الموضوع: الى من يعانى من سرعة أستجابة موتورfrv 1500 مو2010

المشاركة الأصلية كتبت بواسطة eng_audi2002

معلش يا جماعة انا مش معايا العربية دى بس انا كنت قررت خلاص انى هجيب fsv 1500 cc manual فهل العيوب اللى عندكم دى هلاقيها فى ال fsv ولا لا ؟واسف عن انى كتبت حاجة خارج اطار موضوعكم بس عاوز اطمن بس وشكرا

ما هو نفس الموتور - انا رايي تتروى شوية و اسأل الناس اللى ركبوها و جربوها و ما تتسرعش هو انت لاقى فلوسها فى الشارع ؟ و لو مصمم خلاص استخير ربنا و ربنا يوفقك بس الأفضل تتروى

يا جماعة
يؤسفني اني ابلغكم ان الموتور دا فعلا كدة
هو مش ضعيف لكن لو بصيت في البورشور بتاع العربية هتلاقي الاتي




بصوا علي اقصي عزم في الموتورين
هتلاقي الموتور ال 1600 اقصي عزم لية علي 3000 لفة للموتور
اما الموتور ال 1500 اقصي عزم ليه علي 4400 لفة للموتور

يعني اللي هتاخدة من الموتور ال 1600 وانت علي 3000 ار بي ام هو هو اللي هتاخدة علي 4400 ار بي ام للموتور ال 1500
دي مش مشكلة لكن دا تصميم بيراعي استهلاك الوقود اللي كلكم عن تجربة عارفين اد ايه الموتور دا بيوفر في البنزين

ولو هيبقي في حل هيكون عن طريق بعض التعديل في سوفتوير كونترول الموتور من الشركة علشان يحسن الاداء..

المشاركة الأصلية كتبت بواسطة romeo26222

يا جماعة
يؤسفني اني ابلغكم ان الموتور دا فعلا كدة
هو مش ضعيف لكن لو بصيت في البورشور بتاع العربية هتلاقي الاتي




بصوا علي اقصي عزم في الموتورين
هتلاقي الموتور ال 1600 اقصي عزم لية علي 3000 لفة للموتور
اما الموتور ال 1500 اقصي عزم ليه علي 4400 لفة للموتور

يعني اللي هتاخدة من الموتور ال 1600 وانت علي 3000 ار بي ام هو هو اللي هتاخدة علي 4400 ار بي ام للموتور ال 1500
دي مش مشكلة لكن دا تصميم بيراعي استهلاك الوقود اللي كلكم عن تجربة عارفين اد ايه الموتور دا بيوفر في البنزين

ولو هيبقي في حل هيكون عن طريق بعض التعديل في سوفتوير كونترول الموتور من الشركة علشان يحسن الاداء..

شكرا أ / روميو على الأيضاح العلمى الجميل ده و هو ده الكلام اللى كنا المفروض نسمعه من مهندسى التوكيل و ده كلام مقنع و نبقى وصلنا لنتيجة ان علشان نوفر فى البنزين هيكون على حساب أداء الموتور (علما بأن آخر حساب أستهلاك للبنزين داخل القاهرة فى طرق متوسطة الأزدحام و السيارة مش محملة غير فرد واحد و القيادة بدون عصبية كان 225 كم / الصفيحة يعني 8.88 لتر لكل 100 كم ) أعتقد انه استهلاك مش وحش بس مش ممتاز ولا زى ما بيقول الكتالوج و أحتمال يتحسن اكتر بعد ما عملت صيانة ال 2000 كم لآنه اتحسن عن اول 1000 كم كان حوالى 190-200 كم / الصفيحة ، أكرر شكرى للأخ / روميو على الأيضاح و يجب أما نقبل هذا الأداء من السيارة أو اللى لسة ما اشتراش يشترى 1600 سي سي . و انا سمعت امبارح من صديق لى عنده شيفوروليه كروز ان بيشتكى من نفس الشكوى و غالبا هى موجودة فى مواتير بعض السيارات الحديثة لتوفير البنزين و العوض على الله بس المفروض زى ما قال أ / روميو ان التوكيل يضبظ كمبيوتر السيارة لتحسين الأداء حتى و لو على حساب استهلاك البنزين طالما يقدروا يعملوا كده.
تحيانى

علشان كدة يا جماعة اول نصيحة لأي حد عايز يشتري عربية ياريت يجرب العربية مرة واتنين وتلاتة
انا عن نفسي جربت العربية اكتر من مرة في معرض الماظة وبالفعل حسيت بالبطء في السحب لكن دخلت جبت بيانات الموتور ولقيت اللي انا كتبتة في البوست اللي فات
وكان قدامي اختيارين
1- موتور اقوي لكن استهلاك بنزين اعلي وصيانات اغلي علي فترات متقاربة
2- موتور اقل قوة لكن استهلاك بنزين ممتاز وصيانات ارخص وعلي فترات متباعدة

واخترت الاختيار الثاني وخصوصا ان في مصر المحروسة ما بقاش في الاماكن اللي ممكن نلاقي فيها فرصة للسحب بالعربية ونجيب ال 100 كيلو في 10 ثواني..

وان شاء الله هاتابع في موضوع تحديث السوفتوير دة علشان ممكن نلاقي حلول كويسة ترضي كل الاطراف..
تحياتي للجميع
م/رامي

معتقدش انها مشكلة عزم لأن اكتر السيارات الحديثه مصممه ان اقصى عزم يخرج عند 4000 لفه او اكتر شويه

و معتقدش انها مشكلة بدال البنزين الكهربا لأن في سيارات كتير كده و مفهاش المشكله دي

اعتقد المشكله محدش يعرف سببها ايه يا اما الماتور ده ضعيف ولا هوا 102 حصان ولا حاجه و الله اعلم