الموضوع: من قائد موتوسيكل الى قادة السيارات ..... ارحمونا الله يرحمكم

المشاركة الأصلية كتبت بواسطة gazzar91

طبعاً أنا مع حضرتك يا أستاذ أحمد إن من حقك تمشي بأمان في الشارع و إن لك حقوقك في الشارع زي العربيات بالظبط...

بس أنا عندي رسالة برضه لأصحاب الموتسيكلات...و مش قصدي حد معين والله بس علشان حصلي موقف قبل كده مع واحد بموتسيكل أيام عربيتي (ربنا يقومهالي بالسلامة) و موقف تاني و أنا راكب تاكسي..
1-أرجوك ركب جوز مرايات.
2- أبوس إيدك لو الشارع ضيق و حارة واحدة لو سمحت ماتزنقنيش و تيجي جنبي لأني ممكن أخبط عربية راكنة لأني خايف على سلامتك اللي ماخفتش عليها انت!
3-إذا سمحت لو أنا بقطع شارع علشان أعديه ملاقيكش فجأة على الإكصدام و مكنتك منطورة في وسط الشارع لمجرد إنك مستعجل و ناصح وعاوز تعدي مني و أنا أصلاً بقطع الشارع في أمان الله و إنت عديت من جنبي و جيت قدامي اللي هو مش طريقك أصلاً!!
4-لما يبقى الشارع ماشي باتجاه معين في ملف أرجوك ماتقطعوش بالعرض وتلف عكسه لأن المفروض كنت عملت كده من بدري.
5-لما تبقى غلطان ماتطلعنيش غلطان لمجرد إنك إتعورت و أنا عربيتي بس اللي اتعورت و أبقى أنا غلطان لمجرد إني سليم.
6- إنت ماشي بمركبة صغيرة صعب أخد بالي منها و أنا قافل الإزاز... أرجوك و لع نورك و إديني كلاكس

أخر حاجة خالص.... أرجوك خاف على نفسك و متحطش نفسك في خطر لأني خايف عليك و مش هبقى مبسوط لو جرالك حاجة و أنا شكيت إنها بسببي!!

ربنا يستر طريقنا جميعاً...

في رعاية الله....

+111111111111111
زود اما تكون علي كوبري مايو ((حارتين ))متمشيش علي الخط الابيض اللي في النص
و لما تمشي علي اليمين خالص او الشمال خالص متعدش تطوح يمين و شمال عشان كده ممكن الزق في اللي جاي جنبي
و متطلعش من ورا وتوبيس راكن فجاه اكنك خيال مثلا
و اخيرا انا يعتبر بخاف من الموتوسيكلات ((او ان صح التعبير عليهم و الله))اكتر من الميكروبصات
لان خبتطه الله يسلمك يابو كمال بتعورو هو جامد و بتعور العربيه بفظاعه
لدرجه ان الحادثه الوحيده في حياتي تقريبا كانت مع موتوسيكل جاي عكسي في وشي و طاير
لا وكمان في نص العربيه مش علي جنب حاولت افاديه رشق في الرفرف ((131 ))لدرجه خرمه بالطول فشفشه
نزلت اجري عليه لقيته عمال يتوجع و بتاع خفت عليه قوي
اتلفت بس ابص علي الخبطه لقيته قام زي الجن و بيعدل الموتوسيكل و عايز يفك
مقدرتش استحمل بصراحه و نزلت فيه تلطيش
في الاخر طول مانت ماشي صح علي رجلك بعربيه بموتيسكل عجله ان شالله توك توك
تحط صباعك في عين التخين

والله كلامك زي العسل ههههههههه

معلش يا جماعه انا هارد بصفة و شخص سائق عربيه على صفة و شخص سائق موتسيكل يعنى علشان بس محدش يفتكر ان فيه حاجه بينى و بين الاستاذ احمد او الموضوع يتقلب لشخصنه

المشاركة الأصلية كتبت بواسطة أحمد كمال

بعد شهر من قيادة الموتوسيكل في مختلف انواع الطرق (محور, دائري, شوارع رئيسية و غير رئيسية, طرق صحراوية) ...

