عايز اشتري قطع غيار للفليشيا
رقم العضوية : 15895
تاريخ التسجيل : 06Aug2008
المشاركات : 586
النوع : ذكر
الاقامة : Helwan
السيارة: لوجان
السيارة[2]: فليشيا
دراجة بخارية: لا
الحالة :
أولا العربية لازم تكون حاتها كويسة يعنى تشتريها من حد محافظ عليها
ثانيا انت كمان لازم تبقى ايدك فيها باستمرار يعنى ماتسيبش المشكلة تتفاقم و تجر معاها حاجات تانية
ثالثا سيبك من الميكانيكى أو الكهربائى اللى بيفتى
يعنى مثلا يقولك ألغى كذا و أحط كذا مكانه...يعنى بيفهم أحسن من امهندسين اللى صنعوها
حاول ترجع كل حاجة تعمل فيها شغل لأصلها
رقم العضوية : 54384
تاريخ التسجيل : 01Dec2009
المشاركات : 20
النوع : ذكر
الاقامة : giza
السيارة: felical
السيارة[2]: 128
الحالة :
عايز اشتري قطع غيار للفليشيا
رقم العضوية : 54384
تاريخ التسجيل : 01Dec2009
المشاركات : 20
النوع : ذكر
الاقامة : giza
السيارة: felical
السيارة[2]: 128
الحالة :
حد عارف الكبلن بكام ؟
رقم العضوية : 24591
تاريخ التسجيل : 09Nov2008
المشاركات : 55
النوع : ذكر
الاقامة : alex
السيارة: Proton Wira 2004
السيارة[2]: لادا-فليشيا-نوبيرا-لانوس-Proton Wira2000
الحالة :
يا جماعه انا لسه شارى فليشيا 97
بس انا ملاحظ ان الحراره مش بتعلى عن 70 خالص مهما مشيت بيها
و ساعات كتير بتنزل عن ال 70 كمان
انا عندى مروحه 6 ريشه و قميص على الرادياتير
هل الترموستات اللى بتقولوا عليه هو اللى فى الصوره دى ؟
ولا اللى فى الصوره دى ؟
الكهربائى قالى ان اللى فى اول صوره فوق ده اسمه حساس حراره و انا كنت شاكك انه بايظ
فى انتظاركم
شكرا
رقم العضوية : 47775
تاريخ التسجيل : 26Sep2009
المشاركات : 67
النوع : ذكر
الاقامة : zagazig
السيارة: Boeing 737
السيارة[2]: felicia combi 98
دراجة بخارية: BMX
الحالة :
بص يا أخ إسلام
اللى إنت مشاور عليه فى الأول ده هو فعلا حساس الحراره وده شكله لو طلعته من مكانه
أمااللى مشاور عليه فى تانى صوره دى فيشة المروحه
طيب نيجى للمشكله : الحراره اللى ثابته عند 70 أويمكن أقل
السبب حاجه من الإتنين يإما
1 # إن سائل التبريد فعلا حرارته لاتتعدى ال 70 وده أكيد سببه إن صاحب العربيه اللى قابلك قابلته مشكلة زيادة الحرارة فى الصيف وحلها والعربيه اتظبتت معاه , بس فى الشتاء الحل اللى عمله زاد عن حده وخلاها ما توصلش لدرجة الحراره المطلوبه .
طبعا كون ان العربية ما بتوصلش لدرجة الحراره المثلى وهى من 85 - 90 هيأثر عليها بدون شك و للأسف تأثيره ممكن مايبقاش ظاهر أوى وبيعدى على ناس كتير أو بمعنى أصح بيطنشوه.
عادة بيكون فى شكل ضعف فى الأداء و زياده فى استهلااك البنزين و تأكل الموتور.
