قلة ادب وعدم تربيه ... معقول حالنا وصل لكده؟؟؟

**Dojuar** · 30-07-2010 08:56 PM

تفسير قوله: إِنَّ الَّذِينَ يُحِبُّونَ أَنْ تَشِيعَ الْفَاحِشَةُ فِي الَّذِينَ آمَنُوا لَهُمْ عَذَابٌ أَلِيمٌ

يقول بعد ذلك: إِنَّ الَّذِينَ يُحِبُّونَ أَنْ تَشِيعَ الْفَاحِشَةُ فِي الَّذِينَ آمَنُوا لَهُمْ عَذَابٌ أَلِيمٌ فِي الدُّنْيَا وَالْآخِرَةِ وهذا وعيد شديد لمن يحرص على إفشاء الفاحشة، الَّذِينَ يُحِبُّونَ أَنْ تَشِيعَ الْفَاحِشَةُ؛ يدخل في ذلك الذين يدعون إلى تبرج النساء؛ فإن ذلك دعاية إلى فشو الفاحشة وشيوعها، وكذلك الذين يدعون إلى سماع الغناء؛ فإن سماع ذلك مما يسبب الوقوع في الفاحشة، وكذلك الذين يدعون إلى خروج النساء وإلى اختلاطهن بالرجال وإلى مزاحمتهن، كل ذلك من أسباب فشو الفاحشة؛ فالذين يدعون إلى ذلك يدخلون في هذه الآية أي أنهم يحبون أن تشيع -يعني تنتشر وتشتهر الفاحشة- والفاحشة هنا: فاحشة الزنا أو مقدماته، وسميت فاحشة لفحشها وقبح اسمها، وقبح فعلها، تستفحشها النفوس وتستقبحها والله -تعالى- قد حرم الفواحش في قوله تعالى: قُلْ إِنَّمَا حَرَّمَ رَبِّيَ الْفَوَاحِشَ مَا ظَهَرَ مِنْهَا وَمَا بَطَنَ .
فإذا كان الزنا مثلا خفيا فهو مما بطن، وكذلك مقدماته الظاهرة تكون مما ظهر، كالتبرج والسفور، وكذلك وسائل ذلك، وكذلك نشر الصور سواء في الصحف أو في الأفلام أو في الأشرطة ونحوها؛ إذا كانت صورا فاتنة لا شك أن ذلك كله من إشاعة الفاحشة، يدخل الذين يدعون إلى ذلك في الإثم المذكور في هذه الآية إِنَّ الَّذِينَ يُحِبُّونَ أَنْ تَشِيعَ الْفَاحِشَةُ فِي الَّذِينَ آمَنُوا يعني أن تفشو وتنتشر وتتمكن في المؤمنين الذين هم مؤمنون مصدقون مطيعون لله تعالى.
فالواجب أن المسلمين جميعا يحرصون على حماية أنفسهم وحماية إخوانهم من هذه الفواحش، ومن تمكنها ومن ظهورها، وأن يحرصوا على حماية وصيانة أعراضهم وأعراض إخوانهم وأخواتهم، وأن يحرصوا على صيانة المؤمنات وحفظهن عن أن يظهرهن أو يبرزن مما يكون سببا في انتشار وفشو الفواحش التي هي الزنا أو مقدمات الزنا؛ وذلك لأن ظهوره سبب للعقوبات، وسبب لكثرة الأمراض التي لم تكن في الأمم السابقة -كما ورد ذلك في الحديث- وسبب في منع الخيرات ومنع البركات، فالذين يحبون أن تشيع هذه الفواحش لهم عذاب أليم في الدنيا والآخرة، أي يجب أن يعاقبوا في الدنيا؛ يعاقبون بما يزجرهم وبما يمنعهم ويمنع أمثالهم إما بالتعزير والعقوبة أو الحبس، وإما بإبطال شبهاتهم، والرد عليهم وتفنيد أقوالهم وأكاذيبهم.
وقد يكون العذاب في الدنيا من الله تعالى أن يفضحهم، وأن يظهر مساوئهم، ويظهر أسرارهم التي يكنونها، والتي يكيدون بها للمسلمين، والتي يحرصون من أجلها على أن يتمكنوا من شهواتهم المحرمة، فالواجب أن يفضحوا حتى يكون ذلك من عذاب الدنيا، والله تعالى قد يعذبهم حيث وعدهم، فوعدهم بالعذاب في الدنيا وبالعذاب في الآخرة، فإن صرحوا بالقذف فإن من عذاب الدنيا الحد: الذي هو الجلد ثمانين جلدة، ورد الشهادة والحكم بفسقهم، وقد يعاقبهم الله تعالى بعقوبات ظاهرة في الدنيا إما بمرض أو فقر أو فاقة أو شلل أو مرض شديد أو خفيف أو نحو ذلك أو موت عاجل أو نقص في الأموال والأنفس والثمرات -وما أشبه ذلك- عقوبة لهم على فعلهم هذا، وعلى حرصهم أن تشيع الفاحشة في المؤمنين. عذاب الآخرة يدخل فيه عذاب القبر وعذاب البرزخ وعذاب النار يعني: ما يكون بعد الموت من أنواع العذاب.

