الموضوع: الشقة لازم تكون ايجار قديم

في ناس منتهي الاحترام ساكنين في شقق ايجار مفيهاش اي مشكلة ...

للاسف النظرة المادية البحتة للامور ساعات بتقلب دراما ....... لانها بتحول الجواز لصفقات .... والاعلي ثمن هوا الي يشيل

المشاركة الأصلية كتبت بواسطة hh

بجد أنا مش فاهمة ليه كل واحد مصر انه وجهة نظره هي الصواب المطلق؟؟

مين قال كده بس
ما احنا اتناقشنا عشان نوصل لنتيجة

المشاركة الأصلية كتبت بواسطة hh

بالنسبة بقى لموضوع الحديث الشريف و ان لو واحد يعرف ربنا لازم نجوزه بنتنا , أنا شايفة ان الكلام ده مش دقيق و - أسفة في التعبير - محاولة لفرض وجهة النظر بأسم الدين.

ووصلنا للى قاله باشمهندس أحمد فى الاخر
يعنى اخذنا من الحديث ان الاهم هو الدين و الاخلاق او التقوى و تركنا فيه قصر القبول عليهم لوجود عوامل تانيه مهمة جدا برضه

المشاركة الأصلية كتبت بواسطة ahmed1981

المهم إن النبي عليه الصلاة والسلام رفض فعله

والحمد لله وصلنا لمرحلة كويسة
مينفعش أقول للناس (إذا جاءكم من ترضونه دينه وخلقه فزوجوه) وخلاص
ولا يجوز أن نعمل بهذا الحديث فقط وهو ضعيف أساساً

لأنه هناك أمور أخرى غير الدين والخلق مهمة جداً لابد أن تؤخذ في الإعتبار مع الدين والخلق رأساً برأس
مثل القبول النفسي والقبول الشكلي والأمور الأخرى

الحمد لله كده الحوار خلص بنتيجة كويسة
لو خطب إبنتي رجل وهذا الرجل أنا رضيت دينه وخلقه فهذا ليس أمر كافي حتى أقبله كزوج لإبنتي

ولكن هناك الأمور التالية لابد أن ينظر الرجل والمرأة إليها جيداً قبل الموافقة:

*- الدين
*- الخلق
*- القبول النفسي بينهما
*- القبول الشكلي بينهما بمظهر كل منهما للآخر
*- تناسب الأمور الإجتماعية
*- تناسب الأمور المادية
*- تناسب المستوى التعليمي
*- البيئة التي يعيش فيها الطرف الآخر آخلاقياً ودينياً حتى لو كان هو مختلف عنها لكنه بالتأكيد متأثر بها بنسبة تختلف من شخص لآخر
*- الحالة الصحية (قد يكون هناك رجل مريض بمرض لابد أن يخبر أهل العروس به ولهم الحرية في القبول أو الرفض وكذلك العروس)
*- الإستشارة والسؤال عن الطرف الآخر جيداً
*- صلاة الإستخارة مرات عديدة

والنقاط السابقة تحتاج لكتب لتفصيلها وشرحا

وهذه النقاطة هي حصيلة خبرتي في هذا الأمر في تزويج البنات مدة ثلاثة عشر عاماً

السؤال اللى هاممنى دلوقتى و اعتقد انه صعب لانه سهل تعرف مستواه الاجتماعى و الثقافى و غيره لكن
ازاى تحكم على دين الانسان اللى قدامك ؟

يعنى حضرتك لما تقدم لك زوجك الحالى حكمتى عليه ازاى ؟

هو إية ايلي حصل يا جماعة
الموضوع اتحول لموضوع تاني خالص
من موضوع شقة تمليك و ناس رفضوا شقة إيجار
لموضع تاني خالص
بس انا شايف الأتي من واقع تجربتي و من ايلي بشوفه

1- أهل الزوجة يتساهلوا في أمور الزواج و يساعدوا العريس
أ- يا أما العريس هيطلع عنده أصل و يفتكر ايلي عملوه أهل مراته معاه و يشيلها جوا عنيه و يفضل شايل جميلهم فوق دماغة
ب- يا يطلع واطي ( معلش في اللفظ ) و البنت ترخص في عنيه عشان متعبش في جوازها
ج- البنت تطلع بنت ناس و متقللش من شأن زوجها و تحسسه انه هو ايلي جايب كل حاجة و أهلها معملوش أى حاجة
د- البنت تطلع واطية ( معلش في اللفظ ) و تفضل منغصة عليه عيشته و يوم ما يزعلها تقوله انت نسيت ايلي عملناه معاك و انت و انت

2- أهل الزوجة يعقدوا الأمور و يكركبوها فوق العريس
أ- بعد الزواج العروسه تبقي غاليه عنده عشان تعب لحد ما وصلها
ب - الموضوع يبقي طار بينه و بين أهلها بعد الزواج
د- الموضوع يبوظ من أولها و ميحصلش جواز أساسا

