اخيرا عملت true cold air intake للسيراتو

**otefa** · 16-05-2010 10:50 PM

طيب طالما مصمم ليه ماتسيبوش جوة علبة الفلتر الاصلية............هاتاخد هواء بارد وانظف وبعيد عن الميه.

**max_ziro** · 17-05-2010 02:08 AM

المشاركة الأصلية كتبت بواسطة a_tharwat

زي ماقلت قبل كده, المشروع كده خلصان بنسبة 60%, اللي فاضل:

1- ماسورة حرف t صغيرة عشان اركب خرطوم ال vaccum بنظافة بدل الشترتون :)
2- علاقة من قاعدة البطارية عشان المواسير تتعلق فيها ومتبقاش مدلدلة (حاليا ممسوكة بافيز)
3- علاقة custom عشان اثبت فيها ال ecu (برضه حاليا متعلقة بافيز)

محتاج اخد قرارين مهمين:
1- اتني ماسورة pvc بحيث تبقى قطعة واحدة على بعضها بنفس الشكل بدل ماهي كذا قطعة في بعض, ولا ارش المواسر دي واسيبها كده؟
2- بافكر احرك رف البطارية مكان الايربوكس بحيث يبقة الجزء اللي قدام الماسورة فاضي وتبقى مستقيمة اكتر.

بس كده, دلوقت بقى انا هاروح اناااااااااااام عشان مطبق من امبارح.

حط مكان الفوج سلك من بتاع الشبابيك انا عامل كدة عندى عشان حاطت الفلتر من تحت العربية و حاطت حوالية سلك ناموس ههههههههه ..

**night_phoenix** · 17-05-2010 03:58 AM

كلاكبت تاني مرة
انا مش فاهم
هل ممكن افهم؟

**MICRO** · 17-05-2010 02:10 PM

يا جماعة هو مين طفى النوررررر!!! بس أنا حاسس إن الكلام ده كبير أوي وجامد أوي.

**a_tharwat** · 17-05-2010 06:00 PM

المشاركة الأصلية كتبت بواسطة bmya

تسلم ايديك ياباشا
سؤال بس الكوع ال pvc ده كام بوصه حجم الفتحه بتاعته مقاسها كام بوصه ولا كام سم
والماسوره الزرقه دي جبتها منين وبكام

ربنا يكرمك يا باشا. المقاسات كلها 3 بوصة. الماسورة الزرقاء دي ماسورة الومنيوم كنت شاريها مع الفلتر, مقاسها برضه 3 بوصة, السبب الوحيد في استخدامها اني كنت مكسل اقص حتة pvc فاستسهلت وحططها.

المشاركة الأصلية كتبت بواسطة normal

:))))
أنا ممكن يجيلى حاجه لو فكيت الفانوس :)
أحيك على شجاعتك يا ثروت
بس الفلتر فى مكانه الحالى وعدم التقفيل مكان الفوج المتشال
بيعرضه لبلاوى الطريق...تراب ورمل وربما مياه
لازم تقفل مكان الفوج
ومبروك مره تانيه

متشكر اوي يا جماعة على ردودكم الجميلة. والله انا مبسوط بجد, لان دي اول مشاركة لي في منتدى عربي وكنت متخيل ان الحضور الكبير ده موجود بس على المنتديات الاجنبية.

انا قلبي ناشف شوية على عربيتي, انا معترف بكده :) بس باحبها اوي والله :)

بس طالما الحاجة بتتفك وتتركب بالاصول وبحرص يبقى مفيش مشكلة خالص.

المشاركة الأصلية كتبت بواسطة otefa

طيب طالما مصمم ليه ماتسيبوش جوة علبة الفلتر الاصلية............هاتاخد هواء بارد وانظف وبعيد عن الميه.

انا جربت الموضوع ده, بس كده بتسحب هواء سخن من جوه الكبوت لاتك مش هينفع تحط الفلتر جوه الايربوكس الاصلي وتقفل عليه.

بخصوص مكان الفلتر, انا مش حاسيببه كده, انا باعمله دلوقت علبه بلاستك مقفولة بالكامل حوليه ومفتوحه بس من فوق, يعني حاتدخل هواء بس من عند الكارتيرة بتاعة العجلة الشمال, والحتة دي بتبقى نضيفة مفهاش مية ولا تراب, وفي نفس الوقت الشاسيه عازلها عن حرارة الموتور

**a_tharwat** · 17-05-2010 06:08 PM

المشاركة الأصلية كتبت بواسطة alzwawy

بس الاداء هيجي علي جيبك وبس هتلاقي نفسك بتفول كل شويه و خلي بالك عند الكارتيره هيدخله تراب

المشاركة الأصلية كتبت بواسطة alzwawy

+1111111
ياراجل حرام عليك تفك الفوج وترمي كده و قلبك موجعكش وبعدين كده الفلتر هيدخله مياه و تراب والفلتر هيبوظ كده ولو مياه دخلت الفلتر هتبوظ المكنه والله حراام عليك الجريمه ده ولو حطيت حاجه مكان الفوج علشان تحمي الفلتر يبقي مش هيدخله هواء يبقي كده ملهوش لازمه

معرفش ليه شامم ريحة هجوم ملوش لازمة كده, بش عموما انا مفترض حسن النية.

بخصوص التراب, راجع ردي السابق, الفبتر هيبقى في علبة مش حيتساب زي ما هو, وزي ماقلت الموضوع خلصان بنسبة 60% بس.