المسألة بسيطة

وبلاش خلط الوراق

ده ملوش علاقة بالسرقة و الرشوة وووو...

انا مبحش ان تشيع الفاحشة, و هاعمل اللي يقدرني عليه ربنا لو شفت منظر من المناظر ديه

**MohaMed_Refaat** · 30-07-2010 08:59 PM

المشاركة الأصلية كتبت بواسطة khaled ayman

لاسباب شخصيه مش عاوز ارد عليك :e_braces[1]:
لا يكلف الله نفسا الا وسعها

+999999999
اوعى توسخ ايدك يا خالد
انا نفسى اعرف اية الفكر دة بيجبيوة منين ؟؟؟
الحمد الله الذى هدانا لهذا وما كنا لنهتدى لولا ان هدانا الله

برجاء من جميع الاعضاء عدم شخصنه الحوار وتحويله لصراع
وعدم التطرق من قريب او بعيد لاي خلافات كانت موجوده بين الاعضاء من قبل
يرجي المناقشه بعقلانيه
بعد هذا التنويه وفي حاله التحول الي صراع ومخالفات للقواعد
لن يتم غلق الموضوع
ولكن سيتم تطبيق عقوبات مشدده ومضاعفه
شكرا لتفهمكم
مشرف عام 3

**fadod** · 30-07-2010 09:13 PM

المشاركة الأصلية كتبت بواسطة mohamed_refaat

+999999999
اوعى توسخ ايدك يا خالد
انا نفسى اعرف اية الفكر دة بيجبيوة منين ؟؟؟
الحمد الله الذى هدانا لهذا وما كنا لنهتدى لولا ان هدانا الله

ملوش لازمة الكلام داه ..لانه إستفزازي بالدرجة الاولي
لما تلقي انك بتغير المنكر بإيدك بس علي اللي أضعف منك ، لكن مع الاقوي منك بتسكت ، أو يمكن حتي بتمدح فيه يبقي الموضوع مش موضوع تدين ودوله إسلامية
لما تلقي نفسك بطبق تعريف المنكر علي حاجات ، وحاجات تانية واضحة قدام عينك وبتعملها كل يوم ممكن تكن أشد من المنكر داه..يبقي بردو مش موضوع تدين
ولما كل واحد يعرف المنكر بطريقته الخاصة ويمسك الاية ويفسرها تفسير وسط وتفسير معتدل وتفسير متشدد ،يبقي داه بردو مش من الدين

**ahmed-moga** · 30-07-2010 09:48 PM

معلش ياجماعه مع خالص احترامي لكم محبش الموضوع يوصل لكده ارجوكم خلي المناقشات بنائه بعيد عن

الخلافات الشخصيه والتحيز لأحد الموضوع هادف ويعلاج مشكله اصبحت واقعيه في

جيلنا وندعوا من الله من ان لا تتفاقم هذه المشكله بصوره اكبر وأسوأ في الأجيال القادمه

