الله
سؤالى هل ياترى اللانوس دايو ابعادها صعيرة وحلوة فى الركنات وكده لانى قريت موضوع ان هى فى الركنة ابعادها غريبة ومتعبه
كمان سوقتها غير ال 128 بتجرى اول ما تشيل رجلك دبريااج
وخفيفة كده يمكن عشان الباور
انا ال128 بالنسبة لى سهله وثابته كده
استاذ حسين شكراً علي مجهودك الرااائع دا والله استفدت منه كتير
السلام عليكم ورحمة الله وبركاته
اهلا وسهلا بحضرتك
عارف احلى كلمة بحب اسمعها انى اجد احد الاعضاء
استفاد اى حاجة من الكلام ده
واحنا كلنا تحت امرك وبنتعلم مع بعض
مع اطيب التمنيات
اخوكم حسين غزالة
الحمد لله خلصت الكورس مع المدربة على 128 6 حصص
وناويه اخد كورس تانى ممارسة على عربيتها بردو وسط الزحام والكبارى ايه رايك
تمام
اتمرنى معاها الشهر ده كمان
بالنسبة للرخصه طلعتها الحمد لله
بالنسبة للعربية بدور على لانوس مستعمل ولقيت واحده واتفقت فيها بس لسه الاستلام كمان شهر إن شاء الله
ربنا يبارك لك فيها ويعطى لك خيرها ويكفيك شرها
سؤالى هل ياترى اللانوس دايو ابعادها صعيرة وحلوة فى الركنات وكده لانى قريت موضوع ان هى فى الركنة ابعادها غريبة ومتعبه
الاكيد ان السيارة الصغيرة
اسهل فى الركن
لكن بالنسبة للأبعاد
هاتتعودى عليها بسهولة ... مع الوقت
كمان سوقتها غير ال 128 بتجرى اول ما تشيل رجلك دبريااج
وخفيفة كده يمكن عشان الباور
انا ال128 بالنسبة لى سهله وثابته كده
الـ 128 عربية جميلة وصغيرة وحاجتها سعرها معقول جدا وابعادها سهلة
لكن طبعا لن يعلى على الكورى
فيه فرق كبير
فى السرعة والقوة .. والقدرة على التحمل ... والعمر الافتراضى لقطع الغيار ...
وحجمها موش كبير قوى
هو بس موضوع الركنة
يعنى اللى معاه عربية "ماروتى" بتكون سهلة فى الركن ... واستهلاك البنزين اكثر من رائع
ممتازة خصوصا لو كان اللى بيركبها اغلب الوقت لوحده او معاه اطفال صغيرين
حضرتك عامل ايه دلوقتى يا استاذ حسين
منذ تاريخ انشائك للموضوع وحضرتك بتمارس السواقه وتتلقى المعلومات فى الموضوع الجميل ده
اكيد مشاء الله اكتسبت خبرة وحرفنة
عاوزة اعرف كمان استغرقت كام من الوقت لحد ما تمكنت والرهبه راحت
منذ تاريخ انشائك للموضوع وحضرتك بتمارس السواقه وتتلقى المعلومات فى الموضوع الجميل ده
اكيد مشاء الله اكتسبت خبرة وحرفنة
حوالى 4 سنوات تقريبا
عاوزة اعرف كمان استغرقت كام من الوقت لحد ما تمكنت والرهبه راحت
هههههههههه
اول ما اشتريت العربية
كنت عايز ابيعها فى نفس الاسبوع
من شدة الخوف
الخوف سببه عدم المعرفة والفهم الجيد للامور
اغلب السائقين موش هايعرفوا يوصلوا لك المعلومة
ده إذا كان فيه معلومة اساسا
فيه فرق بين شخص بيعلمك تحركى السيارة
وبين انه يفهمك فن القيادة
وحتى الآن
مازلت بتعلم كل يوم حاجة جديدة
اهم حاجة ان الانسان مايكونش عنده "كبرياء"
ويعتقد انه خلاص موش محتاج حاجة
الخوف اخد وقت
لان المعرفة اخدت وقت
وعشان الواحد يسأل
ويقرأ فى المواقع المتخصصة
كل ده بياخد وقت
