هههههههههه
طريقتك في الكتابة كوميدية يابو كمال
ربنا يعينك
رقم العضوية : 33438
تاريخ التسجيل : 19Feb2009
المشاركات : 14,563
النوع : ذكر
الاقامة : استراليا
السيارة: None
السيارة[2]: Toyota Camry
دراجة بخارية: Harley-Davidson
الحالة :
بعد شهر من قيادة الموتوسيكل في مختلف انواع الطرق (محور, دائري, شوارع رئيسية و غير رئيسية, طرق صحراوية) ...
بجد يا جدعان ارحموا ركاب الموتوسيكلات !!!
1- لما تعدي من جنب موتوسيكل .... عدي من شماله .... هو ما بيبقاش متوقع انك تعدي من يمينه ...... انا امبارح مش اقل من 10 عدوا من يميني بسرعات تتجاوز سرعتي بما لا يقل عن 100 ...... يعني كان ممكن يشيلني و انا باعمل مناورة عشان اتجاوز مطب او حفرة لاني بابقى عامل حسابي ان يميني فاضي
2- الموتوسيكل صغير صحيح ....... بس ليه حق في حارة زيه زيك ..... ما تزنقوش بينك و بين العربية التانية ..... و ما تقعدش تقلب له نور و هو واقف بالطول بينك و بين اللي قدامك ..... صدقني ال 2 متر دول مش هيوصلوك بدري اكتر من 5 ثواني !!! و اما تتخطاني لف من برة الحارة ما تزنقنيش في نص الحارة من فضلك ......
3- بلاش تستخسر في الموتوسيكل انه يعدي منك و الدنيا واقفة او زحمة ...... فيه ناس بتبقى واقفة بينها و بين الرصيف او الجزيرة الوسطى مسافة نص متر من الناحيتين ...... لو حضنت على ناحية و سبتني اعدي هاكون شاكر ليك ..... انت مش خسران حاجة بس انا هاكسب اني هاسلك نفسي ..... مما يقودنا الى رقم 4
4- كتير جدا في الزحمة الاقي ناس ظراف حلوين بتقفل عليا الغرزة ..... مع العلم ان الفراغ اللي انا هادخل فيه يعديني بالعافية يعني مش هيدخل عربية الا لو كانت عربية سفنج !!!!! و مع ذلك يتعمد يقفلها لي ببوزه عشان ما اعديش ...... طب ليه ؟؟؟؟؟؟؟؟؟؟ عملا بمبدأ يا نعيش سوا يا نموت سوا و لا بمبدأ لو انا مش هاوصل انت كمان هتتلطع جنبي
5- الحارة اليمين هي اللي المفروض الموتوسيكل يمشي فيها ..... انا معاك ..... بس للاسف عمليا ده مستحيل لان الحارة اليمين و جانب الطريق عادة بيبقى مليان نقر و حفر و مطبات (هتضايقك شوية و انت سايق عربية بس ممكن تقلب الموتوسيكل تماما !) و مشاة ظراف خفاف واكلين فول و بصل و عندهم تناحة تكفي بلد سادين عليك الطريق ........ فمن فضلك لما امشي في نص الطريق ما تظهرش تأففك ...... غير اني ماشي على 100 زيي زيك يعني مفيش اصلا داعي لمشيي على اليمين !
6- الموتوسيكلات المصنوعة للتصدير لامريكا و معاد تصديرها لمصر نورها ما بيتطفيش ...... ما تخنقنيش كل شوية بالنور و تقول لي اطفيه !!!!!! نوري مضايقك في ايه بالنهار يا اخي؟؟؟؟؟؟
7- الاظرف بقى ..... لو باتجاوز عربية طويلة (مقطورة او تريلا) على طريق سريع حارتين .... و التريلا يمين و انا باتجاوز من الشمال و انت ورايا عاوز انت كمان تتجاوز ..... معلش تعالى على نفسك دقيقة لحد ما اعدي التريلا و بعدين عديني ..... معلش بس لو سمحت اصلي باتضايق لما باقع و اتهرس تحت عجلات تريلا !!!!
8- اجراءات قيادة الموتوسيكل بامان في كل دول العالم تتطلب مني اقلب لك النور و اديك كلاكس قبل ما اتخطاك عشان اتاكد انك شايفني في مرايتك ..... حتى في امريكا و اوروبا اللي الكلاكس فيهم ممنوع للسيارات للضرورة, مسموح للموتوسيكل في وقت التخطي ...... ما تاخدهاش بشكل شخصي بعد اذنك .....