عايزين حلول مش مشادات كلاميه تزعلنا من بعض

**nabaster** · 30-07-2010 10:11 PM

المشاركة الأصلية كتبت بواسطة largeman

بعيد عن الموقف المذكور لصاحب الموضوع
تعرفوا لو كل واحد في البلد ديه خلاه في حاله و ملوش دعوه بحد خالص هنبقي اعظم بلد في الدنيا زي امريكا و اروبا عشان في حرية و ديمقراطية حقيقية مش كلام و خلاص .... ما كل يوم في البلاد ديه موجوده المسخره ديه عادي في الشوارع انما كل واحد قاعد في حاله و ملوش دعوه بحد انما الفضي اللي احنا فيه و ان احنا مش ورانا حاجه بنعملها بنضطر ان احنا ندخل في دخليات اللي حوالينا و نبقي هنموت و نعرف دا بيفكر اذاي و هيعمل و الكلام ده
انا اعترض عن ان كل واحد يبص لغيره مهما كان بيعمل انما متسكتش عن حقك لو تدخل في حياتك او دايقك بأي حاجه
ولو كل واحد فكر شوية هيلاقي في نفسه انه بيدخل في حياة ناس كتير و هو مش شاعر بكده
ارجو ان تكون رسالتي وصلت صح

المشاركة الأصلية كتبت بواسطة LAMBOZ

كلام مظبووط ...
أنا دلوقتي عايز أسأل كل واحد مقتنع,,هل إذا شفت واحد بيرمي زبالة هتروح ترميها في وشه وتضربه أو تموتوا ؟ ماهو كده اعتدى على الدين و المجتمع وعليك اتنا شخصيا.
احنا بنمسك في حاجات وبنسب حاجات وكله على مزاجنا.
وطبعا مش عشان أنا في دولة اسلامية يبقى لما أشوف حرامي أروح ماسكه و اقطع اديه. أو إذا شفت قتل امسكه واقطع راسه . الكلام الصح إن حضرتك تروح للأمن.وتقول حصل كذا وكذا وإذا الأمن الك إن ده عدي يعبأ ده عدي في المكان ده..وهم دول صحاب المكان و المسئولين عنه يبقى حضرتك إذا مش عجبك كده ممكن تشوف أي مكان تاني..أو تشتكي لإدارة النادي أو المكان اين كان نوعه.حضرتك بالنسبة للولد غلطان وتدخلت في حريته سواء حضرتك شايف ده صح أو لأ هو شايف إن ده صح أو عادي.وإنت كده محلتش المشكلة و ماعلمتوش أي درس أو أي حاجة..بالعكس هو ممكن تكبر في دماغه ويعمل حاجة اكبر من كده أو يعمل كده في مكان تاني وساعتها مش عشان هو عايز كده..لأ عشان حضرتك عملت معاه كده..يعني عند.
طبعا اللي هو بيعملوا غلط من وجهة نظر الدين و من وجهة نظري أنا كمان كإنسان مسلم وعربي. بس ده ميدنش الحق إني اعتدي عليه ولا بأيدي ولا بلساني.
وموضوع مارينا.فعلا يا جماعة طلاما مارينا مش كلها كده..بتروحوا الحتت الوحشة اللي فيها ليه ؟! ولما بطرحها وتعرفه كده ,,بتفضلوا فيها ليه ؟! وطبعا هناك إذا رحت للأمن هيقولك ملكش دعوة ,,,ده معناه إن هناك ده عدي وبالتالي العَمر يرجع ليك يا تفضل هناك بس ملكش دعوة طالما ابلة يا تخرج ومترحش هناك تاني ابدا طالما ده ضد تفكيرك أو دينك يعني حاجة مش ردي عنها عشان أي سبب.

وما شاء الله كل اللي هنا مقتنعين وأنا مش بهزر ولا باتريق أنا بتكلم بجد ...طلاما الحمد لله كلكم مقتنعين إننا لازم ناخد موقف ,,مش قصدي مقتنعين بإنك تضربه بنفسك.

ليه محدش بيحمي البنات اللي بيتم التحرش بهم في المواصلات مثلا أو الناس اللي بترمي الزبالة في الأرض أو الشتايم اللي بتتقال علنا كده وقدام أختك ومراتك واهلك كلهم وده بيكون عادي عندنا..
أي حاجة من الحاجات دي وغيرها كتييييييير بتتعمل كل يووم وقدم كل الناس وماحدش بيعمل حاجة.
لا وكمان أكيد كتير مننا بيعمل حاجات من دي وبرده بييجي على حاجات تانية ويقولك لأ إزاي..مع إنه كله غلط وكله مضر .
وانا شخصيا إذا عملت زي حضرتك واللهِ هتلاقي صوري في صفحة الحوادث يا قاتل يا مقتول..عشان أنا بتجنن من اللي بيحصل قدامي كل يوم في البلد دي..
وحضرتك كان المفروض تروح تكلمه بهداوة على جنب وتفهمه..وإذا مقتنعش تشتكي ودي أكتر حاجة ممكن تعملها.وكده حضرتك ادتله الحق بعد ماكان هو اللي عليه الحق.

