الموضوع: من قائد موتوسيكل الى قادة السيارات ..... ارحمونا الله يرحمكم

المشاركة الأصلية كتبت بواسطة ghamrawy

للاسف دى بتبقى حالة داخلية جوه الانسان
نقول مثلا من وسط كل 10 راكبين عربيات فيه 4 مفتريين و عندهم عنف زايد و نقص و فاكرين انهم ممكن يدوسوا على اى حد
و من وسط كل 10 راكبيين اى دراجة نارية 6 عندهم نقص و غل داخلى و علشان كده يكسروا و يغرزوا و يحكو و يكسروا مرايات و يجروا

ربنا يحفظك و خد بالك من خطأ الغير و احتسب عند ربنا و ادعى ان ربنا يهدى الناس

كل أخطاء السولقة دي فعلا 80% حالات نفسية و 20% جهل بقواعد المرور.
ال80% دول بقى ممكن نقسمهم....50% منهم فهلوة و40% منهم معاندة من واحد عشان حاسس بالقهر أو الظلم بيحارب عشان يثبت تفوقه فى أي موقف تافه زي مسن اللى يعدي الأول.
ال10% اللى فاضلين بقى دول رد فعل الناس التانية من الناس اللى بتعاند من مبدأ المعاملة بالمثل

المشاركة الأصلية كتبت بواسطة أحمد كمال

بالنسبة لردود l0newolf و Sharky انا معاكم بس حبيت اوضح حاجة صغيرة

1- بالنسبة للتعدية في الزحمة او الغرز في الزحمة ..... انا باتكلم في الزحمة يعني السرعة من صفر الى 5 كيلومتر في الساعة ..... اعتقد من حق الموتوسيكل انه يتجاوز في السرعات دي مش هيقف زي العربيات

لا مش من حق الموتسيكلات يعمل كده
لإنه المفروض يقف زيه زى العربيات

المشاركة الأصلية كتبت بواسطة أحمد كمال

2- موضوع قفل الغرزة في الزحمة مش مقصود بيه غرزة اكروباتية ..... لأ غرزة محسوبة و بالراحة و ساعات كمان بابقى ساند برجلي لأن السرعة اقل من 5 كيلو متر في الساعة ...... مش قصدي اكروبات و كلام من ده ..... و مع ذلك الاقي الناس بتقفل الغرزة بتعمد

لو الغرز براحة و محسوبة زى ما بتقول محدش حيقدر يقفلها يا باشا و طالما السرعة اقل من 5 كم يبقى سيادتك بتخش بين الحارات و عايز تقف بين المسافات الصغيرة اللى بين السيارات و دا مش من حقك

المشاركة الأصلية كتبت بواسطة أحمد كمال

3- موضوع الجري في الحارة اليمين انا ما قلتش اني باجري في الحارة اليمين ..... انا قلت ان مش مفروض اجري في اليمين ...... و ان بعض قائدي السيارات بيتخانقوا معايا ليه؟ لآني باجري في الشمال و يزعق لي و يقول لي امشي يمين ..... ماهو مش هامشي يمين على 100 !!

معاهم حق الشمال دا مش من حقك
سيادتك المفروض تمشى يمين و مش على 100 طبعا

المشاركة الأصلية كتبت بواسطة أحمد كمال

4- موضوع تجاوز التريلا انت فاهمني غلط

اللي بيحصل الاتي

انا بادي اشارة شمال و باخش شمال التريلا ... ومابيبقاش فيه حد اصلا يعني مش باكسر على حد ..... و اثناء التجاوز بارفع سرعتي لاقصى حد آمن و ممكن عشان اقدر اتجاوزه بسرعة ...... خير اللهم اجعله خير و انا لسه باتجاوز (ما هي عربية طويلة جدا) الاقي واحد جاي من بعيد و هات يا رعاش و يا كلاكس و عايز يا يزنقني في الجزيرة الوسطى يا يزنقني في التريلا و يعدي !!!! و انا بابقى قارص و باجري يعني مش باتمخطر و هو برضه مش عايز يستنى

اعمل ايه معاه ده بقى؟؟؟؟

امشى يمين اللى هى حارتك و محدش حيعمل معاك كده

المشاركة الأصلية كتبت بواسطة أحمد كمال

تعالى بقى يا شاركي

1- ازاي امشي يمين على 120 ؟؟؟؟؟؟ (الطريق كله ماشي ما بين 80 و 150 ..... هامشي يمين ازاي؟؟؟؟؟؟؟)

و انت اصلا مالكش انك تمشى على 120 كم/ساعة يا باشا
يعنى انت اللى غلطان

المشاركة الأصلية كتبت بواسطة أحمد كمال

2- يا جدعان مش غرز اكروباتية ...... و الله مش اكروبات ...... بس لو الطريق واقف full stop خالص ..... و فيه فراغ بين العربيات قدامك يعديني انت متضايق ليه؟

بلاش تبقى من البشر الخنيقة اللى ما تصدق نلاقى اى سم فاضى بين العربيات و تلزق فيه
وطبعا اللى مضايقنى ان سيادتك عايز تحلل الغلط ليك و على غيرك حرام

المشاركة الأصلية كتبت بواسطة أحمد كمال

3- فين حقهم؟ لو انا ماشي على الحد الاقصى لسرعة الطريق ما ينفعش اصلا امشي يمين !!!

مين قال انه ما ينفعش تمشى يمين و هو انت الحد الأقصى لسرعتك على الطريق زيه زى الملاكى !!
هو انت عايز تمشى على مزاجك يا كيمو و تزعل لما حد يقولك غلط !!!!