ياريت مساعده من لاعبى كمال أجسام .

**ahmed_h_g** · 25-05-2010 04:23 AM

ياريت يا جماعه لو فيه حد بيلعب حديد أو كمال أجسام بقاله فتره يبلغنى عايز أسأله شوية أسئله
من الأخر ههريه أسئله
أخوكم جديد فى الموضوع ده ومحتاج شوية معلومات .

**Mohamed.Ramah** · 25-05-2010 04:38 AM

اهم حاجة تبعد عن الامينو الانجيكة حقن الزيت علشان تاثيرتها سلبية فيما بعد واهم حاجة تقسم التمارين على حسب جدول

بنج-باى
ظهر -تراى
كتف -ترابيس

كل تمرين فى يوم مع تمرين الرجل نهاية الاسبوع والبطن يوميا مع التويست عند التسخين وطبعا الراحة بعد التمرين والاكل بعدية دة اهم حاجة ولو جسمك رفيع اهتم بالاكل كويس لو مليان يبقى ابتدى باوزان خفيفة وزود عدد المجموعات 5*10
اوزان خفيفة علشان تحرق وبعد كدة زود مع الوقت الوزن وخلى المجموعات 4*10 بس اهم حاجة متخشش على الاوزان التقيلة فى الاول لانك حتتعب اوى ابتدى الموضوع بالتدريج ومتستعجلش وحاول على قد ماتقدر تخلص تمرينك ومتقعدش فترة كبيرة بين المجموعات ولا تجهد عضلت وتتمرن نفس التمرين او تمرن العضلة كل يوم ظبط الجدول يعنى لو لعبت باى متلعبهاش كل يوم

ودة لينك فية شرح كل التمارين ويارب اكون افادتك
http://www.bramjnet.com/vb3/showthread.php?t=250034

**ahmed_h_g** · 25-05-2010 04:44 AM

الف شكر يا محمد باشا
بس أستنه أستنه عايز أسألك كام سؤال
أولا" أنا مباخدش بروتينات ولا منشطات ولا الكلام ده
هل أنا دلوقتى لو أتمرنت فتره وبطلت مكان العضله هيتملى دهون ؟
ثانيا" هل فيه تمارين زى تمارين الكتف لو زودت أوزان ممكن يجيلى انزلاق غدروفى زى ما بيقولوا ؟

**FunnyMickey** · 25-05-2010 11:34 AM

متابع
عشان انا بقيت بكرش ولسه متجوزتش

وبالمره بقي
انا مش لاقي جيم عدل خالص في مدينه نصر ينفع الواحد يلعب فيه وميتبهدلش
والنضيف غالي اوي
ب600 واعلي

مفيش حاجه وسط يعني
100
150
وتكون محترمه

سؤال بقي اضافي

دلوقتي اما بتبقي في الجيم وبتلعب تمرين معين
بنش مثلا

اخر 3 4 عدات
مبتبقاش قادر تشيل خلاص ومحتاج مساعده

افرض مثلا الجيم فاضي
ولا مفيش حد وكله مشغول في تمرينه

لو انا نزلت البار قبل ما اخلص العدد المفروض عشان تعبت

هل كده التمرينه تبقي ناقصه ؟؟