حرام ايه بقى وجريمة ايه؟ هو انا شلت الفوج بالفاس؟ هم اربع مسامير هايفين اتشالوا بالمفك!!!

بخصوص حرق البنزين, انا معترف اني كنت شاب هايف وباقعد اتسابق بالعربية و بتاع, بس الحمد لله الموضوع ده خلص من زمان, انا حاليا رب اسرة وباحاول اتصرف على هذا الاساس ومعمريش باشد بالعربية ولا باجري بيها اصلا.

دي هوايتي اللي انا باحبها, تعديل السيارات. وبعدين لو الواحد هيقعد يخاف على اي مسمار حيفكه, يبقى ميعملش اي حاجة اصلا.

استهلاك البنزين بدون حرق بزيادة بيبقى اقل من الطبيعي مع ال cai.

**a_tharwat** · 17-05-2010 06:13 PM

المشاركة الأصلية كتبت بواسطة sefo

طيب معلش استفسار هو حضرتك مهندس ولا اتعلمت تفك الكلام فين
واضح انك بتتصرف بحرفيه غير متاحه لكتير مننا
واخر سؤال لو لقدر الله حاجه فى العربيه احتاجت صيانه هتروح التوكيل كده زينا
متهيألى انتا هتعملها احسن من التوكيل
الف مبروك التعديل
لو فتحت مكان للصيانه للسيراتو ياريت تقولنا عليه هنبقى زباينك

ربنا يكرمك يا باشا على المجاملات دي كلها.
انا مهندس كمبيوتر, العربيات بالنسبة لي هواية, بس حاطط دماغي فيها بزيادة شوية :)

انا كنت عرضت قبل كده والله على المنتدى لو حد حابب يعدل عربيته باي شكل انا اقدر عليه انا مستعد اساعده و طبعا مفيش داعي اقول انه بدون مقابل, انا بس حاسس يالوحدة في موضوع تعديل السيارات ده لان محدش بيعمله هواية خالص زي ماهو موجود برة. كل اللي بيعرف يعمل حاجة بيدور ازاي يهلب منها قرشين.

**Atrees** · 17-05-2010 06:20 PM

انا لو مكانك - مفكش حاجة من دول خالصصصصصصصصصصص

انا اوح لسمكري استاذ يفتحلي في الرفرف فتحة تمام احط الفلتر وراها واجيب طبة فيبر شكلها محترم زي ال m3 افتح علي قدها باظبط - وكدة بعيد عن المية والتراب وباي باي سيراتو

حرام عليك - بجد انت جرئ قوي

**a_tharwat** · 17-05-2010 06:20 PM

المشاركة الأصلية كتبت بواسطة great_eagle

كلاكبت تاني مرة
انا مش فاهم
هل ممكن افهم؟

المشاركة الأصلية كتبت بواسطة micro

يا جماعة هو مين طفى النوررررر!!! بس أنا حاسس إن الكلام ده كبير أوي وجامد أوي.

الموضوع بسيط جدا يا جماعة. وظيفة فلتر الهواء بتاع العربية انه ينضف الهواء اللي داخل للموتور عشان يحمي الموتور من التاكل. الفلتر الاصلي بتاع العربية معمول حسابه انه يبقى صوته واطي, لان الغالبية العظمى من الناس اللي بتشتري عربيات بتبقى عاوزة صوتها واطي, دي غير ان برة في قوانين بتحكم شدة الاصوات اللي خلرجة من العربية.

عشان الفلتر يحقق ده, لازم يكتم الموتور شوية. فكده في جزء من الهورس باور بيضيع نتيجة لان الموتور بيبذل مجهود عشان يشد الهواء من الفلتر. الفلاتر السبور بتبقى الفلترة بتاعتها اقل, فالموتور بيبذل جهد اقل في سجب الهواء.

عشان كده نقدر نقول ان الفلتر السبور مش بيزود هورس باور, وانما بيرجع الهورس باور اللي كان ضايع. ده طبعا على حساب ان الصوت بيزيد شوية والفلتر بتقل شوية.

في ميزة تانية ممكن نزودها عن طريق اننا نحط الفلتر السبور في مكان يشفط منه هواء بارد من بره الكبيوت. الهواء البارد بتبقى كثافته اعلى من الهواء السخن اللي تحت الكبوت, وده معناه ان نسبة الاكسجين بتبقى اكتر وبالتالي لو العربية قديمة هيبقى حرقها انضف ول جديدة حتطلع هورس باور اكتر (بس نسبة هايفة يعني 3% بالكتير قوي)

يس كده, الفايدة الفعلية ان استجابة الموتور تبقى احسن, ومع حسن الاستخدام يحرق بنزين اقل, ولو جاب 1 ولا 2 هورس باور برضه يبقى قشطة :)

الموضوع: اخيرا عملت true cold air intake للسيراتو

LinkBack

أدوات الموضوع

عرض

-

-

-

-

-

-

-

-

المواضيع المتشابهه

اخيرا عملت Intake

K&N Cold Air Intake او ملقم الهواء البارد للمازدا 3

cold air intake ركب للسيراتو

cold air intake system bona2an 3ala talab el 2a3da2

Cold Air Intake .. VS .. Hot Air Intake

الكلمات الدلالية لهذا الموضوع

المفضلات

المفضلات

ضوابط المشاركة