الموضوع: عايز تعمل مشروع ؟ .... تعالى ندرسه مع بعض و نفكر فيه

الاخ kemoelord
انا شايفة أن حضرتك تسأل صاحب المحل عن تفاصيل الايجار شهرى ولا سنوى
طيب و الاجهزة المستعملة اللى عنده ثمنها كام تشتريها و تخلص بدل ما تزود الايجار
وهل ممكن تاخد جزء من المساحة دى شراء أو ايجار لو انت شايف السعر كده عالى شوية
ولا هو بيتصرف فيها كلها و مش عايز يجزءها
وربنا يكرمك ان شاء الله

المشاركة الأصلية كتبت بواسطة kemoelord

انا كلمت صاحب المحل والي هو نفسه صاحب مركز غسيل السيارات وقالي كالتالي :_

1- المحل لو ايجار هيبقى 15 الف بدون المعدات ولو بالمعدات هيبقى 19 الف (انا طبعا ما شوفت المعدات الي بيتكلم عليها)

2- لو بيع هيبقى سعر المتر 8000 ج والمساحه الكليه 250 متر مربع (انا شايفه غاااااااااااااااااااااااا ااااااااااااااااااااااااا لي جدا ) وهو مكانه مدينه نصر " مكرم عبيد امام الحديقه الدوليه بس من شارع متفرع داخليا

الي انا مش فاهمه ويمكن الناس الي عندها خلفيه تقدر تفيدني , دلوقتي انا سالت الراجل يعني لو هاجره هيبقى بكام شهريا قالي زي ما قولتلك يعني هو يقصد مثلا مثلا يعني اني المفروض ادفع شهريا 15 الف على اعتبار ان المعدات (الي عنده اصلا)تمنها 4000 ج فانا هشتريها وخلص ولا يقصد ايه ؟؟؟؟ ولا مثلا ايجار المحلات بيبقى معروف انه ايجار مثلا سنويا ولا ايه انا مش فاااااااااااااااااااااااه م

فيه بنزبنة عندنا في العبور فاتحة جديد فيه واحد مأجر الخدمات(غسيل وغيار زيت وكمان عامل كار كير) ب1200ج شهريا بس هو بيقولي هسيب المكان علشان الأيجار عالى والأيراد مش مكفي وانا الصراحة شايف انه مستعجل لأن البنزينة مكملتش شهرين يعني يعتبر ملحقش يتعرف فأنت برده ممكن تشوف حاجة شبيه لكده.

المشروعات الانتاجية تنقسم لنوعين من المشاريع بحسب التكلفة :
النوع الأول : معدات ذات تكاليف قليلة , و خامات مكلفة جدا ( زي صناعة الألمونيوم مثلا . المعدات تمنها 80 أو 90 ألف و هتحتاج شهريا 30 طن ألمونيوم خام تمنهم 660000 جنيه شهريا ...
النوع التاني : معدات بتكاليف عالية , و خامات غير مكلفة ( زي المحاجر مثلا , الطوب . المعدات بمليون جنيه , و الخامات ببلاش أو بتكلفة التحجير فقط )

المشاركة الأصلية كتبت بواسطة tifana2010

الاخ kemoelord
انا شايفة أن حضرتك تسأل صاحب المحل عن تفاصيل الايجار شهرى ولا سنوى
طيب و الاجهزة المستعملة اللى عنده ثمنها كام تشتريها و تخلص بدل ما تزود الايجار
وهل ممكن تاخد جزء من المساحة دى شراء أو ايجار لو انت شايف السعر كده عالى شوية
ولا هو بيتصرف فيها كلها و مش عايز يجزءها
وربنا يكرمك ان شاء الله

بعيد عنك يا تيفانا الراجل بيكلمني وبيرد عليا بالعافيه وبيكلمني بنرفزة وروحه في مناخيره مش عارف ليه , حاجة تقرف الصراحه وانا لما بشوف حد كده ببقى نفسي اقفل السكه في وشه , وعموما انا سالته على ماهية الايجار وقولتله ده هيبقى شهري قالي ما انا قولتلك 15 الف بدون المعدات و19 الف بالعدات فسكت قولت يمكن السوق ماشي بمبدا انا مش عارفه , وبالنسبه للمعدات انا كده كده هعاينها ولو حالتها كويسه هشتريها مره واحدة زي ما حضرتك قولتي , وبالنسبه للمساحه هو هيتصرف فيها كلها , والله المستعان

