عايز تعمل مشروع ؟ .... تعالى ندرسه مع بعض و نفكر فيه

**akramlail** · 28-05-2010 07:29 PM

المشاركة الأصلية كتبت بواسطة kemoelord

+111111111111 بالظبط والله وانا عندي نفس شعورك , بس انا فكرت اعمل حاجتين بس الكلام ده من زمان يعني من 3 سنين مثلا :

1- اني اعمل محل بلاي استيشن باجهزة lcd ومشروبات واكل وكده بس طبعا كنت عاوز ادرسه الاول والمشكله ساعتها الي واجهتني هي الفلوس

2- كنت عاوز اعمل زل محل كده او ورشه غسيل سيارات لاني بالفعل شوفت مكان زي ده في الحي الثامن قريب من مدرسه المنهل كده وكان في مغسله فيها ادوات بسيطه وكنا بنشوف عليه تزاحم واقبال كبير عليه ففكرت اني اعمل واحد زيه بس الي حصل بقى

الواحد حس ان مخة صدى ومعندوش افكار من يوم متخرجت وانا متنح مش عارف اعمل حاجة داخل فى اربع سنين اهو متنح بتفرج على اللى حواليا زى اللى لابس مايوة وخايف ينزل البحر وواقف يتفرج على اللى بيعوموا ومنهم بيغرق ومنهم بيتنطط دنيااااااا

مشروع ورشة غسيل السيارات فكرة كويسة بس يتكلف كام

**kemoelord** · 28-05-2010 07:59 PM

المشاركة الأصلية كتبت بواسطة akramlail

الواحد حس ان مخة صدى ومعندوش افكار من يوم متخرجت وانا متنح مش عارف اعمل حاجة داخل فى اربع سنين اهو متنح بتفرج على اللى حواليا زى اللى لابس مايوة وخايف ينزل البحر وواقف يتفرج على اللى بيعوموا ومنهم بيغرق ومنهم بيتنطط دنيااااااا

مشروع ورشة غسيل السيارات فكرة كويسة بس يتكلف كام

هههههههههههههههه ,,, مشروع الغسيل ده احنا حسبناه من ناحيه تجهيز المعدات فقط وبدون الدخول في تفاصيل الاجراءات الروتينيه والضرائب وما تتكلفه هذه الاجراءات , لاقينه حوالي من 10 الى 15 الف باقصى حد " وقتها " علشان يمكن دلوقتي الحاجات غليت

**MaZaGAngeE** · 29-05-2010 12:10 AM

الحقيقة الردود و التجاوب و طرح الأفكار و النقاش , أسعدوني جدا
اسمحولي قبل ما نكمل موضوعنا الرئيسي أوضح أنواع المشروعات و الفروقات بينها
النوع الاول : المشروعات الخدمية
النوع التاني : المشروعات الانتاجية

**hany_mohamed** · 29-05-2010 12:15 AM

المشاركة الأصلية كتبت بواسطة kemoelord

هههههههههههههههه ,,, مشروع الغسيل ده احنا حسبناه من ناحيه تجهيز المعدات فقط وبدون الدخول في تفاصيل الاجراءات الروتينيه والضرائب وما تتكلفه هذه الاجراءات , لاقينه حوالي من 10 الى 15 الف باقصى حد " وقتها " علشان يمكن دلوقتي الحاجات غليت

ياريت لو حد مهتم بالمشروع ده فى اسكندرية يكلمنى وانا أشارك معاه

**hany_mohamed** · 29-05-2010 12:21 AM

المشاركة الأصلية كتبت بواسطة mazagangee

الحقيقة الردود و التجاوب و طرح الأفكار و النقاش , أسعدوني جدا
اسمحولي قبل ما نكمل موضوعنا الرئيسي أوضح أنواع المشروعات و الفروقات بينها
النوع الاول : المشروعات الخدمية
النوع التاني : المشروعات الانتاجية

مجهود رائع يا باشمهندس :b4_388:
ومنتظر مشروع كربونات الكالسيوم

**MaZaGAngeE** · 29-05-2010 02:59 AM

نيجي بقى للنوع التاني من المشروعات : المشروعات الانتاجية
مشروعات تقوم على تصنيع او تجميع او تشكيل خامة او خليط من الخامات و بيعها للمستهلك سواء كانت منتج تام الصنع او مكون صناعي او منتج تحت التجهيز . و ده اول فرق بين النوعين وجود سلعة يتم بيعها
كمان غالبا بتكون النوعية دي من المشروعات مستقرة و كثيرة العمالة , كمان محتاجة رأس مال غالبا كبير , دورة رأس المال بطيئة سنوية لكن مستقرة و متزايدة , الموضة و تقلبات الاذواق ليها تأثير بسيط و لا يتعدى بعض الاضافات البسيطة من تغليف او شكل خارجي لكن مواصفات المنتج بشكل عام ثابتة , المشروعات دي بيكون ليها شبكات توزيع او وكلاء ليهم دور كبير في تسويق و تطوير المنتجات .. طبعا تحتاج لوقت في الانشاءات و الدراسة و كمان في ترويج المنتج , تتميز بمتوسط ربحية عالي و في بعض الصناعات بيكون خرافي .
طبعا دي كيانات مستقره ليها اصول ثابتة و متغيرة , و تقوم بتشغيل عدد كبير من العمالة من ثقافات و خبرات متعدده

**hussein** · 29-05-2010 10:40 AM

ياريت نكمل الدراسه بتاعتنا بشكل اسرع علشان الواحد بينسى اللى فات

**kemoelord** · 29-05-2010 02:11 PM

سبحان الله , بمناسبه مشروع " غسيل السيارات " لاقيت محل مكتوب عليه للايجار او البيع وهو اساسا بيغسل عربيات فدلوقتي انا عندي بعض الاستفسارات :-
هل الراجل صاحب المكان هيفكر يبيع المحل او ياجره ليه ؟
هل المكان لا يصلح لفكرة المشروع وان الشغل قليل ومش بيربح فعلشان كده هيترك المكان؟
ايه هي الاجراءات الي ممكن اتخاذها او اعملها وايه الحاجات الي المفروض اخد بالي منها قبل ما (اتدبس) واخد المكان لان طبعا الراجل عمره ما هيقلي على الاسباب الحقيقه لتركه المكان ؟؟؟؟؟؟؟؟

انا قولت اعرف منكوا بعض الاجابات وانا ان شاء الله ناوي افاتح الوالد في الموضوع واذا ان شاء الله نفع ممكن اشوف حد لو حابب يشاركني

-

-

الموضوع: عايز تعمل مشروع ؟ .... تعالى ندرسه مع بعض و نفكر فيه

LinkBack

أدوات الموضوع

عرض

-

-

-

-

المواضيع المتشابهه

لو عاوز تريح دماغك من اضطرابات الاقتصادية في البلد و تعمل مشروع تعالي اقرا و مش هتندم

لو عايز تعمل صيانه عربيتك البولو بنفسك تعالى

تعالى اقولك تعمل ايه لو ... رميت على حد !!

معاك 700 جنيه وعايز تعمل حاجه مفيده اوى فى الياريس تعالى

بتفكر تعمل مشروع ؟ أول خطوة هي دراسة الجدوى - أتفضلوا دراسات جدوى لمشروعات كتير

الكلمات الدلالية لهذا الموضوع

المفضلات

المفضلات

ضوابط المشاركة