الموضوع: هي فعلا البلد مافيهاش شغل؟

انا من الشباب العاطل او اللاجئ حاليا وانا خريج 2006 يعني بقالي 4 سنين متخرج
واشتغلت في 3 وظائف انا معايا بكالوريوس نظم معلومات اداريه من أحد الاكادييمات النصابين اللي بقوا مليين البلد ودي لها حواار كبييير اوي ازاي دخلتها ما علينا الوظائف هي
محاسب في شركه في دمياط الجديده
داتا انتري في في جهه سياديه اوي
داتا انتري وعداد وعتال وشيال في وزاره الاتصالات
وحاليا عااااطل
سيبت الوظيفه الاولى عشان الوظيفه التانيه
وبعدين الوظيفه التانيه سابتني
واشتغلت في الوظيفه الثالثه
الوظيفه الاولي مرتبها 450 جنيه والشغل من 9 صباحا ل 6 مساءا ده رسميا لكن اللي بيحصل ان لو فيه شغل غصب عنك تسهر ومفيش اوفر تايم ولا حوافز ولا اي حاجه هو ال 450 كله على بعضه
الوظيفه التانيه مربتها كان محترم جدا اول مرتب 1800 جنيه شغل رسمي من 9 ل 3 وبرده في سهر بس دي كان لها مميزات كتيير بحكم المكان اللي انا كنت فيه والكارنيه بتاعها كان لوحده كفايه هتقولولي سيبتها ليه هقولكم هي اللي سابتني
الوظيفه التالته دي بقه مسخرره مرتب رسمي 650 اول لاخر اكتر مبلغ قبضته كان 450 جنيه وشهر واحد فقط بعد كده كان اخري 350 جنيه وكل شهرين نقبض شهرر المفروض ان انا كنت شغال في وزاره الاتصالات بس مش داخل الوزاره نفسها لا في اماكن تانيه انا كنت في مكان اسمه دار الوثائق اللي على الكورنيش جمب فندق الكونراد واركاديا مول
المكان ده يضم وثائق اواراق بجميع انواعها من ايام محمد على باشا لحد الكبير بتاعنا دلوقتي لكم ان تتخيلوا ورق من ايام محمد على عامل ازاي مكان الشغل كان بدروم غالبا يعني رطوبه وهواء رريحته غريبه وحشرات من ايام محمد علي الوظيفه كانت عباره عن ايه عداد ورق هههههههههههههههه
يعني كنا نجيب الوثائق والاوراق دي من على الرفوف ونلفعها على ضهرنا ونقعد نعد في الورق بتاعها ونشوف لو فيه ورق مقطع ولا حاجه وكمان بالمره ننضفها ونرتبها ونرصها وننظمها على الرفوف شغلانه غير أدميه بجددددددد الهدو كانت بتتقطع وتشم تراب اثري توليفه من اجود انواع التراب الاثري مع بدره الوثائق الاثريه اللذيذه وحشرات وحاجات بتقرص
ده غير المهندس اللي كان مدير لينا معقد نفسيا وديكتاكور درجه اولى معندوش نقاش في اي حاجه ولو حد بس قاله تلت ال 3 كام خصومات بالعبيط ويحوطك في دماغه
ومرمطه وقله قيمه من هنا لبعد بكره
كل ده ومفيش مرتب يعني كل شهرين ممكن نقبض شهر وياريت شهر كامل لا لا اقل واج نص المرتب خصومات
وانا طبعا مش من القاهره وكنت مأجر شقه مع ناس اصحابي في فيصل يعني ايجار شقه واكل وشرب ومصاريف
وكمان وظيفه بدون عقد وبدون تأمين ولا اي حاجه يعني يوم ما كان المهندس يزهق من حد فينا وقتي كده يقوله سلمني الكارنيه بتاعك و ورينا عرض كتافك وحصلت كتيييييييييييير ده بالنسبه ليه انا
طبعا ما سكتش وبدور وبقد م في شغل كتيير وكل ماروح شركه ألاقي تنطيييييييط من هنا لبكره
يقعد يقولي والدك شغال ايه والدتك شغاله ايه
كنت في مدرسه ايه لغات ولا حكومه
معاك عربيه نوعها ايه
واسئله تعقد وتقرف وتنطيط من الHR وتحش انه مثلا رئيس مجلس الووزراء و الله اتعقدت وبطلت ادور اصلا
يعني بعد ما سيبت الشغل قدمت في بنوك كتير وعملت انترفيوهات في بنوك زي nsgb cib بنك مصر واخرج من هنا محدش يعبرني
روجحت شركه اسمها cil لو حد يعرفها بتاعت تأمين تبع بنك الcib
قابلتني وحده اسمها ليندا باين وشكلها مش مصري اصلا طلعت عييييينيييييييي اسئله من فصيله باباك شغال ايه كنت في مدرسه ايه لغات ولا عاديه هتقدم لنا ايه في الشركه طيب ليه ناخدك معانا معاك عربيه عايز تشتغل معانا لييه وطبعا كله انجليزي صرف
خلاص زهققققققت بقه وبطلت والله اقدم في شغل اصلا واهو بقالي بتاع 7 شهور او ااكتر قاعد في البيت ومخنووووووووووووووووق من هنا لبكره وفعلا احيانا بكون على وشك اني اعمل حاجه في نفسي لولا اني بخاف من ربنا

صديقي الاتنيخ كان شغال في شركه أليانز للتأمين مسلمينه لاب توب ومفييش مرتب نهائي كله كوميشن
طبعا فضل سنه شغال معاهم بدون مرتب عمال يصرف بسسسسسسس
ومن ده كتييييييييير والله
أينعم في ناس اعرفهم برده صحابي شغالين في وظايف كويسه بس مش كتييير
المشكله فعلا مش ان مفيش وظايف لا لا
المشكله ان في وظايف بس ملهاش دعوه بالمؤهلات اللي موجوده
وللاسسف معظمها بدون مقابللللللللللللل
حرام
لما اشتغل 12 ساعه واخد 500 ليه يعنييي

يعني معلش انزل ابيع امشاط وفلايات مثلا في محطه مصصر واقول شغل واحسن من قعده البيت ليه يعني

مش كل الشغل ينفع لكل الناس مش معنى ان واحد مؤهل عالي اشتغل زبال او شيال يبقى ينفع كل الشباب او ينفع ان انا كمان اشتغل شيال كل واحد له ظروفه
بالنسبه ان ناس كتيير بتسافر تشتغل بره وتغسل اطباق وتكنسس بس بتبقض مع ان انا صد المبدأ ده اصلا لان اللي مرضهوش في بلدي مرضهوش بره بلدي

عموما اهو كله نصييب وكل واحد بياخود نصيب