9- من فضلك ما ترميش عقب سيجارتك من شباك عربيتك ..... معلش اصلي مش عايز هدومي تتحرق و لا عيني تطير ...... لو سمحت ...... كفاية علينا البقر بتوع التريلات اللي شايلين رمل و زلط و سن و ماشيين من غير تغطية الحمولة لحد ما الواحد اتصنفر من الرملة !!!
10- من فضلك ما تفضيش كباية الشاي و لا ترمي علبة البيبسي الفاضية و انا وراك برضه !!!
11- من فضلك بلاش تعامل قائدي الدراجات النارية بطبقية و عنجهية ...... للاسف اكتشفت ان الكثير من راكبي السيارات مقتنعين ان راكبي الموتوسيكلات دول درجة تانية و المواقف كتير ....... اللي متضايق اني واقف قدامه في طابور محطة البنزين (انا جاي قبله بخمس دقايق !!!) و عمال يضرب كلاكسات و انا بافول و في الاخر اتحرك و خبطني عمدا !!! ...... و اللي داخل الصينية عكس و كان هيشيلني ..... و اما قلت له "إييييييه؟" مستنكرا ..... رد و قال لي "جتك الأوى !!" ......
ملحوظة على رقم 11: بعض راكبي السيارات يجهل قيمة الدراجات النارية ..... و يجهل انها احيانا بتكون اغلى من سيارته نفسها !!!!!!
12- انا مش "كابتن" و لا "وله" و لا "ريس" ......
13- زي ما في قائدي السيارات ناس كويسة و ناس ضاربة (ميكروباص, تريلا ... الخ) زي ما برضه في قائدي الموتوسيكلات ناس كويسة و ناس ضاربة ..... !
14- يا ريت تخلي بالك من برك المية .... لو انت مش هامك الباب و العتب بتوعك يتوسخوا ..... انا عايز هدومي تفضل نضيفة !
بس كده و لو افتكرت هازود.
رقم العضوية : 17822
تاريخ التسجيل : 03Sep2008
المشاركات : 2,037
النوع : ذكر
الاقامة : cairo
السيارة: .
السيارة[2]: .
دراجة بخارية: .
الحالة :
هههههههههه
طريقتك في الكتابة كوميدية يابو كمال
ربنا يعينك
kkkkkk_kkkkkk سابقا
رقم العضوية : 53413
تاريخ التسجيل : 19Nov2009
المشاركات : 1,993
النوع : ذكر
الاقامة : Nasr City-Cairo
السيارة: Sold
السيارة[2]: Carens 2010-M
دراجة بخارية: 000000000000000
الحالة :
فيه حل ... اعمل زى بتوع الدليفرى فى سواقتهم حاتستريح قوى
ما فيش آداب وأصول قيادة فى مصر للأسف
[img2]http://i1023.photobucket.com/albums/af355/khaled_now/Awards2012-2015.gif[/img2]
[marq="4;right;3;scroll"]لا اله الا الله وحده لاشريك له .. له الملك وله الحمد .. يحيى ويميت وهو على كل شئ قدير[/marq]
رقم العضوية : 30897
تاريخ التسجيل : 23Jan2009
المشاركات : 623
النوع : ذكر
الاقامة : الـــــهــرم
السيارة: Lancer 2008 A\t 1300
السيارة[2]: Vw Pointer sold
دراجة بخارية: no
الحالة :
مفيش حد هيحس بكلامك الا لما يسوق ريس ويعرف المعانه
انت فعلا كل كلامك مظبوط 100%
رقم العضوية : 22774
تاريخ التسجيل : 20Oct2008
المشاركات : 4,384
النوع : انثى
الاقامة : h@r@m
السيارة: Punto classic 2o11
السيارة[2]: FIAT 128
دراجة بخارية: لايوجد
الحالة :
لآ تتشآئموآ . .آلحيآة آبسط ممّآ نتوقع رآئعه بكُل تفآصيلهآ
لن نطيَل آلمكوُث فيهآ . . !
فلمآذآ آلكدَر ؟!
