الموضوع: قلة ادب وعدم تربيه ... معقول حالنا وصل لكده؟؟؟

المشاركة الأصلية كتبت بواسطة largeman

بعيد عن الموقف المذكور لصاحب الموضوع
تعرفوا لو كل واحد في البلد ديه خلاه في حاله و ملوش دعوه بحد خالص هنبقي اعظم بلد في الدنيا زي امريكا و اروبا عشان في حرية و ديمقراطية حقيقية مش كلام و خلاص .... ما كل يوم في البلاد ديه موجوده المسخره ديه عادي في الشوارع انما كل واحد قاعد في حاله و ملوش دعوه بحد انما الفضي اللي احنا فيه و ان احنا مش ورانا حاجه بنعملها بنضطر ان احنا ندخل في دخليات اللي حوالينا و نبقي هنموت و نعرف دا بيفكر اذاي و هيعمل و الكلام ده
انا اعترض عن ان كل واحد يبص لغيره مهما كان بيعمل انما متسكتش عن حقك لو تدخل في حياتك او دايقك بأي حاجه
ولو كل واحد فكر شوية هيلاقي في نفسه انه بيدخل في حياة ناس كتير و هو مش شاعر بكده
ارجو ان تكون رسالتي وصلت صح

ده يتعارض مع تعاليم الاسلام ...
ربنا امرنا ان الى يشوف منكر يغيره ...مش يسكت و يقول وانا مالى ...
احنا دوله مسلمه ..الى بتتكلم عليهم دول مسلمه ؟

المشاركة الأصلية كتبت بواسطة fadod

أنا جيت الموضوع متاخر ، بس لو تفسحولي جنبكم أقول رايي المتواضع وأمشي
اللي عمله ياقوت مش صح ...تاني مش صح
المنظر مش حلو ،،،مش عجبك و مش عاجب ناس تانيين ، البلد بتاعتنا محافظة ومحدش اتربي علي كدة ..الاخلاق العامة ، والدتي أو أختي معايا .كل داه أنا معك فيه .بس لو كل واحد ادي نفسه الحق إنه يصلح أخطاء غيره هتبقي غابة
يعني ياقوت مش عاجبه انهم بيحضنو بعض ..ممكن واحد متشدد شوية ييجي بعد كده ميعجبوش انهم يمسكو ايد بعض أو يركبو مع بعض عربية لوحدهم ،حتي لو مخطوبين ، ممكن واحد أكتر ميعترفش إن رجل وست من غير ماتكون فيه علاقة مابينهم يقابلو بعض..أو إنه يشوف وجهها .ذي السعودية.(مش عايز أخش في جدال السعودية صح ولا لأ . احنا دوله إسلامية ..أنا عارف كل داه كويس)

وبكده كل واحد هيحاكم اللي قدامه وينصب نفسه قاضي بالطريقة اللي تعجبه .لأن مفيش قانون..أو كل واحد ليه قانونه اللي بيطبقه علي غيره.
الحل .. إن ياقوت كان بلغ اداره النادي ،أو الأمن . وهما كانو يتصرفو..دول اللي ليهم السلطة القانونية انهم يتخذوا القرار ، مش إنت ولا الناس اللي قاعدة معكم ودمها فاير
ولو مفيش أمن في النادي بلغ الشرطة ، ولو مفيش شرطة يبقي حاول تشوف مكان تاني لو المكان دة مدايئك ...لأنك ملكش سلطة قانونية علي حد في الشارع أو في النادي أو أي مكان عام أنك تقيمه أو تعترض علي أفعاله .ونقطة أخر السطر

غير إنه لازم يبقي فيه تحضر في علاج المشكله..أنا راي إن المشكله إتعلجت بهمجية ، وكانت ممكن تقلب بخناقة أو دم ذي ما ياقوت وضح..همة يستنوك برة وإنت تلم أصحابك وندور المطحنة

الجماعة اللي شايفين إن ضرب الراجل للولد حتي ولو غلطان داه صح وشايفينه عمل بطولي ..أنا أسف ديه جنحة يعاقب عليها القانون ويمكن أشد من اللي الواد عمله ..
وداه اللي بقول عليه ..تصرف غلط من الولد مع عدم إتباع الطرق الصحيحه لتصليحه ..أدي لغلط تاني وتالت ...ودة اللي بنسمع عنه في الجرايد ، مشاجرة أدت لوفاه عشرتشر بسبب معاكسه ، وعندما ذهب الرجل لنهره عما فعله ،،وكل الكلام بتاع الجرايد اللي حافظينه

موضع مارينا ..كل الناس عارفة إيه اللي فيها ، وانا فعلاً بسأل ..اللي بيروح مارينا مرة واتنين وتلاتة ، ازاي بيبقي مش عاجبه الوضع داه وبينتقده بشدة ..ومازال بيروح ، لأ ومواظب علي المرواح ؟؟؟ أكيد بيروح علشان يشوف هل هما إتغيرو ولا لسة ذي ما هما.
شكرا ..وياريت اللي عايز ينتقد اللي كتبته يتفضل ، بس باسلوب راقي في الحوار من أجل مناقشة هادفه..وليس من أجل الجدال وخلاص