بجد يا جدعان ارحموا ركاب الموتوسيكلات !!!
و ياريت برضه المتسيكلات ترحم العربيات واللى ماشيين على رجليهم
1- لما تعدي من جنب موتوسيكل .... عدي من شماله .... هو ما بيبقاش متوقع انك تعدي من يمينه ...... انا امبارح مش اقل من 10 عدوا من يميني بسرعات تتجاوز سرعتي بما لا يقل عن 100 ...... يعني كان ممكن يشيلني و انا باعمل مناورة عشان اتجاوز مطب او حفرة لاني بابقى عامل حسابي ان يميني فاضي
هو المفروض اى حد بيعدى من حد يعدى من شماله علشان هيكون على سرعه اعلى سواء سياره والا موتسيكل, و بعدين وانتت سايق فى الطريق ياريت تعتمد على المرايات قبل ما تحود او تغير الحاره مش التوقعات
2- الموتوسيكل صغير صحيح ....... بس ليه حق في حارة زيه زيك . عداك العيب.... ما تزنقوش بينك و بين العربية التانية ..على فكره انا عمرى ما شفت موتسكل فى مصر ملتزم بحاره زى ما حضرتك بتقول بل بالعكس, اول ما الشارع يبتدى يقف تلاقى كل فنون الموتسيكل الاكروباتيه اشتغلت بداية من تزنيق على العربيات و تعديه من يمين لشمال والعكس بين العربيات و نهاية بالتزنيق و خبط الناس اللى ماشيه على رجليهم و المشى كمان فوق الرصيف... و ما تقعدش تقلب له نور و هو واقف بالطول بينك و بين اللي قدامك ..... صدقني ال 2 متر دول مش هيوصلوك بدري اكتر من 5 ثواني !!! و اما تتخطاني لف من برة الحارة ما تزنقنيش في نص الحارة من فضلك .معلش بس احنا عارفين ان معظم سلوكيات مستخدمين الطريق فى مصر غلط سواء راكب او حتى ماشى على رجليه.....

3- بلاش تستخسر في الموتوسيكل انه يعدي منك و الدنيا واقفة او زحمة .شفت اههة انت بنفسك بتناقض نفسك, لما تتزنق فى الزحمه ياريت تلتزم بالحره المروريه الى انت لسه كنت بتطالب بيها فى النقطة اللى فوق..... فيه ناس بتبقى واقفة بينها و بين الرصيف او الجزيرة الوسطى مسافة نص متر من الناحيتين ...... لو حضنت على ناحية و سبتني اعدي هاكون شاكر ليك .لا يا استاذنا, المفروض كل واحد ياتزم بالحاره المروريه بتاعتة و لازم يكون فى نص الحاره لا واخد يمينها ولا شمالها.... انت مش خسران حاجة بس انا هاكسب اني هاسلك نفسي ..شفت الانانيه و الطمع و عدم الالتزام و شغل الفهلوه والاكروبات!!... مما يقودنا الى رقم 4