2 # إن سائل التبريد تكون حرارته كويسه من 85 - 90 بس الحساس يإما بيهيس أو بيموت أو فى مشكله فى السلك الواصل له
والسبب ده أحسن وسيله لنفيه أو تأكيده هى إنك تشيل فيشة المروحة وإمشى بالعربيه وتراقب المؤشر لو وصل ل 90 وإبتدى يعديها ,خلاص يبقى الحساس برائه وأكيد سبب الموال ده هو السبب الأولاانى وإوعى تنسى تركب فيشة المروحه تانى
تمام طب نعالج المشكله إزاى
الحلول اللى أكيد عملها المالك السابق هى أولا تغيير ساعة المروحة ثم تدمير أو إزالة ترموستات الكوع (والدليل وجود آثار من السيليكون الحرارى على الكوع)
و هنبدأ العلاج بالكشف على ترموستات الكوعه أكيد يا هتلافيه يا مش موجود ياإما مكسور أومش شغال وأنصحك إنك علشان تريح دماغك تجيب كوعه صينى بالترموستات بتاعها بتعمل فى حدود 35 - 40 جنيه وده شكلها
وده شك الترموستات بناعها لو فكيت التيله بتاعته
إن شاء الله بنسبة 95 % المشكله هاتتحل بس تصبر عليها أسبوعين
أما بقى لو المشكله إستمرت فحاول تجيب ساعة مروحه أعلى
وبالتوفيق
آه نسيت لازم تخلى بالك من حاجه ممكن الحاجات اللى هاتعملها دي تعديك البر التانى وتعانى من حراره زياده فى الصيف وبالتالى حتعمل العكس , تبتدى بساعة المروحه وبعديين تتمم على الترموستات
وآخر نصيحه لكل ملاك الفيليشيا
إوعوا ترموستات فى الشارع علشان ما يصحش كده , دول مهما كان برضوا إخواتنا وبناتنا
هههههههههههههههههه
عواد8760
رقم العضوية : 306
تاريخ التسجيل : 28Apr2007
المشاركات : 3,303
النوع : ذكر
الاقامة : Cairo
السيارة: فورد فوكاس
السيارة[2]: سيينا - سبيرانزا
الحالة :
ههههههههههههههههههههههههه ههههههههههههههههههههههه
شكراً على المعلومات القيمة دي
ملحوظة: 99.9% من العربيات الفليشيا بيشيلوا ترموستات الكوعة..والحقيقة بتنجح الفكرة وبتظبط الحرارة
عموماً أنا وجهة نظري إن العربية لو أدائها قل شوية في مقابل تجنب ارتفاع الحرارة في الصيف ومشاكله يبقى مش مشكلة كبيرة..ولا رأيك إيه يا حاج عواد؟
رقم العضوية : 14220
تاريخ التسجيل : 06Jul2008
المشاركات : 40
النوع : ذكر
الاقامة : القاهره
السيارة: شيفورليه
السيارة[2]: سكودا
دراجة بخارية: نعم
الحالة :
والله العظيم ياجماعه العربيه محترمه جدا بس عوزة واحد يفهم فيها انا معايا كومبى 97 وكل الى يشوفها بيتجنين عليها وكل لما اجى اغيرها اتراجع حتى انى نويت لو جبيت عربيه تانيه مش هفرت فى عربيتى العربيه محترمه عن تجربه وللعلم دى تانى عربيه ليه
رقم العضوية : 62920
تاريخ التسجيل : 21Feb2010
المشاركات : 825
النوع : ذكر
الاقامة : Egypt
السيارة: ربنا يسهل
السيارة[2]: سيات-إيبيزا
دراجة بخارية: دراجة نارية
الحالة :
والله يا جماعه انا عضو جديد معاكم فى المنتدى الى شرفت بالانضمام ليه .
وانا بصراحه بدور على عربية سكودا فيليشا ومعايا فى حدود 26000 فهل السعر ده يجيب موديل كام ؟
ده السوال الى كنت ناوى اطرحه من اول ما دخلت المنتدى لكن بعد ما شفت ىراء كتير بدات اتردد جدا فى نوع العربيه موضوع السخونه موضوع خطير والمشكله ان حلوله مش ثابته عند كل الناس كل واحد ليه حل وحاسس كده ان ما فيش حاجة علميه كله بيجرب والوضع الى بيظبط فيه حراراته بيكون الناجح بالنسباله .
لكن عموما بعيد عن السيارت اى شي تقتنية وتهمل فى صيانته بالطبع مهما كان ممتاز فسيبدأ بالأنهيار ده فى اى حاجة مش شرط سيارت وبس فمثلا لو ملابسك اهملتها ولم تغسلها النتيجة هتكون ...... وترمى الهدوم ده لانك اهملت التنظيف وبالقياس على كل شي .
فانا مش عارف اعمل ايه اشتريها ولا اعمل ايه بصراحه انا مش طايق اركب 128 وشايف ان فلوسي ممكن تجيب سكودا ومش عارف هل ممكن يكون فيه مثلا هيونداي اكسيل سيدان بالسعر ده مش عارف .
انا كل الى كان مخلينى معجب بالسكواد كل الناس بتتكلم عن ثباتها خاصا انى اول مرة اركب عربية ولسه سواق جديد :) وكدا كدا موضوع السرعة مش ممكن يهمنى لان العربية هيكون فيها دايما اسرة واطفال والسعره ده فى حد ذاتها تهور لا داعى له فكان اهم حاجة بالنسبة لى الثبات .
