كل مايخص مواتير الهوندا بمميزاتها واسعارها

**SAMEH_FOUAD** · 08-08-2011 12:50 AM

المشاركة الأصلية كتبت بواسطة azofomatshofo

ربنا يخليك يا سمسم أنا مش عارف اقولك ايه .....تعبك معايا ....بس إن شاء الله أنا بعد العيد هجيب عربية وأنَزّل فيها وحش من الوحوش اللي إنت عارفها ...بس أنا كنت عايز أعمل عربية على ايدي من a to z تنصحني بـ ex ولا si مع العلم إني حبنيها من أول وجديد يعني حعدل كل حاجة فيها من الاكصدام للاكصدام ...ياريت تفيدني ربنا يخليك ...مع العلم إني كنت ناوي أجيب موتوسيكل ريس ...لأني بقالي 12 سنة بركب مكن ...بس إنت عارف الجواز والعيال عقبالك وسني 36 سنة ماينفعش فقررت إن أجيب civic واحوت جوه كبوتها موتوسيكل ويبقى معايا ركوبه وسرعة وفي نفس الوقت نفسي احافظ على العربيه اللي حتبقى معايا إن شاء الله ..أعمل ايه علشان الموتور يعيش معايه فترة حلوة...مع العلم إني شكلي بأمر الله هجيب sir ...مكنه ليها سمعتها ورونقها ..مع إن في ناس كتير بتقول إن المكنه دي بتتعب بسرعة علشان el-v-tech ...وانا مش مصدق الكلام ده بصراحة ....ف معلش حتعبك معايا في بعد النصايح ... وليك الاجر والثواب عند الله ....طولت عليك ...اخوك في الله ...محمد علام

احسن حاجة للمحافظة على اى ماتور مش بس ال SiR

1- تغير الزيت المناسب للمحرك + يكون نوع كويس مش اقل من نصف تخليقى ودة طبعا لل SiR لانة محرك عدد لفاتة سريعة ومحتاج خفة فى الحركة

2- تغير الفلتر كل مرة تغير فيها الزيت

3- الاهتمام بكفاءة البوجيهات

4- عدم القرص بدون داعى والوصول الى الريد زون

اعمل دول وان شاء الله المحرك يبقى تمام معاك

**miro14** · 04-09-2011 06:26 AM

السلام عليكم انا عندى هوندا سيفك موديل 82 وعايز اغير الشم كلها الاربعة ممكن اعرف اروخ فين والسعر كمان miro_miro720 @yahoo.com

**miro14** · 04-09-2011 06:27 AM

انا عندى هوندا موديل 82 عايز اغير الدشم كلها miro_miro720 @yahoo.com

**Mhmdz** · 05-09-2011 06:34 PM

انامعايا مكنةb16w5 عايز اعرف هيا كام hpواية نظامها؟؟

**youssefazmi** · 13-09-2011 01:49 PM

يا جماعة انا عايز اتاكد هل d15z4 هوة اللى بينزل فى مصر مع سيفيك 99 1500اتوماتيك (بور وتكيف بس) ؟ وازا كان كدة لية محدش كتب مواصفاتة ؟؟ اعتقد انة شعبى ومع ناس كتير قوى هنا ؟؟ انا سمعت انة هاف انجيكشن بس مش عارف كام هورس بور ولا توب سبيد ولا اى حاجة عنة ؟؟؟ مع جزيل الشكر للعباقرة :)

**Mhmdz** · 14-09-2011 03:38 PM

سعر موتور هوندا بريليود 1989 يعمل كام هوا اتنين كاربراتير عشان فى واحد عايز يشترية ومش عارف ااولو كام حد يسعدنى في سعرة؟؟؟هو2000 cc

**shriefcolt** · 13-10-2011 03:44 AM

انا معروض عليا مكنهb16a4ب12000 هل هي كويسه من حيث قطع الغيار وايه المفروض يبقي جاي معاها معلش هاتعبك معايا

**SAMEH_FOUAD** · 13-10-2011 03:29 PM

المشاركة الأصلية كتبت بواسطة miro14

انا عندى هوندا موديل 82 عايز اغير الدشم كلها miro_miro720 @yahoo.com

انت عايز تغير الدشم لية هل فيها عيب ؟؟؟؟؟؟

المشاركة الأصلية كتبت بواسطة mhmdz

انامعايا مكنةb16w5 عايز اعرف هيا كام hpواية نظامها؟؟

المكنة دية المفروض انها 4*4 وبتنزل فى ال hrv وقوتها 122 حصان ودية محرك 1600 بالنسبة لحاجاتها قليلة شوية وغالية وفتيسها غالى جدا بيوصل ل10000 الاف جنية استيراد

المشاركة الأصلية كتبت بواسطة youssefazmi

يا جماعة انا عايز اتاكد هل d15z4 هوة اللى بينزل فى مصر مع سيفيك 99 1500اتوماتيك (بور وتكيف بس) ؟ وازا كان كدة لية محدش كتب مواصفاتة ؟؟ اعتقد انة شعبى ومع ناس كتير قوى هنا ؟؟ انا سمعت انة هاف انجيكشن بس مش عارف كام هورس بور ولا توب سبيد ولا اى حاجة عنة ؟؟؟ مع جزيل الشكر للعباقرة :)

المحرك دة بينزل فى جنوب افريقيا وشرق اسيا وبينزل مصر عادى وهو موجود فعلا فى اغلب السيارات

وفعلا المحرك دة هاف انجيكشن وقوتة بتختلف من بلد لبلد يعنى فى شرق اسيا بيخرج 90 حصان وفى دول جنوب افريقيا بيخرج 105 حصان وقوة العزم بالنسبة للمحرك ال90 حصان بتبقى 13.4 كجم - و14 كجم للمحرك بقوة 105 حصان , التوب سبيد بتاعتة 185 بالنسبة للمحرك ال90 حصان , و 205 حصان للمحرك بقوة 105 حصان

واقصى عدد لفات للمحرك دة 7.200 لفة , وهو محرك كامة واحدة غير مزود ب vtec

والكود الاصلى بتاعة p2e

المشاركة الأصلية كتبت بواسطة mhmdz

سعر موتور هوندا بريليود 1989 يعمل كام هوا اتنين كاربراتير عشان فى واحد عايز يشترية ومش عارف ااولو كام حد يسعدنى في سعرة؟؟؟هو2000 cc

قول كود المحرك عشان كل محرك بسعر

بس نصيحتى ليك هات ال b20a محرك بقوة تتراوح من 143 الى 160 حصان بجد وحش بجد وبيعمل 8000 الاف جنية

المشاركة الأصلية كتبت بواسطة shriefcolt

انا معروض عليا مكنهb16a4ب12000 هل هي كويسه من حيث قطع الغيار وايه المفروض يبقي جاي معاها معلش هاتعبك معايا

المكنة حاجاتها موجودة وبوفرة وهية هية b16a فى المكونات بس بتفرق ان المكنة ال b16a4 بتبقى 174 ومخصصة للسوق الامريكى فقط

وسعرها 10000 الاف جنية شاملة كل المكونات ( ضفيرة + فتيس + كنترول p2t + عفشة امامية + هيدر الاصلى بتاع المكنة )

كدة المكنة غالية 2000 جنية

ملحوظة : المكنة دية اصدارها من 1996-2000