4- كتير جدا في الزحمة الاقي ناس ظراف حلوين بتقفل عليا الغرزة ..برضه لم تلتزم بحارتك المروريه اللى سيادتك بتطالب بيها فى النقطه 3 و مفيش حاجه فى قوانين المرور الدوليه اسمها آخد غرزه, يا تخليك ملتزم على طول الخط يا تنضم للاكروبات بلاش شغل النص نص ده... مع العلم ان الفراغ اللي انا هادخل فيه يعديني بالعافية يعني مش هيدخل عربية الا لو كانت عربية سفنج ! و ده طبيعى جدا و مش هاقول لك اصل الناس خايفه عليك تتعور لا, لان كل واحد خايف من الموتسيكل بالدفندرات بتاعته- او لو كان لها اسم تانى- انه يخيش فى عربيته او يطير له مرايه و بعدين يطلع يجرى فى الزحمه!!!! و مع ذلك يتعمد يقفلها لي ببوزه عشان ما اعديش ...... طب ليه ؟؟؟برضه مفيش التزام بمطلبك الاساسى اللى هو الحاره المروريه فاكرها!! و تمشى فى نصها زيك زى اى عربيه لان ده حقك اللى انت عمال تفرط فيه و بتمتعنا بالمهارات الاكروباتيه؟؟؟؟؟؟؟ عملا بمبدأ يا نعيش سوا يا نموت سوا و لا بمبدأ لو انا مش هاوصل انت كمان هتتلطع جنبي

5- الحارة اليمين هي اللي المفروض الموتوسيكل يمشي فيها . اسمحلى اختلف معاك بشده لان المشى فى حاره معينه مرتبط بسرعه معينه, الحاره اليمين للى ماشى على سرعه هاديه و كثير التوقف و تتدرج السرعه فى الحارات لغاية ما نوصل للسرعه القصوى للطرق فى آخر حاره على الشمال, و للاسف ياما ناس واقفه على الرصيف و بتخبطها موتسيكلات بتجرى فى الحاره اليمين بالضبط زى اللى حضرتك بتعمله او زعلان ان الناس مبتخليكش تعمله فى النقط 3 و 4.... انا معاك ..... بس للاسف عمليا ده مستحيل لان الحارة اليمين ....و النص و الشمال كمان و ساعات الرصيف.... و جانب الطريق عادة بيبقى مليان نقر و حفر و مطبات (هتضايقك شوية و انت سايق عربية بس ممكن تقلب الموتوسيكل تماما !) و مشاة ظراف خفاف واكلين فول و بصل و عندهم تناحة .. مالهاش دعوه بالفول و البصل اطلاقا... تكفي بلد سادين عليك الطريق ........ فمن فضلك لما امشي في نص الطريق ما تظهرش تأففك ...... غير اني ماشي على 100 زيي زيك يعني مفيش اصلا داعي لمشيي على اليمين !

6- الموتوسيكلات المصنوعة للتصدير لامريكا و معاد تصديرها لمصر نورها ما بيتطفيش ...... ما تخنقنيش كل شوية بالنور و تقول لي اطفيه !!!!!! نوري مضايقك في ايه بالنهار يا اخي؟احييك و على فكره المفروض اى مركبه ماشيه فى الطريق تكون منوره النور سواء باليل او النهار لان ده اللى بيفرق المركبه الماشيه عن الراكنه بس للاسف قليل جدا فاهمين النقطه دى؟؟؟؟؟

7- الاظرف بقى ..... لو باتجاوز عربية طويلة (مقطورة او تريلا) على طريق سريع حارتين .... و التريلا يمين و انا باتجاوز من الشمال و انت ورايا عاوز انت كمان تتجاوز ..... معلش تعالى على نفسك دقيقة لحد ما اعدي التريلا و بعدين عديني ..... معلش بس لو سمحت اصلي باتضايق لما باقع و اتهرس تحت عجلات تريلا !لو انت شايف ان فى خطوره من انك تعدى يبقى متعديش لان ببسلطه لو انت ما خفتش على نفسك محدش هيخاف عليك و بصراحه معظم اللى على الطريق مابيخافش لا على نفسه ولا على اللى راكب معاه ولا حتى على اللى جنبه او وراه!!!