فى النهايه :
يا ريت حد من خبراء مشاكل الاسكودا يتناقشوا مع بعض فى العيب القاتل فيها وهى السخونه ويا ريت يكون فيهم مهندسين وفنيين فى الصيانة بتاعه الاسكودا ويحطولنا حلول علميه ومنطيقة وطرق تنفيذها فى عناصر مرتبه والهف من الموضوع ده توحيد حل سخونه العربيه واكيد الحل الى هيتفق عليه الخبراء والفنيين هيكون ده اصلح حل لكل الناس ؟
ويا ريت يكون الحل مرتب فى عناصر 1 .2 .3 كده يعنى اه انا لاحظت ان العيب ليه حل فى الصيف وليه حل اخر فى الشتى برجاء الاشارة للموضوع ده هل هذا صحيح ام لا ؟
انا اسف جدا جدا جدا على الاطاله لكنى جديد فى الموضوع وبصراحه تصريحات معظم الناس حتى الى بيمدحوا فى العربيه عندهم مشكله فى الحرارة بصراحة انا متحير جدا جدا جدا
منتظر ردكم
رقم العضوية : 1365
تاريخ التسجيل : 08Jul2007
المشاركات : 3,408
النوع : ذكر
الاقامة : القاهره, مدينه نصر
السيارة: SUNNY 2007
السيارة[2]: FELECIA 1998
دراجة بخارية: لا
الحالة :
السلام عليكم و رحمه الله
اكيد طبعا الفيليشيا حاجه تانيه غير ال128 تماما
انا كان معايا موديل 98 و كانت عربيه كويسه الحمد لله و ثابته فعلا
انا هاكلمك شويه عنها
1- موضوع تقل الدركسيون ده ناتج عن عدم اهتمام بتظبيط علبه الدركسيون (الاسكترا) و اهمال تظبيط ضغط الكاوتش بصفه شهريه
2- استهلاك البنزين في حدود 200 كيلو في الصفيحه جوه البلد (مع انها 1300 كاربيراتير الا اني شخصيا شايف ان استهلاك ال1300 و 1600 جوه البلد تقريبا واحد و الوفر بيكون في المواتير ال 1100 و الاقل) و متنساش انها ذات وزن تقيل و اللي يخليك تستغرب ان الصني 2007 اوتوماتك لها نفس الاستهلاك جوه البلد بس بيختلف خالص في الطرق الصحراويه الطوالي
3- سعه الصالون من قدام و ورا ممتازه و الشنطه حجمها كويس و بتشيل
4- العفشه كويسه
موضوع السخونه المزعوم
الوضع معايا كان دايما في حدود ال 90 درجه بس كان في فتره بدء يزيد فيها عن كده خصوصا في الزحمه و الصيف و ده كان حله:
تغيير الرادياتير القديم المملح بواحد جديد و مراجعه جوانات الميه و الخراطيم و استعمال مياه خضراء علي طول الخط و استخدام ترموستات ذات حراره اقل
و النتيجه ثبات الحراره في المنطقه الطبيعيه لها و خد بالك ان ما بين الموتور و الصالون في طبات كاوتش للعزل لو مش موجودين او مشققين لازم تغيرهم علشان الهوا السخن ميطلعش من عند رجلك و انت سايق
لو ناوي علي شراء الفيليشيا انصحك بموديل 2000 و 2001 علشان انجيكشن مش كاربيراتير و ده ليه اداء و سحب تاني خالص غير الفيليشا الكاربيراتير و ده عن تجربه العربيتين
و لو احتجت قايمه بالحاجات اللي لازم تتغير علشان تاخد اجمل ما في العربيه قولي و انا اكتبلك و ربنا يوفقك و للاسف معنديش علم بالاسعار حاليا
رقم العضوية : 62920
تاريخ التسجيل : 21Feb2010
المشاركات : 825
النوع : ذكر
الاقامة : Egypt
السيارة: ربنا يسهل
السيارة[2]: سيات-إيبيزا
دراجة بخارية: دراجة نارية
الحالة :
أستاذ / amir
انا متشكر جدا للتفاعل السريع ده
ويا ريت تكتبلنا القائمة .
المشكله فى الموديل الى حضرتك ذكرته عيب واحد بس :( انه هيكون اغلى من الى انا عامل حسابي عليه بس هو ده لكن طبعا انا اتمنى اركب موديل اعلى .
وهل فعلا موضوع الحرارة ده مش كيميا وممكن السطيرة عليه ؟
وكمان لما قرات فى المنتدى لقيت ان معظم المشاكل الخاصة بالحرارة بتكون بسبب التكييف او هو من اكبر العوامل هل من الممكن ان استغنى تماماً عن التكيفف بمعنى اوضح لو ربنا كرمنى بعربية وكان فيها تكييف اروح اشيله خالص من العربية واريح دماغى ولا ما ينفعش يتشال ولا ايه ؟
ارجو ان تعذرونى لان اسئلتى من الممكن ان تكون على قد خبرتى لكنى انا اول مرة هركب عربية وما عنديش اى خبره لسه ......
المفضلات