كلام مظبووط ...
أنا دلوقتي عايز أسأل كل واحد مقتنع,,هل إذا شفت واحد بيرمي زبالة هتروح ترميها في وشه وتضربه أو تموتوا ؟ ماهو كده اعتدى على الدين و المجتمع وعليك اتنا شخصيا.
احنا بنمسك في حاجات وبنسب حاجات وكله على مزاجنا.
وطبعا مش عشان أنا في دولة اسلامية يبقى لما أشوف حرامي أروح ماسكه و اقطع اديه. أو إذا شفت قتل امسكه واقطع راسه . الكلام الصح إن حضرتك تروح للأمن.وتقول حصل كذا وكذا وإذا الأمن الك إن ده عدي يعبأ ده عدي في المكان ده..وهم دول صحاب المكان و المسئولين عنه يبقى حضرتك إذا مش عجبك كده ممكن تشوف أي مكان تاني..أو تشتكي لإدارة النادي أو المكان اين كان نوعه.حضرتك بالنسبة للولد غلطان وتدخلت في حريته سواء حضرتك شايف ده صح أو لأ هو شايف إن ده صح أو عادي.وإنت كده محلتش المشكلة و ماعلمتوش أي درس أو أي حاجة..بالعكس هو ممكن تكبر في دماغه ويعمل حاجة اكبر من كده أو يعمل كده في مكان تاني وساعتها مش عشان هو عايز كده..لأ عشان حضرتك عملت معاه كده..يعني عند.
طبعا اللي هو بيعملوا غلط من وجهة نظر الدين و من وجهة نظري أنا كمان كإنسان مسلم وعربي. بس ده ميدنش الحق إني اعتدي عليه ولا بأيدي ولا بلساني.
وموضوع مارينا.فعلا يا جماعة طلاما مارينا مش كلها كده..بتروحوا الحتت الوحشة اللي فيها ليه ؟! ولما بطرحها وتعرفه كده ,,بتفضلوا فيها ليه ؟! وطبعا هناك إذا رحت للأمن هيقولك ملكش دعوة ,,,ده معناه إن هناك ده عدي وبالتالي العَمر يرجع ليك يا تفضل هناك بس ملكش دعوة طالما ابلة يا تخرج ومترحش هناك تاني ابدا طالما ده ضد تفكيرك أو دينك يعني حاجة مش ردي عنها عشان أي سبب.

وما شاء الله كل اللي هنا مقتنعين وأنا مش بهزر ولا باتريق أنا بتكلم بجد ...طلاما الحمد لله كلكم مقتنعين إننا لازم ناخد موقف ,,مش قصدي مقتنعين بإنك تضربه بنفسك.

ليه محدش بيحمي البنات اللي بيتم التحرش بهم في المواصلات مثلا أو الناس اللي بترمي الزبالة في الأرض أو الشتايم اللي بتتقال علنا كده وقدام أختك ومراتك واهلك كلهم وده بيكون عادي عندنا..
أي حاجة من الحاجات دي وغيرها كتييييييير بتتعمل كل يووم وقدم كل الناس وماحدش بيعمل حاجة.
لا وكمان أكيد كتير مننا بيعمل حاجات من دي وبرده بييجي على حاجات تانية ويقولك لأ إزاي..مع إنه كله غلط وكله مضر .
وانا شخصيا إذا عملت زي حضرتك واللهِ هتلاقي صوري في صفحة الحوادث يا قاتل يا مقتول..عشان أنا بتجنن من اللي بيحصل قدامي كل يوم في البلد دي..
وحضرتك كان المفروض تروح تكلمه بهداوة على جنب وتفهمه..وإذا مقتنعش تشتكي ودي أكتر حاجة ممكن تعملها.وكده حضرتك ادتله الحق بعد ماكان هو اللي عليه الحق.

ياريت محدش يزعل دي آراء وكل وحد بيشوف الموضوع من وجهة نظره.وشكرا.

المشاركة الأصلية كتبت بواسطة khaled ayman

ده يتعارض مع تعاليم الاسلام ...
ربنا امرنا ان الى يشوف منكر يغيره ...مش يسكت و يقول وانا مالى ...
احنا دوله مسلمه ..الى بتتكلم عليهم دول مسلمه ؟

واللهِ كلامك صح بس مش عشان إنت في دولة مسلمة تعتدي على أي حد..طب إيه رايك ننزل النهردة مثلا ونولع في كل محلات الخموور الموجودة في البلد..مادي حاجة غلط وضد الدين وضد الدولة المسلمة..ولا إيه رايك ؟!
مش كل حاجة ناخدها بالحرف وبدل مانضرب ليه منتكلمش ؟! ماله الكلام أحسن وافيد وارقى.ولازم كلنا نفكر على حسب الدولة اللي احنا فيها ,,احنا دولة مسلمة ,,آه ...طب بس في حاجات كتير مباحة و السلطة عارفة ده و الحاجات دي ضد الإسلام.يبقى لازم نشوف حدود الدولة المسلمة اللي بنتكلم عليها قبل مانطبق احنا أي حكم من دماغنا ..