ياريت محدش يزعل دي آراء وكل وحد بيشوف الموضوع من وجهة نظره.وشكرا.

مش هسمح لامي ولا لاختي انها تشوف فيلم بورنو في الشارع

وانا عضو في المكان ده

هما الي يمشوا

مش انا

ولو تشوفوا المنظر بعد اول كلمه مني لما هزقت الواد والبت

هتعرفوا ان البلد مليانه خير والكويس اكتر من الوحش

بس الوحش هوا الي بيطفو علي السطح

متزعلوش مني

بس نظرتي اتغيرت من ناحيتكم

المشاركة الأصلية كتبت بواسطة artyboy

بغض النظر عن الخلافات إللى موجودة بس مش واخدين بالكوا من حاجة العيال دى ما بقتش بتتكسف يعنى أنا فاكر زمان لو واحد عاكس واحده و حد زعقلة بتلقيه خد بعضه وجرى أنما دلوقتى بقا فى بجاحة يرد عليك لو كمان يجبلك أصحابة علشان يتخانق و يضربك لسه حاصله قدام عينيا من فترة قريبة فى شارع عبد العزيز واحد ماشى أسف فى اللفظ تحرش بواحده فى وسط الشارع قام سواق من بتوع النص نقل إللى واقفين زعقله الواد رد عليه ومسك فى خناقة المهم الناس حجزت بينهم ومشت الواد فجأه وإحنا واقفين سمعنا صراخ وحاجات بتتكسر كأن فى حرب الواد رجع ومعاه عربيات نص نقل محملة بلطجية و بعد ما الموضوع خلص النجدة جت تتمختر إيه بقا إللى حصل ؟الواد السواق خد كذا طعنة فى جسمه و حالته خطيرة و عربيته إللى لسه بيسدد أقساطها أتكسرت 60 حته ربنا يخليلنا فيلم ( إبراهيم الأبيض)

لو كلامك ده حصل بظبط زي مابتقول

يبقي في الموقف ده نلوم الناس الي كانت واقفه تتفرج

الراجل اضرب وسطهم ومحدش فتح بوقه

علي فكره الناس دي ارتكبت ذنوب بوقوفهم يتفرجوا

غير الذنوب العالم دي جبانه وميستحقوش انهم يتسموا رجاله اساسا

وفي مثل بيقول

صاحب الحق عفي

المشاركة الأصلية كتبت بواسطة ahmed-moga

معلش ياجماعه مع خالص احترامي لكم محبش الموضوع يوصل لكده ارجوكم خلي المناقشات بنائه بعيد عن

الخلافات الشخصيه والتحيز لأحد الموضوع هادف ويعلاج مشكله اصبحت واقعيه في

جيلنا وندعوا من الله من ان لا تتفاقم هذه المشكله بصوره اكبر وأسوأ في الأجيال القادمه

عايزين حلول مش مشادات كلاميه تزعلنا من بعض

انا بجد عاجبني النقاش لحد دلوقت

فياريت نفضل علي نفس المنوال

والاشخاص الغير مرغوب فيهم (اي كانوا)

ممكن منردش عليهم وخلاص

انا بقدر الامكان بحاول اعمل كده

A.Yakout

**nabaster** · 30-07-2010 10:56 PM

المشاركة الأصلية كتبت بواسطة MohaMed_Refaat

يعنى الواحد مش عارف فين الصح وفين العلط لما واحد يروج لفساد وان مش صح ان واحد يمنع الانحلال الاجتماعى ويطبق القيود والاخلاق الاجتماعية العامة يبقى عادى

لكن انا مش عجبنى افكارة وتعليقة يبقى غلط لنفرض انى ملتزم ومش بحب كدة يبقى هو مش المفروض يبوح بتفككة وافكارة الهدامة فى العلن لان الصح ان الحجات دية غلط الى الابد فى مجتمعنا الشرقى المسلم و المحافظ

انا صحيح غلطت فى الرد لكن استفزنى بعض الردود وعموما استفدت ان الناس دى بافكارها مش حتتغير ابدا وانا لما بشارك فى موضوع زى دة مش بستفيد غير التحذير يبقى شكرا والسلام عليكم ورحمة الله وبركاتة

