الموضوع: الى من يعانى من سرعة أستجابة موتورfrv 1500 مو2010

المشاركة الأصلية كتبت بواسطة meshmesh78

شوف يا استاذ سونسون العربية ما زالت كويسه والمسألة صدقنى ومش كلام حتتغير مع الوقت للأفضل

انا عربيتى فى المشاوير جوه البلد والأماكن الزحمة بتعمل 230 كم فى الصفيحة والمشاوير الطوالى بتعمل 275 كم فى الصفيحة

والحمد لله ده معدل كويس على 1600 بس المعدل ده موصلش كده مرة واحده المسألة خدت وقت واعتقد انى بردك فى صيانة

2000 كم اشتكيت من البنزين لأنى فولت مره وكانت النتيجه سيئة وفعلا قلولى العربية لسه فى التليين والنسب حتختلف

والحمد لله اختلفت.

انا معاك بردك ان مسألة اقصى عزم عند 4400 لفه دى مسألة رخمة جدا لكون 4400 لفه ده حرق وبيزود الإستهلاك بس فى

نفس الوقت المعلومة دى مكنتش معروفة والموضوع محتاج معايشة مع الموتور وحضرتك مع الوقت حتعرف ازاى تطلع منه

اقصى اداء ممكن ...

والله أنا مش بحاول اخفف عنك بس حضرتك والله والحمد لله العربية اللى معاك ممتازة والأيام حتسبت الكلام ده والسواقة مش

سحب وجرى لازم تكون راكب عربية قوية وفيها عوامل امان وكماليات كويسة وثابتة وانت والحمد لله معاك ده

وافتكر الحادثة اللى شوفنها فى التوكيل ربنا يكفينا شر الحوادث العربية الكبوت كان ضايع والكابينة ما شاء الله سليمة

حضرتك قول الحمد لله ومع الوقت حتقول العربية راائعه

وتمنياتى لحضرتك وللجميع بالتوفيق

فعلا يا مشمش باشا انا اوافقك تماما ان السيارة فيها عناصر امان عالية من حيث الأتزان و الثبات على الطرق عن تجربة و علشان الواحد يقول اللى ليه و اللى عليه السيارة اللى شفناها و احنا فى التوكيل اللى كانت داخله فى عمود نور و الكبوت و الموتور كله متدمر تماما و بالرغم من أن الكبوت كان و اصل عند البريبريز الأمامى إلا إن الكابينة كانت سليمة تماما و الأبواب بتفتح و لم تتزحزح سنتىمتر واحد و السائق سليم و لم يجرح - ده يخلينى اشهد للسيارة دى بالأمان العالي - لكن توجد بها سلبيات فى الموتور و هى ما سبق ذكرها و اتمنى ان استهلاك البنزين يتحسن زى ما بيقولوا علشان تبقى فيه حاجة بتشفع للسيارة على حساب الأداء و العزم

المشاركة الأصلية كتبت بواسطة CryptonX

اما محرك السياة ال 1500 فهو بتكنولجيا ميتسوبيشي ايضا و لكن رزمزه 4g15 التعديل التاني و ده كان بينزل لحد سنة 2002 في الكولت و الانسر برة .
تصحيح بس لمعلوماتك الموتور ال 1500 مش 4g15 انما الكود بتاعة 4A15 ودي تسميتة من الصين لكن الموتور من تويوتا الكود بتاعة 3SZ-VE

انا مش بعيب المحركات في حاجة .. بس القدرة الحصانية المتدنية هي اكبر دليل على ذلك ..

يعني معظم المحركات " الجديدة " الان ال 1600 مابتفلش عن 115 حصان و انت طالع

موتور السيتروين السي 4 1600 وبيطلع 110 حصان والموتور دا جديد

وإسمحلي يا استاذ رضا اقولك كام نقطة
انا سافرت بالعربية دي 3 مرات لغاية دلوقت
اول مرة كنت لوحدي ورحت العين السخنة ورجعت وكان السحب الطبيعي بتاعها وكنت مشغل التكييف
تاني مرة كان معايا المدام وبرضة رحت العين السخنة وكان في شنطتين في العربية وكان السحب برضة طبيعي
ثالث مرة العين السخنة ومعايا 4 أفراد والشنطة مليانة علي اخرها والتكييف شغال وبرضة سحبها ما اختلفش

احب اوصلك من كدة ان بالرغم من السحب قد يكون مش قوي لكن قدرة العربية علي انها تديك نفس الاداء بتغير الاحمال والاوزان رائعة ودا اللي مسئول عنة ال 102 حصان في العربية
لكن موضوع العزم علي الار بي ام العالي انا من ساعة ما جبت العربية لما احب اسحب بيها جامد دايما باخلي لفات الموتور اعلي من 3000 وبالاقي العربية بتسعفني في التخطي وبتسحب احسن من اي عربية تانية
ولمعلوماتك انا لسة ما عملتش صيانة ال 2000 لكن هاعملها الاسبوع الجاي لاني مش فاضي اروح التوكيل اليومين دول خالص

هاتابع معاك ان شاء الله لو في جديد

المشاركة الأصلية كتبت بواسطة romeo26222

وإسمحلي يا استاذ رضا اقولك كام نقطة
انا سافرت بالعربية دي 3 مرات لغاية دلوقت
اول مرة كنت لوحدي ورحت العين السخنة ورجعت وكان السحب الطبيعي بتاعها وكنت مشغل التكييف
تاني مرة كان معايا المدام وبرضة رحت العين السخنة وكان في شنطتين في العربية وكان السحب برضة طبيعي
ثالث مرة العين السخنة ومعايا 4 أفراد والشنطة مليانة علي اخرها والتكييف شغال وبرضة سحبها ما اختلفش

احب اوصلك من كدة ان بالرغم من السحب قد يكون مش قوي لكن قدرة العربية علي انها تديك نفس الاداء بتغير الاحمال والاوزان رائعة ودا اللي مسئول عنة ال 102 حصان في العربية
لكن موضوع العزم علي الار بي ام العالي انا من ساعة ما جبت العربية لما احب اسحب بيها جامد دايما باخلي لفات الموتور اعلي من 3000 وبالاقي العربية بتسعفني في التخطي وبتسحب احسن من اي عربية تانية
ولمعلوماتك انا لسة ما عملتش صيانة ال 2000 لكن هاعملها الاسبوع الجاي لاني مش فاضي اروح التوكيل اليومين دول خالص

هاتابع معاك ان شاء الله لو في جديد

فى الحقيقة انا كمان سافرت بالعربية دى لما عملت ال 1000 كم الى شرم الشيخ و كان الهواء احيانا ضدى و كان معايا اولادى الثلاثة و زوجتى و اثنين من اولادى اعمارهم 19 و 25 سنه و كانت السيارة ممتلئة بالأغراض حتى ان الشنطة مش ممكن تاخد اي شيء تانى و كنت سايق على 100 - 110 و احيانا 120 و شغلت التكييف شوية لما اشتدت الحرارة و كانت ماشية كويس بأستثناء فى التخطى - بس كان سحب البنزين مرتفع طبعا يعنى كان 230 كم / صفيحة .

المشاركة الأصلية كتبت بواسطة pharonicking

وجالك قلب تدفع فلوس فى عربية صينى يا جااااااااااامد":10d5c8w1107:

وايه لازمتها المشاركة بتاعت حضرتك دي؟؟