الياريس إتخبطت.... قدر الله وماشاء فعل!

**cpt_shawky** · 12-03-2008 02:33 PM

المشاركة الأصلية كتبت بواسطة goodwave

مأمن مع الجمعية المصرية للتأمين

يعنى حضرتك تنصح بيها ...هل طريقتهم واجرائتهم عجبتك...كم نسبة التأمين 1.5% ولا 2%....هل عندك رقم تليفون اتصل بيه لأنى هأمن قريبا؟؟

**goodwave** · 12-03-2008 02:46 PM

والله لسة مجربتهمش 100%!
بمعنى
1- إني عملت إخطار حادث وهما راحوا عاينوا العربية في نفس اليوم ودة شئ كويس.
2- المهندس في التوكيل حط مقايسة وكان متوقع إن الخبير ما يوفقش على بند واحد فقط وفعلا الخبير ما وافقش على البند دة (تغيير الإكصدام بالكامل مع إنة سليم ولكن الكليبس إتكسر)
3- لما أجي أستلم حشوف الشغل مظبوط ولا لأ وهنا حيجي دورهم إذا وقفوا حنبي ضد التوكيل ولا لأ لو الشغل طلع وحش
4- انا أختترت التوكيل وحدفع وبعدين اخد منهم إللي دفعته ناقص 5% من قيمة قطع الغيار فقط وليس المصنعية. لسة حشوف الفلوس حتترد بسرعة ولا حيدوخوني عليها.
5- بصراحة أستاذ ممدوح غللي هو زميلنا في المنتدى وهو إللي عملى الوثيقة كان معايا من القاهرة خطوة بخطوة وهو وعدني إنه حيحاول يسرع الأمور وانا مستبشر فية خير.
6- هما عرضوا عليا اصلح في اكتر من مركز تبعهم ومش حدفع مليم ولكن انا إخترت التوكيل.

رقم الاستاذ ممدوح 0105297567 ولا أعتقد إنة حيمانع إني إديتك رقمة.

**E_Farid** · 12-03-2008 03:01 PM

قدر الله وما شاء فعل،

الحمد لله انك بخير، وربنا يخلف عليك.

بجد حاول تتصدق كتير وصلى ركعتين شكر لربنا..

وربنا يكفيك شرها.

**dr.amr** · 12-03-2008 03:03 PM

والله شوف احنا صغيرين قد ايه
سبحان الله
انا برضه عربيتي اتخبطت بطريقه عجيبه
اول خبطه وهي واقفه في الشارع نزلت لاقيت الاكصدام الخلفي مدغدغ
المهم التانيه بقي
اخويا لسه ماطلعش رخصه
فوالدي اتفق معايا انه هيعلمه علي عربيتي
المهم راح يعلمه وف مكان بتعدي فيه عربيه كل ساعتين (فاضي تماما)
تتصادف بقي انه في نفس الوقت واحد بعلم واحد بعربيه تانيه
وتتصادف ان العربيه تفلت من ايد الولد التاني اللي بيتعلم وتلف
بطريقه اول مره اشوفها في حياتي وتخبط في عربيتي من ورا
وتتطلع علي الرصيف وتتقلب بيهم وتدخل في شباك مصنع
الخسائر بقي حدث ولا حرج:
1- الفانوس الخلفي اتدغدغ
2-الطاسه
3-الاكصدام الخلفي
4-الرفرف الخلفي شمال اتدغدغ
5-الزجاج الخلفي اتفتفت
6-الشنطه اتشمبرت
الخلاصه ان العربيه اتشمبرت ورا ناحية الشمال
روحنا التوكيل حاجه فل
اتكلفت 8 الاف جنيه
سبحان الله والحمد لله

**cpt_shawky** · 12-03-2008 03:10 PM

المشاركة الأصلية كتبت بواسطة goodwave

والله لسة مجربتهمش 100%!
بمعنى
1- إني عملت إخطار حادث وهما راحوا عاينوا العربية في نفس اليوم ودة شئ كويس.
2- المهندس في التوكيل حط مقايسة وكان متوقع إن الخبير ما يوفقش على بند واحد فقط وفعلا الخبير ما وافقش على البند دة (تغيير الإكصدام بالكامل مع إنة سليم ولكن الكليبس إتكسر)
3- لما أجي أستلم حشوف الشغل مظبوط ولا لأ وهنا حيجي دورهم إذا وقفوا حنبي ضد التوكيل ولا لأ لو الشغل طلع وحش
4- انا أختترت التوكيل وحدفع وبعدين اخد منهم إللي دفعته ناقص 5% من قيمة قطع الغيار فقط وليس المصنعية. لسة حشوف الفلوس حتترد بسرعة ولا حيدوخوني عليها.
5- بصراحة أستاذ ممدوح غللي هو زميلنا في المنتدى وهو إللي عملى الوثيقة كان معايا من القاهرة خطوة بخطوة وهو وعدني إنه حيحاول يسرع الأمور وانا مستبشر فية خير.
6- هما عرضوا عليا اصلح في اكتر من مركز تبعهم ومش حدفع مليم ولكن انا إخترت التوكيل.

رقم الاستاذ ممدوح 0105297567 ولا أعتقد إنة حيمانع إني إديتك رقمة.

