الموضوع: ممكن تستغنى عن القايمه والمؤخر.دعوه للنقاش

المشاركة الأصلية كتبت بواسطة remomemo

انا راى الشخصى ان فى الجواز بالذات نمشى بالشرع المؤخر حق من حقى اخده ومن حقى اسامح فيه واتنازل عنه
اما القايمة دى اسفة عيب انها تتطلب اصلا

+111111111111111

انا مليش مزاج ارد النهاردة لأن اصلا مكتئبة ومش عايزة دمى يتحرق

بس انا هحكى حكايات ناس اعرفهم ناس اصحابى وشفت بنفسى

1=واحدة مخطوبة لواحد هنعرف بعدين ان الواحد ده كان بيحب واحدة تانية ومش معاه فلوس يجيب العفش كله وهى مش معاها فلوس تجيب حاجة
الواحدة المخطوبة له دى انا اعرفها وثقت فيه وسألوا عليه ومشيوا فى الموضوع
خلاص فاضل ايام على الفرح الطبيعى ان الشقة تتفرش البنت ودت عفش هى جايبة طبعا اكتر منه بكتير تساهلوا معاه ويسروا وسجاجيد وحاجة مطبخ وفرش اوضة النوم وعدوا بقى براحتكم
نكتب قايمة؟؟؟
تؤ
ايه الحاجات البلدى دى

لأن البنت حبوبة واتصاحبت فى الفترة دى على الناس اللى المفروض هيبقوا جيران المستقبل

ولأن ربنا شاء يكشفه وهو مصبرش على نفسه
جاب حبيبة القلب بتاعة زمان يفرجها على الشقة
لسه مفهمتوش كل دى كانت خطة وهو هيتجوز حبيبته اصلا بس عايز سذج يضحك عليهم يكملوا له الحاجات اللى ناقصاه

الجيران كلموها وعرفوها الحقيقة وراحت بسرعة فسخت الشقة وبعربية نقل ولمت حاجتها

تؤ
البجاحة لسه مخلصتش
بلغ عنها

لحسن الحظ كانت هى راحت حكت للضابط على كل حاجة ونصحها متعملش محضر ولا كأن حاجة حصلت

لما هو راح ملقاش حد يشهد معاه ضدها وربنا نجاها منه
======================================

2=ان هو ممكن يكون كويس

ممكن جدا
بس هى الأيام مش كفيلة بتغيير النفس البشرية
ياااااااااااه ده الأهل بيتغيروا على بعض حتى الأخوات مفيش ازمة منتصف العمر
مفيش واحدة قطقوطة هتلف عليه وتاخده على الجاهز!ماعلينا
القصة التانية

اتجوزوا وخلفوا بنت وكانت كاتبة قايمة ومؤخر مع ان هى زى ما بتقولوا رأيها العفش والفلوس هتنفع بأيه بعد الطلاق

هو اتغير علاقات نسائية ياما ومعاملته ليها بقت لا توصف وفى الآخر طلقها واتجوز السكرتيرة (عشان برضه اللى كانوا بيعلقوا الستات مخها معرفش ايه بتزعل لما جوزها بيشغل ستات يلا ما علينا)


هى ابوها متوفى وامها ست عجوزة ولا تعمل

مرتبها ميكفيش تشترى عفش جديد عشان تعيش وتصرف على بنتها اللى كان رافض يصرف عليها فى البداية ومحاكم وقضايا
هى قالت بنفسها :
صحيح الخسارة النفسية بعد الطلاق لاتوصف بس من غير الفلوس والعفش ده وعايشة فى الشقة الأيجار طبعا لأنها حاضنة كانت هتعمل ايه تشحت ؟

محدش يقلق عليه عشان خدت الشقة هو بره ومعاه فلوس كتير وعنده شقة تانية!!!!!!!!!!وبعد 15 سنة اعتقد القانون هيرميها فى الشارع

انا مقلتش انها حماية

هى لم تحمى من الطلاق لكن لو واحدة معاها طفل ولا قدر الله اتطلقت يبقى كفاية قوى اللى حصل لها كمان ميبقاش معاها فلوس تصرف عليه ولا عفش تقعد عليه مع ان ده مش هيعوضها