المشاركة الأصلية كتبت بواسطة محمد محمد

فيه بنزبنة عندنا في العبور فاتحة جديد فيه واحد مأجر الخدمات(غسيل وغيار زيت وكمان عامل كار كير) ب1200ج شهريا بس هو بيقولي هسيب المكان علشان الأيجار عالى والأيراد مش مكفي وانا الصراحة شايف انه مستعجل لأن البنزينة مكملتش شهرين يعني يعتبر ملحقش يتعرف فأنت برده ممكن تشوف حاجة شبيه لكده.

طيب حضرتك ممكن تفيدني بالموضوع ده او على الاقل توصفلي مكان البنزينه بالتحديد (ويا ريت تقولي اروح ازاي من مدينه نصر لاني عمري ما روحت العبور دي) ولو كمان عرفت تجيبلي رقم الراجل الي ماجر الخدمات (علشان ممكن يفيدني واستفسر منه على بعض الاشياء) وحضرتك متاكد انها ب 1200 ولا 12000 شهريا ؟؟؟؟؟؟؟؟؟

مواضيع جميله بس المشكله في الريسك الواحد مش ناقص لو اي صدمه ممكن يغمن علي

المشاركة الأصلية كتبت بواسطة mohamedrabia

مواضيع جميله بس المشكله في الريسك الواحد مش ناقص لو اي صدمه ممكن يغمن علي

هيه دي الميزة عند الراجل الغني , يقدر يغامر بمبلغ هوه مش محتاجه أو على أقل تقدير خسارته مش هتموته زينا , و كمان بيدرس المشروع لمدة طويلة بكل تفاصيله و احتمالات نجاحه و المشاكل اللي ممكن تخليه يفشل

المشاركة الأصلية كتبت بواسطة hussein

ياباشا خش بقلب جامد مش كل يوم كلمتين )

والله غصب عني , أنا كنت مخطط أخلص الموضوع في يومين بالكتير بس ظروف الشغل خلتني مش قادر أكمله بالسرعة المطلوبة , آسف جدا على التأخير و ان شاء الله خلال يوم أو اتنين بالكتير أكون خلصته بالصور و الفيديوهات

المشاركة الأصلية كتبت بواسطة kemoelord

طيب حضرتك ممكن تفيدني بالموضوع ده او على الاقل توصفلي مكان البنزينه بالتحديد (ويا ريت تقولي اروح ازاي من مدينه نصر لاني عمري ما روحت العبور دي) ولو كمان عرفت تجيبلي رقم الراجل الي ماجر الخدمات (علشان ممكن يفيدني واستفسر منه على بعض الاشياء) وحضرتك متاكد انها ب 1200 ولا 12000 شهريا ؟؟؟؟؟؟؟؟؟

هو من بقه قالى(كلام في سرك 1200ج في الشهر)وبيقول انه جايب العدة بتاعت الكار كير ب10000ج تقريبا بس هياخدها وهو ماشي وهحاول اجيبلك الرقم بتاعه ورقم مدير المحطة مكان البنزينة هي بنزبنة مصر في اسكان المستقبل قبل موقف الأوتوبيس وانت جاي من الأوتوستراد امشي في شارع جوزيف تيتو واطلع كوبري الحرفين هنلاقي نفسك في اول طريق مصر الأسماعيلية خليك ماشي هتلاقي مدخل المدينة(النفق) بعد التجنيد علي طول هتخش المدينة هتفضل ماشي في طريق طوالى هتعدي فيه علي كارفور والحي السادس والسابع والخامس وهتعدي بعد كده علي مدخل الأول والثاني وبعد كده مدخل الشباب هتمسك طريق اسكان الشباب لغاية الأخر هتلاقي البنزينة واخدة ناصية علي ايدك اليمين .