الموضوع: من قائد موتوسيكل الى قادة السيارات ..... ارحمونا الله يرحمكم

المشاركة الأصلية كتبت بواسطة osamalover

حضرتك عندك حق في كل كلمة بتقلها ... بس المشكلة ان السيئة بتعم ... و الموتسكلات الصيني مع احترامي لكل ملاكها بقت اكبر سيئة ... و حضرتك اكيد عارف الفئة القليلة اللي بيسوقوا صيني و سواقتهم @#$%^& بيعمولوا اية
بس اللي عارف الفرق بين الريس الهوندا مثلا و الموتسيكل الصيني مش هيقفل على الريس
على فكرة انا ببقى مرعوب لو في موتسيكل صيني قدامي او جمبي او حتى ورايا ... لاني من كتر ما بشوفهم بيترزعوا في الارض ببقى متوقع انه هيقع قدام عربيتي
طيب حضرتك تقول اية لما تكون راكب عربية و الطريق فاضي و واسع و تلاقي الاستاذ " دايون " طلع قدامك و رمى على عربيتك بطريقة بشعة لدرجة اني وقفت على الفرامل و العربية وقفت بالعرض عشان ما ادوسهوش
بس الغريب اني بعامل الريس " الاصلي مش صيني " معاملة العربية يعني بقلب نور و اشارات و كلاكسات .. لاني عارف ان صاحبة لو كان عايز يركب عربية كان جاب حاجة احسن من اللي انا راكبها ... بس الحكاية حكاية ازواق
معلش طولت عليك بس انا حاسس بيك

المشكلة اني مش راكب racer .... انا راكب Cruiser و ده لقليل الخبرة او من بعيد يبان انه صيني ......

و حضرتك ما طولتش و لا حاجة بالعكس انت ردك اضاف الكتير للموضوع

المشاركة الأصلية كتبت بواسطة moe86

بتفكر تبيع الريس, ولا هاتستمر فى المعاناه شوية كمان يا "كابتن يابو مكنة "

ههههههههههه ليه عايز تشتري

لا مش هابيع و هاكمل ........ و حاطط في بالي دايما اغنية "اتقدم ..... اتقدم ...... و كفاية خلاص تتندم"

المشاركة الأصلية كتبت بواسطة medo007

لاياباشا
انا الحمدلله بلا مبالغة كل الحاجات اللى قاله دي بنفذها حرصا على سلامتهم
بجد حرام ارحموووووووهم

وكل الكلام اللى قاله ده بيحصل فعلا

يعني مرة زي ما قال فوق موتوسكل بيفادي مقطورة من الشمال
والمقطورة طويلة
وعربية جاية لازقة في الموتوسكل ومش كده وبس
لا وتقليب نور وزمارة وهرس

وانا كان دمي محروق عالاخررررررر اكتر من بتاع الموتوسكل فتحت الزينون عالعالى ومشيت وراه ده اقل حاجة






انا بستنى لغاية ما يفادي لان لا قدر الله ممكن الحركات دي يرتبك او الموتوسكل يقع بيه

لان حضرتك متعلم و فاهم و عندك حس ...... للاسف ناس كتير مش كده :(

المشاركة الأصلية كتبت بواسطة medo007

على فكرة انا بكلم عالموتوسكلات عموما مش ريس بس

لان معظم الموتوسكلات صيني وما ادراك ما الصيني العجلى اتقل منها

للاسف الصيني ده وباء و انا باخاف منه دايما و انا سواء راكب العربية او البايك