وهُنآك ربّ آلبشر
إن عصينآ ستر وإن تبنآ غفر
إبتسمَوآ..و آحسنوآ آلظن بآلموُلىَ لتنآلوُآ مآتمنيَتُم
ابتسم وعيش احلى حياه
رقم العضوية : 45
تاريخ التسجيل : 18Apr2007
المشاركات : 5,565
النوع : ذكر
الاقامة : المعادي..أخر الشارع
السيارة: Logan A/T-Yaris HB HL
السيارة[2]: Astra J Cosmo
دراجة بخارية: NO
الحالة :
ريح دماغك و بلاها موتوسيكلات
إحنا عارفين نسوق عربيات أما هانجيب موتوسيكلات في السيرك ده!!!
رقم العضوية : 2282
تاريخ التسجيل : 23Sep2007
المشاركات : 8,887
النوع : ذكر
الاقامة : Cairo ,Faisal st
السيارة: كانت lada 2107 1989
السيارة[2]: Daewoo Nubira2 2005 auto
دراجة بخارية: No
الحالة :
فعلا اللى بتقوله واقعى جدا
و زى ما فىه الوحش فيه الحلو
انا رحت دمياط شفت فسيه اغبى راكبى الموتوسيكلات فى العالم
تجتمع فيهم صفات التهور والطيش و الغباء و الاستهتار وقله الادب
وعليه كل شويه يموت 5 او 6 كل كام يوم منهم فى دمياط
بس سؤال ايه اللى خلاك تركب موتوسيكل
قول الرسول صلى الله عليه وسلم: "خير النساء من إذا نظرت إليها سرتك، وإذا أمرتها أطاعتك، وإذا أقسمت عليها أبرتك، وإذا غبت عنها حفظتك في نفسها ومالك"
-- اللهم ارزقنيها --
رقم العضوية : 5416
تاريخ التسجيل : 09Feb2008
المشاركات : 1,940
النوع : ذكر
الاقامة : Alexandria
السيارة: was: Nubira II-lanos 1-regata-128-124
السيارة[2]: Peugeot 301
دراجة بخارية: nop
الحالة :
حضرتك عندك حق في كل كلمة بتقلها ... بس المشكلة ان السيئة بتعم ... و الموتسكلات الصيني مع احترامي لكل ملاكها بقت اكبر سيئة ... و حضرتك اكيد عارف الفئة القليلة اللي بيسوقوا صيني و سواقتهم @#$%^& بيعمولوا اية
بس اللي عارف الفرق بين الريس الهوندا مثلا و الموتسيكل الصيني مش هيقفل على الريس
على فكرة انا ببقى مرعوب لو في موتسيكل صيني قدامي او جمبي او حتى ورايا ... لاني من كتر ما بشوفهم بيترزعوا في الارض ببقى متوقع انه هيقع قدام عربيتي
طيب حضرتك تقول اية لما تكون راكب عربية و الطريق فاضي و واسع و تلاقي الاستاذ " دايون " طلع قدامك و رمى على عربيتك بطريقة بشعة لدرجة اني وقفت على الفرامل و العربية وقفت بالعرض عشان ما ادوسهوش
بس الغريب اني بعامل الريس " الاصلي مش صيني " معاملة العربية يعني بقلب نور و اشارات و كلاكسات .. لاني عارف ان صاحبة لو كان عايز يركب عربية كان جاب حاجة احسن من اللي انا راكبها ... بس الحكاية حكاية ازواق
معلش طولت عليك بس انا حاسس بيك
انا معارضة على فكرة
رقم العضوية : 33438
تاريخ التسجيل : 19Feb2009
المشاركات : 14,563
النوع : ذكر
الاقامة : استراليا
السيارة: None
السيارة[2]: Toyota Camry
دراجة بخارية: Harley-Davidson
الحالة :
و اياكم :)
ماهو لو عملت زيهم هاعمل حوادث و اموت زيهم !!
و الله طول عمري من قبل ماسوق موتوسيكلات و انا دايما باوسع لهم و باقلب نور و انا باتخطاهم و باسيبله حارته ...... بس للاسف ناس كتير ماعندهاش common sense
العادم مقدور عليه بس ربنا يقدرنا عالناس الحلوين
الكيف يذل صاحبه يا نادر !!
الزحمة
الرغبة في التجديد و كسر الملل و الروتين
المغامرة
رقم العضوية : 42525
تاريخ التسجيل : 13Jun2009
المشاركات : 2,955
النوع : ذكر
الاقامة : Tanta mainly
السيارة: Fiesta1.6, Punto
السيارة[2]: Peugeot 207
دراجة بخارية: no
الحالة :
بتفكر تبيع الريس, ولا هاتستمر فى المعاناه شوية كمان يا "كابتن يابو مكنة "
المفضلات