الموضوع: مؤشر الحرارة اللى فى التابلوه

المشاركة الأصلية كتبت بواسطة MMamdouh

حط صورة لوضع المؤشر و انا اقولك صح ولا لا

MMamdouh

اوكى
بس سوال اخير بعد اذنك لو المؤشر دة دجيتال مش عادى بنعرف ازاى الحرارة طبيعية ولا مش طبيعية
زى مثلا فى عربيات الستروين c3 و التيوتا يارس
متاسف على الاسئلة الكتير بس بناخد منك خبرة
شكراااااااااا

موضوع كبير وزي ما نا شايف فيه جدال واسع

وجهة نظري المتواضعة بين العمالقة المشاركين هي:

مفيش سائل تبريد = مفيش قراءة مؤشر

والكلام ده - مع الأسف عن تجربة.

أنا عندي موؤشر حرارة ديجيتال (غير بتاع التابلوه) مركبه إضافي لقراءة حرارة سائل التبريد وله "صوبع حرارة" مستقل عن العربية كلها بصوابعها

ضرب عندي وش السلندر مرتين بسبب ارتفاع الحرارة والميه دخلت على الزيت وأنا مش شايف تغيير خطير في مؤشر السيارة ولا المؤشر الديجيتال الإضافي وفي المرتين الحرارة كانت قراءات عادية، وكمان العربيه فضلت ماشية عادي جداً لولا ستر ربنا.

المؤشر مش حيعطي قراءة إلا إذا كان في سائل تبريد في الدورة يخلي المؤشر يوصل لفوق ويظهر انه في خطر.

واللي عايز يصدق او ينكر بقى هو حر.......... .

حصلت عندى مرره على فكره

الطبه اللى فى وش الموتور ضربت وفضت الميه كلها

ولاقيت المؤشر وصل لحد الاحمر


بس الحمد لله ماحصلش اى حاجه خالص لانى لحققتها بسرعه

يعنى أصدقك وأكدب الراجل الطيب ده

الحقيقه أنا مصدقه هو ...ومش مصدق اللى حصل عندك

واللي عايز يصدق او ينكر بقى هو حر..........

صباع الحراره ده بيحس بأى تغيير للحراره لو حتى كان لامس جسم المكنه بس

لأنه عباره عن مقاومه قيمتها بتقل مع زيادة درجة الحراره للحاجه اللى لمساه

المشاركة الأصلية كتبت بواسطة yssryaae

لازم يكون فيه مياه تبريد عشان المؤشر يقوم بمهمته امال فايدة مؤشر الحرارة ايه لو الميه مش موجودة الحرارة هتزيد وبالتالى المؤشر هيطلع لفوق يعنى لمنطقة الخطر ولو الكلام ده محصلشى يبقا فيه مشكلة اما فى المؤشر او صباع الحرارة

هو صباع الحراره ده وظيفته أيه

مش بيحس بالحراره ولا علشان يتبل ميه

ماهو بيحس بالحراره اللى شايلاها الميه

تفرق أيه أنه يلمس ميه سخنه أو جسم المكنه السخن

ماهى كلها سخونه والسخونه مع عدم وجود الميه حتتنقله بالتوصيل الحرارى من جسم المكنه المولع نار

هو مش راكب على المكنه ولا محطوط فى جركل ميه جنب المكنه ....أو فى قربة الميه ( بعيدا عن لحم المكنه المولع نار )

مش كده ولا أيه

قلب الموتور ممكن توصل فيه الحرارة لأرقام كبيرة - سمعت انها بتوصل لحد 2500 درجة مع الحرق على الموتور خاصة لو موتور كبير

مع ذلك درجة حرارة سائل التبريد بيصل درجة حرارته لحد 200 درجة فقط وده لانه متحرك باستمرار بسبب طلمبة المياه ويحصل عليه تبريد

يعني الجسم الخارجي للموتور رغم انه مولع بيكون ابرد بكتير من اللي بيحصل جوا الموتور

لو صوبع الحرارة ممكن يقرأ من غير سائل تبريد كانو حطوه في حته تانيه مافيهاش سائل تبريد عشان على الأقل ميجنزرش وتضطر تفكه وتغيره

لازم سائل عشان الصوبع يشتغل صح

ثم يا ريت حد يقولي على اي موديل سيارة من اي ماركة فيها صوبع حرارة مش متصل بشكل او بآخر بسائل التبريد؟؟؟؟

مفيش سائل = مفيش صوبع = المؤشر مالوش فايده.

أرجو يكون كلامي مقنع.