حتى الممارسة تحتاج وقت
لكن
لما الواحد بيكون مركز فى المهارات الاساسية
وفاهم هو هايتعلم ايه فى كل مرة
هايتخلص من الخوف بسرعة
بالكثير 6 شهور ممارسة وفق جدول ... النتيجة هاتكون ممتازة
يعنى ممكن اخرج بالعربية 9 مرات
ومابتعلمش حاجة
مجرد مشى عادى .... بدون تركيز
اهم حاجة عدم الاستعجال
والمشى فى الشارع الرئيسى
فى البداية
المشى يكون فى الشوارع الجانبية
ممكن تكون المشاكل كثير لكن الخطورة اقل "حكة ... خبطة بسيطة"
كله يتعوض
المبتدأ ... اوعى يمشى فى طريق سريع .... على الاقل لازم يكون متمكن بدرجة جيدة
وكل واحد عارف مسنواه
وبدون استعجال
احنا ورانا ايه ؟
تمام تمام تمام
طيب يععنى اجيب كشكول واكتب الملاحظات من اول الموضوع واقرأها كل شويه عشان اطبقها فى الحصص العملى ولا اعمل ايه
عاوزة اتعلم فن القيادة زى حضرتك
بصراحه انا مش عاوزة اتشتم فى الشارع من الناس بيشتموا الستات اايلى بتسوق
وعاوزة موضوع بسيط هنا عن الميكانيكا ايلى المطلوب اعرفها الاقيه فين فى اى قسم
تمام تمام تمام
طيب يععنى اجيب كشكول واكتب الملاحظات من اول الموضوع واقرأها كل شويه عشان اطبقها فى الحصص العملى ولا اعمل ايه
عاوزة اتعلم فن القيادة زى حضرتك
بصراحه انا مش عاوزة اتشتم فى الشارع من الناس بيشتموا الستات اايلى بتسوق
اهلا بحضرتك
شوفى قلة الادب
موحودة ختى مع الرجالة
وفيه سيدات بتسوق احسن 100 مرة من الرجالة
اهم حاجة
ما دام حضرتك ماشية صح
مايهمكيش من اى حاجة
يضرب كلاكس
يضرب نفسه بالحذاء " اعتبرى اللى ماشى وراك هواء"
عشان التوتر موش كويس اثناء القيادة
مثال
انت ماشية فى اليسار
واصدقائك نصوحكى بالسير فى الشمال
وطبعا قافلة الشمال
وماشية براحتك
والشمال معمول للى عايز يحرى جامد
النتيجة ايه ؟
كلاكسات ... ورخامة
طيب الصح ايه ؟
الصح امشى فى منتصف الشارع
ورايا واحد بيضرب كلاكسات
موش مهم
يضرب دماغه فى الحيط
ليه ؟
عايز تحرى ... انا تركت الحارة اليسرى .... تجرى فيها زى ما انت عايز
والحارة اليمنى ... تركتها عى كمان
لانك هاتلاقى عربيات متوقفة
وبائعين ... ومشاة ... ومواقف ميكروباس .... الخ
القواعد الصحيحة للقيادة
هاتسهل عليكى الموضوع جامد
وهاتزود ثقتك فى نفسك جامد جدا
واعصابك هاتهدأ
وعاوزة موضوع بسيط هنا عن الميكانيكا ايلى المطلوب اعرفها الاقيه فين فى اى قسم
[color="rgb(0, 100, 0)"]
[/color]
مبدئيا
عينك دائما على تابلوه السيارة
وتراجعى على انوار التابلوه
لو وجدت اى "لمبة" غريبة منورة ... يعنى اول مرة اشوفها منورة
علطول ... اتوقف بلا تردد
لحد ماعرف ايه السبب؟
مروحة متوقفة
شحن عطلان
مشكلة فى الزيت
وطبعا عينى على عداد الحرارة
علطول انظر اليه كل شوية
واتوقف اذا عداد الحرارة ارتفع عن المعدل الطبيعى
اتوقف بلا تردد .... عشان مايحصلش مشاكل كبيرة يطول شرحها
طبعا
قبل ما امشى بالسيارة لازم
انظر على كاوتش السيارة واتأكد انه "منفوخ" كويس
وان "الاستبن" منفوخ كويس
المفضلات