الموضوع: هي فعلا البلد مافيهاش شغل؟

أحب اضيف تجربة مختلفة شوية :

التجربة دي حصلت لأخويا ... خريج اقتصاد و علوم سياسية 2005 .. قسم اقتصاد ( المفروض انها كلية محترمة ) ..
قعد كام شهر في البيت بعد التخرج ( ياخد كورسات و بتاع ) .. المهم ربنا كرمه و اشتغل في cib ... ما شاء الله طبعا فرصة و مرتب كويس و 100 100 ... المهم اشتغل لغاية لما اتفحت سهر و بتاع و بعد كدة نقلوه قسم القروض .. باختصار قعد يسأل شيوخ و ناس متدينة ناس لعبت في دماغه و اقنعته يسيب الشغل ..

ساب الشغل و بعدين تتخيلوا قاعد بقاله قد ايه في البيت دلوقتي ؟؟ سنة

يعني الاخت صاحبة الموضوع مقتنعة ان في شغل في البلد ... و ان الشباب هو اللي مش مؤهل و كسلان و .........
لأ للاسف فرص الشغل قليلة جدا .. لأن انا شايف ان واحد في ظروف اخويا و خبرته المفروض يلاقي فرص اكتر من كدة شوية .

فى دمياط .. عندنا بنعمل حاجة حلوة .. معظم الاهالى واحنا فى ابتدائى ولما تيجى اجازة الصيف .. بننزل نشتغل .. اى حاجة .. نقف فى ورشة نجارة (وده الغالبيه ) .. صيادة .. ميكانيكا .. بقاله .. اى حاجة المهم متتعودش انك تقعد فى البيت .. وفى نفس الوقت تتعلم (صنعة) لان هياا دى الى هتنفعنا فى حالة فشلنا فى الحصول على وظيفة بعد التخرج .. بالتالى بنتخرج من الكلية .. واحنا معانا خبرة عملية و مش شايلين هم شغلانه الا اذا كان هدف معين فى دماغ الواحد .. علشن كده تلاقى اقل محافظة فى معدل البطالة - اللهم لا حسد - و بجد هيا تجربة حلوة .. ومش عيب عندنا اننا مهما كان مؤهلنا اننا نشتغل اى حاجة .. طالما حلال ...

المشاركة الأصلية كتبت بواسطة Cutevampire

أحب اضيف تجربة مختلفة شوية :

التجربة دي حصلت لأخويا ... خريج اقتصاد و علوم سياسية 2005 .. قسم اقتصاد ( المفروض انها كلية محترمة ) ..
قعد كام شهر في البيت بعد التخرج ( ياخد كورسات و بتاع ) .. المهم ربنا كرمه و اشتغل في cib ... ما شاء الله طبعا فرصة و مرتب كويس و 100 100 ... المهم اشتغل لغاية لما اتفحت سهر و بتاع و بعد كدة نقلوه قسم القروض .. باختصار قعد يسأل شيوخ و ناس متدينة ناس لعبت في دماغه و اقنعته يسيب الشغل ..

ساب الشغل و بعدين تتخيلوا قاعد بقاله قد ايه في البيت دلوقتي ؟؟ سنة

يعني الاخت صاحبة الموضوع مقتنعة ان في شغل في البلد ... و ان الشباب هو اللي مش مؤهل و كسلان و .........
لأ للاسف فرص الشغل قليلة جدا .. لأن انا شايف ان واحد في ظروف اخويا و خبرته المفروض يلاقي فرص اكتر من كدة شوية .

الأخت صاحبة الموضوع لازالت مقتنعة ان البلد مليانة شغل و إن اللي يقعد في البيت سنة من غير شغل يبقى بالتأكيد فيه حاجة غلط يا إما في طريقة بحثه عن شغل او في نوعية الشغل اللي هو مصر يشتغلها أو في السي في بتاعته أو في طريقة حضوره الانترفيوهات أو في إمكانياته اللي تأهله للوظيفة اللي هو عايزها و المفروض عليه إنه يطلب مساعدة من الناس المتخصصة و من طوب الأرض حتى عشان يشتغل و ما يقعدش في البيت سنة

المشاركة الأصلية كتبت بواسطة olaosman

الأخت صاحبة الموضوع لازالت مقتنعة ان البلد مليانة شغل و إن اللي يقعد في البيت سنة من غير شغل يبقى[overline] بالتأكيد فيه حاجة غلط[/overline] يا إما في طريقة بحثه عن شغل او في نوعية الشغل اللي هو مصر يشتغلها أو في السي في بتاعته أو في طريقة حضوره الانترفيوهات أو في إمكانياته اللي تأهله للوظيفة اللي هو عايزها و المفروض عليه إنه يطلب مساعدة من الناس المتخصصة و من طوب الأرض حتى عشان يشتغل و ما يقعدش في البيت سنة

طب نفسي افهم ليه اصرارك على ان الغلط فى الباحث عن الوظيفة !!

ليه الغلط ميكونش و لو حتى بنسبة 10 % على الدولة !!!!!

و بعدين لما الشاب يعمل كل الاحتياطات اللى بتقولى عليها علشان يلاقى شغل فاحب ااكد لك ان ده اكبر عيب على الدولة , لان تعليمها لوحده لا يكفى حتى لقبول الشاب فى وظيفة .

