ياريت تفكروا معايا

**hobaz** · 28-05-2010 12:23 AM

متابع باهتمام........

**atchiano** · 28-05-2010 01:50 AM

أقلق حاجة باءة سهلة أوي حيطلع في وسخا جامدة أو صدى فالبنزين إلي حطه من ال محطة و دة وارد سواء موبيل أو تعاون ..ساعات تكون ال خزانات مصدية .......حتجيب من موبيل <fuel flow cleaner و حتحته مع تفوليت تنك و يارات يكون 95 و سبها دايرة على سلانسيه 10 دقايق و بعد كدة احراء جامد على ال مكانة و مشوار حلو مع الأرس على النألات....و isa حتروح مبسوط ال بات ..عن تجربه..................

**SAMEH_FOUAD** · 28-05-2010 11:34 AM

انا عملت تجربة امبارح ولقيت الطلمبة شغالة كويس جدا

روحت على طول قولت يبقى الخنقة دية مالهاش غير حل واحد وهو حساس الماب اللى على البوابة وفعلا طلع العيب منة

لانة طبعا مش بيخلى العربية تدخل كمية الهواء الصحيحية اللى بيبقى الماتور محتاجها عشان يظبط خليط الهواء والبنزين مع بعض لاتمام عملية الاحتراق الكامل والماتور بارد
واستنتاجى بردة اننا لما كنا بنشيل فيشة الطلمبة ونلاقى العربية ظبطت فدة عشان بقت كمية الوقود الى داخلة قلت جدا وبقت تقريبا قد كمية الهواء اللى داخلة بدون عمل حساس الماب بكفاءة عشان كان كدة الاربى ام بيظبط
واول لما نيجى نركبها تانى الاربى ام يوطى عشان بقت كمية الوقود زيادة على كمية الهواء اللى موجودة فبيحصل نوع من الخنقة لان البنزين دة مش بيتحرق
هو دة استنتاجى لان فعلا العربية بعد مابتسخن كويس سحبها وكل حاجة مظبوطة

**د.محمود صلاح** · 28-05-2010 04:24 PM

هو الحساس ده يمكن تغييره وسعره رخيص ؟

**SAMEH_FOUAD** · 29-05-2010 02:23 AM

المشاركة الأصلية كتبت بواسطة ayabooy

مبروك على حل المشكلة يا سمسم
و عموما المفروض مع ظبط الحساس ده استهلاك البنزين يقل جامد

الله يبارك فيك

انا معرفش هية بتعمل معاة قد اية بس لسة مش هيعرف حاجة دلوقتى انا نظفتلة الحساس كدة هو والفيشة وهو دلوقتى تحت التجربة لو ظهر مشكلة تانى يبقى هيتغير

**SAMEH_FOUAD** · 29-05-2010 02:33 AM

المشاركة الأصلية كتبت بواسطة kemoelord

الحقيقه مجهود رائع يا سمسم باشا وان شاء الله المشكله كده تكون اتحلت بس يا ريت فعلا تعرفنا سعر الحساس بكام ؟ وهل وظيفه الحساس ده انه يتحكم في كمية الهواء التي يحتاجها المحرك لعمل الخليط الهواء مع الوقود لاتمام عمليه الاحتراق الداخلي فقط هل دي وظيفته ؟ وهل له وظائف اخرى ؟

ربنا يخليك ياباشا

الحساس دة وظيفتة تحديد كمية الهواء الذى يحتاجها المحرك ويقوم بتنظيمها سواء بالزيادة او بالنقص حسب درجة حرارة المحرك يعنى لو المحرك بارد طبعا بيضخ بنزين اكتر ودة بيبقى عن طريق حساس الايدل وطبعا لازم كمية هواء مناسبة لاتمام عملية الاحتراق هنا يقوم دور حساس الهواء او الmap sensor ولما بيكون المحرك بارد بيسمح بدخول كمية هواء كبيرة واول لما يبتدى المحرك يسخن يبدأ الحساس فى تقليل نسبة الهواء على حسب الكمية الموجودة من الوقود

**samirayad** · 29-05-2010 07:30 AM

هنا يقوم دور حساس الهواء او الmap sensor ولما بيكون المحرك بارد بيسمح بدخول كمية هواء كبيرة واول لما يبتدى المحرك يسخن يبدأ الحساس فى تقليل نسبة الهواء على حسب الكمية الموجودة من الوقود

على فكره ياسمسم

حساس الماب ملوش دور فى حريق المحرك والمكنه على السلانسيه

زى المشكله اللى فى الموضوع على حسب مافهمت من سردك للموضوع ( أنها مشكله على السلانسيه )

المهم جية يدور لقا العربية بدور على سلانسية واطى جدا وفاضلها سنة وتبطل

ووظيفته مش السماح لكمية هواء معينه بالمرور لغرف الحريق

**SAMEH_FOUAD** · 29-05-2010 09:44 AM

المشاركة الأصلية كتبت بواسطة samirayad

على فكره ياسمسم

حساس الماب ملوش دور فى حريق المحرك والمكنه على السلانسيه

زى المشكله اللى فى الموضوع على حسب مافهمت من سردك للموضوع ( أنها مشكله على السلانسيه )

ووظيفته مش السماح لكمية هواء معينه بالمرور لغرف الحريق

لية انا لما نظفت حساس الماب العربية ظبطت الاربى ام بتاعها ومابقتش بتتخنق وهية ماشية والمشكلة كلها تتلخص فى ان العربية
مرة واحدة كدة صاحبى جاى بيدورها الصبح لاقى العربية بدور على سلانسية واطى جدا وبيبص ورا فى المرايا لاقى دخان اسود متقطع بيطلع من الشكمان ولما العرببة سخنت بدأت تتنتظم قليلا وبعد كدة ظبطت
انا الاول شكيت فى طلمة البنزين لأنى لما جيت وشيلت الفيشة بتاعتها العربية ظبطت
بعديها بيومين عملنا اختبار كدة للطلمبة ولقينا الضخ بتاعها كويس جدا
روحت رايح للكبوت واتجهت ناحية حساس الماب روحت شايل الحساس ومنظفة ومنظف الفيشة بتاعتة كويس بمنظف الانجيكشن ودورت العربية اشتغلت تمام
وعلى فكرة انا اعرف ان وظيفتة كدة لانة لما بيتشال العربية بتتخنق وانا جربتها اكثر من مرة دة غير انى مرة شيلتة والسيارة دايرة الاربى ام ارتفع جامد مرة واحدة وبعد كدة بقى الاربى ام ثابت على 1500 لفة مع ان العربية سخنة ولما بطلت وركبتة وشغلت الاربى ام انتظم

فاعتقد ان كلامى صح وانا قولت انة بيسمح بمرور كمية هواء مناسبة ودة اللى انا شايفة الصراحة واعرفة ومتاكد منة بردة لانها تجربة واقعية
وفعلا ياباشا هو بيحدد نسبة الوقود اللى داخلة للمحرك وعلى اساسها بيدخل الهواء اللازم