ولو متطلقوش ولا حاجة يبقى القايمة تعباه فى ايه؟


وانا مببصش على النماذج الوحشة هى اللى محاصرانى لأن للأسف ده بقى الغالب ومن حق الأهل يخافوا واللى مش ناوى على حاجة وحشة بيقلق من ايه وحولى نماذج مشرقة برضه بس معرفش اى حد مكتبش قايمة ومؤخر
فى ناس بتكتب مؤخر بسيط عشان متدفعش كتير للمأذون وبتكتب لها شيك فى المقابل ومين يعنى تعرفيه مراته طلبت منه المؤخر وهو عايش مش عارفة ايه اللى يخوف فى كده
انتى اللى مطلوب منك متقلقيش ومتطلبيش حاجة اتساهلى ويسرى فى الشبكة والمهر ربع جنيه اصل مش معاه فلوس ومش ضرورى بقى مؤخر المهر لأنك كده بتخوفيه وكمان القايمة دى حاجة بلدى
امال هو عمل لك ايه
الشقة الأيجار طبيعى يوفر السكن امال هتعيشوا فى الشارع!!!!!!

الرأي الغالب في موضوع المهر أنه حق للزوجة بعد الدخلة مباشرة و هو دين في رقبة الزوج يسدد كأي دين طالما توفرت الأموال و ينقسم إلي مؤخر و مقدم (كلاهما من المهر) و كلاهما يستحق سداده بعد الدخلة و ليس بعد الوفاة أو الطلاق
و لكنه إن لم يسدد فيستحق بعد الطلاق أو الوفاة أثناء إجراءات تخالص الذمة المالية الرسمية (ميراث عند الوفاه و دين عند الطلاق)

أما القائمة فهي عرف ، هي قانونا كوصل أمانه أو شيك وتستخدم لذلك في المحاكم

في الواقع لو كان الرجل من النوع الردئ فلن يضره القائمة أو أي شيئ فقانون بلدنا و أسلوب تطبيقه يحمي البلطجي
و كذلك لو كانت الزوجة من النوع الردئ فستكون هذه الأوراق مشنقة للإتتقام من الزوج

كقصص حقيقية لأمثلة طبيعية
صديق عند كتب الكتاب انطلق لسان والد الزوجة برقم كبير و نظرا لأن الصديق كان محبا للفتاه و لأن الموقف كان أمام الناس . . . وافق
و بعد الزواج توافق الزوجان و الحمد لله و لكن كان والد الزوجة دائما محل ضيق صريح من الزوج أمام الجميع

صديق آخر حدثت مشكلة بالإصرار علي القائمة أثناء الفرح و لحرج الموقف وافق الزوج و عندالسبوع طرد الزوج والد الزوجة من بيته و احتاج الموقف الكثير من التدخل لرأب الصدع

القائمة فيها توقع سؤ نية صريح و هو ما يوغر صدر الزوج كثيرا و بعد الزواج يري الكثير من الأزواج أن القائمة كانت صفعه يجب ردها

فأي بداية لحياة زوجية ...!!!!

بشكل شخصي لم أوافق صراحة علي القائمة و كان المهر الذي استخدمه الأهل بطبيعة الحال في التجهيز فكان من المهر وعد بعمره حت أطمئن أن مهر زوجتي وصلها و قد كان

أما موضوع أن الزوجة ليس لها أن تؤثث المنزل فهذا حق
و لكن ...

يريد الأهل أن تبدأ الحياة الزوجية الوليدة في حال جيدة فيقوموا بعادة تجهيز المنزل لكي تكون البداية جيدة
حتي الزوج الذي يريد تأثيث بيته ، يرفض أهل الزوجة ذلك لأنهم يريدون رقم كبير للمهر يتم التباهي به و كذلك الشبكة

تظل الزوجة مظلومة من أهلها في أنها لم تتمكن من مهرها و في معظم الأحوال لا يؤخذ برأي الزوجة في إتفاقية المعتادة و أحيانا تكون الفتاه غير راضية عن أنها لم تتمكن من مهرها و هذه مشكلة يتحملها وليها