الموضوع: ممكن تستغنى عن القايمه والمؤخر.دعوه للنقاش

ماهو الغرض الاساسي من الاستغناء عنهم؟؟

الاستغناء عن القايمة والمؤخر لن يؤثر كثيرا في عملية الزواج او تيسيره.. حيث ان الدارج ان القايمة والمؤخر من الامور المتعلقة بالطلاق وليست داخلة في صلب الزواج!

ولكن يجب الاخذ في الاعتبار عند تحديد المؤخر انه جزء من المهر او الصداق مستحق للدفع وانه دين على الزوج يسدده حين استطاعته.. ولكنه يكون واجب السداد بحلول احد الاجلين الوفاة او الطلاق..

سبب السؤال أن فى أهل بيغالوا فى المؤخر وبيكتبوا القايمه بأرقام فلكيه ده غير أن فى ناس تكتب كل كبيره وصغيره فى القايمه...إذا كان المؤخر هو باقى المهر بتاع العروسه ولازم يدفع لأنه دين على العريس،فأعتقد أن القايمه حاجه تانيه خالص.
المفروض أن القايمه (لو أتعملت)يتكنب فيها الحاجت اللى العروسه أشترتها عشان تضمن حقها(تقولش داخله حرب ولا حتتجوز نصاب)...ماشى...طب ليه يتكيب فيها بقى الحاجات اللى العريس كمان بيشتريها؟
أنا لما سألت أصحابى وزمايلى فى الشعل لقيت أن فى ناس بتكتب قايمه فعلابالعفش بس (مش طقم شوك وكوبيات ومفارش وكلام من ده).
وفى ناس تانيه مش كاتبه ولا قايمه ولا مؤخر حتى،طب يعنى الأهل اللى مش كاتبين قايمه ومؤخر دول مش عاوزين يحافظوا على حق بنتهم ولا ايه؟
عاوز أعرف أرائكم فى الموضوع ده.

المشاركة الأصلية كتبت بواسطة a_samy

[size=4][color=darkolivegreen]المفروض أن القايمه (لو أتعملت)يتكنب فيها الحاجت اللى العروسه أشترتها عشان تضمن حقها(تقولش داخله حرب ولا حتتجوز نصاب)...ماشى...طب ليه يتكيب فيها بقى الحاجات اللى العريس كمان بيشتريها؟

المفروض ان الزوجة لها الحق في الحصول على المهر ويكون حق خالص لها ولا تكلف بالانفاق منه على تأثيث البيت .. يعني تجيب بيه اللي هي عايزاه
وتأثيث بيت الزوجية واجب على الزوج وهو وحده المكلف به وليس على الزوجة اي التزام بتجهيز شيء في البيت..
ونظرا لان في معظم حالات الزواج مش بيندفع مهر انما بيقوم الزوج بتأثيث المسكن بالتالي الاثاث دا بيكون ملك للزوجة ..
علشان كدا بيتكتب في القايمة بالاضافة للاثاث اللي هي جايباه وهي مش مكلفة بيه اصلا..

المشاركة الأصلية كتبت بواسطة mr_vampire

ياااااااااااااااااااااااا اه لو عملتوها بجد هتبقو بنات مصر الاصليين اللي شربو من نيلها. وافتكرو كويس انك لو عملتيها النهاردة هتتردلك في جوازة اخوكي بكرة. فتساهلو عشان ربنا يسهلكو حالكو والنسبة كبرت اوووووووووووووووووووي والانتاج بقي كتيررررررررررر فخلو بالكو البقاء بقي للاقوي. فبدل مانقول نعدد زوجات عشان نقضي عالعنوسة نتساهل فالطلبات وهنبقي احنا الكسبانين بدل ماندي بنتنا لواحد اكبر منها بكاااااااااام سنة نديها لشاب من سنها وكفاية انها هتبقي الوحيدة في حياته.

أوافقك الرأى وبشده.

المشاركة الأصلية كتبت بواسطة timtim

المفروض ان الزوجة لها الحق في الحصول على المهر ويكون حق خالص لها ولا تكلف بالانفاق منه على تأثيث البيت .. يعني تجيب بيه اللي هي عايزاه
وتأثيث بيت الزوجية واجب على الزوج وهو وحده المكلف به وليس على الزوجة اي التزام بتجهيز شيء في البيت..
ونظرا لان في معظم حالات الزواج مش بيندفع مهر انما بيقوم الزوج بتأثيث المسكن بالتالي الاثاث دا بيكون ملك للزوجة ..
علشان كدا بيتكتب في القايمة بالاضافة للاثاث اللي هي جايباه وهي مش مكلفة بيه اصلا..

كلامك مظبوط بس....هوالأصل فى الجواز تكوين أسره مسلمه متاحبه وتربية ذريه صالح ولا إنى أفكر كبنت أنا أقدر آخد ايه منه؟
مع إنى مش عاوز أظلم البنت على طول الخط لأن ساعات الأهل هما اللى بيصروا على الحاجات دى بحجة أنهم بيحظوا حق بنتهم.
يا جماعه الزواج مشروع إجتماعى غرضه الحفاظ على النسل وليس مشروع تجارى غرضه الخروج منه بأكبر المكاسب.