الموضوع: الى من يعانى من سرعة أستجابة موتورfrv 1500 مو2010

المشاركة الأصلية كتبت بواسطة pharonicking

وجالك قلب تدفع فلوس فى عربية صينى يا جااااااااااامد":10d5c8w1107:

كل برغوت على قد دمه
و بعدين أحب اقولك إن الآراء دى كانت بتتقال على السيارات الكورى لما الهيونداى طلعت و كمان اتقالت قبل ما حضرتك تتولد لما واحد قريبنا اشترى سيارة تويوتا و الناس قعدوا يباكتوا فيه و يشمتوا فيه زيك كده ويقولوله حد يرمى فلوسه فى عربية يابانى يا راجل روح اشتريلك عربية 132 ولا بيجو - و دلوقتى ماحدش يقدر يفتح بقه على التويوتا ولا السيارات اليابانى كلها و لا حتى على السيارات الكوري التى غزت العالم مثل هيونداي و كيا و دايو و غيرهم - يا ريت تبص لقدام شوية بنظرة مستقبلية متفائلة .

المشاركة الأصلية كتبت بواسطة pharonicking

وجالك قلب تدفع فلوس فى عربية صينى يا جااااااااااامد"

انتا تاني

انا متابع كل مشاركاتك يا دكتور دا انتا دكتور زي منتا كاتب في توقيعك

اكبر بقى و بلاش الشغل ده

و يا استاذ رضا ميهمكش و ان شاء الله محلوله المشكله دي لأن واضح انك انسان طيب و تستاهل كل خير

المشاركة الأصلية كتبت بواسطة madamada2070

انتا تاني

انا متابع كل مشاركاتك يا دكتور دا انتا دكتور زي منتا كاتب في توقيعك

اكبر بقى و بلاش الشغل ده

و يا استاذ رضا ميهمكش و ان شاء الله محلوله المشكله دي لأن واضح انك انسان طيب و تستاهل كل خير

ربنا يخليك و اشكرك على زوقك و ردك الجميل و انشاء الله كل مشكلة ولها حل و انشاء الله المشاكل دى تتحل

المشاركة الأصلية كتبت بواسطة akramesg

والله انا كنت خايف على زعلك يا استاذ رضا بس الحمد لله روحك عالية جداً - ولا يهمك كلنا فقريين ولاقيين فلوسنا فى الارض وربنا يذيده من نعيمه

أشكرك على زوقك و يا سيدى ربنا يبركلنا فيها مش ممكن الواحد يشترى مرسيدس و يخيش بيها فى عمود نور لاقدر الله و لا يتقلب بيه و يقعد يعيط جنبها أهم حاجة البركة و ربنا يباركلك و لنا فى الصينى و يدينا خيرها و يبعد عننا شرها .
و لا تلتفت للكلام اللى مالوش لزمه لآن فيه ناس مالهاش لزمه فى الحياة الا انها تحصر الناس بدل ما تشجعهم و تواسيهم و ربنا يدي كل واحد على قد نيته .
تحياتى لشخصك الكريم

المشاركة الأصلية كتبت بواسطة ahmad_samy

الكلام ده هو خلاصة الكلام واسال الله ان يباركلك في سيارتك انت وكل من اشتراها

أشكرك يا استاذ / أحمد - على شعورك الجميل و ربنا يباركلك انت كمان فى سيارتك و يديك خيرها و يكفيك شرها و انت و كل الأخوة اللى اشتروها و ربنا ما يخيبش املنا فيها

تحياتى

ازيك يا اخ حسين و مبروك اولا علي العربيه , انا لسه شاري العربيه لمراتي FSV GLS جميع الكماليات و نفس موتورك , انا معاك انه حاجه تحرق الدم انك تشتري عربيه و تلاقي سعرها نزل كده , انا عن نفسي ما شتريتهاش لمراتي الا لما سعرها نزل 10000 جنيه بس عايز اقولك حاجه كل العربيات سعرها نزل جامد بعد المعرض الي فات مش البريليانس بس و ناس كتير زعلت بس الاسعار رفعت تاني و منهم البريليانس اللي فترة العرض هتخلص .
بالنسبه للموتور ده مش عيب فيه التكنولوجيا بتاعته كده علشان يوفر بنزين داخل المدن و لا يتاثر السحب بالتكييف و ده اتجاه في عربيات كتير منهم ال كروز اللي الناس فاكره ان الكروز وزنها تقيل علي الموتور و هوه الموضوع مش كده و تعالي شوف الابترا معايا سحب رهيب و جامد بس علي حساب البنزين طبعا , وبعدين احنا 90% جوه القاهره كام مره بنسافر و هوه نفسه اللي في الدايهاتسو ماتيرا و الياريس الجديده اللي تيوتا هيه اللي مطوره الموتور ده و اللي برييليانس و خده تيوتا الشريك الاساسي ليها في تطوير الموديللات FRV و FSV و ادخل علي BMW Brilliance Automotive Ltd: career و انت تعرف.
المتور ده ناعم جدا و مالوش صوت ولو انت عايز سحب ممكن تطلب فتح الموتور و ده مش صعب , العربيه ثابته حدا علي الطريق لان الشاسيه انجليزي , الباور بتاعها جميل و ده كلام عن تجارب عربيات كتيره جديده , شكلها جزاب و مش مقلد من عربيات تانيه زي الصيني اللي في السوق و اللي تصميم موديلاتها اللي و ضعاه شركة PININFARINA الايطاليه , انا كتبتلك بس علشان تحس بقيمة العربيه اللي معاك و انت ما رميتش الفلوس في الارض و ولا حاجه , واللي بيتريقوا و معاهم عربيات غاليه شويه او معاهم عربيات اقل فئه في ماركتهم و عندهم مشاكل بالهبل بس ما بيتكلموش علشان محدش يضحك عليهم ان العربيه غاليه و ماركه معروفه و فيها مشاكل كمان ما تحصلش في اسو ء عربيه فيتنامي مش صينى زي تيوتا اللي دواسة البنزين مابترجعش (خيبه و الله ) و بتتباعلنا غاليه و التوكيل بيدينا علي دمغنا ياريت يخليهم في حالهم .