شكراً على الرد العاجل والمعلومات القيمة :)

**goodwave** · 12-03-2008 03:35 PM

e_farid

جزاك الله خير وشكرا على التذكرة بالصدقة وهي فعلا مهمة جدا جدا.... نصيحتي إن إللي بيفكر يشتري عربية جديدة يتصدق قبل وليس بعد الشراء.

mada121977

يا أخي كلامك كلة ذوق ودعواتك ليا بالتثبيت إن شاء الله .... الحديد سهل المهم البني ادم إللي بيشقى علشان يجيب الحديدة دي!

dr.amr

ربنا يعوض عليك والمهم اخوك ووالدك بخير.... والحمد لله إنها جت على قد كدة.

cpt_shawky

الشكر لله.... بس فكر كويس وإسأل وتريث وبعدين توكل على الله.

**douha_wise** · 12-03-2008 04:07 PM

المشاركة الأصلية كتبت بواسطة goodwave

2- الدرس الحقيقي والعبرة جاتللي باليل إمبارح لما صديق ليا بيتصل وبيقولي "إية بقالك مدة مش بتسأل" قلتلة معلش مشاغل وهموم .... قالي خير؟.... قلتله غلى الحادثة وشرحتلة مدى حزني.... قالي قدر الله وما شاء فعل وفي صوتة نبرة حزن! سألتة مالك؟؟؟؟؟ قلي أخويا الصغير 20 سنة توفاه الله في حادث سيارة من 40 يوم وانا بتصل بيك علشان أوصيك بالصلاة والذكاه وأعمل لأخرتك ولا تغرك الدنيا!

نزل عليا الخبر كالصاعقة...... لية!

- اخوة صغير .... بس الموت مش بيفرق بين صغير وكبير!
- صاحبي ما كنش بيصلي وواخد الحياة بفكر علماني وعقلاني بحت بعيد عن الدين
- أنا بقالي فترة مقصر في حق ربنا ووخداني الدنيا (الدنيئة) ونسيت الأخرة
- أنا كنت زعلان ومتحسر على قعة حديد ونسيت إن فية مصائب أكبر من الحديد
- من ساعة ما جبت العربية وأنا شايلها في عيوني كأنها بنتي وأصبحت انا خادم السيارة وليست هي خادمتي! ونسيت أنها قطعة حديد والمهم هو الإنسان.
- نسيت أن المهم هو ما عمل الإنسن لأخرتة وليس ما جمع في الدنيا.

صدقوني إرتحت دلوقتي ومش زعلان على العربية لأنها متاع زائل وقد سخرها الله لي وليس العكس فما دام الإنسان وأهلة بخير.... فيهون كل شئ أخر!

في النهاية أوصيكم ونفسي بعمل الخير قبل ما نلاقي أنفسنا أمام الله ويسألنا ولا ندري ماذا نقول.......

أخى الحبيب اسأل الله أن يعوضك خيرا عما حدث لسيارتك و احتسب ما حدث لك لله
الأهم إن ما حدث كان رسالة لك لما كنت فية من لهو و بعد عن الله و كلنا حدث معنا و يحدث معنا هذا دائما و لكن من منا يستفيد من تلك الرسائل و يعود الى الله و من لا يعبأ و لا يهتم
هل تعلم يا اخى أن لدى يقين و عن تجارب كثيرة أن من يحبة الله يرسل لة رسائل ليعيدة الية و بالفعل يستجيب العبد و يعود و يتوب و هنا تكون امتع لحظات العمر لآنك تشعر بمعية الله و بلذة الطاعة بعد المعصية
اخى كن على يقين من حب الله لك لأنك عدت لة و الأهم و تذكر هذا الأهم و هو الثبات على الطاعة و تذكر الموت فى كل لحظة و إنك إن هممت بفعل معصية أو ترك صلاة فقل لنفسك و ما يدرينى أنى سأعيش حتى تأتى الصلاة التى تليها فيجب أن أقضى صلاتى فلعل الموت يدركنى و تكون هذة الصلاة علي أو يدركنى و أنا على معصية فاثبت أخى على طاعتك و تلذذ بحب الله و قربة و لا تتنازل عن هذا ابدا
اخيرا أسأل الله لى و لك و للمسلمين جميعا حسن الخاتمة

**douha_wise** · 12-03-2008 08:06 PM

المشاركة الأصلية كتبت بواسطة goodwave

اخي ابو مهاب وبيسان .... بارك الله لك فيهما واشكرك على النصائح الغالية
اسأل الله لي ولك ولكل المسلمين العودة إلى الله والثبات على الطاعة.
جزاك الله خير

اللهم امين و جزانا و اياك كل خير اخى
على فكرة انا بنزل اسكندرية كل عام فى النصف الثانى من شهر مايو و يشرفنى لو أراد الله ان انزلها هذا العام أن اتعرف بك أنت و كل اعضاء المنتدى الأسكندرانية أصل انا بحب اسكندرية جدااااااااااا و بالمرة وقتها ابقى اخد منكم خبرة فى الأماكن التى من الممكن زيارتها فى اسكندرية غير التى نزورها كل مرة

-

الموضوع: الياريس إتخبطت.... قدر الله وماشاء فعل!

LinkBack

أدوات الموضوع

عرض

-

-

-

-

المواضيع المتشابهه

قدر الله وماشاء فعل ..

قدر الله وماشاء فعل

قدر الله وماشاء فعل :العربية إتخبطت من تحت

قدر الله وماشاء فعل

قدر الله وماشاء فعل

الكلمات الدلالية لهذا الموضوع

المفضلات

المفضلات

ضوابط المشاركة