8- اجراءات قيادة الموتوسيكل بامان في كل دول العالم تتطلب مني اقلب لك النور و اديك كلاكس قبل ما اتخطاك عشان اتاكد انك شايفني في مرايتك ..او واحد يديك اشاره وقوم رامى نفسه عليك ويزعق و مش عاجبه ويقول لك ما انا مديك اشاره. ماشى انت اديت اشاره بس هل المكان اللى انت داخل فيه فاضى والا هيه فتونه!!!!... حتى في امريكا و اوروبا اللي الكلاكس فيهم ممنوع للسيارات للضرورة, مسموح للموتوسيكل في وقت التخطي ...... ما تاخدهاش بشكل شخصي بعد اذنك . الا لو الكلكس كان فيه قلة ادب و ده غالبا اللى بشوفه يقل ادبه و يطاع يجرى و فاكر انه كده شطاره....

9- من فضلك ما ترميش عقب سيجارتك من شباك عربيتك ..... معلش اصلي مش عايز هدومي تتحرق و لا عيني تطير ...... لو سمحت ...... كفاية علينا البقر بتوع التريلات اللي شايلين رمل و زلط و سن و ماشيين من غير تغطية الحمولة لحد ما الواحد اتصنفر من الرملة !كلنا بنعانى من النقطه السلوكيه دى و خصوصا لما تلاقى تفه جتلك على غفله و متعرفش منين!!

10- من فضلك ما تفضيش كباية الشاي و لا ترمي علبة البيبسي الفاضية و انا وراك برضه !و ده كمان زى اللى فوقها!!

11- من فضلك بلاش تعامل قائدي الدراجات النارية بطبقية و عنجهية ...... للاسف اكتشفت ان الكثير من راكبي السيارات مقتنعين ان راكبي الموتوسيكلات دول درجة تانية و المواقف كتير ....... اللي متضايق اني واقف قدامه في طابور محطة البنزين (انا جاي قبله بخمس دقايق !متاكد من ده والا دخلت على الطلمبه و الى واقف طابور يتحرق-معلش يا جماعه هاخد بس 6 لتر--!!) و عمال يضرب كلاكسات و انا بافول و في الاخر اتحرك و خبطني عمدا !!! ...... و اللي داخل الصينية عكس و كان هيشيلني ..... و اما قلت له "إييييييه؟" مستنكرا ..... رد و قال لي "جتك الأوى !ما تاخدهاش يشكل شخصى علشان برضه بتتعمل فى العربيات!" ......


ملحوظة على رقم 11: بعض راكبي السيارات يجهل قيمة الدراجات النارية ..... و يجهل انها احيانا بتكون اغلى من سيارته نفسها !!!!!!

12- انا مش "كابتن" و لا "وله" و لا "ريس" ......

13- زي ما في قائدي السيارات ناس كويسة و ناس ضاربة (ميكروباص, تريلا ... الخ) زي ما برضه في قائدي الموتوسيكلات ناس كويسة و ناس ضاربة ..... !

14- يا ريت تخلي بالك من برك المية .... لو انت مش هامك الباب و العتب بتوعك يتوسخوا ..... انا عايز هدومي تفضل نضيفة !
12 و 13 و 14 برضه مشاكل سلوكيه كلنا بنعانى منها

بس كده و لو افتكرت هازود.

و طبعا مش هكرر نفس الكلام اللى فى المشاركة رقم43 من الساتذه gazzar91 و cheetos_892005
http://www.nilemotors.net/Nile/3872827107-post43.html

و علا فكره نزولك الشارع فى مصر او حتى لو واقف فى بلكونه بتتفرج عليه ده فى حد ذاته مغامره

المشكله اساسا مشكلة سلوك و كل واحد بيعامل الطريق كانه ملكيه خاصه و محدش بيحترم حد لا الى راكب ولا الى ماشى


فيه قوانين بتنظم العلاقه بين كل مستخدمى الطريق و لو كلنا التزمنا و خلينا عندنا زوق و اخلاق ان شاء الله كلنا هنستريح

