ممكن تستغنى عن القايمه والمؤخر.دعوه للنقاش

**Donzi** · 06-10-2010 12:02 AM

المهر ( مقدم + مؤخر ) دا حاجة شرعية و يجب العمل بها لانها حق شرعي من حقوق الزوجة و لكن مع عدم المغالاة

القايمة عرف و تقاليد اجتماعية سائدة في المجتمع من قديم الازل و دة مش معناه انها لازم تطبق و لكن برضو تطبيقها لا يعيب اللي بيطبقوها لانها نوع من انواع الحفاظ على حقوق الزوجة

**remomemo** · 06-10-2010 01:59 AM

انا راى الشخصى ان فى الجواز بالذات نمشى بالشرع المؤخر حق من حقى اخده ومن حقى اسامح فيه واتنازل عنه
اما القايمة دى اسفة عيب انها تتطلب اصلا

**MaZaGAngeE** · 06-10-2010 03:05 AM

المؤخر و القايمة عرف و عادة و من حقوق الزوجة
بس برضه لازم اهل الزوجة مايطالبوش العريس حاجات اكتر من طاقته او يرهقوه بحاجات ممكن الاستغناء عنها

**Ahmed_Emad** · 06-10-2010 03:33 AM

طالما عرف وعادة فقط فبصراحة أنا مش هعملها..بجد حاجة مهينة جداً كأنك رايح تشتري حاجة بالتقسيط وبتمضي على نفسك كمبيالة!

وبعدين إذا كانت لضمان حقوق الزوجة فإيه بالظبط في معاهدات الجواز دي يضمنلي حقي أنا؟

أنا بسأل بجد والله، إيه اللي يضمن للراجل إنها هتطلع طيبة وبنت حلال ومش هتغلبه وتقرفه في عيشته؟

بجد الواحد كان زمان ليه آراء تقدمية عن الجنس اللطيف ووضعه في المجتمع، بس كل لما الواحد يكبر يكتشف إن الراجل مضغوط برضه وطلعان عينه زيهم ويمكن أكتر!

**remomemo** · 06-10-2010 03:44 AM

المشاركة الأصلية كتبت بواسطة ahmed_emad

طالما عرف وعادة فقط فبصراحة أنا مش هعملها..بجد حاجة مهينة جداً كأنك رايح تشتري حاجة بالتقسيط وبتمضي على نفسك كمبيالة!

وبعدين إذا كانت لضمان حقوق الزوجة فإيه بالظبط في معاهدات الجواز دي يضمنلي حقي أنا؟

أنا بسأل بجد والله، إيه اللي يضمن للراجل إنها هتطلع طيبة وبنت حلال ومش هتغلبه وتقرفه في عيشته؟

بجد الواحد كان زمان ليه آراء تقدمية عن الجنس اللطيف ووضعه في المجتمع، بس كل لما الواحد يكبر يكتشف إن الراجل مضغوط برضه وطلعان عينه زيهم ويمكن أكتر!

على فكرة المضحك فى موضوع القايمة ان حجة البعض انه ضمان للبنت عن العفش اللى اشترته بفلوسها طيب ما تجبهوش مش هو شرعا على العريس يبقى يا تشتريه و الفاتورة باسمها يا متشتريهوش وهو اللى يجيبه

**mr_vampire** · 06-10-2010 03:58 AM

المشاركة الأصلية كتبت بواسطة نور القمر

مفيش حاجة تضمن للست حقوقها لو الرجل مش اصيل وابن اصول
لا قايمة ولا مؤخر ولا شقة تمليك ولا شيكات على بياض ولا حتى رصيد في البنك
ياما رجالة قالوها بالفم المليان انا هخليكي تقولي حقي برقبتي
ويقرفها في عيشتها وتتنازل عن كل حاجة عشان تخلص منه وممكن كمان تديله فلوس من جيبها
اما اولاد الحلال بيتقوا ربنا ولو حس ان العشرة مستحيلة بيسرحها باحسان

الله ينور عليكي نفس اللي قولته في اول مشاركاتي انه يبقي راجل محترم وده كفاية.

**a_samy** · 06-10-2010 07:44 AM

[QUOTE=remomemo;3873100817]انا راى الشخصى ان فى الجواز بالذات نمشى بالشرع المؤخر حق من حقى اخده ومن حقى اسامح فيه واتنازل عنه
اما القايمة دى اسفة عيب انها تتطلب اصلا[/QUOTE

طب ما هو فيه بنات أهو مش موافقه على القايمه!!!!!!
ياترى هيا متنازله عن حقها ولا مش عارفه حقوقها أصلا.