محمد بيه الراجل الشرقي الجدع

مالك بس متعصب ليه

انتا ماخدتش تحذير ولا حاجه

كل الموضوع الاداره بس بتنبه ان الموضوع ميخرجش عن مساره

والله يا محمد الاداره بتقدر كلامك

وبتقدر الغيره الي ممكن تبان في عصبية بعد الردود

وفعلا بتراعي ده

وده منتدي يا محمد يعني هتلاقي فيه جميع الاشكال

بس الحمد لله ان المنتدي برضه لسا فيه الخير

وحاليا الاعضاء الي من النوعيه دي لا يذيد عددهم عن 7 اشخاص

عارفهم بالاسم

ممكن نتحاشي نتكلم معاهم ساعتها ممكن يحسوا انهم منبوزين

وقتها ممكن يسيبوا المنتدي لواحدهم

لاكن بالطريقه دي انا لاقيت اننا بنديهم اهتمام اكتر من اللازم

واحنا الي بنتضرر من الوقف والذي منه

والاداره مش بايديها حاجه

بقدر الامكان بتحاول تمشي القواعد علشان ميبقاش المنتدي ميغه

فكك كده وروق وخد كباية عصير القصب دي يمكن تهدي :)

A.Yakout

**Khaled_Nowaihy** · 30-07-2010 11:00 PM

المشاركة الأصلية كتبت بواسطة largeman

بعيد عن الموقف المذكور لصاحب الموضوع

تعرفوا لو كل واحد في البلد ديه خلاه في حاله و ملوش دعوه بحد خالص هنبقي اعظم بلد في الدنيا زي امريكا و اروبا عشان في حرية و ديمقراطية حقيقية مش كلام و خلاص .... ما كل يوم في البلاد ديه موجوده المسخره ديه عادي في الشوارع انما كل واحد قاعد في حاله و ملوش دعوه بحد انما الفضي اللي احنا فيه و ان احنا مش ورانا حاجه بنعملها بنضطر ان احنا ندخل في دخليات اللي حوالينا و نبقي هنموت و نعرف دا بيفكر اذاي و هيعمل و الكلام ده
انا اعترض عن ان كل واحد يبص لغيره مهما كان بيعمل انما متسكتش عن حقك لو تدخل في حياتك او دايقك بأي حاجه
ولو كل واحد فكر شوية هيلاقي في نفسه انه بيدخل في حياة ناس كتير و هو مش شاعر بكده

ارجو ان تكون رسالتي وصلت صح

ديمقراطية فى التعرى والفسق والفجور
هم يؤمنوا بحق كل واحدة تطلع من هدومها
ويؤمنوا بحقوق الشواذ

وبعد كده مش عاجبهم حرية المرأة المسلمة فى لبس الحجاب فى بعض دول أوروبا ويمكن فى امريكا كمان
ومنعوهم من ارتداء الحجاب

شفت الحرية الحلوة بتاعتهم ؟

لو كان أ. أحمد ياقوت غلطان كان الناس وقفت ضده هو
وأنا واثق ان الأمر لو كان تطور خارج النادى فلن يحدث الا ما قدره الله

**ahmed-moga** · 30-07-2010 11:16 PM

المشاركة الأصلية كتبت بواسطة nabaster

فكك كده وروق وخد كباية عصير القصب دي يمكن تهدي :)

a.yakout

تصدق ياياقوت نفسي اشرب كوباية عصير قصب زي دية بس منه لله مرض السكر حرمني

من حاجات كتير هكتفي بشوب عناب سكر قليل وبعدين فين حلاوة النجاح هههههه

الف مبروك ليك ولأخوك وعقبال كل سنه

-

الموضوع: قلة ادب وعدم تربيه ... معقول حالنا وصل لكده؟؟؟

LinkBack

أدوات الموضوع

عرض

-

-

-

-

المواضيع المتشابهه

كيفيه تربيه الاولاد

تربيه الابناء و التعامل معهم

قلة ادب وعدم تربيه ... معقول حالنا وصل لكده؟؟؟ (الجزء التاني)

تربيه عسكريه 28/8

تربيه الاطفال

الكلمات الدلالية لهذا الموضوع

المفضلات

المفضلات

ضوابط المشاركة