المشاركة الأصلية كتبت بواسطة أحمد كمال

1- لما تعدي من جنب موتوسيكل .... عدي من شماله .... هو ما بيبقاش متوقع انك تعدي من يمينه ...... انا امبارح مش اقل من 10 عدوا من يميني بسرعات تتجاوز سرعتي بما لا يقل عن 100 ...... يعني كان ممكن يشيلني و انا باعمل مناورة عشان اتجاوز مطب او حفرة لاني بابقى عامل حسابي ان يميني فاضي

معاك حق و كلام مظبوط بس يا كيمو و زى ما هما غلطانين انت كمان غلطان لإنك لازم انت اللى تمسك اليمين
و لما تتخطى يبقى من الشمال مش اليمين

المشاركة الأصلية كتبت بواسطة أحمد كمال

2- الموتوسيكل صغير صحيح ....... بس ليه حق في حارة زيه زيك ..... ما تزنقوش بينك و بين العربية التانية ..... و ما تقعدش تقلب له نور و هو واقف بالطول بينك و بين اللي قدامك ..... صدقني ال 2 متر دول مش هيوصلوك بدري اكتر من 5 ثواني !!! و اما تتخطاني لف من برة الحارة ما تزنقنيش في نص الحارة من فضلك ......

كلامك مظبوط و حقك تماما بس فى نفس الوقت بتناقضه و بتدى لنفسك حرية مش من حقك فى بندر رقم 3 !!!

المشاركة الأصلية كتبت بواسطة أحمد كمال

3- بلاش تستخسر في الموتوسيكل انه يعدي منك و الدنيا واقفة او زحمة ...... فيه ناس بتبقى واقفة بينها و بين الرصيف او الجزيرة الوسطى مسافة نص متر من الناحيتين ...... لو حضنت على ناحية و سبتني اعدي هاكون شاكر ليك ..... انت مش خسران حاجة بس انا هاكسب اني هاسلك نفسي ..... مما يقودنا الى رقم 4

4- كتير جدا في الزحمة الاقي ناس ظراف حلوين بتقفل عليا الغرزة ..... مع العلم ان الفراغ اللي انا هادخل فيه يعديني بالعافية يعني مش هيدخل عربية الا لو كانت عربية سفنج !!!!! و مع ذلك يتعمد يقفلها لي ببوزه عشان ما اعديش ...... طب ليه ؟؟؟؟؟؟؟؟؟؟ عملا بمبدأ يا نعيش سوا يا نموت سوا و لا بمبدأ لو انا مش هاوصل انت كمان هتتلطع جنبي

عملا بمبدأ خلى سواقتك محترمة و بلاش غرز يا كيمو اللى معظنا بيتخنق منها فى العربيات فمش ناقصة كمان الموتسيكلات

المشاركة الأصلية كتبت بواسطة أحمد كمال

5- الحارة اليمين هي اللي المفروض الموتوسيكل يمشي فيها ..... انا معاك ..... بس للاسف عمليا ده مستحيل لان الحارة اليمين و جانب الطريق عادة بيبقى مليان نقر و حفر و مطبات (هتضايقك شوية و انت سايق عربية بس ممكن تقلب الموتوسيكل تماما !) و مشاة ظراف خفاف واكلين فول و بصل و عندهم تناحة تكفي بلد سادين عليك الطريق ........ فمن فضلك لما امشي في نص الطريق ما تظهرش تأففك ...... غير اني ماشي على 100 زيي زيك يعني مفيش اصلا داعي لمشيي على اليمين !

غريب قوى يا كمولة ببطالب الناس بحقك و بتزعل لما يطالبوا بحققوهم
لو حضرتك مشيت براحة حتعرف تتفادى الحفر دى ان وجدت و انت داخل حارتك اليمين :)
و هو كل شوارع مصر مليانة مطبات على اليمين !!!

