من قائد موتوسيكل الى قادة السيارات ..... ارحمونا الله يرحمكم

**zoom2zoom** · 05-07-2010 02:48 AM

ابو كمال متحطش في دماغك وخليك كوووووووووووووووول تنين زي ما بتقول

**Mzeid** · 05-07-2010 03:13 AM

هههههههههههه

معاك و الله في كل اللي انت قلته مع اني مش معايا موتو
بس الناس بقت تشوف اي حد راكب موتو يبقى على طول يا بتاع دليفري مقرف يا ام شاب معاه موتوسيكل صيني ب 2000 جنيه يقطع عليك الطريق مرة واحدة يا اما واحد غلبان و ملوش لازمة في الدنيا و قاطع من قوته و جايب موتوسيكل
انما الناس مبيعملوش حساب ان اللي راكب الموتو دة ممكن يكون احسن منه و الموتو اللي راكبه اغلى من عربيته
و بالنسبة للبنزينة و الحاجات دي الناس حاطة في دماغها ان الموتوسيكلات دي شئ ثانوي زيها زي العجل و ان الشارع و خدماته اتعملت بس للعربيات

**pro_samir** · 05-07-2010 03:56 AM

تقريبا عندك حق في كل اللي قلتة يابوكمال عدا موضوع الغرز بين العربيات دة إلا لو العربيات واقفة خالص ،، يعني حتي لو بتتحرك بطئ برضو يبقي مينفعش

مش عايز اقولك انا لو قعدت احكي علي اللي بشوفة من بتوع الموتسيكلات حبر الكيبورد هيخلص خصوصا بعد ما كنت هموت من يومين في محاولة تفادي حمار منهم قطع عليا الزراعي فجأة من غير ما يبص وبكل صراحة كدة انا خلاص بقيت اتعامل معاهم بعدوانية شديدة حتي لو هيلبس في أي حاجة أو هخبطة خلاص مبقاش عندي مشكلة في كدة لأن اللي مش خايف علي نفسة يبقي انا مش هودي نفسي في مصيبة علشان حضرتة عمال يتنطط زي البرغوت بدون أدني مراعاة للعربيات اللي حوالية

يا راجل دانا ببقي مشغل اشارة وماسك اليمين ومفرمل خفيف علشان ورايا واحد من دول وبرضو يلبس فيا من ورا أو يدخل يتحشر في يميني مع اني بقفل وداخل يمين ،،، وممكن اصورلك اكصدامي الخلفي بقي عامل ازاي

ولكل قاعدة شواذ طبعا واللي بيمشي محترم ويبص في المراية ويديني اشارة أو يشاورلي علشان يدخل قدامي بحترمة وبستناة وبراعية كويس لكن للأسف انا مش فاكر امتي أخر مرة شوفت فيها موتسيكل ماشي محترم

**bmya** · 05-07-2010 04:16 AM

المشاركة الأصلية كتبت بواسطة pro_samir

تقريبا عندك حق في كل اللي قلتة يابوكمال عدا موضوع الغرز بين العربيات دة إلا لو العربيات واقفة خالص ،، يعني حتي لو بتتحرك بطئ برضو يبقي مينفعش

مش عايز اقولك انا لو قعدت احكي علي اللي بشوفة من بتوع الموتسيكلات حبر الكيبورد هيخلص خصوصا بعد ما كنت هموت من يومين في محاولة تفادي حمار منهم قطع عليا الزراعي فجأة من غير ما يبص وبكل صراحة كدة انا خلاص بقيت اتعامل معاهم بعدوانية شديدة حتي لو هيلبس في أي حاجة أو هخبطة خلاص مبقاش عندي مشكلة في كدة لأن اللي مش خايف علي نفسة يبقي انا مش هودي نفسي في مصيبة علشان حضرتة عمال يتنطط زي البرغوت بدون أدني مراعاة للعربيات اللي حوالية

يا راجل دانا ببقي مشغل اشارة وماسك اليمين ومفرمل خفيف علشان ورايا واحد من دول وبرضو يلبس فيا من ورا أو يدخل يتحشر في يميني مع اني بقفل وداخل يمين ،،، وممكن اصورلك اكصدامي الخلفي بقي عامل ازاي

ولكل قاعدة شواذ طبعا واللي بيمشي محترم ويبص في المراية ويديني اشارة أو يشاورلي علشان يدخل قدامي بحترمة وبستناة وبراعية كويس لكن للأسف انا مش فاكر امتي أخر مرة شوفت فيها موتسيكل ماشي محترم

معاااااك ياباشا انا مكرهش اكتر من الموتوسيكلات الصينيييييييييييييييييييي يييييي الله يخربيت اللي دخل المتوسيكلات الصيني دي مصر

حاجه تقررررررررررف انا عندي سواق عربيه غشيم ولا سواق موتوسيكل غشيم
اهو العربيه على الاقل هشوفها في مرايه لكن دول متعرفش بيطلعو من اي داهيه فجأه تلاقيه جمبك او قدامك
ولا ياسلام بقه لما يقعد يزنق نفسه من بين العربيات في عز الزحمه ويفضل يخبط في العربيات ويسند بايده على الكابوت ويميل بالجادون على الباب اشكال وس...........

