الموضوع: قلة ادب وعدم تربيه ... معقول حالنا وصل لكده؟؟؟

المشاركة الأصلية كتبت بواسطة eng.m mahran

يا جماعة الناس الى بتقول ان احنا بنروح مارينا ليه طالما فيها الاشكال دى
مارينا كمكان جميلة(بحر-كافيتريات-محلات-جو جميل-تمشية) وممكن تقضى فيها وقت جميل سواء مع اصحابك او اسرتك
مش معقولة ان الواحد ميرحش علشان الناس دى موجودة
هناك كل واحد فى حاله ملوش دعوة بحد

المشاركة الأصلية كتبت بواسطة cheetos_892005

+11111111111
و بنحاول نغض بصرنا علي قد ما نقدر و مبنعملش حاجه غلط

مع احترامي لحضراتكو بس ال (بحر-كافيتريات-محلات-جو جميل-تمشية) دول ممكن تلاقيهم في اماكن تانية و قرى سياحية محترمة موجودة برضو في الساحل الشمالي و برضو هتقضي فيها وقت جميل

لكن ازاي حضرتك هاتروح مكان زي مارينا و تقضي وقت جميل مع اسرتك و المناظر دي بتحصل قدام والدتك او اختك ؟؟؟؟؟؟ انا اسفة بس كلام مش منطقي اطلاقا

و ازاي حضرتك تروح مكان كل اللي فيه تقريبا مش لابسين و تقول انك هتغض البصر !!!!!! معنى كدة انك هاتقعد في الشاليه مش هاتخرج منو لا صبح ولا ليل لأن المناظر دي في كل مكان و في كل وقت و مفيش امكانية اصلا لغض البصر


يعنى هو انا ينفع ادخل كباريه او ديسكو و اقول انا بس رايح اقعد مع اصحابي و هاغض بصري !!!!!؟؟؟

المشاركة الأصلية كتبت بواسطة fadod

وهو اللي بيحضن ولا بيراهق مع واحدة في الشارع ذي اللي نازل عليك بمطوي وبيقطع فيك . ازاي بتساوي الحالتين ..،أنا متفهم انك إتأذيت معنوياً، لكن مش بدنياً ذي المثل بتاعك أنا مش قادر استوعب وجه التشابه .أنا بقول إن اللي لازم يتخذ القرار الصح مش إنت . إنت بتبليغك يبقي عملت ماجاء بالأية وهو البلاغ وداه اللي بإيدك ..معتقدش لو كل واحد غير المنكر بإيده وقال الاية قالت كده إن الدنيا هتتصلح .
اللي إنت بتقول عليه هيخلي كل واحد مش عجبه تصرف حد تاني إنه يقول داه منكر ويقوم يضرب اللي قدامه..واحد شايف اتنين ماشيين مع بعض وماسكين ايد بعض ،دة منكر عنده ، واحد حضن واحدة ذي المثل داه أو واحد بيكلم واحده حتي من بعيد لبعيد ،كل داه ممكن يتفسر علي إنه منكر



تخيل إنه كان لم ناس وراحو ضربوا ياقوت ، وموتوه ، أو العكس وإتقلبت مجزرة ..إيه اللي استفدناه ..وهتلقيه تاني يوم بيعمل اللي كان بيعمله


أنا قلت رايئ ..وكل واحد ياجماعة يعمل اللي يحس إنه صح

اكبر مشكلة أنه بيأذيني في ديني لأني لو شفت واحد زي دا بيعمل كدا من غير ما ابلغ عنه أو انهاه عن اللي بيعمله هبقى انا بقر المعصية اللي بيعملها وكمان هيسهل عندي رؤية المعصية لحد ما انا كمان اقع فيها ودي اكبر مشكلة واللي ياذيني في ديني اكبر من اللي ياذيني بدنيا ومحدش قال انه يضربه بس ياما يبلغ ياما يكلمه والافضل يكلمه بالحسني لعله يحس بغلطته بس في نفس الوقت مينفعش يفضل ساكت دا حتى عندنا بالبلدي بنقول على اللي بيسكت في موقف زي دا بقرون