3- خير الأمور الوسط
1- أهل العريس يقولوا ظروفهم الحقيقية بالظبط و يتركوا القرار بالموافقة أو الرفض لأهل العروسة
2- أهل العروسة يا أما يوفقوا علي أساس الظروف بتاعت العريس و ميطلبوش حجات هتبقي أكتر من طاقته ايلي هو اساسا وضحها في الاول
3- لهم الحق في مساعده العريس أو عدم المساعده

وهو ده ايلي انا عملته أو ما قبلت والد عروستي قولتله و الله انا ظروفي كده و كده و كده و الموضوع مش بيع و شراء يعني انا بقول لحضرتك ظروفي و مش مستني انك تقولي لأ احنا عاوزين كده عشان انا لو أقدر أعمل أكتر من ايلي انا قولتلك عليه كنت عملت من غير حضرتك ما تطلب مني

وهو جه ايلي اى عريس المفروض يعمله

ولو أنا كلامى غلط عرفوني

يعني مش عشان الحديث ايلي كلكم أختلفتم عليه حسن ولا مش حسن لأ ده ضعيف
معلش يعني مهو الكلام وحده وحدة
واحد جه يتجوز بنتي و محترم و كل حاجة بس مش هيقدر يعيشها ؟؟ يبقي ليا الحق في القبول أو الرفض
ومش معني انى رفضت ابقي عملت حاجة غلط ده موضوع رفض و قبول في الاول و الأخر
و بعدين يعني أشمعنا في المواضيع دي بالذات هنجيب أحاديث و هندخل الدين فيها كأن ايلي هيرفض واحد عشان ظروفه مش مناسبة يبقي عمل حاجة غلط

طيب مش الحديث بيقول من جائكم من ترضون خلقة و دينه فزوجوه
طيب افرض بقي بنتك دكتورة و جالها واحد معاه إعدادية ولا إبتدائية بلاش ثانوية عامة و راجل قمة الإحترام و الأدب و الأخلاق لكن ظروفه مسمحت انه يكمل تعليمة
يبقي اية بقي لو رفضنا يبقي حرام
لأ طبعا لازم يكون في تكافوء في كل حاجة عشان الحياه تستمر و تبقي طبيعية

فتاني بس عشان محدش يفهمني غلط
الرفض و القبول حرية تامه
و مش عشان اهل العروسة رفضوا عشان ظروفي يبقي انا وحش أو هما وحشين و لكن لما تكون ظروفي دي هي هي ظروف كل شباب مصر يبقي لأ كده بقي هما وحشين و 60 وحشين كمان بس برضة مش غلطانين هما أحرار

وياريت زي ما بتستدل بالأحاديث في الحجات ايلي زى دي فياريت كمان نستدل و نطبق الأحاديث و القرآن في كل حياتنا
سواء بقي كانت كبيرة أو صغيرة

المشاركة الأصلية كتبت بواسطة hh

و الله سؤال حضرتك ده صعب أوي. بالنسبة لجوزي أنا هو كان زميلي في الجامعة فكنت عارفة انه بيصلى الفرض بفرضه مثلا, تعاملاته محترمة مع البنات, مش بيدخن و لا بيشرب حاجة. يعني التعاملات العامة كانت بتقول انه شخص محترم و بيراعي ربنا. طبعا برضه لما اتقدم لي أكيد والدي سأل عنه و عن أهله في مكان سكنهم و مكان شغل والده و كدة. بس برضه أرجع و أقول انه ممكن جدا شخص يتقدم لك و يبان عليه انه كويس و يكون غير كدة. و نفس الكلام بالنسبة للبنت برضه. بس الواحد بياخد باللي قدامه, و طبيعي انك لما اتنين بيجوا يتجوزوا بيبقى فيه كلام و مناقشات كتير بينهم و بين بعض و الواحد مهم انه يفهم اللي حيتجوزه ده ايه مدى اهتمامه برضا ربنا.

يعنى كده حضرتك جمعتى بين سمعته و معاملاته و عباداته و فكره على قدر المستطاع
كلام عقلانى و منطقى
ربنا يبارك لكم

المشاركة الأصلية كتبت بواسطة DR.almaghraby

في ناس منتهي الاحترام ساكنين في شقق ايجار مفيهاش اي مشكلة ...

للاسف النظرة المادية البحتة للامور ساعات بتقلب دراما ....... لانها بتحول الجواز لصفقات .... والاعلي ثمن هوا الي يشيل

انا مش فاهم اية العلاقة بين الاحترام وشقة ايجار او تمليك
الاحترام دة بيكتسب من الاهل ومن المحيط الاجتماعى والتربية من الاهل