الموضوع: الشقة لازم تكون ايجار قديم

فيه جملة بتتردد في الموضوع "ترضي تجوز بنتك ل ..."
أصلاَ مفيش حاجة إسمها كدة لأن البنت دي مش حاجة في البيت هييجي واحد أديهاله !
دي إنسانة المفروض طالما الأب شايف إنها وصلت لسن الجواز إذن هو شايف إنها إنسانة عاقلة و وصلت لدرجة معينة من النضج، إذن لابد من إنه يبقي عارف إنها إنسانة و لها إختياراتها الخاصة و مشاعرها و إن الإختيار إختيارها في الأخر.

يعني لنفرض واحدة راضية تعيش مع واحد حتي لو هيتشحططوا في الشقق ؟! ماهي حرة .. حتي لو إختيار غلط ما تشرب هي .. مينفعش الأهالي يفرضوا الحياة علي ولادهم من وجهة نظرهم هما بعد سن معين .. لأن الأهل مهما عاشوا مش باقيين زي اللي بنتهم هتتجوزوا .. فا فيه مفاهيم عجيبة أوي في الموضوع ده!

لأن بحس إن اللي داخل يتجوز ده مش عريس .. ده زي الكفيل بتاع السعودية!
و بيجهزوا الشقة لازم من كل حاجة أكن هيموتوا ليلة الدخلة مثلاَ و مش هيتطوروا بعد كدة!
المفروض -من وجهة نظري- الجواز هو إتنين بيتفقوا علي إنهم يدمجوا حياتهم مع بعض و يعيشوا مع بعض بقية عمرهم
مش إتنين إتفقوا يشطبوا و يجهزوا شقة كاملة !

انا شايف إن لو إتنين عايزين يتجوزوا و فيه بينهم إتفاق .. يبتدوا يتفقوا علي أحسن الحلول في حدود إمكانياتهم و ميقفشوش علي حاجة معينة.

لو جواز صالونات بقي .. فا ده أصلاَ إختراع هلامي فا اللي داخله يستحمل اللي هيشوفه .. اللي يحضر العفريت يستحمل أذاه ..

كل فوووووووله وليها كيـــــــــــــــال

انا يا جماعة لو رحت اتقدم لبنت ولقيت اهلها بيسألوني عن الماديات وحسيت انهم بيقيموني بناء على فلوسي وامكانياتي المادية ، أقطع رجلي لو دخلت البيت ده تاني .

المشاركة الأصلية كتبت بواسطة motorizer

فيه جملة بتتردد في الموضوع "ترضي تجوز بنتك ل ..."
أصلاَ مفيش حاجة إسمها كدة لأن البنت دي مش حاجة في البيت هييجي واحد أديهاله !
دي إنسانة المفروض طالما الأب شايف إنها وصلت لسن الجواز إذن هو شايف إنها إنسانة عاقلة و وصلت لدرجة معينة من النضج، إذن لابد من إنه يبقي عارف إنها إنسانة و لها إختياراتها الخاصة و مشاعرها و إن الإختيار إختيارها في الأخر.

وأين دور الولي إذن ؟
الإختيار إختيارها ولكن بعد موافقة الولي

وهناك مسائل الولي يبقل فيها رأي البنت حتى لو كان هو شايفه غلط:
مثلاً أن توافق هي على إنسان لا يماثلها أو يقاربها في التعليم
طالما هي موافقة يبقى خلاص بعد أن يبين لها بصفته الولي مشاكل تلك النقطة

وكذلك أن تقبل بمستوى مادي أقل مما تعودت عليه
يعني بعد الركوب في سيارة بسواق تركب مع جوزها على إكصدام مكروباص
طالما هي قبلت يبقى هو يوضحلها المشاكل وربنا يباركلها

لكن هناك أمور لا يصلح أن يوافق عليها الولي حتى لو وافقت البنت
كأن يتقدم لها إنسان ويعرف هو عنه أنه يشرب الخمر
يبقى ألف سلامة
كأن يتقدم لها إنسان ويعلم أنه لا يصلي يبقى ألف سلامة (على أساس إن بنته بتصلي)

فمسألة وجود ولي حتى لو كانت البنت كبيرة وناضجة
فلن يكون الولي كيس جوافة

المشاركة الأصلية كتبت بواسطة motorizer

لأن بحس إن اللي داخل يتجوز ده مش عريس .. ده زي الكفيل بتاع السعودية!
و بيجهزوا الشقة لازم من كل حاجة أكن هيموتوا ليلة الدخلة مثلاَ و مش هيتطوروا بعد كدة!
المفروض -من وجهة نظري- الجواز هو إتنين بيتفقوا علي إنهم يدمجوا حياتهم مع بعض و يعيشوا مع بعض بقية عمرهم
مش إتنين إتفقوا يشطبوا و يجهزوا شقة كاملة !.

لما يكون إثنين بيتفقوا يبقى براحتهم
أصل هما الإثنين هيصرفوا من مالهم الخاص
مش لازم يتجوزا في شقة كاملة
وكله بعد كده هيجي

لكن لما يكون الإتفاق بين أسرتين
وبنسبة 90 % الأسرتانن هما من سيقومان بتكاليف الزواج والتجهيز كلها
يبقى يجيبوا كل حاجة

المشاركة الأصلية كتبت بواسطة motorizer

لو جواز صالونات بقي .. فا ده أصلاَ إختراع هلامي فا اللي داخله يستحمل اللي هيشوفه .. اللي يحضر العفريت يستحمل أذاه ..

ما هو الموضوع مش بإيدهم

حضرتك قول بديل أفضل لهم ويبقوا يستاهلوا لو ما نفذوهوش