المشاركة الأصلية كتبت بواسطة hesham_tawfiq

ممكن اسال حضرتك ايه هى مسؤولية الدوله من وجهة نظرك ؟
فى رايى الشخصى مسؤولية الدوله هى وضع سياسات تعليم لمواردها البشريه علشان تخدم بيها احتياجات سوق العمل بالاضاقه لخلق جو ومناخ اقتصادى جاذب لرأس المال وبالتالى توفير فرص العمل عن طريق القطاع الخاص بالاضافه لسن التشريعات للحفاظ على حقوق الموظفين والعمال وكمان حقوق صاحب العمل فقط لاغير ودا اعتقد كللنا متفقين عليه انو نقطة تقصير واضحه من كل الحكومات اللى مسكت البلد دى

انما لوحضرتك قصدك الدوله توفرفرص عمل للخريجين فدا مش من مسؤولياتها و مفيش حكومه فالدنيا بتعمل كدا

لو قرات المشاركة كلها , هتعرف ان دور الدولة فى التعليم مش فى توفير فرص عمل .

التعليم فى مصر ليس له ادنى علاقة بسوق العمل , يعنى الواحد يدرس و يتخرج و يبص يلاقى نفسه ملهوش اى لازمة , لازم كورسات و لازم تدريب و لازم شهادات خبرة و لازم تنمية و فلوس و مصاريف و مجهود و كل ده مش علشان يقبض مرتب كويس , لا ده علشان يلاقى قبول فى اى وظيفة .

ما هو لو اتعلم تعليم مرتبط بسوق العمل و تخصصاته كان اتخرج و عنده مهارات و معلومات تنجحه فى اى شركه !

المشاركة الأصلية كتبت بواسطة Terrible_DaRsH

طب نفسي افهم ليه اصرارك على ان الغلط فى الباحث عن الوظيفة !!

ليه الغلط ميكونش و لو حتى بنسبة 10 % على الدولة !!!!!

و بعدين لما الشاب يعمل كل الاحتياطات اللى بتقولى عليها علشان يلاقى شغل فاحب ااكد لك ان ده اكبر عيب على الدولة , لان تعليمها لوحده لا يكفى حتى لقبول الشاب فى وظيفة .

يا درش.. إنت مصر تتكلم في نقطة غير اللي انا طول الصفحات اللي فاتت دي باتكلم فيها.

انت بتتكلم عن الوظيفة "المناسبة" و انا باتكلم عن وظيفة بدل القعدة في البيت، و على هذا الأساس بيتمحور كلامي و على هذا الأساس باقول ان فيه شغل. طبعا ده غير الشغل المناسب للشهادة الجامعية اللي برضه موجود في البلد. طبعا مفروغ منه إن مش كل الشركات بتوظف طول الوقت، فيه شركات و حتى الكبيرة منها بييجي عليها وقت في السنة بتعمل freezing لأي تعيينات و تقضي نفسها باللي عندهم لحد ما يعملوا unfreezing للتعيينات تاني. إنما في المجمل آه في وظايف كويسة في شركات كبيرة، و إلا ماكنتش أنا و غيري من اللي شغالين في شركات توظيف مالية البلد كان زمانا عارفين ناكل عيش، و كنت زماني غيرت كارييري من زمان على أساس يعني ان المجال ده مش بيأكل عيش على أساس ان مافيش وظايف في البلد.

الخلاصة تاني يا درش عشان ما نبقاش بنعيد نفس الكلام هو هو تاني:
1- فيه شغل في البلد؟ آه فيه
2- متخرج و مش لاقي شغل:
- عايز تشتغل في تخصصك يبقى تأهل نفسك لسوق العمل و تشوف ايه المطلوب منك من مهارات
و تحصل عليها. شوف اللي اتخرجوا و اشتغلوا في تخصصاتهم عملوا و اعمل زيهم
- عايز تشتغل و مش لاقي في تخصصك و لسه شوية على ما تقدر تأهل نفسك، يبقى تشتغل أي
حاجة على ما تلاقي و زي ما قال أخونا الكريم هنا في الموضوع: الشغل بيجيب شغل
3- كنت بتشتغل و سبت الشغل و مش لاقي شغل تاني: يبقى تحاول تشوف مشكلتك فين و تحاول تحلها باستشارة متخصصين أو سؤال السوق دلوقتي محتاج إيه و أقدر أوصل لده إزاي؟ و اللي عندهم تلات أربع سنين خبرة و بياخدوا مرتبات محترمة عملوا أيه عشان يبقوا كده (طبعا كله أرزاق، إنما بالتأكيد فيها حتة إجتهاد) و يا ترى السي في بتاعتي فيها مشكلة؟ طيب لما باروح اعمل انترفيو هل باعمل حاجة غلط انا مش عارفها؟ ممكن تروح تحضر محاضرات و ورش عمل عن كتابة السي في و حضور الانترفيوهات و دول كتير و عشان ماحدش يقول لي طيب و انا مش باشتغل هاصرف عليهم منين، هاقول له فيه جهات بتديها مجانا أو بأجر رمزي جدا زي زدني مثلا.
4- اللي بيسعى بجد و عايز يتشغل بجد و يبقى حاجة بجد ربنا بيساعده.
5. اللي بيسعى بجد و عايز يتشغل بجد و يبقى حاجة بجد ربنا بيساعده.
6. اللي بيسعى بجد و عايز يتشغل بجد و يبقى حاجة بجد ربنا بيساعده.

بس إنت خبط على كل الأبواب.. أكيد فيه باب منهم هايفتح.. ربنا هايخليه يتفتح لك.. و مافيش باب هايفتح لك من غير ما تخبط عليه.