المشاركة الأصلية كتبت بواسطة أحمد كمال

6- الموتوسيكلات المصنوعة للتصدير لامريكا و معاد تصديرها لمصر نورها ما بيتطفيش ...... ما تخنقنيش كل شوية بالنور و تقول لي اطفيه !!!!!! نوري مضايقك في ايه بالنهار يا اخي؟؟؟؟؟؟

علق علم كبير على الموتوسيكل و اكتب فيه تصدير امريكا علشان كده التور شغال عالطول علشان الجاهلين بهذه المعلومة يعرفه :)

المشاركة الأصلية كتبت بواسطة أحمد كمال

7- الاظرف بقى ..... لو باتجاوز عربية طويلة (مقطورة او تريلا) على طريق سريع حارتين .... و التريلا يمين و انا باتجاوز من الشمال و انت ورايا عاوز انت كمان تتجاوز ..... معلش تعالى على نفسك دقيقة لحد ما اعدي التريلا و بعدين عديني ..... معلش بس لو سمحت اصلي باتضايق لما باقع و اتهرس تحت عجلات تريلا !!!!

حضرتك قواعد المرور بتقول قبل ما تتجاوز اتأكد ان الطريق مافيهوش عربيات جاية من الشمال و بعد كده ادى اشارة شمال + المكتوب فى البند 8 علشان ما تتضايقش و تتهرس

المشاركة الأصلية كتبت بواسطة أحمد كمال

8- اجراءات قيادة الموتوسيكل بامان في كل دول العالم تتطلب مني اقلب لك النور و اديك كلاكس قبل ما اتخطاك عشان اتاكد انك شايفني في مرايتك ..... حتى في امريكا و اوروبا اللي الكلاكس فيهم ممنوع للسيارات للضرورة, مسموح للموتوسيكل في وقت التخطي ...... ما تاخدهاش بشكل شخصي بعد اذنك .....

المشاركة الأصلية كتبت بواسطة أحمد كمال

9- من فضلك ما ترميش عقب سيجارتك من شباك عربيتك ..... معلش اصلي مش عايز هدومي تتحرق و لا عيني تطير ...... لو سمحت ...... كفاية علينا البقر بتوع التريلات اللي شايلين رمل و زلط و سن و ماشيين من غير تغطية الحمولة لحد ما الواحد اتصنفر من الرملة !!!

معاك جق تماما

المشاركة الأصلية كتبت بواسطة أحمد كمال

10- من فضلك ما تفضيش كباية الشاي و لا ترمي علبة البيبسي الفاضية و انا وراك برضه !!!

برضه معاك حق

المشاركة الأصلية كتبت بواسطة أحمد كمال

11- من فضلك بلاش تعامل قائدي الدراجات النارية بطبقية و عنجهية ...... للاسف اكتشفت ان الكثير من راكبي السيارات مقتنعين ان راكبي الموتوسيكلات دول درجة تانية و المواقف كتير ....... اللي متضايق اني واقف قدامه في طابور محطة البنزين (انا جاي قبله بخمس دقايق !!!) و عمال يضرب كلاكسات و انا بافول و في الاخر اتحرك و خبطني عمدا !!! ...... و اللي داخل الصينية عكس و كان هيشيلني ..... و اما قلت له "إييييييه؟" مستنكرا ..... رد و قال لي "جتك الأوى !!" ......

متفق معاك تماما

كلام معقول جدا جدااااااااااااااااااااااا ااااااااااااااااااااااااا ا

للاسف دى بتبقى حالة داخلية جوه الانسان
نقول مثلا من وسط كل 10 راكبين عربيات فيه 4 مفتريين و عندهم عنف زايد و نقص و فاكرين انهم ممكن يدوسوا على اى حد
و من وسط كل 10 راكبيين اى دراجة نارية 6 عندهم نقص و غل داخلى و علشان كده يكسروا و يغرزوا و يحكو و يكسروا مرايات و يجروا

ربنا يحفظك و خد بالك من خطأ الغير و احتسب عند ربنا و ادعى ان ربنا يهدى الناس