الموضوع: حوارات الأطباء والمرضى

المشاركة الأصلية كتبت بواسطة aif

يا نور ده يوم العيد .... لأ وعيد الاضحىن ..... وكمان الساعة 6 الصبح ..... يعني تلاقي جوزها كان بيدبح الخروف وهيا عمالة تقطع اللحمة وبتعمل الفتة عشان يفطرو ....
يعني بصراحة المفروض تاخد احر الكشف × 10 ع الاقل

قولولهم
والا الدكاترة دول عبيد
مش بشر من حقهم يعيشوا زي الناس

لما واحد ييجي يكشف على اسنانه و يقول دكتور القليع هنا اصلي عاوز اقلع
يبقى العياده بقت ملهي ليلي

ولا لما عيان من الارياف يقوللي هعمل الاوشاعه و اخد المضيد و اكتبلي على بظاظه وانا معرفش يعني ايه بظاظه اساسا و تطلع في الاخر انبوبه جيل عشان القرح اللي على سنانه
ولا لما عيان ييجي و يقوللي بعد ما بص سيادته في الاشعه حشو العصب بتاعك زي الفل يا دكتور بص الابره اللي ماشيه في الجدر طويله ازاي مش قصيره زي الاشعه بتاعه الدكتور فلان
ولا لما عيان اكتبلوا دوا معين و اقولوا ده بيتاخد على بطن فاضيه (يعني ما بيتعبش البطن) يقوللي اصل معدتي تعباني ممكن حقن!!!!!
ولا لما واحد اسألوا عندك اي حاجه بتشتكي او حساسيه من اي نوع لاي حاجه او كبد او سكر او ضغط او قلب او غده درقيه او مشاكل كلى او صرع و يقوللي لا ولما اديله البنج يبقى هيموت و اعرف بعد كده انه عنده توكسيك جويتر(غده درقيه)
ولا لما واحد ييجي يخلع ضرسوا واقولوا محتاج اشعه يبصلي كده اني دكتور غبي او ابله ويقوللي اشمعني الدكتور فلان ما طلبش مني اشعه
او لما ييجي واحد واسأله عندك ضغط يقوللي لا اخلع و توكل معنديش ضغط ولا يحزنون توكل على الله واديني البنج ياللا و شكل وشه بيطق شرار من الضغط ولما اقيسله الضغط بالجهاز اللي عندي يقوللي جهازك مش مظبوط انا بتابع ضغطي عند الدكتور فلان و بيديني دوا فلاني للضغط و الدوا الفلاني للسيوله اصلي عامل قلب مفتوحّّّّ!!!!!!!!!!!!!!!!
ولا لما واحد يجيني و يقوللي بعد ما يعمل شغل في سنانه ممكن تكتبلي الدوا الفلاني على روشتتك( الترامادول) مثلا اصل الدكتور فلان كان كاتبهولي قبل كدهّ!!!!!!!!!
ولا لما ...............
اقول ايه ولا ايه
لكل ظالم نهايه

المشاركة الأصلية كتبت بواسطة turboman

اخر موقف حصلي امبارح
واحد داخل الاستقبال ومعلق مراته او خطيبته في دراعه و داخلين بيهزروا
و داخل يقولي
عندها فشل تنفسي حاد و محتاجه اكسجين حالا

هههههههههههههههههههه ههههههههههههههه

اكيد كانوا مهيبرين دول

عملت ايه معاهم