كل كلامي على الصيني يا احمد بك

**أحمد كمال** · 05-07-2010 08:32 AM

المشاركة الأصلية كتبت بواسطة adel_2346

ياترى حضرتك بتعمل كده وانت سايق عربيتك ولا بتراعى الموتوسيكللات الى جنبك

أكيد و من قبل ما اسوق موتوسيكل و انا باخلي بالي منهم

المشاركة الأصلية كتبت بواسطة gazzar91

طبعاً أنا مع حضرتك يا أستاذ أحمد إن من حقك تمشي بأمان في الشارع و إن لك حقوقك في الشارع زي العربيات بالظبط...

بس أنا عندي رسالة برضه لأصحاب الموتسيكلات...و مش قصدي حد معين والله بس علشان حصلي موقف قبل كده مع واحد بموتسيكل أيام عربيتي (ربنا يقومهالي بالسلامة) و موقف تاني و أنا راكب تاكسي..
1-أرجوك ركب جوز مرايات.
2- أبوس إيدك لو الشارع ضيق و حارة واحدة لو سمحت ماتزنقنيش و تيجي جنبي لأني ممكن أخبط عربية راكنة لأني خايف على سلامتك اللي ماخفتش عليها انت!
3-إذا سمحت لو أنا بقطع شارع علشان أعديه ملاقيكش فجأة على الإكصدام و مكنتك منطورة في وسط الشارع لمجرد إنك مستعجل و ناصح وعاوز تعدي مني و أنا أصلاً بقطع الشارع في أمان الله و إنت عديت من جنبي و جيت قدامي اللي هو مش طريقك أصلاً!!
4-لما يبقى الشارع ماشي باتجاه معين في ملف أرجوك ماتقطعوش بالعرض وتلف عكسه لأن المفروض كنت عملت كده من بدري.
5-لما تبقى غلطان ماتطلعنيش غلطان لمجرد إنك إتعورت و أنا عربيتي بس اللي اتعورت و أبقى أنا غلطان لمجرد إني سليم.
6- إنت ماشي بمركبة صغيرة صعب أخد بالي منها و أنا قافل الإزاز... أرجوك و لع نورك و إديني كلاكس

أخر حاجة خالص.... أرجوك خاف على نفسك و متحطش نفسك في خطر لأني خايف عليك و مش هبقى مبسوط لو جرالك حاجة و أنا شكيت إنها بسببي!!

ربنا يستر طريقنا جميعاً...

في رعاية الله....

معاك في كل حاجة بتقولها

المشاركة الأصلية كتبت بواسطة moe86

أنا معاك تماما فى النقط دى, كتير جدا مابخدش بالى من الموتوسيكل غير بعد ما يعدى من جنبى

عشان كده يا ريت الناس ما تتضايقش اما الموتوسيكل يديله كلاكس خفيف و يقلب نور

**A.Saad** · 05-07-2010 10:28 AM

يا ريت يا كيمو بلاش مشى فى الشمال كتير

**أحمد كمال** · 05-07-2010 10:46 AM

المشاركة الأصلية كتبت بواسطة n_i_t_e

فى حركة تانية كمان بتلغبطنى و هى الغرز..يعنى مثلا ألاقى موتوسيكل معدينى من على يمينى و يقوم يقطع أدامى من الحارة اليمين للحارة الشمال (أنا مثلا فى الحارة اللى فى النص) يلاقى مفيش مكان يعدي من الشمال يقوم محود تانى أدامى ..و ده طبعا بعربية بيكون هين بس بموتوسيكل بيلخبط خصوصا و الموتوسيكل حركته سريعة و حجمه صغير و بيتحرك يمين و شمال زي التعبان من غير أشارات و لا يعرفنى حتى هو أتجاهه يمين و لا شمال لأنه بيكسر فى ثانية.

انا عمري ما اعمل كده و لو اضطريت مبدئيا انا لازم ادي اشارة قبل ما اغير الحارة و ممكن اشاور بايدي كمان عشان الفت الانتباه و عمري ما اعرض الموتوسيكل قدام عربية أبدا .......

-

-

الموضوع: من قائد موتوسيكل الى قادة السيارات ..... ارحمونا الله يرحمكم

LinkBack

أدوات الموضوع

عرض

-

-

-

-

-

-

المواضيع المتشابهه

يا جماعه ارحمونا يرحمكم الله

يــــــــــــــــــــــا مرور مصر ارحمونا ارحمونا من قلى بتعملوووه فينا حرام و الله

أفيدونى يرحمكم الله

افيدونى يرحمكم الله

الكلمات الدلالية لهذا الموضوع

المفضلات

المفضلات

ضوابط المشاركة