وكده برده لازم نمسك أي بنت في الشارع لبسة لبس مش تمام.وحاجات تانية كتير زي اللي ذكرتها في المشاركة الأخيرة.

المشاركة الأصلية كتبت بواسطة ahmed-moga

معلش يااستاذ largeman انا مش معاك في كل اللي قلته فيه مواقف مينفعش انك

تسكت وتاخد موقف سلبي ينفع تشوف حد عزيز عليك بيتعرض لبلطجه وتسيبه او

واحده من جيرانك بتتعرض لمعاكسه او تحرش وتقف ساكت او موقف زي اللي

تعرض ليه ياقوت وشايف انحطاط الأخلاق بتاع البنات والشباب وصل لفين بلاش

ترضي لو واحده عزيزه عليك انك تشوفها مع شاب في الموضع ده اللي عمله ياقوت

هو عين العقل واحيه عليه وياريت كل شاب يعمل زيه ساعتها هنبقي احسن بلد

مش احسن بلد زي امريكا واوربا دية بلاد مفهاش اي اخلاقيات بالمره ولا انا

ولاغيري هيرضي ان بلده توصل للمرحله دية ياريت تراجع وتصحح افكارك

يااستاذ largeman احنا في بلد شرقي لها عادتها وتقاليدها ولسه فيه ولاد البلد

الجدعان اللي ميرضوش بالحال الميال

معلش يا جماعة طبعا كل ارائكم المحترمة علي عيني و علي راسي و انا محترم كل كلمة اتقالت و عندكوا حق لكن هل البلد ممكن يتعمل فيها سيستم للاسف خلااااااااااااااااااااااا ااااااااااااااااااص كله راح مع الهوا و الاخلاق راحت اللي عمالين بنقول عليها من الصبح بأكثر من 112 مشاركة لكن اذا كان الناس دول اخطأوا في العلن زي ما الغرب بيعمل فاحنا في مصر الكتير منها بتبقي في الخفاء .. كده ده معناه ان احنا بناخد مسكنات انما لو دورنا شوية علي العلم و السيستم هنلاقي ان احنا مش هيبقي عندنا وقت نتكلم في الموضوعات ديه اصلا و ابقوا سلمولي علي الاجيال الجهلة اللي هيجوا بعد كده و خلينا في المسكنات احسن

المشاركة الأصلية كتبت بواسطة LAMBOZ

واللهِ كلامك صح بس مش عشان إنت في دولة مسلمة تعتدي على أي حد..طب إيه رايك ننزل النهردة مثلا ونولع في كل محلات الخموور الموجودة في البلد..مادي حاجة غلط وضد الدين وضد الدولة المسلمة..ولا إيه رايك ؟!
مش كل حاجة ناخدها بالحرف وبدل مانضرب ليه منتكلمش ؟! ماله الكلام أحسن وافيد وارقى.ولازم كلنا نفكر على حسب الدولة اللي احنا فيها ,,احنا دولة مسلمة ,,آه ...طب بس في حاجات كتير مباحة و السلطة عارفة ده و الحاجات دي ضد الإسلام.يبقى لازم نشوف حدود الدولة المسلمة اللي بنتكلم عليها قبل مانطبق احنا أي حكم من دماغنا ..

وكده برده لازم نمسك أي بنت في الشارع لبسة لبس مش تمام.وحاجات تانية كتير زي اللي ذكرتها في المشاركة الأخيرة.

كلام ربنا واضح و صريح ...نغير المنكر ...بأدينا ..لو منعرفش يبقى بلساننا ..لو منعرفش يبقى بالقلب و ده اضعف الايمان ...
انما نشوف غلط و نسكت لا ..فى غلط منقدرش نغيره غير بالقلب زى محلات الخمور ...
انما واحد ....* واقف مع واحده ........ و ب........ بعض يبقى لازم حد يتصرف خصوصا ان فى استطاعه لمنع المنكر ده ..
ولا انتو عاوزين الناس تمشى قالعه فى الشارع عشان تفرحو ؟

المشاركة الأصلية كتبت بواسطة amrbakly

هو اشمعني تغيير المنكر دة علي المراهقين بس

محدش بيغير المنكر دة لية في حاجة جد يعني؟

أمين شرطة ولا ظابط و لا واحد واصل

ولا هو مع المراهقين بنبقي مسلمين ولا نقبل في الحق لومة لائم ؟

و مع فساد السلطة و اللي واصلين بنبقي كفرة ؟

يا ريت بس محدش يرصلي كلام ديني في تصرفات شخصية و يبرر بأن الله لا يكلف نفسا إلا وسعها !

علشان الجهاد الأكبر هو قول كلمة حق في وجه سلطان جائر، مش في وجه واد و بت مراهقين بيحضنوا بعض في الشارع !

لاسباب شخصيه مش عاوز ارد عليك
لا يكلف الله نفسا الا وسعها