حوارات الأطباء والمرضى

**dr.amr** · 31-05-2010 10:46 PM

المشاركة الأصلية كتبت بواسطة asbeats

تصدق مالوش حق.....ما كل الناس بتشرب.... وهو الشرب عيب ولا حرام....

ما هي دي من المضحكات المبكيات....لو عرفت اد ايه بنشوف ناس لا يمكن تتخيل انها "بتشرب" بالمعنى اللي الدكتور يقصده مش هتصدق...

وطبعا غصب عن الدكتور بيضطر يسأل بطريقة غير مباشرة عشان المريض ميزعلش من الكلام....

لا بصراحه دكتور مستفز جدا

ده احنا بيقعدوا يقولولنا

لازم تسأل المريض بطريقه واضحه

وسؤال لايحتمل اللبس

وماتتكسفش

وده يقوله انت بتشرب ياحاج !!!!!!

مكسل يقوله بتشرب خمره ولا ايه

ماهو مفروض يعرف بيشرب ايه

انا عموما مابحبش الدكاتره اللي بتتعامل من فوق النضاره ده

**icehearted girl** · 31-05-2010 10:50 PM

يادكتور عمر..انت ممكن لو سألت حد بالطريقة دي تجرحه..ويخاف يقلك الصراحة

**dr.amr** · 31-05-2010 10:56 PM

المشاركة الأصلية كتبت بواسطة أم حمـــاس

يادكتور عمر..انت ممكن لو سألت حد بالطريقة دي تجرحه..ويخاف يقلك الصراحة

طيب اهو سأله بالمداري

والاتنين مافهموش بعض

وخدوا انطباع سيء عن بعض

لازم اسأله مافيش حاجه اسمها اجرحه

ممكن يكون بيني وبينه مش لازم قدام الناس

**dr.amr** · 31-05-2010 10:57 PM

المشاركة الأصلية كتبت بواسطة asbeats

طيب انا هحكي عن موقف حصل لدكتور زميلي بس كان واد مسخرة

ست متخانقة مع جوزها خناقة جامدة.... تقريبا جوزها ضربها فعملت نفسها "اتخرست" الراجل اتفزع وجابها المستشفى....حكى لزميلي الحكاية ففهم القصة....كشف عليها عادي وهي سايقة الإستعباط على الآخر وعاوجة لسانها وشغالة أوأوأو

ولا محمد رضا في فيلم 30 يوم في السجن....صاحبي ساق فيها الهبل وجاب سن حقنة وقعد يشكشها في لسانها قال يبخرج السميات.. وينشط عصب الكلام..والست واحدة واحدة بدأت تنطق..وجوزها تنفس الصعداء... اللي يضحك اكتر انه كتبلها في الروشتة لبان تشيكلس

تمضغ لبانة تلات مرات يوميا لمدة ثلاث ايام

لا يادكتور اسر

قوله كلورتس احلي

بينشط عصب اللسان اسرع
ده بيهرج

**asbeats** · 31-05-2010 11:01 PM

المشاركة الأصلية كتبت بواسطة dr.amr

لا يادكتور اسر

قوله كلورتس احلي

ده بيهرج

والله يا دكتور عمر من غلبه....

اصل الحاجات دي مبتحصلش الا بعد نص الليل .... والواحد بيبقى

انا عندي حكايات زي دي بالهبل....

**icehearted girl** · 31-05-2010 11:01 PM

مرة واحدة كانت جية تولد عند دكتور معرفة فعيادة خاصة واول مدخلت كانت خلاص قدامها ربع ساعه بلكتير

بعد شوية جوزها جه اتاريها متخانقة معاه وبينهم مشاكل للسما

راحت قامت ماسكة فيه وتضربه وتطرده برا العيادة

وهو حالف ميت يمين مهو طالع دا جوزها ولازمم يشوف ابنه

راحت هلي حلفان علي حلفانه حلفت ماهي والدة ابنه اللي بيتحجج بيه دا

آه والله وراحت ماسكة نفسها والدكتور كان هيتجنن هي ازاي عملت كدا المفروض هي كانت خلاص علي وشك

وهي تحلف وجوزها يحلف

بقي الدكتور ياخد جوزها شوية فاوضة يحنن قلبه

ويدخل للست شوية يفهمها ان جوزها بيحبها وبيشكر فيها من وراها

وفضل كدا رايح جي بين الاوضتين لحد الفجر

كان خايف ليجلها انفجار فلرحم بس الحمدلله ولدت بالسلامة

---------------

مرة تانية لقيت واحدة داخلة عيادة الجراحة رحت مدخلاها للمدرس اللي كان موجود...قالتلي لااااااااااا انا عاوزة دكتور الامتياز اللي كشف عليه قبل كدا...

قلتلها لا الدكتور دا احسن

تقولي لاااااااااااااا هو في احسن من دكتور الامتياز؟؟؟ _عشان يعني كلمة امتياز يعني_

وتقولي انا ؟؟؟يكشف عليه حتت مدرس لسه؟؟ لا انا مش مشية غير لما ييجي دكتور الامتياز

**asbeats** · 31-05-2010 11:05 PM

المشاركة الأصلية كتبت بواسطة أم حمـــاس

مرة تانية لقيت واحدة داخلة عيادة الجراحة رحت مدخلاها للمدرس اللي كان موجود...قالتلي لااااااااااا انا عاوزة دكتور الامتياز اللي كشف عليه قبل كدا...

قلتلها لا الدكتور دا احسن

تقولي لاااااااااااااا هو في احسن من دكتور الامتياز؟؟؟ _عشان يعني كلمة امتياز يعني_

وتقولي انا ؟؟؟يكشف عليه حتت مدرس لسه؟؟ لا انا مش مشية غير لما ييجي دكتور الامتياز

فيه ناس كتير عندهم اعتقاد ان دكتور الإمتياز ده دكتور سوووووووبر عشان كده سموه امتياز

وفيه ناس مبتقتنعش ان الستات ممكن يبقوا دكاترة وبيصروا اصرار عجيب انهم يقولوا للدكتورة يا ابلة او يا مدام لو كبيرة شوية

**icehearted girl** · 31-05-2010 11:08 PM

وفيه ناس مبتقتنعش ان الستات ممكن يبقوا دكاترة وبيصروا اصرار عجيب انهم يقولوا للدكتورة يا ابلة او يا مدام لو كبيرة شوية

او يا حلوة...او يا ست

وواحدة من يومين قالتلي يابت...اه والله يابت..كنت عاوزة اخبطها بحاجة بس سبحان الله اتوفت بعد ربع ساعه

cardiogenic shock

-

الموضوع: حوارات الأطباء والمرضى

LinkBack

أدوات الموضوع

عرض

-

-

-

-

-

-

المواضيع المتشابهه

ممكن عدة صوت من غير حوارات

حوارات سبارك في الحرفيين

حوارات جامدة

إتخنقت من حوارات العفشة( أوكتافيا 98)

الكلمات الدلالية لهذا الموضوع

المفضلات

المفضلات

ضوابط المشاركة