افيدوني بفكر انزل من 6 اكتوبر واعيش في فيصل

**LORD.ADeL** · 15-09-2010 02:44 PM

المشاركة الأصلية كتبت بواسطة أشرف العدوي

الله يكرمك
هو متهيألي الطريقين دول افضل طريقين
جرب انت بس نزلة الكوبري الجديد بتاع الجامعة و ان شاء الله تبقى كويسة

ربنا يسهل باذن الله ياغالي وهقولك باذن الله ايه نظام

**LORD.ADeL** · 15-09-2010 02:47 PM

المشاركة الأصلية كتبت بواسطة ZALABANY

أنا كمان من الطوابق يا باشا قريب جدا من الشيشيني وازاي ما بتستخدمش محور صفط لحد دلوقتي انا كنت بروح التحرير في ساعه او ساعه وتص من بعد 9 دلوقتي بوصل في نص ساعه بالظبط سواء رايح او جاي محور صفط ده اختراع

باشااااااا يعنى جيران ياهلا وسهلا
شوف بقا اخوك عند نادي بتاع كعبيش كدة فل قولي بقا ايه نظامه دة وامشيله منين وايه اللى الاماكن اللى ممكن اروحه من خلال

**ZALABANY** · 15-09-2010 03:10 PM

هاتطلع الدائري عادي خالص من المريوطية وهاتفض ماشي لحد نزلة صفط هاتلاقي مطلع الكوبري على يمينك تاخده على طول لا يمين ولا شمال هاتلاقي نفسك جنب باب تجارة بعد كده باه شوف انت عاوز تروح فين
وانت راجع نفس القصة يا اما تطلعه من عند باب تجارة بس خاي بالك خليك في اليمين عشان الشمال هاينزلك صفط او تطلعه من شارع السودان جنب ابناء مقار هايسلمك للدائري ومنه للمريوطيه وكمان شارع كعبيش كله اتسفلت لحد الدائري لما تنزل نزلة الميوطيه خد يمين في يمين كعبيش هاتبقى في بيتكم في 10 دقايق

**م.احمد زكريا** · 15-09-2010 03:32 PM

توكل على الله وابدأ البحث عن شقة في القاهرة الجديدة

الهاتوفرة بنزين وحضانات ودكاترة لما تسكن في فيصل هاتخسر فيه وقتك وصحتك واعصابك في فيصل

كل ما يكون البيت اقرب للشغل تروح اسرع توصل مرتاح تقعد مع اهل بيتك اطول فترة وانت مبسوط
مش قرفان من الطريق والمشوار والزحمة ووووو.

توكل على الله وقرب من شغلك

**أشرف العدوي** · 15-09-2010 03:53 PM

المشاركة الأصلية كتبت بواسطة lord.adel

ياسلام ع شرح فل يا صحبي نورت هيئه المحكمة والله دة حلو مش هيخلينى انزل جيزة من هرم ولا فيصل
ونزل منه امشي شويا واطلع عند مصل واللقاح ومطلع كوبر اكتوبر فل خلاص باذن الله اجربه وانا مروح نهاردة وربنا يسترها ((:

بس خلي بالك و انت مروح انت اكيد هتطلعه من شارع ثروت
تمسك اقصى اليمين علشان الحتة دي تصممها غبي
هتلاقي ملف في اخر مطلع الكوبري
الملف ده مقسوم على حارتين
حارة تطلعك الدائري و الحارة الي على الشمال تنزلك المنطقة الي عند قسم بولاق
فلازم تمسك اقصى اليمين و تهدي في الملف لحد ما تحظها
و أن شاء الله توصل بالسلامة

**أشرف العدوي** · 15-09-2010 06:56 PM

المشاركة الأصلية كتبت بواسطة lord.adel

عمي تسلم والله ع التوضيح بس باذن الله هطلعه من شارع السودان والله مستعان
بس بردو افدنى نقطه توضيح دي تحياتى ياكبير

طيب ابقى خلي بالك علشان الملف حاد و ضيق هدي فيه على قد ما تقدر لانك هتشوف مكان تجريح في السور بتاع الكوبري ( عربيات لبست الملف على سرعة كبيرة )
خد الملف اول مرة على سرعة 20 كم او 30 بالكتير و ربنا يستر طريقك

**ZALABANY** · 16-09-2010 12:38 AM

سكان العشرين دول لهم الله والله فعلا ربنا يعينكم على الشارع ده رهيييب وما لوش حل
عامة اذا قدرت تطلع من شارع العريش في اتجاه صفت هاتلاقى مطلع لمحور صفط ينزلك عند الجامعه او شارع السودان في اتجاه كوبري فيصل
ولو نزلت عند الجامعه ممكن تنزل وتاخد يوتيرن وترجع تاني تبقى على الدائري برده احسن من انك تطلعه من المريوطيه او تخش وسط البلد

-

-

الموضوع: افيدوني بفكر انزل من 6 اكتوبر واعيش في فيصل

LinkBack

أدوات الموضوع

عرض

-

-

-

-

-

المواضيع المتشابهه

عايز انزل شويه افلام اجنبي ... انزل افلام ايه ؟

ازاى اروح 6 اكتوبر من فيصل

بفكر اعمل الصيانه للواجا في اوتو ماجد افيدوني

بفكر ابيع الغالية افيدوني ابادلها بايه

إقتراح لتعديل مروري بميدان الرماية (اكتوبر، الفيوم، الصحراوي، فيصل، الهرم)

الكلمات الدلالية لهذا الموضوع

المفضلات

المفضلات

ضوابط المشاركة