الموضوع: قائمة سوداء باصحاب الورش والمراكز والمحلات في كافة مجالات السيارات

المشاركة الأصلية كتبت بواسطة angel83

البلال موتورز - بالداون تاون في الاسكندرية - باع لي عربيه زيرو رشه خلي بالكوا ياجماعه ولوجه الله تعالي ارجو من اللي يعرف اللي هقوله دلوقتي يحاول ينشره علي قدر استطاعته سواء علي النت اوعن طريق الموقع اوعن طريق اي شئ اخر وفقط لوجه الله تعالي لكي نناقش مسائله مهمه جدا في بلدنا واللي ملاحظ ان مفيش حد علي الموقع بيتكلم عنها المهم انا اشتريت اوبترا 2011 زيرو من البلال موتورز بالداون تاون في الاسكندرية اكيد عرفينه طبعا ربنا ينتقم منه ومن امثاله وحسبنا الله ونعم الوكيل فيه وفي امثاله الذين يغشون الناس وينشرون الفساد في الارض وفي بلدنا الحبيب مصر ومسواه جهنم هوه واللي شغالين معاه المهم مشيت بالعربيه 480 كيلو فلاحظت بعض التغيرات في طلاء الاكصدام الخلفي فذهبت لمركز صيانه المنصور بالعامريه فقال لي ان الاكصدام الخلفي مرشوش فصدمت فقدمت شكوي لمدير مركز الصيانه انني قد اشتريت سياره جديده بها اكصدام مرشوش من البلال موتورز فقال لي سوف نرش لك هذا الاكصدام مره اخري ومعندناش حل غير كده فرضيت بأمر الله وبعد فتره زمنيه قليله ذهبت الي سمكري بالخارج فقال لي انه ليس فقط الاكصدام الخلفي فقط مرشوش وانما الاكصدام الامامي ايضا والرفرف اليمين الامامي ايضا والله علي ما اقول شهيد انني لااتجني علي احد ولكنني فقط اشعر بالظلم فانني وثقت في اسم منصور العريق وشركة جنرال موتورز العريقه واشتريت هذه السياره التي لا تجعلني انام الليل حزنا وظلما فقدمت شكوي لجنرال موتورز فقالوا لي بعد تعب قلب طويل احنا مش هنقدر نعملك حاجه سوي رش هذه الاجزاء مره اخري علي نضافه بدل العك اللي عامله البلال موتورز وعدي البلال موتورز بعملته ومحدش حاسبه للأسف حتي منصور محسبهوش علي انه بيسوء له سمعته ولله الامر من قبل ومن بعد وحسبنا الله ونعم الوكيل

طالما عدت بسلاسة يبقي متعاون معاه.. يعني من الآخر اللي بيتخبط من منصور خلال النقل أو التخزين يتبعتله يظبط ويبيع.

انا سافرت كتيير و لفيت بلاد عربية و اوروبية و عشت في املريكا فترة طويلة للدراسة و اكتشفت ان اسوأ صنايعي في العالم هو الصنايعي المصري خاصة عندما يعمل داخل مصر اما في الخارج فهو يلتزم خوفا من رب العمل اغلب الصنايعية المصريين لا يلتزموا لا بنظافة و لا بزمة و لا بضمير حي و منتهي الاستغلال يااخي و الله تجد الميكانيكي المكسيكي او الفلبيني في منتهي النظافة و تدخل اي ورشة تصلح سيارتك بعد الاصلاح يتم تنظيفها و غسلها كانها جديدة هذا غير الابتسامة و الترحيب الذي لا نجده في بلادنا ابدا للاسف الا ما ندر في بعض التوكيلات التي تسلخ الزبون في مقابل كل ذلك .